وزیر اعظم جناب نریندر مودی نے آج اتر پردیش کے گورکھپور ریلوے اسٹیشن سے دو وندے بھارت ایکسپریس ٹرینوں کو جھنڈی دکھائی دکھاکر روانہ کیا۔ ان دو وندے بھارت ٹرینوں میں گورکھپور – لکھنؤ وندے بھارت ایکسپریس اور جودھپور – احمد آباد (سابرمتی) وندے بھارت ایکسپریس شامل ہیں۔ وزیر اعظم نے گورکھپور ریلوے اسٹیشن کی تعمیر نو کا بھی سنگ بنیاد رکھا جس کی لاگت تقریباً 498 کروڑ روپے ہے۔انہوں نے مجوزہ گورکھپور ریلوے اسٹیشن کے ماڈل کا معائنہ بھی کیا۔
وزیر اعظم کے ساتھ اتر پردیش کی گورنر محترمہ آنندی بین پٹیل، اتر پردیش کے وزیر اعلیٰ جناب یوگی آدتیہ ناتھ اور گورکھپور سے ممبر پارلیمنٹ جناب روی کشن بھی تھے۔
پس منظر
گورکھپور – لکھنؤ وندے بھارت ایکسپریس ایودھیا سے گزرے گی اور ریاست کے اہم شہروں سے کنکٹی وٹی کو بہتر بنائے گی اور سیاحت کو فروغ دے گی۔ جودھ پور – سابرمتی وندے بھارت ایکسپریس خطے میں سماجی و اقتصادی ترقی کو فروغ دیتے ہوئے جودھ پور، آبو روڈ اور احمد آباد جیسے مشہور مقامات سے کنکٹی میں اضافہ کرے گی۔
تقریباً 498 کروڑ روپے کی لاگت سے گورکھپور ریلوے اسٹیشن کی تعمیر نو کا سنگ بنیاد رکھا گیا جو کہ مسافروں کو عالمی معیار کی سہولیات فراہم کرے گا۔
