প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অনুষ্ঠিত অৰ্থনৈতিক পৰিক্ৰমা সম্পৰ্কীয় কেবিনেট কমিটীয়ে আজি অন্ধ্ৰপ্ৰদেশৰ নতুন ৰাজধানী চহৰ অমৰাৱতীত সাধাৰণ পুল আৱাসিক স্থান (জিপিআৰএ) নিৰ্মাণত অনুমোদন জনাইছে। এইটো ৰাজধানী চহৰ অমৰাৱতীৰ লগতে অন্ধ্ৰপ্ৰদেশৰ ভিতৰত প্ৰথম জিপিআৰএ প্ৰকল্প হিচাপে চিহ্নিত হৈছে।
প্ৰস্তাৱটোৰ উদ্দেশ্য হৈছে কেন্দ্ৰীয় চৰকাৰৰ কৰ্মচাৰীসকলক পৰ্যাপ্ত আবাসিক স্থান প্ৰদান কৰি বিত্তীয় বোজা হ্ৰাস কৰাৰ জৰিয়তে তেওঁলোকৰ মনোবল বৃদ্ধি কৰা, একতা বৃদ্ধি কৰা আৰু তেওঁলোকৰ সামগ্ৰিক কল্যাণত অৰিহণা যোগোৱা। ইয়াৰ উপৰি কৰ্মচাৰীসকলক তেওঁলোকৰ কৰ্মস্থানৰ ওচৰতে আবাসৰ সুবিধা প্ৰদান কৰি প্ৰকল্পটোৱে চৰকাৰী কাম-কাজ দক্ষতাৰে পৰিচালনা হোৱাত সহায় কৰিব আৰু কৰ্মচাৰীসকল যাতে তেওঁলোকৰ চৰকাৰী কৰ্তব্যসমূহ কাৰ্যকৰীভাৱে পালন কৰিবলৈ সহজে উপলব্ধ থাকে, সেয়া নিশ্চিত কৰিব।
অন্ধ্ৰপ্ৰদেশৰ নতুন ৰাজধানী চহৰ অমৰাৱতীত ১৭ একৰ এলেকা সামৰি সাধাৰণ পুল আবাসিক স্থান (জিপিআৰএ) চৌহদৰ পৰিকল্পনা কৰা হৈছে। এই উন্নয়নত আশ্ৰয়স্থলীকে ধৰি দ্বিতীয় প্ৰকাৰৰ পৰা ষষ্ঠ প্ৰকাৰৰ ভিতৰত মুঠ ১,৫০৪ টা আবাসৰ সৈতে ১১ টা আবাসিক টাৱাৰ আছে। এই প্ৰকল্পটোৱে ১,৯৭২ টা সমতুল্য গাড়ীৰ স্থান (ই চি এছ) থকা বেছমেণ্ট পাৰ্কিং সুবিধা প্ৰদান কৰে। প্ৰকল্পটোৰ মুঠ নিৰ্মিত এলেকা হৈছে ৩১ লাখ ৩০ হাজাৰ বৰ্গফুট (২,৯০,৭৬২ বৰ্গমিটাৰ), যাৰ ভিতৰত আছে ৯.১০ লাখ বৰ্গফুটৰ বেছমেণ্ট এলেকা (৮৪,৩৯৪ বৰ্গমিটাৰ)।
সমগ্ৰ বিশ্বতে পৰিবেশ অনুকূল আৰু বহনক্ষম নিৰ্মাণ পদ্ধতি গ্ৰহণৰ ওপৰত গুৰুত্ব বৃদ্ধি পাইছে। এই উদ্দেশ্যৰ সৈতে সংগতি ৰাখি অন্ধ্ৰপ্ৰদেশৰ নতুন ৰাজধানী চহৰ অমৰাৱতীত প্ৰস্তাৱিত সাধাৰণ পুল আবাসিক স্থান (জিপিআৰএ) চৌহদৰ ধাৰণা কৰা হৈছে যে সকলো ভৱন ভাৰতত প্ৰচলিত সৰ্বশ্ৰেষ্ঠ সেউজ ভৱনৰ উন্নত মানৰ সৈতে কঠোৰভাৱে পৰিকল্পনা আৰু আৰ্হি প্ৰস্তুত কৰা হ’ব। বহনক্ষম স্থান পৰিকল্পনা, শক্তি দক্ষতা বৃদ্ধি, পানী সংৰক্ষণ, স্থানীয়ভাৱে উপলব্ধ সামগ্ৰীৰ ব্যৱহাৰ আৰু আবাসীসকলৰ বাবে উন্নত স্বাস্থ্য আৰু আৰামৰ জৰিয়তে পৰিবেশৰ প্ৰভাৱ হ্ৰাস কৰাৰ ওপৰত গুৰুত্ব দিয়া হ’ব।
