وزیراعظم جناب نریندر مودی نے قومی آبی گزرگاہ-68 کی تعمیر پر خوشی کا اظہار کیا ہے۔ اس سے گوا میں پنجم سے واسکو کے درمیان کا فاصلہ 9 کلومیٹر مختصر ہوگیا ہے اور یہ سفر اب صرف 20 منٹ میں مکمل کیا جاسکتا ہے۔ اس سے قبل پنجم سے واسکو کا فاصلہ تقریباً 32 کلومیٹر تھا اور سفر میں تقریباً 45 منٹ کا وقت لگتا تھا۔
بندرگاہوں، جہاز رانی اور آبی گزرگاہوں کے مرکزی وزیر مملکت جناب شری پد نائک کے مسلسل ٹوئیٹ کے حوالے سے جناب نریندر مودی نے کہا کہ گوا میں پنجم سے واسکو کے درمیان اس کنیکٹی وٹی سے لوگوں کو راحت فراہم ہونے کے ساتھ ساتھ سیاحت کو بھی فروغ حاصل ہوگا۔
وزیر اعظم نے اپنے ٹوئیٹ میں کہا:
’’پنجم سے واسکو کے درمیان اس کنیکٹی وٹی سے لوگوں کو راحت ملنے کے ساتھ ساتھ سیاحت کو بھی فروغ ملے گا۔‘‘
पंजिम से वास्को के बीच इस कनेक्टिविटी से लोगों को राहत मिलने के साथ-साथ पर्यटन को भी बढ़ावा मिलेगा। https://t.co/poBGPk2cN8
— Narendra Modi (@narendramodi) March 5, 2023
