প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অনুষ্ঠিত অৰ্থনৈতিক পৰিক্ৰমাৰ কেবিনেট কমিটিয়ে আজি কেন্দ্ৰীয় চৰকাৰৰ ১০০%পুঁজি ব্যয়েৰে ৰে'ল মন্ত্ৰালয়ৰ প্ৰায় ৩২,৫০০ কোটি টকাৰ আনুমানিক ব্যয়ৰ সাতটা প্ৰকল্পত অনুমোদন জনায়। মাল্টি-ট্ৰেকিঙৰ প্ৰস্তাৱসমূহে ৰে’লৰ চলাচল সহজ কৰিব আৰু ভিৰ হ্ৰাস কৰিব, যাৰ ফলত সমগ্ৰ ভাৰতীয় ৰে'লৱেৰ ব্যস্ততম অংশবোৰত অতি প্ৰয়োজনীয় আন্তঃগাঁথনিগত উন্নয়ন হ’ব।
উত্তৰ প্ৰদেশ, বিহাৰ, তেলেংগানা, অন্ধ্ৰ প্ৰদেশ, মহাৰাষ্ট্ৰ, গুজৰাট, ওড়িশা, ঝাৰখণ্ড আৰু পশ্চিমবংগককে ধৰি ৯খন ৰাজ্যৰ ৩৫ খন জিলা সামৰি লোৱা প্ৰকল্পসমূহে ভাৰতীয় ৰে'লৰ পূৰ্বৰ নেটৱৰ্ক ২,৩৩৯ কিলোমিটাৰ বৃদ্ধি কৰিব। তদুপৰি, ৰাজ্যসমূহৰ বহু লোকক ৭.০৬ কোটি মানৱ-দিনৰ নিযুক্তি প্ৰদান কৰিব।
প্ৰকল্পসমূহ হৈছেঃ-
|
ক্ৰ.নং |
প্ৰকল্পৰ নাম |
প্ৰকল্পৰ ধৰণ |
|
১ |
গোৰখপুৰ-কেণ্টনমেণ্ট-বাল্মীকি নগৰ |
বৰ্তমানৰ ৰে’ল লাইনসমূহক ডাবল লাইনলৈ ৰূপান্তৰ কৰা |
|
২ |
সোণ নগৰ-অণ্ডাল মাল্টি-ট্ৰেকিং প্ৰকল্প |
মাল্টি-ট্ৰেকিং |
|
৩ |
নাৰগুণ্ডি-বাৰাং আৰু খুৰ্দা ৰোড-বিজয়নগৰম |
তিনিটা লাইন |
|
৪ |
মুদখেদ-মেদচল আৰু মেহবুবনগৰ-ধন |
বৰ্তমানৰ ৰে’ল লাইনসমূহক ডাবল লাইনলৈ ৰূপান্তৰ কৰা |
|
৫ |
গুন্টুৰ-বিবিনগৰ |
বৰ্তমানৰ ৰে’ল লাইনসমূহক দ্বৈত লাইনলৈ ৰূপান্তৰ কৰা |
|
৬ |
চপ-চুনাৰ |
বৰ্তমানৰ ৰে’ল লাইনসমূহক দ্বৈত লাইনলৈ ৰূপান্তৰ কৰা |
|
৭ |
চামাখিয়ালী-গান্ধীধাম |
পূ্ৰ্বৰ ৰে’ল লাইনবোৰ চাৰি টা লাইনলৈ ৰূপান্তৰ কৰা হৈছে |
এই পথসমূহেৰে ৰে'লৱেই নিয়মীয়াকৈ খাদ্যশস্য, সাৰ, কয়লা, চিমেণ্ট, ফ্লাইএছ, লো, তীখা, ঝামা, খাৰুৱা তেল, চুনশিল, ভোজ্য তেল আৰু অন্যান্য অত্যাৱশ্যকীয় সামগ্ৰী নিয়মীয়াকৈ পৰিবহন কৰে। ক্ষমতা বৃদ্ধিৰ কামৰ ফলত ২০০ এমটিপিএ প্ৰাবল্যৰ অতিৰিক্ত মালবাহী ৰে’ল যাতায়ত কৰিব৷
এতিয়া ৰে'লৱে পৰিৱেশ-অনুকূল আৰু পৰিবহণৰ শক্তি সক্ষম হৈ পৰিছে, সেয়েহে ই জলবায়ু লক্ষ্যৰ লগতে সামগ্ৰী পৰিবহণৰ ব্যয়ো হ্ৰাস কৰিব৷ এই প্ৰকল্পসমূহ প্ৰধানমন্ত্ৰীৰ 'আত্মনিৰভৰ ভাৰত' গঢ়ি তোলাৰ সংকল্প আৰু দৃষ্টিভংগীৰ সৈতে সংগতি ৰাখি ৰূপায়ণ কৰা হ'ব। আনহাতে, 'প্ৰধানমন্ত্ৰী গতি শক্তি ৰাষ্ট্ৰীয় মাষ্টাৰ প্লেন' কাৰ্যসূচীয়েও এই আঁচনি ৰূপায়ণত উদগনি যোগাব৷
