ସମ୍ମାନୀୟ ଅଧ୍ୟକ୍ଷ ମହୋଦୟ,
ଶୀତକାଳୀନ ଅଧିବେଶନ ଆରମ୍ଭ ହୋଇଛି, ଏବଂ ଆଜି ଆମ ସମସ୍ତ ତଥା ଗୃହର ସମସ୍ତ ମାନନୀୟ ସଦସ୍ୟଙ୍କ ପାଇଁ ଏକ ଗର୍ବର ମୁହୂର୍ତ୍ତ। ଆପଣଙ୍କୁ ସ୍ୱାଗତ କରିବା ଏବଂ ଆପଣଙ୍କ ମାର୍ଗଦର୍ଶନରେ, ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା କରିବା, ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବା ଏବଂ ଗୃହ ମାଧ୍ୟମରେ ଦେଶକୁ ପ୍ରଗତି ପଥରେ ଆଗେଇ ନେବା ପାଇଁ ଆପଣଙ୍କ ଅମୂଲ୍ୟ ମାର୍ଗଦର୍ଶନ ଗ୍ରହଣ କରିବା। ଏହା ଆମ ସମସ୍ତଙ୍କ ପାଇଁ ଏକ ମହାନ ସୁଯୋଗ। ଗୃହ ପକ୍ଷରୁ, ମୋ ପକ୍ଷରୁ, ମୁଁ ଆପଣଙ୍କୁ ହୃଦୟର ସହିତ ଅଭିନନ୍ଦନ ଏବଂ ଶୁଭକାମନା ଜଣାଉଛି। ମୁଁ ଆପଣଙ୍କୁ ଏହା ମଧ୍ୟ ଆଶ୍ୱସ୍ତି ଦେଉଛି ଯେ, ଏହି ଗୃହରେ ବସିଥିବା ସମସ୍ତ ମାନନୀୟ ସଦସ୍ୟ, ଉଚ୍ଚ ଗୃହର ମର୍ଯ୍ୟାଦା ବଜାୟ ରଖି, ସର୍ବଦା ଆପଣଙ୍କ ମର୍ଯ୍ୟାଦା ପ୍ରତି ସଚେତନ ରହିବେ ଏବଂ ସୌଜନ୍ୟ ବଜାୟ ରଖିବେ। ମୁଁ ଆପଣଙ୍କୁ ଏହା ଆଶ୍ୱସ୍ତି ଦେଉଛି।
ଆମର ଅଧ୍ୟକ୍ଷ ମହୋଦୟ ଏକ ସାଧାରଣ ପରିବାରରୁ ଆସିଛନ୍ତି, ଜଣେ କୃଷକ ପରିବାରର ସଦସ୍ୟ। ସେ ତାଙ୍କର ସମଗ୍ର ଜୀବନ ସମାଜ ସେବା ପାଇଁ ଉତ୍ସର୍ଗ କରିଛନ୍ତି। ସମାଜସେବା ତାଙ୍କର ନିରନ୍ତର ପ୍ରୟାସ। ରାଜନୈତିକ କ୍ଷେତ୍ର ଏହାର ଏକ ଦିଗ ଥିଲା। କିନ୍ତୁ ମୁଖ୍ୟ ଲକ୍ଷ୍ୟ ଥିଲା ସମାଜସେବା, ସମାଜ ପ୍ରତି ତାଙ୍କର ପ୍ରଦର୍ଶନ, ତାଙ୍କ ଯୁବାବସ୍ଥାରୁ ସେ କରିଥିବା କାର୍ଯ୍ୟ। ସମାଜସେବାରେ ଆଗ୍ରହୀ ଆମ ସମସ୍ତଙ୍କ ପାଇଁ ସେ ପ୍ରେରଣା ଏବଂ ଜଣେ ମାର୍ଗଦର୍ଶକ। ଏକ ସାଧାରଣ ପରିବାର, ଏକ ସାଧାରଣ ସମାଜ ଏବଂ ଏକ ସାଧାରଣ ରାଜନୈତିକ ଦୃଶ୍ୟପଟରୁ ଆସି, ଜୀବନର ବିଭିନ୍ନ ମୋଡ଼ ଦେଇ ଆପଣ ଏହି ପର୍ଯ୍ୟନ୍ତ ପହଞ୍ଚିବା ହିଁ ଆମ ସମସ୍ତଙ୍କ ପାଇଁ ଏକ ମାର୍ଗଦର୍ଶନ। ଏହା ଭାରତୀୟ ଗଣତନ୍ତ୍ରର ସବୁଠାରୁ ବଡ଼ ଶକ୍ତି। ମୁଁ ଆପଣଙ୍କୁ ବହୁତ ଦିନ ଧରି ଜାଣିଥିବାରୁ ଏବଂ ସାର୍ବଜନୀନ ଜୀବନରେ ଏକାଠି କାମ କରିବାର ସୁଯୋଗ ପାଇଥିବାରୁ ଭାଗ୍ୟବାନ। ପ୍ରଧାନମନ୍ତ୍ରୀ ପଦବୀରେ ରହି ମଧ୍ୟ ମୁଁ ଯେତେବଳେ ଆପଣ ବିଭିନ୍ନ ପଦପଦବୀରେ କାମ କରୁଥିବାର ଦେଖେ, ମୋର ମନରେ ଅତ୍ୟନ୍ତ ସକାରାତ୍ମକ ଅନୁଭବ ହେବା ସ୍ୱାଭାବିକ ଥିଲା। କଏର ବୋର୍ଡର ଅଧ୍ୟକ୍ଷ ଭାବରେ, ଆପଣ ଏହାକୁ ଐତିହାସିକ ଭାବରେ ସର୍ବାଧିକ ଲାଭଦାୟକ ପ୍ରତିଷ୍ଠାନରେ ପରିଣତ କରିଥିଲେ, ଯାହା ଏକ ପ୍ରତିଷ୍ଠାନ ପ୍ରତି ଉତ୍ସର୍ଗ ସହିତ କେତେ ବିକାଶ ହାସଲ କରାଯାଇପାରିବ ଏବଂ ଏହା କିପରି ଏକ ବିଶ୍ୱସ୍ତରୀୟ ପରିଚୟ ସ୍ଥାପନ କରିପାରିବ ତାହା ପ୍ରଦର୍ଶନ କରିଥିଲା। ଭାରତର ଅନେକ ଅଞ୍ଚଳରେ ବହୁତ କମ୍ ଲୋକ ଏପରି ସୁଯୋଗ ପାଆନ୍ତି। ଆପଣ ଝାଡ଼ଖଣ୍ଡ, ମହାରାଷ୍ଟ୍ର, ତେଲେଙ୍ଗାନା ଏବଂ ପୁଡୁଚେରୀରେ ରାଜ୍ୟପାଳ ଏବଂ ଉପରାଜ୍ୟପାଳ ଭାବରେ ବିଭିନ୍ନ ପଦବୀରେ ରହିଥିଲେ। ଝାଡ଼ଖଣ୍ଡର ଆଦିବାସୀ ସମ୍ପ୍ରଦାୟ ସହିତ ଆପଣଙ୍କର ସମ୍ପର୍କ କେତେ ନିବିଡ଼ ତାହା ମୁଁ ଦେଖିଛି। ଆପଣ ଯେଉଁଭଳି ଛୋଟ ଗାଁକୁ ମଧ୍ୟ ଗସ୍ତ କରୁଥିଲେ ତାହାକୁ ଝାଡ଼ଖଣ୍ଡର ମୁଖ୍ୟମନ୍ତ୍ରୀ ଯେତେବେଳେ ଭେଟନ୍ତି ଗର୍ବର ସହିତ ତାହା ଉଲ୍ଲେଖ କରନ୍ତି। କେତେକ ସମୟରେ, ସ୍ଥାନୀୟ ରାଜନେତାମାନେ ମଧ୍ୟ ଚିନ୍ତିତ ଥିଲେ ଯେ ହେଲିକପ୍ଟର ଥାଉ କି ନଥାଉ, ଆପଣ ଯେକୌଣସି ଯାନରେ ଯାତ୍ରା କରନ୍ତି ଆଉ ଛୋଟ ଛୋଟ ସ୍ଥାନରେ ରାତି ବିତାଇପାନ୍ତି। ରାଜ୍ୟପାଳ ଭାବରେ କାର୍ଯ୍ୟ କରିବା ସମୟରେ ମଧ୍ୟ ଆପଣ ସେବାର ଏହି ଭାବନାକୁ କେମିତି ନୂତନ ଶିଖର ଦେଇପାରୁଥିଲେ ତାହା ଆମେ ଭଲ ଭାବରେ ଜାଣୁ। ମୁଁ ଆପଣଙ୍କୁ ଜଣେ କର୍ମୀ ଭାବରେ ଦେଖିଛି, ଆମେ ସହକର୍ମୀ ଭାବରେ ଏକାଠି ଅନେକ କାମ କରିଛୁ। ମୁଁ ଆପଣଙ୍କୁ ଜଣେ ସଂସଦ ସଦସ୍ୟ ଭାବରେ ଦେଖିଛି, ଏବଂ ମୁଁ ଆପଣଙ୍କୁ ବିଭିନ୍ନ ପଦପଦବୀରେ ଦେଖିଛି, ଏବଂ ମୁଁ ଆଜି ଏହି ସ୍ଥାନରେ ପହଞ୍ଚିଛି। କିନ୍ତୁ ମୁଁ ଅନୁଭବ କରିଛି ଯେ ସାର୍ବଜନୀନ ଜୀବନରେ ଏକ ପଦବୀରେ ପହଞ୍ଚିବା ପରେ, ଲୋକମାନେ କେତେବେଳେ ସେମାନଙ୍କ ପଦବୀର ଭାର ଅନୁଭବ କରନ୍ତି, ଏବଂ କେତେବେଳେ ପ୍ରୋଟୋକଲ ଦ୍ୱାରା ଭାରାକ୍ରାନ୍ତ ହୋଇଯାଆନ୍ତି। କିନ୍ତୁ ମୁଁ ଦେଖିଛି ଯେ ପ୍ରୋଟୋକଲ ସହିତ ଆପଣଙ୍କର କୌଣସି ସମ୍ପର୍କ ନାହିଁ। ଆପଣ ପ୍ରୋଟୋକଲଠାରୁ ଊର୍ଦ୍ଧ୍ୱରେ ରହିଲେ। ମୁଁ ବିଶ୍ୱାସ କରେ ଯେ ସାର୍ବଜନୀନ ଜୀବନରେ, ପ୍ରୋଟୋକଲ ମୁକ୍ତ ଜୀବନରେ ଏକ ଶକ୍ତି ଅଛି, ଏବଂ ଆମେ ସର୍ବଦା ଆପଣଙ୍କ ମଧ୍ୟରେ ସେହି ଶକ୍ତି ଅନୁଭବ କରିଛୁ, ଏବଂ ଏହା ଆମ ପାଇଁ ଗର୍ବର ବିଷୟ।
ସମ୍ମାନୀୟ ଅଧ୍ୟକ୍ଷ ମହୋଦୟ,
ଆପଣଙ୍କ ବ୍ୟକ୍ତିତ୍ୱରେ ସେବା, ସମର୍ପଣ ଏବଂ ସଂଯମତା ବିଷୟରେ ଆମେ ଭଲ ଭାବରେ ଜାଣୁ। ଆପଣ ଡଲାର ସିଟିରେ ଜନ୍ମଗ୍ରହଣ କରିଥିଲେ, ଏବଂ ଏହାର ନିଜସ୍ୱ ପରିଚୟ ଅଛି। ତଥାପି, ଆପଣ ଅନ୍ତ୍ୟୋଦୟକୁ ଆପଣଙ୍କର ସେବା କ୍ଷେତ୍ର ଭାବରେ ବାଛିଛନ୍ତି। ଆପଣ ସବୁବେଳେ ଡଲାର ସିଟିରେ ମଧ୍ୟ ଦଳିତ ଏବଂ ବଞ୍ଚିତ ପରିବାରର ଯତ୍ନ ନେଇଥିଲେ।
