اس گفت و شنید میں ،جی-20 سربراہ کانفرنس کی کامیابی کو یقینی بنانے کی غرض سے کام کرنے والے تقریباً 3000 افراد شرکت کریں گے
اس میں زمینی سطح پر کام کرنے والے کارکنان ؛ مختلف وزارتوں کے وزراء اور عہدیداران بھی شرکت کریں گے
وزیر اعظم جناب نریندر مودی 22 ستمبر کو شام 6 بجے بھارت منڈپم میں جی20 کی ٹیم کے ساتھ بات چیت کریں گے۔ اس موقع پر وزیراعظم اجتماع سے خطاب بھی کریں گے۔یہ بات چیت عشائیہ کے بعد ہوگی۔
اس بات چیت میں ،جی20 سربراہ کانفرنس کی کامیابی میں اپنا کردار ادا کرنے والے تقریباً 3000 افراد شرکت کریں گے ۔ اس میں خاص طور پر وہ لوگ شامل ہوں گے جنہوں نے سربراہ اجلاس کے خوش اسلوبی سے انعقاد کو یقینی بنانے کے لیے زمینی سطح پر کام کیا ہے۔ ان میں کلینرس، ڈرائیورس، ویٹرس اور مختلف وزارتوں کے عملے کے ارکان شامل ہیں۔ اس گفت و شنید میں وزراء اور مختلف محکموں کے افسران بھی شامل ہوں گے۔
