ସହାୟକ ସଚିବ ଭାବେ ନିଯୁକ୍ତ ୨୦୧୪ ବ୍ୟାଚର ଯୁବ ଭାରତୀୟ ପ୍ରଶାସନିକ ସେବା ଅଧିକାରୀମାନେ ସେମାନଙ୍କ ଅନ୍ତିମ କାର୍ଯ୍ୟ ଅଧିବେଶନରେ ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସମ୍ମୁଖରେ ନିଜ ନିଜର ଉପସ୍ଥାପନା ଓ ମତାମତ ରଖିଥିଲେ ।
ଅଧିକାରୀମାନଙ୍କ ଦ୍ଵାରା ଡିବିଟି, ସ୍ଵଚ୍ଛ ଭାରତ, ଇ-ନ୍ୟାୟାଳୟ, ପର୍ଯ୍ୟଟନ, ସ୍ଵାସ୍ଥ୍ୟ ଏବଂ ପ୍ରଶାସନରେ ଉପଗ୍ରହ କୌଶଳର ପ୍ରୟୋଗ ଭଳି ୮ଟି ନିର୍ଦ୍ଧାରିତ ବିଷୟ ଉପସ୍ଥାପନ କରାଯାଇଥିଲା ।
ଏହି ଅବସରରେ ପ୍ରଧାନମନ୍ତ୍ରୀ ଯୁବ ଅଧିକାରୀମାନଙ୍କୁ ସେମାନଙ୍କ ଦ୍ଵାରା କରାଯାଇଥିବା ସୁନ୍ଦର ଉପସ୍ଥାପନା ପାଇଁ ଅଭିନନ୍ଦନ ଜଣାଇଥିଲେ ।
ସେ କହିଥିଲେ ଯେ କେନ୍ଦ୍ର ସରକାରଙ୍କ ସହିତ ସହାୟକ ସଚିବ ଭାବେ ଭାରତୀୟ ପ୍ରଶାସନିକ ଅଧିକାରୀମାନଙ୍କୁ ଦାୟିତ୍ଵ ଦେବା ପଛରେ ପୁରୁଣା ଅନୁଭୂତି ଏବଂ ଯୁବ ପ୍ରାଣର ଉତ୍ସାହକୁ ଯୋଡିବାର ଲକ୍ଷ୍ୟ ରଖାଯାଇଥିଲା । ଯାହାର ପରିଣାମ ଆଜି ଦେଖିବାକୁ ମିଳିଛି ଏବଂ ଏହା ବେଶ୍ ସନ୍ତୋଷଜନକ ।
ଏକ ଟିମ ଭାବନାକୁ ସର୍ବଦା ପ୍ରାଥମିକତା ଦେଇ କାର୍ଯ୍ୟ କରିବାକୁ ଆହ୍ଵାନ ଦେଇ ପ୍ରଧାନମନ୍ତ୍ରୀ କହିଥିଲେ ଯେ, ମିଳିତ ଭାବେ କାର୍ଯ୍ୟ କଲେ ସବୁ ଅସମ୍ଭବ ସମ୍ଭବ ହୋଇପାରିବ ।
ସେ କହିଥିଲେ ଯେ, ରାଜନୀତି କୋ÷ଣସି ନୀତି (Principle) ଉପରେ ନୁହେଁ । ରାଷ୍ଟ୍ରହିତ ଏବଂ ଗରିବଙ୍କୁ କ୍ଷତି ନ ପହଂଚାଇବା ଭଳି ନିଷ୍ପତ୍ତି ନେବା ଲାଗି ପ୍ରଧାନମନ୍ତ୍ରୀ ଭାରତୀୟ ପ୍ରଶାସନିକ ସେବାର ଯୁବ ଅଧିକାରୀମାନଙ୍କୁ ପରାମର୍ଶ ଦେଇଥିଲେ ।
