এন্থ্ৰ'পিকৰ মুখ্য কাৰ্যবাহী বিষয়া ডাৰিয়' আমোডেই আজি নতুন দিল্লীত প্ৰধানমন্ত্ৰী শ্ৰী নৰেন্দ্ৰ মোদীক সাক্ষাৎ কৰে। এই বৈঠকত ভাৰতত এন্থ্ৰ'পিকৰ সম্প্ৰসাৰণ আৰু ইয়াৰ এআই টুলছ যেনে ক্ল'ড ক'ডৰ ক্ৰমবৰ্ধমান ব্যৱহাৰৰ বিষয়ে আলোচনা কৰা হয়। জুন মাহৰ পৰা দেশত ইয়াৰ ব্যৱহাৰ পাঁচগুণ বৃদ্ধি পাইছে।
শ্ৰী মোদীয়ে ভাৰতৰ উজ্জ্বল প্ৰযুক্তিৰ পৰিৱেশ তন্ত্ৰ আৰু ইয়াৰ প্ৰতিভাৱান যুৱক-যুৱতীসকলৰ মানৱ-কেন্দ্ৰিক আৰু দায়বদ্ধ এআই উদ্ভাৱনৰ অগ্ৰগতিৰ প্ৰচুৰ সম্ভাৱনা সন্দৰ্ভত আলোকপাত কৰে। তেওঁ এন্থ্ৰ'পিকৰ সম্প্ৰসাৰণক আদৰণি জনায় আৰু এই অংশীদাৰিত্বই শিক্ষা, স্বাস্থ্যসেৱা আৰু কৃষিৰ দৰে গুৰুত্বপূৰ্ণ খণ্ডসমূহত ভাৰতৰ এআইৰ সামৰ্থ্য আৰু অধিক শক্তিশালী কৰিব বুলি বিশ্বাস ব্যক্ত কৰে।
শ্ৰী আমোডেয়ে এআই নীতিৰ ক্ষেত্ৰত ভাৰতৰ প্ৰক্ৰিয়াকৰণ পদ্ধতি আৰু অন্তৰ্ভুক্তিমূলক বিকাশৰ বাবে প্ৰযুক্তিৰ ব্যৱহাৰৰ ওপৰত গুৰুত্ব আৰোপৰ প্ৰশংসা কৰে।
প্ৰধান মন্ত্ৰীয়ে X ত পোষ্ট কৰিছে;
"আপোনাক লগ পাই ভাল লাগিছে। ভাৰতৰ উজ্জীৱিত প্ৰযুক্তি ব্যৱস্থা আৰু প্ৰতিভাৱান যুৱক-যুৱতীসকলে মানৱকেন্দ্ৰিক আৰু দায়বদ্ধ এআই উদ্ভাৱনক আগুৱাই লৈ গৈছে। আমি এন্থ্ৰ'পিকৰ সম্প্ৰসাৰণক আদৰণি জনাইছো আৰু মূল খণ্ডসমূহত বিকাশৰ বাবে এআইৰ ব্যৱহাৰৰ বাবে একেলগে কাম কৰিবলৈ আগ্ৰহী।"
@DarioAmodei”
Glad to meet you. India’s vibrant tech ecosystem and talented youth are driving AI innovation that is human-centric and responsible. We welcome Anthropic’s expansion and look forward to working together to harness AI for growth across key sectors.@DarioAmodei https://t.co/XgsZb70uyJ
— Narendra Modi (@narendramodi) October 11, 2025
