دھنونتری جینتی اور 9ویں آیوروید کے دن کے موقع پر، وزیر اعظم جناب نریندر مودی نے آج آل انڈیا انسٹی ٹیوٹ آف آیوروید (اے آئی آئی اے) نئی دہلی میں صحت کے شعبے سے متعلق تقریباً 12,850 کروڑ روپے کے متعدد پروجیکٹوں کا آغازکیا، افتتاح کیااور سنگ بنیاد رکھا۔
اجتماع سے خطاب کرتے ہوئے، وزیر اعظم نے دھنونتری جینتی اور دھنتیرس کا ذکر کیا اور اس موقع پر اپنی نیک خواہشات کا اظہار کیا۔ انہوں نے ملک کے تمام کاروباری مالکان کو اپنی نیک خواہشات کا اظہار کیا کیونکہ زیادہ تر لوگ اپنے گھروں کے لیے کچھ نیا خریدنے کا ارادہ رکھتے ہیں اور دیوالی کی پیشگی مبارکباد بھی دی۔
وزیر اعظم نے اس بات پر زور دیا کہ یہ دیوالی تاریخی ہے کیونکہ ایودھیا میں بھگوان شری رام کے مندر کو ہزاروں دیوں سے روشن کیا جائے گا، جس سے تقریبات کو بے مثال بنایا جائے گا۔ ’’بھگوان رام ایک بار پھر اس سال کی دیوالی میں اپنی جگہ براجمان ہوگئے ہیں‘‘ وزیر اعظم نے تبصرہ کرتے ہوئے کہا کہ یہ انتظار بالآخر 14 نہیں بلکہ 500 برسوں بعد ختم ہو گیا ہے۔
جناب مودی نے کہا کہ یہ کوئی اتفاق نہیں ہے کہ اس سال کا دھنتیرس کا تہوار خوشحالی اور صحت کا امتزاج ہے بلکہ ہندوستان کی ثقافت اور فلسفہ زندگی کی علامت ہے۔ سادھو اور سنتوں کا حوالہ دیتے ہوئے، وزیر اعظم نے وضاحت کی کہ صحت کو سب سے بڑی دولت سمجھا جاتا ہے اور اس قدیم تصور کو یوگا کی شکل میں پوری دنیا میں قبولیت مل رہی ہے۔ جناب مودی نے اس بات پر خوشی کا اظہار کیا کہ آیوروید دیوس آج 150 سے زیادہ ممالک میں منایا جا رہا ہے اور کہا کہ یہ آیوروید کی طرف بڑھتی ہوئی توجہ اور اس کے قدیم ماضی سے دنیا میں ہندوستان کے تعاون کا ثبوت ہے۔
وزیر اعظم نے اس بات پر زور دیا کہ گزشتہ دہائی میں ،ملک نے صحت کے شعبے میں جدید طب کے ساتھ آیوروید کے علم کے امتزاج کے ساتھ ایک نئے باب کا آغاز دیکھا ہے۔ انہوں نے مزید کہا کہ آل انڈیا انسٹی ٹیوٹ آف آیوروید اس باب کا مرکزی نقطہ رہا ہے۔ جناب مودی نے تبصرہ کیا کہ سات سال قبل آیوروید کے دن انسٹی ٹیوٹ کے پہلے مرحلے کو ملک کے لیے وقف کرنے کا شرف انہیں حاصل ہوا تھا اور آج بھگوان دھنونتری کے آشیرواد سے وہ انسٹی ٹیوٹ کے دوسرے مرحلے کا افتتاح کر رہے تھے۔ انہوں نے کہا کہ اس انسٹی ٹیوٹ میں پنچکرما جیسی قدیم تکنیکوں کو جدید ٹکنالوجی کے ساتھ ساتھ آیوروید اور طبی سائنس کے شعبوں میں جدید تحقیقی مطالعات کے ساتھ دیکھنا ممکن ہوگا۔ جناب مودی نے اس پیش رفت کے لیے ہندوستان کے شہریوں کو مبارکباد پیش کی ۔
اس بات کا تذکرہ کرتے ہوئے کہ کسی قوم کی ترقی اس کے شہریوں کی صحت سے براہ راست متناسب ہے، وزیر اعظم نے اپنے شہریوں کی صحت کے لیے حکومت کی ترجیح کو اجاگر کیا اور صحت کی پالیسی کے پانچ ستونوں کا خاکہ پیش کیا۔ انہوں نے پانچ ستونوں کو احتیاطی صحت کی دیکھ بھال، بیماریوں کا جلد پتہ لگانے، مفت اور کم لاگت کے علاج اور ادویات، چھوٹے شہروں میں ڈاکٹروں کی دستیابی اور آخر میں صحت کی خدمات میں ٹیکنالوجی کی توسیع کے طور پر درج کیا۔جناب مودی نے کہا ’’ہندوستان صحت کے شعبے کو ایک مکمل صحت کے طور پر دیکھ رہا ہے۔‘‘ انہوں نے مزید کہا کہ آج کے پروجیکٹ ان پانچ ستونوں کی جھلک پیش کرتے ہیں۔ 13,000 کروڑ روپے سے زیادہ کے پروجیکٹوں کے افتتاح کرنے اور سنگ بنیاد رکھنے کے موقع پر وزیر اعظم نے آیوش ہیلتھ اسکیم کے تحت 4 سنٹرس آف ایکسی لینس بنانے، ڈرون کے استعمال سے صحت خدمات کی توسیع، رشی کیش میں واقع ایمس میں ہیلی کاپٹر سروس ، نئی دہلی کے ایمس اور بلاسپور کے ایمس میں نئے بنیادی ڈھانچے، ملک کے پانچ دیگر ایمس میں خدمات کی توسیع، میڈیکل کالجوں کا قیام، نرسنگ کالجوں کا بھومی پوجن اور صحت کے شعبے سے متعلق دیگر پروجیکٹوں کا ذکر کیا ۔ وزیر اعظم نے اس بات پر خوشی کا اظہار کیا کہ شرمکوں کے علاج کے لیے کئی اسپتالوں کا قیام ہو رہا ہے اور کہا کہ یہ مزدوروں کے علاج کا مرکز بنے گا۔ انہوں نے فارما یونٹس کے افتتاح پر بھی بات کی جو جدید ادویات اور اعلیٰ معیار کے اسٹینٹ اور امپلانٹس کی تیاری اور ہندوستان کی ترقی میں کلیدی کردار ادا کریں گے۔
وزیر اعظم نے کہا کہ ہم میں سے بیشتر ایسے پس منظر سے آتے ہیں جہاں بیماری کا مطلب پورے خاندان پر بجلی گرنا ہوتا ہے اور خاص طور پر غریب گھرانے میں اگر کوئی شخص شدید بیماری میں مبتلا ہو تو خاندان کا ہر فرد شدید متاثر ہوتا ہے۔ انہوں نے مزید کہا کہ ایک وقت تھا جب لوگ علاج کے لیے اپنا گھر، زمینیں، زیورات، سب کچھ بیچ دیتے تھے اور جیب سے ہونے والے بھاری اخراجات برداشت کرنے کے قابل نہیں رہتے تھے جب کہ غریب لوگوں کو صحت کی دیکھ بھال اور خاندان کی دیگر ترجیحات میں سے کسی ایک کا انتخاب کرنا پڑتا تھا۔ جناب مودی نے اس بات پر زور دیا کہ غریبوں کی مایوسی پر قابو پانے کے لیے، ہماری حکومت نے آیوشمان بھارت یوجنا متعارف کرائی، جس میں حکومت غریبوں کے اسپتال میں داخل ہونے پر 5 لاکھ روپے تک کے خرچ برداشت کرے گی۔ وزیر اعظم نے اس بات پر اطمینان کا اظہار کیا کہ ملک میں تقریباً 4 کروڑ غریب لوگوں نے ایک روپیہ ادا کیے بغیر علاج کروا کر آیوشمان یوجنا سے استفادہ کیا ہے۔ جناب مودی نے کہا کہ جب وہ ملک کی مختلف ریاستوں میں آیوشمان یوجنا کے استفادہ کنندگان سے ملتے ہیں، تو وہ مطمئن ہوتے ہیں کہ یہ اسکیم اس سے جڑے ہر فرد کے لیے ایک نعمت تھی، چاہے وہ ڈاکٹر ہو یا پیرا میڈیکل اسٹاف ہو۔
