Share
 
Comments
ملک تبدیلی کے عمل کا مشاہدہ کر رہا ہے اور 125 کروڑ ہندوستانی نیو انڈیا کے خواب کو شرمندہ تعبیر کرنے کے لئے آگے بڑھ رہے ہیں: وزیر اعظم مودی
بی جے پی کی قیادت میں این ڈی اے حکومت نے خریف کی فصلوں کی کم از کم امدادی قیمت کو 1.5 گنا بڑھانے کا اپنا وعدہ پورا کر دیا ہے: وزیر اعظم
کاشتکار ہمارے ’اند داتا ‘ہیں ، ان کی فلاح و بہبود ملک کی ترقی کو یقینی بنائے گی : وزیر اعظم مودی
مغربی بنگال میں ٹی ایم سی حکومت کاشتکاروں کی کلفتوں کو دور کرنے، ناداروں کو اوپر اٹھانے اور ریاست کے نوجوانوں کے لئے روزگار فراہم کرنے کے معاملے میں نااہل ثابت ہوئی ہے: وزیر اعظم مودی
‘مغربی بنگال میں سنڈی کیٹ سیاست ٹی ایم سی سرپرستی میں پروان چڑھ رہی ہے جو ریاست کی نمو میں ہارج ہو رہی ہے: وزیر اعظم مودی
مغربی بنگال میں سیاسی فوائد کے لئے بی جے پی کارکنان پر ہوا حملہ حقیقتاً جمہوریت پر حملہ ہے : وزیر اعظم نریندر مودی

مغربی بنگال کے پشچمی مدناپور میں ایک عظیم الشان عوامی جلسے کو خطاب کرتے ہوئے وزیر اعظم جناب نریندر مودی نے کہا کہ ملک میں زبردست تبدیلیاں پیدا ہو رہی ہیں اور 125 کروڑ ہندوستانی نئے ہندوستان کے خواب کی عملی تعبیر کے لئے مل جل کر آگے بڑھ رہے ہیں۔

جناب نریندر مودی نے اپنی تقریر میں مہاتما گاندھی، سبھاش چندر بوس، اوروبندو، ڈاکٹر شیاما پرساد مکھرجی، دیش بندھو چترنجن داس، ایوشور چندر ودیاساگر، خودی رام بوس، ماتنگنی حاضرہ اور رانی شرومنی کو زبردست خراج عقیدت پیش کیا۔

وزیر اعظم نے کہا کہ بی جے پی کی قیادت والی قومی جمہوری اتحاد سرکار میں کسانوں کی فلاح پر توجہ مرکوز کی ہوئی ہے اور اس لئے سرکاری نے کم از کم امدادی قیمت میں ڈیڑھ گنا اضافہ کرکے اپنےوعدے کو پورا کیا ہے۔کسانوں کو ’ان داتا‘قرار دیتے ہوئے وزیر اعظم نے کہا کہ ملک کسانوں کی فلاح کے ذریعہ ترقی کی شاہراہ پر آگے بڑھتا رہے گا۔اس موقع پر وزیر اعظم نے 2022 تک کسانوں کی آمدنی دوگنی کیے جانے کے قومی جمہوری اتحاد کے تصور پر بھی روشنی ڈالی۔

 

وزیر اعظم موصوف نے اپنی تقریر میں امید ظاہر کی کہ ماہی پروری کو منفعت بخش بنانے اور اس میں توسیع کے زبردست امکانات موجود ہیں۔ انہوں نے اس سلسلے میں نیلگوں انقلاب پر مرکزی سرکار کی گہری توجہ کا بھی ذکر کیا۔

وزیر اعظم نے ٹی ایم سی قیادت والی ریاستی سرکار کو شدید تنقید کا نشانہ بناتے ہوئے کہا کہ یہ سرکار کسانوں کے مسائل اور شکایات کا تدارک کرنے میں ناکام رہی ہے۔ غریبوں کی معیار زندگی کو بلند نہیں کر سکی ہے اور نہ ہی ریاست کے نوجوانوں کے لئے ملازمتوں کے مواقع پیدا کر سکی ہے۔ انہوں نے کہا کہ مغربی بنگال میں ٹی ایم سی کے دور اقتدار میں سنڈیکیٹ سیاست کو فروغ حاصل ہو رہا ہے جس سے ریاست کی ترقی و نمو کو زبردست نقصان ہو رہا ہے۔ جناب مودی نے مزید کہا کہ سیاسی پارٹیوں کا سنڈیکیٹ صرف اور صرف ووٹ بینک اور اقتدار میں قائم رہنے کے لئے کام کر رہا ہے۔

وزیر اعظم نے اپنی تقریر میں بائیں محاذ کو نشانہ بناتے ہوئے تری پورہ کے عوام کی مثال پیش کی اور کہا کہ مغربی بنگال کے عوام بھی بائیں بازوں کو مسترد کر دیں گے۔

ریاست میں سیاسی فائدے کے لئے بی جے پی کے کارکنان پر حملوں کا ذکر کرتے ہوئے جناب مودی نے کہا کہ یہ حملے دراصل جمہوریت پر حملے ہیں۔ انہوں نے مغربی بنگال کے بی جے پی کارکنان کی سخت محنت کی ستائش کرتے ہوئے کہا کہ شدید دشواریوں کے باوجود یہ لوگ مستقبل مزاجی سے اور ڈٹ کر کام کر رہے ہیں۔

 تقریر کا مکمّل متن پڑھنے کے لئے یہاں کلک کریں.

Explore More
لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن

Popular Speeches

لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن
Phone exports more than double YoY in April-October

Media Coverage

Phone exports more than double YoY in April-October
...

Nm on the go

Always be the first to hear from the PM. Get the App Now!
...
PM applauds those who are displaying their products on GeM platform
November 29, 2022
Share
 
Comments
GeM platform crosses Rs. 1 Lakh crore Gross Merchandise value

The Prime Minister, Shri Narendra Modi has applauded the vendors for displaying their products on GeM platform.

The GeM platform crosses Rs. 1 Lakh crore Gross Merchandise value till 29th November 2022 for the financial year 2022-2023.

In a reply to a tweet by Union Minister, Shri Piyush Goyal, the Prime Minister tweeted;

"Excellent news! @GeM_India is a game changer when it comes to showcasing India’s entrepreneurial zeal and furthering transparency. I laud all those who are displaying their products on this platform and urge others to do the same."