শক্তি সংৰক্ষণ আৰু বহনক্ষম বিল্ডিং কোড (ইচিএছবিচি) ২০২৪ৰ শেহতীয়া ব্যৱস্থা আৰু ইকো-নিবাস সংহিতা (ইএনএছ) ২০২৪ৰ প্ৰয়োজনীয়তা অনুসৰি ন্যূনতম গৃহ ৪-ষ্টাৰ ৰেটিং অনুসৰণ কৰিবলৈ চৌহদটোৰ আৰ্হি প্ৰস্তুত, নিৰ্মাণ আৰু পঞ্জীয়ন কৰা হ’ব।
অন্ধ্ৰপ্ৰদেশৰ নতুন ৰাজধানী চহৰ অমৰাৱতীত থকা সাধাৰণ পুল আবাসিক স্থান (জিপিআৰএ) চৌহদ বেংক আৰু এটিএম, ডাকঘৰ, ক্ৰেচ, খোৱা-বোৱাৰ সুবিধা থকা কমিউনিটি হল, ফুড ক’ৰ্ট, শ্বপিং কমপ্লেক্স, সেৱা কেন্দ্ৰ আৰু অতিথিশালাকে ধৰি অত্যাৱশ্যকীয় নাগৰিক আৰু সামূহিক সা-সুবিধাৰে সজ্জিত হ’ব। প্ৰযোজ্য অভিগম্যতাৰ মান অনুসৰণ কৰি দিব্যাংগজনৰ (বিকলাংগ ব্যক্তি) বাবে অভিগম্যতা আৰু সুবিধা নিশ্চিত কৰিবলৈ চৌহদটোৱে এক বাধামুক্ত নিৰ্মিত পৰিবেশ অন্তৰ্ভুক্ত কৰিব।
এই প্ৰকল্পটোৱে দক্ষ, অৰ্ধ-দক্ষ আৰু অদক্ষ শ্ৰমিকসকলৰ বাবে উল্লেখযোগ্য প্ৰত্যক্ষ আৰু পৰোক্ষ নিযুক্তিৰ সুযোগ সৃষ্টি কৰিব বুলি আশা কৰা হৈছে। ইয়াৰ ফলত নিৰ্মাণ পৰ্যায়ত প্ৰতি বছৰে প্ৰায় ৭ লাখ মানৱ-দিনৰ নিযুক্তিৰ সৃষ্টি হ’ব বুলি অনুমান কৰা হৈছে, ইয়াৰ পিছত কাৰ্য্যকৰী পৰ্যায়ত প্ৰতিবছৰে প্ৰায় ৫০,০০০ মানৱ-দিনৰ নিযুক্তিৰ সৃষ্টি হ’ব।
প্ৰকল্প ব্যয় আৰু পুঁজি যোগান
প্ৰকল্পটোৰ আনুমানিক ব্যয় হ’ল ১,২৩৪.৯১ কোটি টকা, যাক ভাৰত চৰকাৰে হেড অব একাউণ্টঃ ৪২১৬ আবাসৰ ওপৰত মূলধন ব্যয় (আবাসিক ভৱন) বাজেট সমৰ্থনৰ জৰিয়তে পুঁজি যোগান ধৰিব।
প্ৰাক-প্ৰকল্প কাম-কাজসমূহ
এই প্ৰকল্পটো গৃহ আৰু নগৰ পৰিক্ৰমা মন্ত্ৰালয়ে কেন্দ্ৰীয় লোক নিৰ্মাণ বিভাগৰ (চিপিডব্লিউডি) জৰিয়তে ৰূপায়ণ কৰিব। ইতিমধ্যে মূল্য নিৰ্ধাৰণৰ প্ৰাৰম্ভিক কাম-কাজ আৰম্ভ হৈছে আৰু বৰ্তমান নিবিদাৰ নথি-পত্ৰৰ প্ৰস্তুতি চলি আছে।
অন্ধ্ৰপ্ৰদেশৰ নতুন ৰাজধানী চহৰ অমৰাৱতীত প্ৰস্তাৱিত সাধাৰণ সাধাৰণ পুল আবাসিক স্থান (জিপিআৰএ) চৌহদ
