وزیر اعظم جناب نریندر مودی کو امیرقطر کا ٹیلی فون موصول ہوا۔ امیر نے قطر میں ایک حادثے میں ہندوستانی شہریوں کی جانوں کے ضیاع پر تعزیت کا اظہار کیا۔وزیر اعظم نے ان کا شکریہ ادا کیا اور زخمیوں کو فوری طبی مدد فراہم کرنے پر ان کی ستائش کی

وزیر اعظم جناب نریندر مودی کو آج قطر کے امیر عزت مآب شیخ تمیم بن حمد الثانی کی طرف سے ٹیلی فون کال موصول ہوئی ۔

قطر کے امیر نے 21 جون کو قطر کے راس لافان انڈسٹریل سٹی میں پیش آنے والے ایک حادثے میں ہندوستانی شہریوں کی جانوں کے ضیاع پر تعزیت کا اظہار کیا اور زخمیوں کی جلد صحت یابی کے لیے نیک خواہشات کا اظہار کیا ۔ 

وزیر اعظم نے متاثرہ خاندانوں کے تئیں ہمدردی کے اظہار پر ان کا شکریہ ادا کیا اور زخمیوں کو فوری طبی مدد فراہم کرنے پر ان کی ستائش کی ۔

دونوں رہنماؤں نے اپنے شہریوں کی فلاح و بہبود اور تحفظ کو یقینی بنانے کے لیے اپنے عزم کا اعادہ کیا اور ایک دوسرے کے ساتھ اپنی حمایت اور یکجہتی کا اعادہ کیا ۔

مغربی ایشیا کی صورتحال پر تبادلہ خیال کرتے ہوئے ، وزیر اعظم نے امن کی کوششوں میں قطر کے مثبت کردار کی تعریف کی اور امید ظاہر کی کہ وہ خطے میں پائیدار امن و استحکام کا باعث بنیں گے ۔

دونوں رہنماؤں نے تمام شعبوں میں دو طرفہ تعاون کو بڑھانے کے عزم کا اعادہ کیا ۔

انہوں نے قریبی رابطے میں رہنے پررضا مندی ظاہر کی ۔

I thank His Highness the Amir of Qatar for his phone call and condolences on the loss of lives of Indian nationals in the tragic accident at Ras Laffan Industrial City in Qatar.

We both share the grief of the families who have lost their loved ones and pray for the speedy…

— Narendra Modi (@narendramodi) June 23, 2026