وزیر اعظم جناب نریندر مودی نے آج نوی ممبئی میں اٹل بہاری واجپئی سیوری-نہاوا شیوا اٹل سیتو کا افتتاح کیا۔ جناب مودی نے فوٹو گیلری اور اٹل سیتو کے نمائشی ماڈل کا جائزہ لیا۔
ایم ٹی ایچ ایل اٹل سیتو کی تعمیر 17,840 کروڑ روپے سے زیادہ کی لاگت سے کی گئی ہے اور یہ تقریباً 21.8 کلومیٹرلمبا 6- لین کا پُل ہے، جس کی لمبائی سمندرکے اوپر تقریباً 16.5 کلومیٹر اور زمین پر تقریباً 5.5 کلومیٹر ہے۔
وزیر اعظم نے ایکس پر پوسٹ کیا:
’’اٹل سیتو کا افتتاح کرتے ہوئے خوشی ہورہی ہے ، جو ہمارے شہریوں کے لیے زندگی کی آسانیوں کو بڑھانے کی سمت ایک اہم قدم ہے۔ یہ پل سفر کے وقت کو کم کرنے اور کنکٹیوٹی کوبڑھاوا دینے کا وعدہ کرتا ہے، جس سے روزانہ کی آمدورفت آسان ہو جائے گی۔‘‘
Delighted to inaugurate Atal Setu, a significant step forward in enhancing the ‘Ease of Living’ for our citizens. This bridge promises to reduce travel time and boost connectivity, making daily commutes smoother. pic.twitter.com/B77PSiGhMK
— Narendra Modi (@narendramodi) January 12, 2024
وزیر اعظم کے ساتھ مہاراشٹر کے گورنر، جناب رمیش بیس، مہاراشٹر کے وزیر اعلی جناب ایکناتھ شندے اور مہاراشٹر کے نائب وزرائے اعلیٰ جناب دیویندر فڑنویس اور جناب اجیت پوار بھی موجود تھے۔
اٹل بہاری واجپئی سیوری - نہاوا شیوا اٹل سیتو
وزیر اعظم کا وژن شہری ٹرانسپورٹ بنیادی ڈھانچے اور کنکٹیوٹی کو مضبوط کرکے شہریوں کی’ آمدورفت کو آسان بناکر ‘بہتری لانا ہے ۔ اس تصور کے عین مطابق ممبئی ٹرانس ہاربر لنک (ایم ٹی ایچ ایل)، جسے اب ’اٹل بہاری واجپئی سیوری-نہاوا شیوا اٹل سیتو‘ کا نام دیا گیا ہے، کی تعمیر کی گئی ہے۔ وزیر اعظم نے دسمبر 2016 میں پل کا سنگ بنیاد رکھا تھا۔
اٹل سیتو کی تعمیر کل 17,840 کروڑ روپے سے زیادہ کی لاگت سے کی گئی ہے۔ یہ تقریباً 21.8 کلومیٹر لمبا 6 -لین والا پل ہے جس کی لمبائی سمندر پر تقریباً 16.5 کلومیٹر اورزمین پر تقریباً 5.5 کلومیٹر ہے۔ یہ ہندوستان کا سب سے لمبا اور سب سے لمبا سمندری پل بھی ہے۔ یہ ممبئی بین الاقوامی ہوائی اڈے اور نوی ممبئی بین الاقوامی ہوائی اڈے کو تیز کنکٹیوٹی فراہم کرے گا اور ممبئی سے پونے، گوا اور جنوبی ہندوستان کے سفر کے وقت کو بھی کم کرے گا۔ اس سے ممبئی بندرگاہ اور جواہر لال نہرو بندرگاہ کے درمیان کنکٹیوٹی میں بھی بہتری آئے گی۔
