رگھوبیر مندر میں پوجا اور درشن کیے
جانکی کنڈ چکتسالیہ کی نئی شاخ کا افتتاح کیا
وزیر اعظم جناب نریندر مودی نے آج شری سد گرو سیوا سنگھ ٹرسٹ چترکوٹ، مدھیہ پردیش میں مختلف النوع پروگراموں میں حصہ لیا۔ جناب مودی نے رگھوبیر مندر میں پوجا اور درشن کیے اور پرم پوجیہ رنچھوڑ داس جی مہاراج کے مجسمے پر گلہائے عقیدت نذر کیے۔ بعد ازاں وہ شری رام سنسکرت مہاودیالیہ گئے جہاں انہوں نے گروکل کی سرگرمیوں کی نمائش والی گیلری ملاحظہ کی۔ اس کے بعد وزیر اعظم، سدگرو نیتر چکتسالیہ گئے اور وہاں نمائش کا جائزہ لیا۔ انہوں نے سدگرو میڈی سٹی بھی ملاحظہ کی۔
علاوہ ازیں، موصوف جانکی کنڈ چکتسالیہ گئے اور اس کی نئی شاخ کا افتتاح کیا۔ اس کے بعد انہوں نے آنجہانی شری اروِند بھائی مَفت والا کی سمادھی پر گلہائے عقیدت نذر کیے۔
مدھیہ پردیش کے گورنر جناب منگو بھائی پٹیل اور مدھیہ پردیش کے وزیر اعلیٰ جناب شیوراج سنگھ چوہان بھی وزیر اعظم کے ساتھ تھے۔