آیوشمان یوجنا کی توسیع پر اطمینان کا اظہار کرتے ہوئے جناب مودی نے کہا کہ ہر بزرگ اس کا انتظار کر رہا تھا اور انتخابات میں دی گئی یہ گارنٹی کہ اگر تیسری مدت کے لیے منتخب ہوئے تو 70 سال سے زیادہ عمر کے تمام بزرگوں کو آیوشمان یوجنا کے دائرہ کار میں لایا جائے گا، پورا کیا جا رہا ہے۔ انہوں نے مزید کہا کہ ملک میں 70 سال سے زیادہ عمر کے ہر بزرگ کو آیوشمان ویہ وندنا کارڈ کے ذریعے اسپتال میں مفت علاج ملے گا۔ جناب مودی نے اس بات پر روشنی ڈالی کہ کارڈ یونیورسل ہے اور آمدنی پر کوئی پابندی نہیں ہے، خواہ وہ غریب ہو یا متوسط طبقہ یا اعلیٰ طبقہ۔ یہ بتاتے ہوئے کہ یہ اسکیم اس کے ہمہ گیر نفاذ کے لیے ایک سنگ میل ثابت ہوگی، جناب مودی نے کہا کہ گھر میں ایک بزرگ کے لیے آیوشمان ویہ وندنا کارڈ کے ساتھ، جیب سے باہر ہونے والے اخراجات کو کافی حد تک کم کیا جائے گا۔ انہوں نے اس اسکیم کے لیے تمام ہم وطنوں کو مبارکباد دی اور یہ بھی بتایا کہ دہلی اور مغربی بنگال میں اس اسکیم کو نافذ نہیں کیا گیا ہے۔
علاج کی لاگت کو کم کرنے کی حکومت کی ترجیح کا اعادہ کرتے ہوئے، خواہ وہ غریب ہو یا متوسط طبقہ، وزیر اعظم نے ملک بھر میں 14,000 سے زیادہ پی ایم جن اوشدھی کیندروں کے آغاز کا ذکر کیا جہاں 80 فیصد رعایت پر دوائیں دستیاب ہیں۔ انہوں نے بتایا کہ غریب اور متوسط طبقے کو سستی ادویات کی دستیابی سے 30,000 کروڑ روپے کی بچت ہوئی ہے۔ انہوں نے مزید کہا کہ اسٹینٹ اور گھٹنے کے امپلانٹس جیسے آلات کی قیمتوں میں کمی کی گئی ہے، اس لیے عام شہریوں کے 80,000 کروڑ روپے سے زیادہ کے نقصان کو روکا جا رہا ہے۔ انہوں نے مہلک بیماریوں سے بچاؤ اور حاملہ خواتین اور نوزائیدہ بچوں کی جان بچانے کے لیے مفت ڈائلیسس اسکیم اور مشن اندرا دھنش مہم کا بھی ذکر کیا۔ وزیراعظم نے یقین دلایا کہ جب تک ملک کا غریب اور متوسط طبقہ مہنگے علاج کے بوجھ سے آزاد نہیں ہو جاتا وہ چین سے نہیں بیٹھیں گے۔
وزیر اعظم نے بیماریوں سے وابستہ خطرات اور تکلیفوں کو کم کرنے کے لیے بروقت جانچ کی اہمیت پر زور دیا۔ انہوں نے کہا کہ جلد جانچ اور علاج کی سہولت کے لیے ملک بھر میں دو لاکھ سے زیادہ آیوشمان آروگیہ مندر قائم کیے گئے ہیں۔ انہوں نے کہا کہ یہ آروگیہ مندر کروڑوں شہریوں کو کینسر، ہائی بلڈ پریشر اور ذیابیطس جیسی بیماریوں کی ہموار طریقے سے جانچ کرنے کے قابل بناتے ہیں۔ انہوں نے کہا کہ بروقت تشخیص سے فوری علاج ہوتا ہے، بالآخر مریضوں کے اخراجات کی بچت ہوتی ہے۔ وزیر اعظم نے وضاحت کی کہ حکومت صحت کی دیکھ بھال کو بڑھانے اور ای سنجیونی اسکیم کے تحت شہریوں کے پیسے بچانے کے لیے ٹیکنالوجی کا فائدہ اٹھا رہی ہے جہاں 30 کروڑ سے زیادہ لوگوں نے آن لائن ڈاکٹروں سے مشورہ کیا ہے۔ انہوں نے مزید کہا ’’ڈاکٹروں کی مفت اور درست مشاورت نے صحت کی دیکھ بھال کے اخراجات میں نمایاں کمی کی ہے‘‘۔ جناب مودی نے یو- ون پلیٹ فارم کے آغاز کا اعلان کیا جو ہندوستان کو صحت کے شعبے میں تکنیکی طور پر جدید انٹرفیس فراہم کرے گا۔ انہوں نے کہا ’’دنیا نے عالمی وبا کے دوران ہمارے کو- ون پلیٹ فارم کی کامیابی کا مشاہدہ کیا اور یو پی آئی ادائیگی کے نظام کی کامیابی ایک عالمی کہانی بن گئی ہے‘‘۔ انہوں نے مزید کہا کہ ہندوستان کا مقصد ڈیجیٹل پبلک انفراسٹرکچر کے ذریعے صحت کی دیکھ بھال کے شعبے میں اس کامیابی کو دہرانا ہے۔
وزیر اعظم نے گزشتہ ایک دہائی کے دوران ہندوستان کے صحت کی دیکھ بھال کے شعبے میں ہونے والی بے مثال پیشرفت پر روشنی ڈالی، اسے پچھلی چھ سے سات دہائیوں کی محدود کامیابیوں سے متصادم قرار دیا اور کہا ’’پچھلے 10 سالوں میں، ہم نے ریکارڈ تعداد میں نئے ایمس دیکھے ہیں۔ میڈیکل کالجز قائم کیے جا رہے ہیں۔‘‘ آج کے موقع کا ذکر کرتے ہوئے وزیر اعظم نے کہا کہ کرناٹک، اتر پردیش، مدھیہ پردیش اور آندھرا پردیش میں اسپتالوں کا افتتاح کیا گیا۔ انہوں نے کرناٹک کے نرسا پور اور بوماسندرا، مدھیہ پردیش میں پیتھم پور، آندھرا پردیش کے اچیتا پورم اور ہریانہ کے فرید آباد میں نئے میڈیکل کالجوں کا سنگ بنیاد رکھنے کا بھی ذکر کیا۔ انہوں نے مزید کہا’’اس کے علاوہ، میرٹھ، اتر پردیش میں نئے ای ایس آئی سی اسپتال پر کام شروع ہو گیا ہے، اور اندور میں ایک نئے اسپتال کا افتتاح کیا گیا ہے‘‘۔ وزیراعظم نے اس بات پر زور دیا کہ اسپتالوں کی بڑھتی ہوئی تعداد میڈیکل سیٹوں میں متناسب اضافے کی عکاسی کرتی ہے۔ انہوں نے اس بات کی تصدیق کی کہ کسی غریب بچے کا ڈاکٹر بننے کا خواب چکنا چور نہیں ہوگا اور ہندوستان میں متبادل کی کمی کی وجہ سے کوئی بھی متوسط طبقہ کا طالب علم بیرون ملک تعلیم حاصل کرنے پر مجبور نہیں ہوگا۔ جناب مودی نے بتایا کہ پچھلے 10 سالوں میں تقریباً ایک لاکھ نئی ایم بی بی ایس اور ایم ڈی سیٹیں شامل کی گئی ہیں اور اگلے پانچ سالوں میں مزید 75,000 سیٹوں کا اعلان کرنے کے عزم کا اعادہ کیا۔
