وزیر اعظم جناب نریندر مودی نے آج نئی دہلی میں شری گرو نانک دیو جی کے 553 ویں پرکاش پرو کی تقریبات میں شرکت کی اور پوجا ارچناکی۔ وزیراعظم کو شال، سروپہ اور تلوار سے نوازا گیا۔
اجتماع سے خطاب کرتے ہوئے وزیر اعظم نے سب کو گروپورب اور پرکاش پرو کے مبارک موقع پر اور دیو دیپاوالی کی مبارکباد دی۔ انہوں نے گرو گوبند سنگھ جی کے 350 ویں پرکاش پرو، گرو تیگ بہادر جی کے 400 ویں پرکاش پرو اور گرو نانک دیو جی کے 550 ویں پرکاشوتسو جیسے اہم پرکاش پراو کو منانے کا موقع ملنے پر اپنی خوشی کا اظہار کیا۔ وزیر اعظم نے کہا، ’’ان مبارک مواقع کی ترغیب اور برکت، نئے ہندوستان کی توانائی کو بڑھا رہی ہے… ہر پرکاش پرو کی روشنی ملک کے لیے روشنی کے منبع کے طور پر کام کر رہی ہے‘‘، انہوں نے وضاحت کی کہ پرکاش پرو کے معنی، جس کی پیروی سکھ برادری نے کی ہے، اس نے، قوم کو فرض اور لگن کا راستہ دکھایا ہے۔ وزیر اعظم نے ان مقدس مواقع پر گرو کرپا، گربانی اور لنگر کے پرساد کے تئیں اپنی عقیدت کا اظہار کیا۔ انہوں نے مزید کہا کہ ’’یہ نہ صرف اندرونی سکون فراہم کرتا ہے بلکہ لگن کے ساتھ خدمت کرنے کی خواہش کو بھی برقرار رکھتا ہے‘‘۔
وزیر اعظم نے کہا کہ گرو نانک دیو جی کے خیالات سے متاثر ہو کر ملک 130 کروڑ ہندوستانیوں کی فلاح و بہبود کے جذبے کے ساتھ آگے بڑھ رہا ہے۔ وزیر اعظم نے روحانی روشن خیالی، دنیاوی خوشحالی اور سماجی ہم آہنگی کے لیے گرو نانک دیو جی کی تعلیم کو یاد کیا۔ وزیر اعظم نے کہا کہ آزادی کے امرت کال میں ملک نے قوم کی شان اور روحانی تشخص پر فخر کا احساس دوبارہ جگایا ہے۔ فرض کے اعلیٰ احساس کی حوصلہ افزائی کے لیے، ملک نے اس مرحلے کو کرتویہ کال کے طور پر منانے کا فیصلہ کیا ہے۔ انہوں نے کہا کہ آزادی کا امرت کال کے اس مرحلے کے دوران سب کا ساتھ، سب کا وکاس، سب کا وشواس اور سب کا پرایاس کے ساتھ مساوات، ہم آہنگی، سماجی انصاف اور اتحاد کا کام جاری ہے۔ انہوں نے مزید کہا کہ ’’گربانی سے ہمیں جو ہدایت ملی ہے وہ روایت، ایمان کے ساتھ ساتھ ترقی یافتہ ہندوستان کا وژن بھی ہے‘‘۔
گرو کی تعلیم کی لازوال مطابقت پر روشنی ڈالتے ہوئے وزیر اعظم نے کہا کہ امرت کی عظمت، جو ہمارے پاس گرو گرنتھ صاحب کی شکل میں ہے، اس کی اہمیت وقت اور جغرافیہ کی حدود سے بالاتر ہے۔ ہم یہ بھی دیکھتے ہیں کہ جب بحران بڑا ہوتا ہے تو ان کےحل کی مطابقت اور بھی بڑھ جاتی ہے۔ دنیا میں بدامنی اور عدم استحکام کے دور میں گرو صاحب کی تعلیمات اور گرو نانک دیو جی کی زندگی ایک مشعل کی طرح دنیا کو راہ دکھا رہی ہے۔ وزیر اعظم نے کہا کہ ہم جتنا زیادہ اپنے گرووں کے آدرشوں کو زندہ کریں گے، اتنا ہی زیادہ ہم 'ایک بھارت شریشٹھ بھارت' کے احساس کو مجسم کریں گے، ہم انسانیت کی قدروں کو اتنی ہی اہمیت دیں گے، گرو کی تعلیمات اتنی ہی بلند اور واضح ہوں گی اور ہر شخص تک پہنچیں گی۔
