وزیر اعظم جناب نریندر مودی نے آج ( 23 اگست ، 2023 ء کو ) جوہانسبرگ میں منعقدہ 15 ویں برکس سربراہ اجلاس کے موقع پر جنوبی افریقہ کے صدر جناب سیرل رامافوسا کے ساتھ میٹنگ کی ۔
دونوں رہنماؤں نے دونوں ممالک کے درمیان دوطرفہ تعلقات میں ہونے والی پیش رفت کا جائزہ لیا اور دفاع، زراعت، تجارت اور سرمایہ کاری، صحت، تحفظ اور عوام سے عوام کے درمیان تعلقات سمیت مختلف شعبوں میں ہونے والی پیش رفت پر اطمینان کا اظہار کیا۔
دونوں ملکوں نے کثیرجہتی اداروں میں مسلسل تال میل اور باہمی دلچسپی کے علاقائی اور کثیر جہتی معاملات پر بھی تبادلہ خیال کیا۔ صدر راما فوسا نے بھارت کی جی 20 کی صدارت کے لئے مکمل حمایت کرنے کا اظہار کیا اور افریقی یونین کو جی – 20 کی مکمل رکنیت دینے کے بھارت کے اقدام کی ستائش کی۔ انہوں نے بتایا کہ وہ جی – 20 سربراہ اجلاس میں شرکت کرنے کے لیے نئی دلّی آنے کے منتظر ہیں۔
وزیر اعظم نے برکس سربراہ اجلاس کی کامیاب میزبانی پر صدر رامافوسا کو مبارکباد دی۔ وزیر اعظم نے صدر رامافوسا کی طرف سے باہمی طور پر طے ہونے والی مناسب تاریخ پر جنوبی افریقہ کا سرکاری دورہ کرنے کی دعوت قبول کر لی۔
Had an excellent meeting with President @CyrilRamaphosa. We discussed a wide range of issues aimed at deepening India-South Africa relations. Trade, defence and investment linkages featured prominently in our discussions. We will keep working together to strengthen the voice of… pic.twitter.com/xhxEClr1Dl
— Narendra Modi (@narendramodi) August 23, 2023