وزیر اعظم نے بتایا کہ 7.5 لاکھ رجسٹرڈ آیوش پریکٹیشنرز پہلے ہی ملک کی صحت کی دیکھ بھال میں اپنا تعاون دے رہے ہیں۔ انہوں نے اس تعداد کو مزید بڑھانے پر زور دیا اور ہندوستان میں طبی اور صحت سے متعلق سیاحت کی بڑھتی ہوئی مانگ کو اجاگر کیا۔ انہوں نے نوجوانوں اور آیوش پریکٹیشنرز کی ضرورت پر زور دیا کہ وہ ہندوستان اور بیرون ملک دونوں شعبوں جیسے کہ احتیاطی کارڈیالوجی، آیورویدک آرتھوپیڈکس اور آیورویدک بحالی مراکز کے لیے تیاری کریں۔ انہوں نے مزید کہا ’’آیوش پریکٹیشنرز کے لیے بے پناہ مواقع پیدا کیے جا رہے ہیں۔ ہمارے نوجوان ان مواقع کے ذریعے نہ صرف خود کو ترقی دیں گے بلکہ انسانیت کی عظیم خدمت بھی کریں گے۔‘‘
وزیراعظم مودی نے 21ویں صدی کے دوران ادویات میں تیز رفتار ترقی کا ذکر کیا، جس میں سابقہ لاعلاج بیماریوں کے علاج میں پیش رفت ہوئی ہے۔ انہوں نے کہا ’’جیسا کہ دنیا علاج کے ساتھ ساتھ تندرستی کو بھی اہمیت دیتی ہے، ہندوستان کے پاس اس شعبے میں ہزاروں سال کا علم ہے۔‘‘وزیر اعظم نے پراکرتی پرکشن ابھیان کے آغاز کا اعلان کیا جس کا مقصد آیوروید کے اصولوں کا استعمال کرنے والے افراد کے لیے مثالی طرز زندگی اور خطرے کا تجزیہ کرنا ہے۔ انہوں نے اس بات پر زور دیا کہ یہ پہل عالمی سطح پر صحت کی دیکھ بھال کے شعبے کی نئی تعریف کر سکتی ہے اور پوری دنیا کے لیے ایک نیا تصور فراہم کر سکتی ہے۔
وزیر اعظم مودی نے روایتی جڑی بوٹیوں جیسے اشوگندھا، ہلدی اور کالی مرچ کو اعلیٰ اثر والے سائنسی مطالعات کے ذریعے درست کرنے کی اہمیت پر زور دیا۔ انہوں نے ذکر کیا ’’ہمارے روایتی صحت کی دیکھ بھال کے نظام کی لیبارٹری کی توثیق نہ صرف ان جڑی بوٹیوں کی قدر میں اضافہ کرے گی بلکہ ایک اہم مارکیٹ بھی بنائے گی۔ ‘‘انہوں نے اشوگندھا کی بڑھتی ہوئی مانگ کی طرف اشارہ کرتے ہوئے کہا، جس کے اس دہائی کے آخر تک 2.5 بلین ڈالر تک پہنچنے کا امکان ہے۔
اس بات پر زور دیتے ہوئے کہ آیوش کی کامیابی نہ صرف صحت کے شعبے کو بلکہ معیشت کو بھی بدل رہی ہے، وزیر اعظم نے بتایا کہ آیوش مینوفیکچرنگ سیکٹر 2014 میں 3 بلین ڈالر سے بڑھ کر آج تقریباً 24 بلین ڈالر تک پہنچ گیا ہے، جو محض 10 سالوں میں 8 گنا زیادہ ہے۔ انہوں نے مزید کہا کہ 900 سے زیادہ آیوش اسٹارٹ اپ اب ہندوستان میں کام کر رہے ہیں، جو نوجوانوں کے لیے نئے مواقع پیدا کر رہے ہیں۔ وزیر اعظم نے 150 ممالک کو آیوش مصنوعات کی عالمی برآمدات پر روشنی ڈالی، جس سے مقامی جڑی بوٹیوں اور سپر فوڈز کو عالمی اجناس میں تبدیل کرکے ہندوستانی کسانوں کو فائدہ پہنچ رہا ہے۔ انہوں نے نمامی گنگے پروجیکٹ جیسے اقدامات کی بھی نشاندہی کی، جو گنگا ندی کے کنارے قدرتی کھیتی اور جڑی بوٹیوں کی کاشت کو فروغ دیتا ہے۔