ସମ୍ମାନୀୟ ଅଧ୍ୟକ୍ଷ ମହୋଦୟ,
ମୁଁ ଆପଣଙ୍କ ଏବଂ ଆପଣଙ୍କ ପରିବାର ସଦସ୍ୟଙ୍କଠାରୁ ଶୁଣିଥିବା ଦୁଇଟି ଘଟଣା ଉଲ୍ଲେଖ କରିବାକୁ ଚହୁଁଛି, ଯାହା ଆପଣଙ୍କ ଜୀବନ ଉପରେ ଗଭୀର ପ୍ରଭାବ ପକାଇଛି। ପିଲାବେଳେ, ଆପଣ ଅବିନାଶୀ ମନ୍ଦିରର ପୋଖରୀରେ ବୁଡ଼ିଯିବାର ଆଶଙ୍କାକୁ ସମ୍ମୁଖୀନ ହୋଇଥିଲେ। ସେତେବେଳେ ଆପଣଙ୍କ ପରିବାର ପ୍ରାୟତଃ ଭାବି ନେଇଥିଲେ ଯେ ଆପଣ ବୁଡ଼ୁଛନ୍ତି। କିନ୍ତୁ ଆପଣଙ୍କୁ କିଏ ଦୟା ଦେଖାଇଲେ, ଆପଣ କେମିତି ବଞ୍ଚିଲେ ଓ କିଏ ବଞ୍ଚାଇଲେ ତାହା କାହାକୁ ଜଣା ନାହିଁ। ସ୍ୱୟଂ ଭଗବାନଙ୍କ ଆଶୀର୍ବାଦରେ ଆପଣ ପୁନର୍ଜନ୍ମ ପାଇଲେ ବୋଲି । ଆଉ ଏକ ଏକ କଥା, ଯାହା ଆମେ ସମସ୍ତେ ନିକଟରୁ ଜାଣୁ, ତାହା ହେଲା ଲାଲକୃଷ୍ଣ ଆଡଭାନୀଙ୍କ କୋଏମ୍ବାଟୁର ଗସ୍ତର କିଛି ସମୟ ପୂର୍ବର। ସେତେବେଳେ ଏକ ଭୟଙ୍କର ବୋମା ବିସ୍ଫୋରଣ ଘଟିଥିଲା। ହୁଏତ ୬୦-୭୦ ଜଣ ଲୋକ ପ୍ରାଣ ହରାଇଥିଲେ, ଏକ ଭୟଙ୍କର ବୋମା ବିସ୍ଫୋରଣ ହୋଇଥିଲା, ଏବଂ ଆପଣ ଅଳ୍ପକେ ରକ୍ଷା ପାଇଯାଇଥିଲେ। ଏହି ଦୁଇଟି ଘଟଣାରେ, ଆପଣ ଏକ ଦିବ୍ୟ ସଙ୍କେତ ଦେଖିଥିଲେ ଏବଂ ନିଜକୁ ସମାଜ ପାଇଁ ଅଧିକ ଉତ୍ସର୍ଗୀକୃତ କରିଥିଲେ। ଏହା ସ୍ୱୟଂ ଏକ ସକାରାତ୍ମକ ଚିନ୍ତାଧାରାକୁ ପ୍ରତିଫଳିତ କରେ।
ସମ୍ମାନୀୟ ଅଧ୍ୟକ୍ଷ ମହୋଦୟ,
