‘২০২৫-২৬বৰ্ষৰ বিপণন ঋতু’ৰ বাবে ‘ৰবি শস্য’ৰ ‘ন্যূনতম সমৰ্থন মূল্য’ (এমএছপি)লৈ অনুমোদন জনাইছে কেবিনেটে

প্ৰধানমন্ত্ৰী শ্ৰী নৰেন্দ্ৰ মোদীয়ে ২৭ আগষ্টত দিনৰ ১১ বজাত ভিডিঅ’ কনফাৰেন্সিঙৰ জৰিয়তে খেলো ইণ্ডিয়া ডায়লগ সম্বোধন কৰিব। এই কাৰ্যসূচীৰ লক্ষ্য হৈছে যুৱপ্ৰজন্মক ভাৰতৰ ক্ৰীড়া যাত্ৰাৰ সৈতে জড়িত কৰাত সহায় কৰা, তেওঁলোকৰ আকাংক্ষা শ্বেয়াৰ কৰাৰ লগতে এক শক্তিশালী যুৱ-নেতৃত্বাধীন বিকশিতত ভাৰতৰ ধাৰণা আগবঢ়োৱা।

ৰাষ্ট্ৰীয় ক্ৰীড়া দিৱস ২০২৬ উদযাপনৰ অংশ হিচাপে মেৰা যুৱ ভাৰত (মাই ভাৰত) ৰ দ্বাৰা আয়োজিত এই কাৰ্যসূচী সমগ্ৰ দেশতে ৰাজ্য আৰু কেন্দ্ৰীয় শাসিত অঞ্চলৰ প্ৰতিখন জিলাৰ দুখনকৈ মহাবিদ্যালয়ত যুৱক-যুৱতীসকলৰ অংশগ্ৰহণৰে অনুষ্ঠিত কৰা হ’ব। যুৱক-যুৱতীসকলৰ আকাংক্ষাক ৰাষ্ট্ৰীয় উন্নয়ন কাৰ্যসূচীৰ কেন্দ্ৰত ৰাখি এখন সুস্থ, শৃঙ্খলাবদ্ধ আৰু ক্ৰীড়া ৰাষ্ট্ৰ গঢ়ি তোলাৰ প্ৰধানমন্ত্ৰীৰ দৃষ্টিভংগীৰ সৈতে সংগতি ৰাখি এই কাৰ্যসূচী অনুষ্ঠিত কৰা হৈছে।

দেশজোৰা খেলো ইণ্ডিয়া ডায়লগে ক্ৰীড়া, যুৱ নেতৃত্ব, নাগৰিকৰ কৰ্তব্য, স্বেচ্ছাসেৱী,শাৰীৰিক সুস্থতা আৰু ৰাষ্ট্ৰ নিৰ্মাণক এখন উমৈহতীয়া মঞ্চত একত্ৰিত কৰিব। ই যুৱক-যুৱতীসকলক দেশৰ ক্ৰীড়াৰ উচ্চাকাংক্ষাৰ সৈতে জড়িত হ'বলৈ এটা পোনপটীয়া মাধ্যম প্ৰদান কৰাৰ লগতে তেওঁলোকৰ ধাৰণা আৰু দৃষ্টিভংগী ভাৰতৰ যুৱ তথা ক্ৰীড়া পৰিৱেশতন্ত্ৰৰ ওপৰত অব্যাহত কথোপকথনৰ অংশ হোৱাটো নিশ্চিত কৰিব।

ৰাষ্ট্ৰীয় কাৰ্যসূচীৰ পাছত যুৱ অংশগ্ৰহণকাৰী, মাই ভাৰতৰ স্বেচ্ছাসেৱক, স্থানীয় খেলুৱৈ আৰু জনসাধাৰণৰ প্ৰতিনিধিসকলক জড়িত কৰি স্থানীয় মত বিনিময় অনুষ্ঠিত হ’ব। এই পদক্ষেপৰ এটা মুখ্য বৈশিষ্ট্য হ’ব ক্ৰীড়াৰ প্ৰতি আগ্ৰহী যুৱক-যুৱতী আৰু আগশাৰীৰ ভাৰতীয় খেলুৱৈ তথা পদক বিজয়ীসকলৰ মাজত পোনপটীয়া মত বিনিময়। কাৰ্যসূচীৰ এটা কেন্দ্ৰীয় বৈশিষ্ট্য হ’ব যুৱ সংবাদ য’ত যুৱ অংশগ্ৰহণকাৰীসকলক তেওঁলোকৰ নিজৰ ধাৰণা, দৃষ্টিভংগী আৰু আকাংক্ষা ব্যক্ত কৰিবলৈ আমন্ত্ৰণ জনোৱা হ’ব। এই আলোচনা পাঁচটা বিষয়ৰ ওপৰত আধাৰিত হ’বঃ

• উন্নত সুবিধা, প্ৰশিক্ষণ, ক্ৰীড়া বিজ্ঞান আৰু সামগ্ৰিক অংশগ্ৰহণৰ জৰিয়তে ভাৰতৰ ক্ৰীড়া পৰিৱেশতন্ত্ৰ উন্নত কৰা;
• বৈজ্ঞানিক প্ৰতিভা চিনাক্তকৰণ, স্বচ্ছ বাছনি আৰু দীৰ্ঘম্যাদী খেলুৱৈ বিকাশৰ জৰিয়তে ২০৩৬ অলিম্পিকৰ বাবে প্ৰতিভাৰ যতন লোৱা;
• প্ৰশাসনৰ মঞ্চ আৰু মাই ভাৰত-নেতৃত্বাধীন স্বেচ্ছাসেৱকৰ জৰিয়তে যুৱ নেতা সৃষ্টি কৰা;
• নাগৰিক সচেতনতা, ভৱিষ্যতৰ বাবে সাজু দক্ষতা আৰু গঠনমূলক স্বেচ্ছাসেৱিকতা গঢ়ি বিকশিত ভাৰতৰ বাবে যুৱক-যুৱতীসকলক শক্তিশালী কৰা;
• ২০২৬ চনৰ ২ আগষ্টত আৰম্ভ কৰা প্ৰধানমন্ত্ৰীৰ ১০০ সপ্তাহৰ দেশজোৰা প্ৰচাৰৰ অধীনত সাপ্তাহিক জন ভাগীদাৰী কাৰ্যকলাপৰ দ্বাৰা শক্তিশালী কৰা মাদক দ্ৰব্যৰ অপব্যৱহাৰৰ বিৰুদ্ধে যুঁজিবলৈ ক্ৰীড়া আৰু সমনীয়া নেটৱৰ্কৰ ব্যৱহাৰ কৰি এক নিচা মুক্ত যুৱ আন্দোলনৰ প্ৰচাৰ কৰা।