نئی دہلی، 27 /جون۔ وزیراعظم جناب نریندر مودی 28جون 2018 کو اترپردیش کے سنت کبیرنگر ضلع میں مگہر کے مقام پر جائیں گے۔
وزیراعظم مشہور و معروف اور عظیم صوفی سنت کبیر کی 500ویں برسی کے موقع پر ان کی سمادھی پر گلہائے عقیدت نذر کریں گے۔ وہ سنت کبیر کے مزار پر چادر چڑھائیں گے۔
وزیراعظم سنت کبیر کی گپھا کا بھی دورہ کریں گے۔ وہ کبیر اکیڈمی کا سنگ بنیاد رکھنے کے لئے ایک تختی کی نقاب کشائی کریں گے، جس پر عظیم صوفی کی تعلیمات اور خیالات کندہ کئے گئے ہیں۔
بعد میں، مگہر میں ایک عوامی جلسے میں وزیراعظم ثقافتی پروگرام سے محظوظ ہوں گے اور اجتماع سے خطاب کریں گے۔