ଆଉ ଏକ କଥା ଏଠାରେ ଉଲ୍ଲେଖ କରିବି। ଯାହା ମୁଁ ଜାଣି ନଥିଲି ଏବେ ଜାଣିଲି। ଆପଣ କାଶୀ ଗସ୍ତ କରିଥିଲେ, ହୁଏତ ଉପରାଷ୍ଟ୍ରପତି ହେବା ପରେ। ଜଣେ ସଂସଦ ସଦସ୍ୟ ଭାବରେ, ମୁଁ ସ୍ୱାଭାବିକ ଭାବରେ ଭାବୁଛି ଯେ ସେଠାରେ ସବୁକିଛି ଠିକ୍ ଅଛି। କିନ୍ତୁ ଆପଣ ସେଠାରେ କିଛି ଉଲ୍ଲେଖ କରିଥିଲେ, ଯାହା ମୋ ପାଇଁ ନୂଆ ଥିଲା। ଆପଣ ସେଠାରେ କହିଥିଲେ ଯେ ଆପଣ ମାଂସାହାରୀ ଖାଦ୍ୟ ଖାଇବାରେ ଅଭ୍ୟସ୍ତ ଥିଲେ, କିନ୍ତୁ ଯେତେବେଳେ ଆପଣ ଆପଣଙ୍କ ଜୀବନରେ ପ୍ରଥମ ଥର ପାଇଁ କାଶୀ ଗସ୍ତ କରିଥିଲେ ଏବଂ ସେଠାରେ ପୂଜା କରିଥିଲେ, ସେତେବେଳେ ଆପଣ ମାତା ଗଙ୍ଗାଙ୍କ ଆଶୀର୍ବାଦ ପାଇଥିଲେ। ମୁଁ ଜାଣିନାହିଁ କାହିଁକି, କିନ୍ତୁ ଆପଣଙ୍କ ଭିତରେ ଏକ ସଂକଳ୍ପ ସୃଷ୍ଟି ହୋଇଥିଲା, ଏବଂ ସେହି ଦିନଠାରୁ, ଆପଣ ମାଂସାହାରୀ ଖାଦ୍ୟ ନ ଖାଇବାକୁ ନିଷ୍ପତ୍ତି ନେଇଥିଲେ। ବର୍ତ୍ତମାନ , ଏହା ଏକ ପ୍ରକାର ସାତ୍ତ୍ୱିକ ଭାବନା, ବା ମାଂସାହାରୀମାନେ ମନ୍ଦ, ମୁଁ ତାହା କହୁନାହିଁ। କିନ୍ତୁ କାଶୀ ଭୂମିରେ ଆପଣଙ୍କ ମନରେ ଏହି ଚିନ୍ତାଧାରା ଆସିଥିଲା, ଏବଂ ସାଂସଦ ଭାବରେ, ମୁଁ ଏହାକୁ ସର୍ବଦା ଏକ ସ୍ମରଣୀୟ ଘଟଣା ଭାବରେ ମନେ ରଖିବି। ମୋ ଭିତରେ କିଛି ଆଧ୍ୟାତ୍ମିକ ଭାବନା ଆମକୁ ଏହି ଦିଗରେ ଆଗକୁ ବଢ଼ିବାକୁ ପ୍ରେରଣା ଦିଏ।
ସମ୍ମାନୀୟ ଅଧ୍ୟକ୍ଷ,
ଆପଣଙ୍କ ଛାତ୍ର ଜୀବନରୁ ନେତୃତ୍ୱ ଗୁଣ ରହିଛି। ଆଜି, ଆପଣ ଆମ ସମସ୍ତଙ୍କୁ ଜାତୀୟ ନେତୃତ୍ୱ ଆଡ଼କୁ ମାର୍ଗଦର୍ଶନ କରିବା ପାଇଁ ଏଠାରେ ଠିଆ ହୋଇଛନ୍ତି। ଏହା ଆମ ସମସ୍ତଙ୍କ ପାଇଁ ଗର୍ବର ବିଷୟ।
ସମ୍ମାନୀୟ ଅଧ୍ୟକ୍ଷ,