وزیر اعظم نے کہا کہ گرو نانک دیو جی کے آشیرواد سے ہمیں گزشتہ 8 سالوں کے دوران عظیم سکھ ورثے کی خدمت کرنے کا موقع ملا۔ انہوں نے یاتریوں کی سہولت کے لیے گوبند گھاٹ سے ہیم کنٹ صاحب تک روپ وے اور دہلی اونا وندے بھارت ایکسپریس کا سنگ بنیاد رکھنے کا ذکر کیا۔ گرو گوبند سنگھ جی اور دہلی کٹرا امرتسر ایکسپریس وے سے متعلق مقامات کی بجلی کاری سے بھی سہولت میں اضافہ ہوگا۔ انہوں نے بتایا کہ حکومت اس پر 35 ہزار کروڑ روپے سے زیادہ خرچ کر رہی ہے۔ وزیراعظم نے کہا کہ یہ کوششیں سہولیات اور سیاحت کی امکانات سے بالاتر ہیں، یہ توہمارے عقیدے، سکھ ورثے، خدمت، محبت اور عقیدت کی توانائی کے بارے میں ہے۔ وزیر اعظم نے کرتارپور صاحب راہداری کھولنے، افغانستان سے گرو گرنتھ صاحب کی مقدس جلدوں کو واپس لانے اور صاحبزادوں کی عظیم قربانی کے اعزاز میں 26 دسمبر کو ویر بال دیوس کے طور پر منانے جیسے اقدامات کا بھی ذکر کیا۔ وزیر اعظم نے کہا"تقسیم میں ہمارے پنجاب کے لوگوں کی قربانیوں کی یاد میں، ملک نے وبھاجن وبھیشیکا اسمرتی دیوس بھی شروع کیا ہے۔ ہم نے سی اے اے قانون لا کر، تقسیم سے متاثر ہندو سکھ خاندانوں کو شہریت دینے کا ایک طریقہ بنانے کی بھی کوشش کی ہے۔
وزیر اعظم نے اختتامی کلمات ادا کرتے ہوئے کہا’’مجھے پورا یقین ہے کہ گرووں کے آشیرواد سے، ہندوستان اپنی سکھ روایت کی شان کو بڑھاتا رہے گا اور ترقی کی راہ پر گامزن رہے گا‘‘۔
Greetings on Guru Purab and Dev Deepavali. pic.twitter.com/uLejNJlqMh
— PMO India (@PMOIndia) November 7, 2022
मैं अपना और अपनी सरकार का बहुत बड़ा सौभाग्य मानता हूं कि गुरुओं के इतने अहम प्रकाश पर्व हमारी ही सरकार के दौरान आए: PM @narendramodi pic.twitter.com/pTPU4dm8yx
— PMO India (@PMOIndia) November 7, 2022
हर प्रकाश पर्व का प्रकाश देश के लिए प्रेरणापुंज का काम कर रहा है: PM @narendramodi pic.twitter.com/ptiKVYcPHS
— PMO India (@PMOIndia) November 7, 2022
Inspired by Guru Nanak Dev Ji's thoughts, the country is moving ahead with the spirit of welfare of 130 crore Indians. pic.twitter.com/5T00SsVP6v
— PMO India (@PMOIndia) November 7, 2022
जो मार्गदर्शन देश को सदियों पहले गुरुवाणी से मिला था, वो आज हमारे लिए परंपरा भी है, आस्था भी है, और विकसित भारत का विज़न भी है: PM @narendramodi pic.twitter.com/QKhywDTRYC
— PMO India (@PMOIndia) November 7, 2022
It is our constant endeavour to strengthen the Sikh traditions. pic.twitter.com/njOJwoNhJZ
— PMO India (@PMOIndia) November 7, 2022
हमारा प्रयास रहा है कि सिख विरासत को सशक्त करते रहें। pic.twitter.com/IndhMYhmhk
— PMO India (@PMOIndia) November 7, 2022
विभाजन में हमारे पंजाब के लोगों ने, देश के लोगों ने जो बलिदान दिया, उसकी स्मृति में देश ने विभाजन विभीषिका स्मृति दिवस की शुरुआत भी की है। pic.twitter.com/1QS3JrmuU5
— PMO India (@PMOIndia) November 7, 2022
