نئی دہلی۔ 19 مارچ
میرے دوست، وزیر اعظم کشیدا جی،
دونوں ممالک کے مندوبین
مرکزی کابینہ میں میرے ساتھی،
گجرات کے وزیر خزانہ جناب کنو بھائی ڈیسائی،
ہند – جاپان بزنس لیڈر فورم کے تمام اراکین ،
آپ سب کا استقبال ہے۔
سب کو نمسکار!
وزیر اعظم کشیدا جی اور جاپان سے ہندوستان آنے والے تمام دوستوں کا پرتپاک استقبال۔
مجھے بہت خوشی ہے کہ دو سال سے زیادہ کے وقفے کے بعد ہم ہندوستان اور جاپان کے مابین سربراہی سطح کی میٹنگوں کا سلسلہ دوبارہ شروع کرنے میں کامیاب ہوں گے۔
ہمارے اقتصادی تعلقات ہندوستان-جاپان خصوصی منصوبہ جاتی اور عالمی شراکت داری کا سب سے مضبوط ستون ہیں۔
کووڈ کے بعد کے دور میں، اقتصادی بحالی اور اقتصادی سلامتی کے لیے، ہند-جاپان اقتصادی شراکت داری نہ صرف دونوں ممالک کو بلکہ خطے اور دنیا کو بھی اعتماد اور لچک فراہم کرے گی۔
ہندوستان میں بڑے پیمانے پر چلائی جا ر ہیں اصلاحات اور ہماری پیداوار سے منسلک ترغیبی اسکیمیں پہلے سے کہیں زیادہ مثبت ماحولیاتی نظام تیار کر رہی ہیں۔
عالی جناب،
ہندوستان کی قومی انفراسٹرکچر پائپ لائن میں ایک پوائنٹ آٹھ ٹریلین ڈالر کے 9000 سے زیادہ منصوبے ہیں جو تعاون کے بہت سے مواقع فراہم کرتے ہیں۔
مجھے امید ہے کہ جاپانی کمپنیاں ہماری کوششوں میں پورے جوش و خروش سے حصہ لیں گی۔ اور اس کے لیے ہم بھی ہندوستان میں جاپانی کمپنیوں کو ہر ممکن تعاون فراہم کرنے کے لیے پرعزم ہیں۔
دوستو
ترقی، خوشحالی اور شراکت داری ہند– جاپان تعلقات کا مرکز ہے۔ دونوں ممالک کے اقتصادی تعلقات کو فروغ دینے میں ہندوستان جاپان بزنس لیڈر فورم کا اہم رول ہے۔ اس کے لیے میں آپ سب کو مبارکباد دیتا ہوں اور اپنی نیک تمناؤں کا اظہار کرتا ہوں۔
بہت بہت شکریہ!
