نمیبیا کے اپنے سرکاری دورے کے موقع پر، وزیر اعظم جناب نریندر مودی نے آج نمیبیا کی صدرعزت مآب ڈاکٹر نیتمبو نندی ندیتواہسے ملاقات ونڈہوک میں اسٹیٹ ہاؤس میںملاقات کی۔
سٹیٹ ہاؤس پہنچنے پر صدر نندی ندیتواہ نے وزیر اعظم کا پرتپاک اور رسمی استقبال کیا۔ وزیر اعظم کی سطح پربھارت سے نمیبیا کا یہ دورہ 27 سال بعد ہوا ہے۔ یہ پہلا دوطرفہ سرکاری دورہ بھی تھا جس کی میزبانی صدر نندی ندیتواہ نے اس سال مارچ میں عہدہ سنبھالنے کے بعد کی تھی۔
وزیر اعظم نے نمیبیا کی سربراہ مملکت منتخب ہونے پر صدر نندی ندایتواہ کو مبارکباد دی۔ دونوں رہنماؤں نے اس قابل فخر تاریخ کو یاد کیا جو دوطرفہ تعلقات کی بنیاد ہے۔ وزیراعظم نے نمیبیا کے بانی ڈاکٹر سیم نجوما کے اس سال انتقال پر تعزیت کا اظہار کیا۔ دونوں رہنماؤں نے دفاع، میری ٹائم سیکورٹی، ڈیجیٹل ٹیکنالوجی اور یو پی آئی، زراعت، صحت اور فارما، توانائی اور اہم معدنیات کے شعبوں سمیت دو طرفہ تعلقات کو مزید مضبوط بنانے پر بات چیت کی۔
دوطرفہ تجارت میں اضافے پر اطمینان کا اظہار کرتے ہوئے، رہنماؤں نےکہا کہ اس معاملہ میں مکمل صلاحیت کا استعمال کرنا باقی ہے۔ اس سلسلے میں انہوں نے انڈیاایس اے سی یو پی ٹی اے پر بات چیت کو تیز کرنے پر زور دیا۔ وزیر اعظم نےکہا کہ بھارت نمیبیا کے ماہرین کے لیے صلاحیت سازی کے پروگراموں کے ذریعے ترقیاتی تعاون کی کوششوں کو تیز کرے گا اور نمیبیا میں مینوفیکچرنگ سہولیات کے قیام میں شراکت کی تلاش کرے گا۔ وزیر اعظم نے زراعت، انفارمیشن ٹکنالوجی، سائبر سیکورٹی، صحت کی دیکھ بھال، تعلیم، خواتین کو بااختیار بنانے اور بچوں کی بہبود کے شعبوں میں فوری اثر والے ترقیاتی منصوبوں کے لیے بھارت کی حمایت کی پیشکش کی۔ وزیر اعظم نے زرعی مقاصد کے لیے ڈرون کے استعمال میں بھارت کے تجربے کا اشتراک کیا، یہ ایک ایسا منصوبہ ہے جو نمیبیا کے لیے فائدہ مند ثابت ہو سکتا ہے۔
وزیر اعظم نے بھارت میں چیتا کے تحفظ کے منصوبے میں نمیبیا کی حمایت کے لیے صدر نندی ندیتواہ کا شکریہ ادا کیا۔ انہوں نے نمیبیا کو انٹرنیشنل بگ کیٹ الائنس میں شامل ہونے کی دعوت بھی دی۔
دونوں رہنماؤں نے باہمی دلچسپی کے عالمی امور پر تبادلہ خیال کیا۔ وزیر اعظم نے پہلگام دہشت گردانہ حملے کے بعد بھارتیہ عوام کے ساتھ بھرپور حمایت اور یکجہتی کے لیے نمیبیا کا شکریہ ادا کیا۔ انہوں نے دہشت گردی کے خلاف عالمی جنگ کو مضبوط بنانے پر اتفاق کیا۔ انہوں نے گلوبل ساؤتھ کی آواز کو بڑھانے کے لیے مل کر کام کرنے کا عہد بھی کیا۔بات چیت کے بعد، دونوں رہنماؤں نے صحت اور صنعت کاری کے شعبوں میں دو مفاہمتی یادداشتوں کے تبادلے کا مشاہدہ کیا۔ اس کے علاوہ، یہ اعلان کیا گیا کہ نمیبیا نے کولیشن فار ڈیزاسٹر ریزیلینٹ انفراسٹرکچر اینڈ گلوبل بائیو فیول میں شمولیت اختیار کی ہے، اور یو پی آئی ٹیکنالوجی کو اپنانے کے لیے لائسنسنگ معاہدہ کرنے والا پہلا ملک ہے۔
صدر نندی ندیتواہ نے وزیر اعظم کے اعزاز میں ضیافت کا اہتمام کیا۔ وزیر اعظم نے انہیں باہمی طور پر آسان وقت پر بھارت کا دورہ کرنے کی دعوت دی۔
President Dr. Netumbo Nandi-Ndaitwah and I reviewed the full range of India-Namibia relations during our talks today. Cooperation in areas such as digital technology, defence, security, agriculture, healthcare, education and critical minerals figured prominently in our… pic.twitter.com/PdpLFc2U29
— Narendra Modi (@narendramodi) July 9, 2025
We also discussed how to boost linkages in trade, energy and petrochemicals. Expressed gratitude for the assistance from Namibia in Project Cheetah.@SWAPOPRESIDENT
— Narendra Modi (@narendramodi) July 9, 2025
