Share
 
Comments

نئی دہلی، 06؍اگست2021: وزیر اعظم جناب نریندر مودی نے کہا ہے کہ انہیں باشندگان ملک کی جانب سے کھیل رتن ایوارڈ کو میجر دھیان چند کے نام سے منسوب کرنے کی بہت سی درخواستیں موصول ہو رہی   ہیں۔ انہوں نے کہا کہ ان کے جذبات کا احترام کرتے ہوئے ، کھیل رتن ایوارڈ، اب ' میجر دھیان چند کھیل رتن ایوارڈ' کہلائے گا۔

وزیر اعظم نے مزید کہا کہ میجر دھیان چند، ہندوستان کے صف اول کے کھلاڑیوں میں شامل تھے جو ہندوستان کے لیے اعزاز اور فخر کا باعث بنے۔ یہ ہر لحاظ سے مناسب ہوگا کہ ہمارے ملک  کا سب سے بڑا کھیل اعزاز ان کے نام سے موسوم کیا جائے۔

سلسلہ وار ٹویٹس میں ، وزیر اعظم نے کہا:

"مردوں اور عورتوں کی ہاکی ٹیم کی غیر معمولی کارکردگی نے ہماری پوری قوم کے تخیل کو نئی پرواز دی ہے اور ان میں کچھ کر گزرنے کا جذبہ پروان چڑھایا ہے۔ ان  ہونہار کھلاڑیوں  نے ہاکی کے بارے میں ایک نئی دلچسپی  پیدا کی ہے جو ہندوستان کے طول و عرض میں مثبت انداز میں ابھر رہی ہے۔ یہ آنے والے وقتوں کے لیے ایک بہت ہی مثبت علامت ہے۔

مجھے ملک  بھر کے شہریوں کی طرف سے کھیل رتن ایوارڈ کو میجر دھیان چند کے نام سے منسوب کرنے کی بہت سی درخواستیں مل رہی ہیں۔ میں اس مثبت آراء اور خیالات کے لیے ان کا شکریہ ادا کرتا ہوں۔

ان کے جذبات کا احترام کرتے ہوئے ، کھیل رتن ایوارڈ، اب میجر دھیان چند کھیل رتن ایوارڈ کہلائے گا۔''

جئے ہند!

میجر دھیان چند ہندوستان کے صف اول کے کھلاڑیوں میں شامل تھے جو ہندوستان کے لیے اعزاز اور فخر کا باعث بنے۔ یہ انتہائی مناسب ہے کہ ہماری قوم کا سب سے بڑا کھیل اعزاز ان کے نام پر رکھا جائے گا۔

اولمپک کھیلوں میں ہندوستانی کھلاڑیوں کی شاندار کارکردگی سے ہم سب انتہائی مسرور ہیں۔خاص طور سے ہاکی میں  ہمارے بیٹوں اور بیٹیوں نے جس طرح کی قوت ارادی کا مظاہرہ کیا ہے، جیت کے تئیں جس طرح کی وارفتگی اورجوش و خروش کا مظاہرہ کیا ہے، وہ موجودہ اور آنے والی نسلوں کے لیےبہت زیادہ حوصلہ افزاہے۔

ملک کو فخر کرنے کا موقع فراہم کرنے والے لمحات کے درمیان کئی ہم وطنوں کی یہ بھی درخواست آئی ہے کہ کھیل رتن ایوارڈ کا نام میجر دھیان چند جی کے نام سے  وقف کیا جائے۔ لوگوں کے جذبات کو مدنظر رکھتے ہوئے اب اس کا نام بدل کر میجر دھیان چند کھیل رتن ایوارڈ رکھا جا رہا ہے۔

جئے ہند!

20 تصاویر سیوا اور سمرپن کے 20 برسوں کو بیاں کر رہی ہیں۔
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
What PM Gati Shakti plan means for the nation

Media Coverage

What PM Gati Shakti plan means for the nation
...

Nm on the go

Always be the first to hear from the PM. Get the App Now!
...
سوشل میڈیا کارنر،25 اکتوبر 2021
October 25, 2021
Share
 
Comments

Citizens lauded PM Modi on the launch of new health infrastructure and medical colleges.

Citizens reflect upon stories of transformation under the Modi Govt