ప్రధానమంత్రి శ్రీ నరేంద్ర మోదీకి బ్రెజిల్‌‌లో అత్యున్నత జాతీయ పురస్కారం ‘‘ద గ్రాండ్ కాలర్ ఆఫ్ ద నేషనల్ ఆర్డర్ ఆఫ్ ద సదరన్ క్రాస్’’ ప్రదానం

బ్రెజిల్‌‌లో అత్యున్నత జాతీయ పురస్కారం అయిన ‘‘ద గ్రాండ్ కాలర్ ఆఫ్ ద నేషనల్ ఆర్డర్ ఆఫ్ ద సదరన్ క్రాస్’’ అవార్డుతో ఆ దేశ అధ్యక్షుడు గౌరవ లూయిజ్ ఇనాసియో లూలా డ సిల్వా ఈ రోజు భారత ప్ర‌ధానమంత్రి శ్రీ న‌రేంద్ర మోదీని సత్కరించారు.

ఈ విశిష్ట గౌరవాన్ని తనకు ఇచ్చినందుకు బ్రెజిల్ అధ్యక్షునికి, బ్రెజిల్ ప్రభుత్వంతో పాటు బ్రెజిల్ ప్రజానీకానికి ప్రధానమంత్రి శ్రీ నరేంద్ర మోదీ హృదయపూర్వక కృత‌జ్ఞత‌లు తెలియజేశారు. ఈ అవార్డును స్వీకరిస్తూ, ఈ సన్మానం 140 కోట్ల మంది భారతీయులకే కాకుండా భారత్, బ్రెజిల్‌ల మైత్రీబంధానికి లభించిన గుర్తింపు అని అన్నారు. అధ్యక్షుడు శ్రీ లూలాను భారత్, బ్రెజిల్‌ వ్యూహాత్మక భాగస్వామ్యానికి ఆద్యునిగా శ్రీ మోదీ చెబుతూ, ఈ అవార్డు ద్వైపాక్షిక సంబంధాలను మరింత ఉన్నత శిఖరాలకు చేర్చేందుకు తాను చేస్తున్న కృషికి దక్కిన గౌరవంగా భావిస్తున్నట్లు తెలిపారు.

ఈ ప్రశంస ఇరు దేశాల ప్రజలకు, వారి మధ్య ఇప్పుడున్న ఆత్మీయతను, మైత్రీపూర్వక సంబంధాలను మరింత బలోపేతం చేయడానికి తగిన స్ఫూర్తిని అందిస్తుందని ప్రధానమంత్రి చెప్పారు.‌

I’m honoured to have been conferred ‘The Grand Collar of the National Order of the Southern Cross.’ Gratitude to President Lula, the Government and the people of Brazil. This illustrates the strong affection the people of Brazil have for the people of India. May our friendship… pic.twitter.com/MpKS9FgsES

— Narendra Modi (@narendramodi) July 8, 2025

Sinto-me honrado por ter recebido o Grande Colar da Ordem Nacional do Cruzeiro do Sul. Gratidão ao Presidente Lula, ao Governo e ao povo brasileiro. Isso ilustra o profundo afeto que o povo brasileiro tem pelo povo indiano. Que nossa amizade alcance os ápices do sucesso nos… pic.twitter.com/WL8iaKvFGF

— Narendra Modi (@narendramodi) July 8, 2025