وزیر اعظم جناب نریندر مودی 26 ستمبر 2023 کو نئی دہلی کے بھارت منڈپم میں شام 4 بجے جی 20 یونیورسٹی کنیکٹ کے فائنل پروگرام میں شرکت کریں گے۔
جی 20 جن بھاگیداری تحریک کے دوران ملک بھر کے مختلف اسکولوں، اعلیٰ تعلیمی اداروں اور ہنرمندی ترقیات اداروں کے ریکارڈ 5 کروڑ سے زائد نوجوانوں کی شرکت ملاحظہ کی گئی۔ جی 20 یونیورسٹی کنیکٹ پہل قدمی کا مقصد بھارت کے نوجوانوں کے درمیان بھارت کی جی 20 صدارت کی تفہیم پیدا کرنا اور مختلف جی 20 تقریبات میں ان کی شرکت میں اضافہ کرنا ہے۔ پروگرام میں بھارت بھر کی یونیورسٹیوں کے ایک لاکھ سے زائد طلبا کو شامل کیا گیا۔ شروعات میں بھارت کی آزادی کے 75 برس مکمل ہونے کی یاد میں 75 یونیورسٹیوں کو شامل کیا گیا تھا، تاہم بعد میں اس پہل قدمی کو توسیع سے ہمکنار کرتے ہوئے اس میں بھارت بھر کی 101 یونیورسٹیوں کو شامل کیا گیا۔
جی 20 یونیورسٹی کنیکٹ پہل قدمی کے تحت ملک بھر میں مختلف پروگراموں کا اہتمام کیا گیا۔ ان پروگراموں میں اعلیٰ تعلیمی اداروں کی جانب سے وسیع تر شراکت داری ملاحظہ کی گئی۔ علاوہ ازیں، شروعات میں جو پروگرام یونیورسٹیوں کے لیے شروع کیا گیا تھا، وہ جلد ہی توسیع سے ہمکنار ہوا اور اس میں اسکولوں، کالجوں کو بھی شامل کرکے حاضرین کی تعداد میں اضافہ کیا گیا۔
جی 20 یونیورسٹی کنیکٹ کے فائنل پروگرام میں تقریباً 3000 طلبا، فیکلٹی اراکین، اور حصہ ہونے والی یونیورسٹیوں کے وائس چانسلر حضرات بھی شرکت کریں گے۔ علاوہ ازیں، ملک بھر کے طلبا بھی لائیو ایونٹ میں شرکت کریں گے ۔
