کریملن کے سینٹ اینڈریو ہال میں منعقدہ ایک خصوصی تقریب میں روسی فیڈریشن کے صدر عزت مآب جناب ولادیمیر پوتن نے وزیر اعظم جناب نریندر مودی کو بھارت اور روس کے تعلقات کو فروغ دینے میں ان کی خدمات کے لیے روس کے سب سے بڑے قومی اعزاز ’’دی آرڈر آف سینٹ اینڈریو دی پیوسل‘‘ سے نوازا۔ ایوارڈ کا اعلان 2019 میں کیا گیا تھا۔
یہ ایوارڈ قبول کرتے ہوئے وزیر اعظم نے اسے بھارت کے عوام اور بھارت اور روس کے درمیان دوستی کے روایتی رشتوں کے لیے وقف کیا۔ انھوں نے کہا کہ یہ اعزاز دونوں ممالک کے درمیان خصوصی اسٹریٹجک شراکت داری کو اجاگر کرتا ہے۔
یہ ایوارڈ 300 سال پہلے شروع کیا گیا تھا۔ وزیر اعظم جناب نریندر مودی اس اعزاز سے نوازے جانے والے پہلے بھارتی رہنما ہیں۔