صحت اور بہبود کے تئیں ہندوستان کی وابستگی کی عکاسی کرتے ہوئے جناب مودی نے کہا کہ یہ ہندوستان کے قومی کردار اور سماجی تانے بانے کی روح ہے۔ انہوں نے اس بات پر زور دیا کہ گزشتہ 10 سالوں میں حکومت نے ’سب کا ساتھ، سب کا وکاس‘ کے فلسفے کے ساتھ ملک کی پالیسیوں کو ہم آہنگ کیا ہے۔ مودی نے اپنے خطاب کا اختتام کرتے ہوئے کہا کہ یہ کوششیں آئندہ 25 برسوں میں ایک ترقی یافتہ اور صحت مند ہندوستان کے لئے مضبوط بنیاد رکھیں گی۔
اس موقع پر صحت اور خاندانی بہبود اور کیمیکل اور کھاد کے مرکزی وزیر جناب جے پی نڈا اور محنت اور روزگار اور نوجوانوں کے امور اور کھیل کودکے وزیر ڈاکٹر منسکھ مانڈویہ اس موقع پر موجود تھے۔
پس منظر
فلیگ شپ اسکیم آیوشمان بھارت پردھان منتری جن آروگیہ یوجنا (پی ایم- جے اے وائی) میں ایک اہم اضافے کے طور پر، وزیر اعظم نے 70 سال یا اس سے زیادہ عمر کے تمام بزرگ شہریوں کے لیے صحت کی کوریج کی توسیع کا آغاز کیا۔ اس سے تمام بزرگ شہریوں کو ان کی آمدنی سے قطع نظر ہیلتھ کوریج فراہم کرنے میں مدد ملے گی۔
وزیر اعظم کی یہ مسلسل کوشش رہی ہے کہ ملک بھر میں صحت کی معیاری خدمات فراہم کی جائیں۔ صحت کی دیکھ بھال کے بنیادی ڈھانچے کو فروغ دیتے ہوئے ، وزیر اعظم نے صحت کی دیکھ بھال کے کئی اداروں کا افتتاح کیا اور سنگ بنیاد رکھا۔
وزیر اعظم نے ہندوستان کے پہلے آل انڈیا انسٹی ٹیوٹ آف آیوروید کے فیز II کا افتتاح کیا۔ اس میں ایک پنچ کرما اسپتال، ادویات کی تیاری کے لیے ایک آیورویدک فارمیسی، ایک اسپورٹس میڈیسن یونٹ، ایک مرکزی لائبریری، ایک آئی ٹی اور اسٹارٹ اپس انکیوبیشن سینٹر اور دیگر کے علاوہ 500 نشستوں والا آڈیٹوریم شامل ہے۔ انہوں نے مدھیہ پردیش کے مندسور، نیمچ اور سیونی میں تین میڈیکل کالجوں کا بھی افتتاح کیا۔ اس کے علاوہ، انہوں نے ہماچل پردیش کے بلاس پور، مغربی بنگال کے کلیانی، بہار کے پٹنہ، اتر پردیش کے گورکھپور، مدھیہ پردیش کے بھوپال، آسام کے گوہاٹی اور نئی دہلی میں مختلف ایمس میں سہولت اور توسیعی خدمات کا افتتاح کیا، جس میں ایک جن اوشدھی کیندر بھی شامل ہوگا۔وزیر اعظم نے چھتیس گڑھ کے بلاس پور میں سرکاری میڈیکل کالج میں ایک سپر اسپیشلٹی بلاک اور اڈیشہ کے بارگڑھ میں ایک کریٹیکل کیئر بلاک کا بھی افتتاح کیا۔
وزیر اعظم نے مدھیہ پردیش کے شیو پوری، رتلام، کھنڈوا، راج گڑھ اور مندسور میں پانچ نرسنگ کالجوں ، ہماچل پردیش، کرناٹک، منی پور، تمل ناڈو اور راجستھان میں آیوشمان بھارت ہیلتھ انفراسٹرکچر مشن (پی ایم- اے بی ایچ آئی ایم) کے تحت 21 کریٹیکل کیئر بلاکس اور نئی دہلی اور بلاس پور، ہماچل پردیش میں ایمس میں کئی سہولیات اور خدمات کی توسیع کا سنگ بنیاد بھی رکھا۔
