وزیر اعظم جناب نریندر مودی نے راشٹرپتی بھون میں پرم ویر گیلری کا خیر مقدم کیا ہے اور کہا ہے کہ وہاں دکھائی گئی پورٹریٹ (تصاویر) ملک کے ناقابل تسخیر ہیروز کو دلی خراج عقیدت اور ان کی قربانیوں کے لیے ملک کے شکر گزاری کا نشان ہیں ۔ انہوں نے کہا کہ یہ پورٹریٹ ان بہادر جنگجوؤں کا احترام کرتے ہیں جنہوں نے اپنی عظیم قربانی کے ذریعے مادر وطن کی حفاظت کی اور ہندوستان کے اتحاد اور سالمیت کے لیے اپنی جانیں قربان کیں ۔
وزیر اعظم نے کہا کہ پرم ویر چکر ایوارڈ یافتگان کی اس گیلری کو دو پرم ویر چکر ایوارڈ یافتگان اور دیگر ایوارڈ یافتگان کے اہل خانہ کی باوقار موجودگی میں قوم کے نام وقف کرنا اس موقع کو اور بھی خاص بناتا ہے ۔
وزیر اعظم نے کہا کہ ایک طویل عرصے تک راشٹرپتی بھون کی گیلریوں میں برطانوی دور کے فوجیوں کی تصویریں دکھائی جاتی تھیں ، جن کی جگہ اب ملک کے پرم ویر چکر ایوارڈ یافتگان کی تصویروں نے لے لی ہیں ۔ انہوں نے کہا کہ راشٹرپتی بھون میں پرم ویر گیلری کی تخلیق نوآبادیاتی ذہنیت سے ابھرنے اور قوم کو شعور کے نئے احساس سے جوڑنے کی ہندوستان کی کوششوں کی ایک بہترین مثال ہے ۔ انہوں نے یہ بھی یاد کیا کہ چند سال قبل انڈمان اور نکوبار جزائر کے کئی جزائر کا نام پرم ویر چکر ایوارڈ یافتگان کے نام پر رکھا گیا تھا ۔
نوجوان نسل کے لیے گیلری کی اہمیت پر روشنی ڈالتے ہوئے وزیر اعظم نے کہا کہ یہ تصاویر اور گیلری نوجوانوں کے لیے ہندوستان کی بہادری کی روایت سے جڑنے کے لیے ایک طاقتور مقام کے طور پر کام کریں گی۔ انہوں نے مزید کہا کہ گیلری نوجوانوں کو اندرونی طاقت کی اہمیت کو تسلیم کرنے اور قومی مقاصد کے حصول میں عزم کرنے کی ترغیب دے گی، اور امید ظاہر کی کہ یہ جگہ وکست بھارت کے جذبے کو مجسم کرتے ہوئے ایک متحرک زیارت گاہ کے طور پر ابھرے گی ۔
ایکس پر متعدد پوسٹوں میں جناب مودی نے کہا ؛
‘‘اے ہندوستان کے بہادرو آپ کو سلام!
یہ قوم مادر ہند کے اعزاز کے لیے آپ کی قربانیوں پر شکر گزار ہے...!
راشٹرپتی بھون کی پرم ویر گیلری میں ملک کے ناقابل تسخیر ہیروز کی یہ تصاویر ہماری قوم کے محافظوں کو دلی خراج تحسین پیش کرتی ہیں ۔ اپنی عظیم قربانی سے مادر وطن کی حفاظت کرنے والے ہیرو ، جنہوں نے ہندوستان کے اتحاد اور سالمیت کے لیے اپنی جانیں قربان کیں ، ان کا ملک نے ایک اور شکل میں احسان مندی کا اظہار کیا ہے۔ دو پرم ویر چکر ایوارڈ یافتگان اور دیگر ایوارڈ یافتگان کے اہل خانہ کی باوقار موجودگی میں ملک کے پرم ویروں کی اس گیلری کو قوم کے نام وقف کرنا اور بھی خاص بات ہے ۔ ’’
‘‘ایک طویل عرصے تک راشٹرپتی بھون کی گیلری میں برطانوی دور کے سپاہیوں کی تصویریں لگی ہوئی تھیں ۔ اب ان کی جگہ ملک کے پرمویر فاتحین کی تصویریں لگائی گئی ہیں ۔ راشٹرپتی بھون میں پرم ویر گیلری کی تعمیر غلامی کی ذہنیت سے نکل کر ہندوستان کو نئے شعور سے جوڑنے کی مہم کی ایک بہترین مثال ہے ۔ کچھ سال پہلے حکومت نے انڈمان اور نکوبار جزائر کے کئی جزائر کا نام بھی پرم ویر چکر ایوارڈ یافتگان کے نام پر رکھا ہے ۔ ’’
‘‘یہ تصاویر اور گیلریاں ہماری نوجوان نسل کے لیے ہندوستان کی شجاعت سے پر روایت سے جڑنے کے لیے ایک متحرک جگہ ہیں ۔ یہ گیلری نوجوانوں کو تحریک دے گی کہ خود اعتمادی اور عزم قومی مقصد کے لیے اہم ہیں ۔ مجھے امید ہے کہ یہ جگہ ترقی یافتہ ہندوستان کے جذبے کی ایک پرجوش زیارت گاہ بن جائے گی ۔ ’’
हे भारत के परमवीर…
— Narendra Modi (@narendramodi) December 17, 2025
है नमन तुम्हें हे प्रखर वीर !
ये राष्ट्र कृतज्ञ बलिदानों पर…
भारत मां के सम्मानों पर !
राष्ट्रपति भवन की परमवीर दीर्घा में देश के अदम्य वीरों के ये चित्र हमारे राष्ट्र रक्षकों को भावभीनी श्रद्धांजलि हैं। जिन वीरों ने अपने सर्वोच्च बलिदान से मातृभूमि की… pic.twitter.com/cqrigQbSSe
