అమెరికా అధ్యక్షులుగా ఎన్నికైన హిస్ ఎక్స్ లెన్సీ శ్రీ జోసెఫ్ ఆర్. బిడెన్ తో ప్రధాని శ్రీ నరేంద్ర మోదీ టెలిఫోన్ ద్వారా మాట్లాడారు.
శ్రీ బిడెన్ కు ప్రధాని శ్రీనరేంద్ర మోదీ తన హృదయపూర్వక శుభాకాంక్షలు తెలిపారు. ఆయన ఎన్నిక అనేది అమెరికాలో నెలకొన్న ప్రజాస్వామ్య సంప్రదాయాల పటిష్టత, డృఢత్వానికి నిదర్శనమని ప్రధాని ప్రశంసించారు.
అమెరికా ఉపాధ్యక్షురాలిగా ఎన్నికైన సెనేటర్ కమలా హ్యారిస్ కు కూడా ప్రధాని శ్రీ నరేంద్ర మోదీ తన హృదయ పూర్వక శుభాకాంక్షలు, అబినందనలు తెలిపారు.
శ్రీ జోసెఫ్ ఆర్. బిడెన్ తో గతంలో తాను జరిపిన సంభాషణల గురించి… ఈ సందర్భంగా ప్రధాని గుర్తు చేశారు. 2014లోను, 2016లోను ప్రధానిగా తాను జరిపిన అమెరికా అధికారిక పర్యటనలను ఈ సందర్భంగా గుర్తు చేశారు. 2016లో ప్రధాని శ్రీ నరేంద్ర మోదీ అమెరికా పర్యటన చేసిన సమయంలో ఆయన అమెరికా కాంగ్రెస్ ఉమ్మడి సమావేశంను ఉద్దేశించి ప్రసంగించారు. ఆ సమావేశానికి శ్రీ ఆర్ బిడెన్ అధ్యక్షునిగా వ్యవహరించారు.
ఇండియా అమెరికా సంబంధాలు మరింత బలోపేతం కావడంకోసం కలిసికట్టుగా పని చేయాలని ఇరువురు నేతలు అంగీకరించారు. ఇరు దేశాల మధ్యన పంచుకునే విలువలు, ఉమ్మడి ప్రాధాన్యతల మీద నిర్మితమైన సమగ్రమైన అంతర్జాతీయ వ్యూహాత్మక భాగస్వామ్యాన్ని బలోపేతం చేయాలని నిర్ణయించారు. ఇరు దేశాల ప్రాధాన్యతల గురించి కూడా ఇరువురు నేతలు చర్చించారు. కోవిడ్ 19 మహమ్మారి కట్టడి, వ్యాక్సిన్లను అందరికీ అందుబాటులోకి తేవడం, వాతావరణ మార్పు సమస్యలను పరిష్కరించడం, ఇండోపసిఫిక్ ప్రాంతంలో సహకారం మొదలైన అంశాల గురించి ఇరువురు నేతలు చర్చించడం జరిగింది.
Spoke to US President-elect @JoeBiden on phone to congratulate him. We reiterated our firm commitment to the Indo-US strategic partnership and discussed our shared priorities and concerns - Covid-19 pandemic, climate change, and cooperation in the Indo-Pacific Region.
— Narendra Modi (@narendramodi) November 17, 2020
I also conveyed warm congratulations for VP-elect @KamalaHarris. Her success is a matter of great pride and inspiration for members of the vibrant Indian-American community, who are a tremendous source of strength for Indo-US relations.
— Narendra Modi (@narendramodi) November 17, 2020