وزیر اعظم نے مدھیہ پردیش کے اندور میں ایک ای ایس آئی سی اسپتال کا بھی افتتاح کیا، اور ہریانہ کے فرید آباد، کرناٹک کے بوماسندرا اور نرسا پور، مدھیہ پردیش میں اندور، اتر پردیش میں میرٹھ اور آندھرا پردیش میں اچوتاپورم میں ای ایس آئی سی اسپتالوں کا سنگ بنیاد رکھا۔ ان پروجیکٹس سے تقریباً 55 لاکھ ای ایس آئی استفادہ کنندگان کو صحت کی دیکھ بھال کے فوائد پہنچیں گے۔
وزیر اعظم تمام شعبوں میں خدمات کی فراہمی کو بڑھانے کے لیے ٹیکنالوجی کے استعمال کو توسیع دینے کے زبردست حامی رہے ہیں۔ صحت کی دیکھ بھال کو مزید قابل رسائی بنانے کے لیے خدمات کی فراہمی کو بڑھانے کی خاطر ڈرون ٹیکنالوجی کے اختراعی استعمال میں، وزیر اعظم نے 11 ٹرشیری صحت کی دیکھ بھال کے اداروں میں ڈرون خدمات کا آغاز کیا۔ یہ اتراکھنڈ میں ایمس رشی کیش، تلنگانہ میں ایمس بیبی نگر، آسام میں ایمس گوہاٹی، مدھیہ پردیش میں ایمس بھوپال، راجستھان میں ایمس جودھپور، بہار میں ایمس پٹنہ، ہماچل پردیش میں ایمس بلاسپور، اترپردیش میں ایمس رائے بریلی ، چھتیس گڑھ ایمس میں رائے پور ، آندھرا پردیش میں ایمس منگلاگیری اور منی پور میں رمس امپھال ہیں۔ وہ ایمس رشیکیش سے ہیلی کاپٹر ایمرجنسی میڈیکل سروسز بھی شروع کریں گے، جس سے فوری طبی دیکھ بھال فراہم کرنے میں مدد ملے گی۔
وزیر اعظم نے یو -ون پورٹل کا آغاز کیا۔ یہ ویکسی نیشن کے عمل کو مکمل طور پر ڈیجیٹل کر کے حاملہ خواتین اور شیر خوار بچوں کو فائدہ دے گا۔ یہ حاملہ خواتین اور بچوں (پیدائش سے لے کر 16 سال تک) کو 12 ویکسین سے روکے جانے والی بیماریوں کے خلاف زندگی بچانے والی ویکسین کے بروقت انتظام کو یقینی بنائے گا۔ اس کے علاوہ وزیر اعظم نے الائیڈ اور ہیلتھ کیئر پروفیشنلز اور اداروں کے لیے ایک پورٹل بھی لانچ کیا۔ یہ موجودہ صحت کی دیکھ بھال کے پیشہ ور افراد اور اداروں کے مرکزی ڈیٹا بیس کے طور پر کام کرے گا۔
وزیر اعظم نے ملک میں صحت کی دیکھ بھال کے ایکو سسٹم کو بہتر بنانے کے لیے آر اینڈ ڈی اور ٹیسٹنگ انفراسٹرکچر کو مضبوط بنانے کے واسطے کئی اقدامات شروع کیے ہیں۔ وزیر اعظم نے بھونیشور، اڈیشہ کے گوٹھا پٹنہ میں ایک سنٹرل ڈرگ ٹیسٹنگ لیبارٹری کا افتتاح کیا۔
انہوں نے چھتیس گڑھ کے رائے پور، اڈیشہ میں کھوردھا میں یوگا اور نیچروپیتھی کے دو سینٹرل ریسرچ انسٹی ٹیوٹ کا سنگ بنیاد رکھا۔ انہوں نے طبی آلات کے لیے گجرات میں این آئی پی ای آر احمد آباد ، بلک ڈرگز کے لیے تلنگانہ میں این آئی پی ای آر حیدرآباد، فائٹو فارماسیوٹیکل کے لیے آسام میں این آئی پی ای آر گوہاٹی اور پنجاب میں این آئی پی ای آر موہالی میں اینٹی بیکٹیریل اینٹی وائرل ادویات کی دریافت اور ترقی کے لئے چار سنٹرس آف ایکسی لینس کا بھی سنگ بنیاد رکھا۔
