نئی دہلی،21؍فروری،وزیراعظم جناب نریندر مودی 22 فروری 2020 کو بھوبنیشور میں ہونے والے پہلے کھیلو انڈیا کھیل کود کی افتتاحی تقریب سے خطاب کریں گے۔ جناب مودی ان کھیلوں کا ویڈیو کانفرنسنگ کے ذریعے افتتاح کریں گے۔
کھیلو انڈیا یونیورسٹی کھیل کود کا انعقاد حکومت ہند نے اڈیشہ کی ریاستی حکومت کے ساتھ کیا ہے۔
وزیراعظم نریندر مودی کے نظریئے پر قائم کھیلو انڈیا پروگرام ملک میں کھیلے جانے والے تمام کھیلوں کے لئے بنیادی سطح پر ایک مضبوط فریم ورک تیار کرکے بھارت میں کھیل کود کے کلچر میں پھر سے جان ڈالنے اور بھارت کو کھیل کود کے ایک عظیم ملک کے طور پر قائم کرنے کی خاطر متعارف کرایا گیا تھا۔
کھیلو انڈیا یونیورسٹی کھیل کود کا انعقاد 22 فروری یکم مارچ 2020 تک بھوبنیشور میں ہوگا۔
یہ بھارت میں یونیورسٹی کی سطح پر منعقد اب تک کے سب سے بڑے مقابلے ہیں، جس میں ملک بھر کی 150 سے زیادہ یونیورسٹیوں کے تقریبا 3500 کھلاڑی شرکت کریں گے۔
ان کھیل کود میں 17 کھیل یعنی تیر اندازی ، ایتھلیٹکس ، مکے بازی ، شمشیر زنی، جو ڈو ، تیر اکی ، ویٹ لفٹنگ ، کشتی ، بیڈ منٹن ، باسکٹ بال ، فٹ بال، ہاکی ، ٹینس، ٹیبل ٹینس، والی بال، رگبی اور کبڈی شامل ہیں۔