وزیر اعظم نے انڈین انسٹی ٹیوٹ آف سائنس، بنگلورو میں سینٹر آف ایکسیلنس برائے ذیابیطس اور میٹابولک عوارض، آئی آئی ٹی دہلی میں جدید تکنیکی حل، اسٹارٹ اپ سپورٹ اور خالص صفر پائیدار حل کے لیے پائیدار آیوش میں سنٹر آف ایکسی لینس؛ سنٹرل ڈرگ ریسرچ انسٹی ٹیوٹ، لکھنؤ میں آیوروید میں بنیادی اور تبدیلی لانے والی تحقیق کے لیے سینٹر آف ایکسی لینس اور جے این یو، نئی دہلی میں آیوروید اور سسٹم میڈیسن پر سنٹر آف ایکسی لینس جیسے چار آیوش سنٹرس آف ایکسیلنس کا آغاز کیا۔
صحت کی دیکھ بھال کے شعبے میں میک ان انڈیا پہل کو ایک بڑے فروغ کے طور پر، وزیر اعظم نے طبی آلات اور بلک ادویات کے لیے پروڈکشن لنکڈ انسینٹیو (پی ایل آئی) اسکیم کے تحت گجرات کے واپی، تلنگانہ میں حیدرآباد، کرناٹک میں بنگلورو، آندھرا میں کاکیناڈا اور ہماچل پردیش میں نالہ گڑھ میں پانچ پروجیکٹوں کا افتتاح کیا۔ یہ یونٹ اہم بلک ادویات کے ساتھ اعلیٰ درجے کے طبی آلات، جیسے باڈی ایمپلانٹس اور کریٹیکل کیئر آلات تیار کریں گے۔
وزیر اعظم نے ایک ملک گیر مہم ’’دیش کا پراکرتی پریکشن ابھیان‘‘ بھی شروع کی جس کا مقصد شہریوں میں صحت کے بارے میں بیداری پیدا کرنا ہے۔ انہوں نے ہر ریاست اور مرکز کے زیر انتظام خطے کے لیے آب و ہوا کی تبدیلی اور انسانی صحت سے متعلق ریاستوں پر مرکوز ایکشن پلان بھی شروع کیا جو موسمیاتی لچکدار صحت کی دیکھ بھال کی خدمات کو ترقی دینے کے لیے موافقت کی حکمت عملی وضع کرے گا۔
Click here to read full text speech
हम सबके लिए खुशी की बात है कि आज 150 से ज्यादा देशों में आयुर्वेद दिवस मनाया जा रहा है: PM @narendramodi pic.twitter.com/8fKNt6ssSb
— PMO India (@PMOIndia) October 29, 2024
केंद्र सरकार ने स्वास्थ्य नीति के पांच स्तंभ तय किए हैं... pic.twitter.com/YPJEOaiEfR
— PMO India (@PMOIndia) October 29, 2024
अब 70 वर्ष से अधिक उम्र के देश के हर बुजुर्ग को अस्पताल में मुफ्त इलाज मिलेगा।
— PMO India (@PMOIndia) October 29, 2024
ऐसे बुजुर्गों को आयुष्मान वय वंदना कार्ड दिया जाएगा। pic.twitter.com/hiToKZdFO0
हमारी सरकार जानलेवा बीमारियों से रोकथाम के लिए मिशन इंद्रधनुष अभियान चला रही है: PM @narendramodi pic.twitter.com/iFe51I0OoN
— PMO India (@PMOIndia) October 29, 2024
हमारी सरकार स्वास्थ्य क्षेत्र में टेक्नोलॉजी का ज्यादा से ज्यादा इस्तेमाल करके भी देशवासियों के पैसे बचा रही है: PM @narendramodi pic.twitter.com/2cuObnOOQS
— PMO India (@PMOIndia) October 29, 2024