ଗଣତନ୍ତ୍ରର ରକ୍ଷକ ଭାବରେ, ଆପଣ ଯୁବାବସ୍ଥାରୁ ହିଁ ସଂକଳ୍ପବଦ୍ଧ। ଯେତେବେଳେ ଅନେକ ସହଜ ପଥ ଗ୍ରହଣ କରିବାକୁ ଚାହାଁନ୍ତି, ଆପଣ କିନ୍ତୁ ସଂଘର୍ଷ ପଥ ବାଛି ନଥିଲେ। ଗଣତନ୍ତ୍ର ସାମ୍ନା କରୁଥିବା ସଙ୍କଟର ମୁକାବିଲା କରିବାର ପଥ। ଜରୁରୀକାଳୀନ ପରିସ୍ଥିତି ସମୟରେ ଆପଣ ଯେପରି ଗଣତନ୍ତ୍ରର ସୈନିକ ଭାବରେ ଲଢ଼ିଥିଲେ, ସମ୍ବଳ ଉପରେ ସୀମାବଦ୍ଧତା ଥିଲା, କିନ୍ତୁ ଆପଣଙ୍କର ଆଗ୍ରହ ଅନ୍ୟ କିଛି ଥିଲା। ସେହି ଅଞ୍ଚଳର ସେହି ପିଢ଼ିର ସମସ୍ତ ଯୁବକମାନେ ଏବେ ବି ଜରୁରୀକାଳୀନ ପରିସ୍ଥିତି ବିରୁଦ୍ଧରେ ଆପଣଙ୍କର ଲଢ଼େଇକୁ ମନେ ରଖିଛନ୍ତି। ଗଣତନ୍ତ୍ର ପାଇଁ ଆପଣଙ୍କର ସଂଘର୍ଷ, ଜନସଚେତନତା ପାଇଁ ଆପଣ ଗ୍ରହଣ କରିଥିବା ବିଭିନ୍ନ କାର୍ଯ୍ୟକ୍ରମ ଏବଂ ଆପଣ ଲୋକମାନଙ୍କୁ ପ୍ରେରଣା ଦେବାର ଉପାୟ, ଗଣତନ୍ତ୍ରକୁ ଭଲ ପାଉଥିବା ଲୋକଙ୍କ ପାଇଁ ସର୍ବଦା ପ୍ରେରଣା ହେବ। ମୁଁ ଆପଣଙ୍କୁ ଭଲଭାବେ ଜାଣେ। ସଂଗଠନରେ ଆପଣଙ୍କର ଯାହା ବି ଦାୟିତ୍ୱ ରହୁଥିଲା, ଆପଣ ତାହାକୁ ଆପଣଙ୍କ କଠିନ ପରିଶ୍ରମ ଦ୍ୱାରା ସଫଳ କରିଛନ୍ତି। ଆପଣ ସର୍ବଦା ସମସ୍ତଙ୍କୁ ଏକତ୍ରିତ କରିବାକୁ, ନୂତନ ଚିନ୍ତାଧାରା ଗ୍ରହଣ କରିବାକୁ ଏବଂ ନୂତନ ପିଢ଼ିକୁ ସୁଯୋଗ ପ୍ରଦାନ କରିବାକୁ ଚେଷ୍ଟା କରିଛନ୍ତି। ଏହା ସର୍ବଦା ସଂଗଠନରେ ଆପଣଙ୍କ କାର୍ଯ୍ୟର ଏକ ପ୍ରମୁଖ ପରିଚୟ ହୋଇଆସିଛି। କୋଏମ୍ବାଟୁରର ଲୋକମାନେ ଆପଣଙ୍କୁ ସାଂସଦ ଭାବରେ ସେବା କରିବାକୁ ପଠାଇଥିଲେ, ଏବଂ ସେତେବେଳେ ମଧ୍ୟ, ଗୃହରେ ଥିବା ସମୟରେ, ଆପଣ ସର୍ବଦା ସେହି ଅଞ୍ଚଳର ବିକାଶ ପାଇଁ ଆପଣଙ୍କ ଚିନ୍ତାଧାରା ଜନସାଧାରଣ ଏବଂ ଗୃହ ସମ୍ମୁଖରେ ଉପସ୍ଥାପନ କରିଥିଲେ। ଗୃହର ଅଧ୍ୟକ୍ଷ ଏବଂ ରାଷ୍ଟ୍ରର ଉପରାଷ୍ଟ୍ରପତି ଭାବରେ ଆପଣଙ୍କର ବ୍ୟାପକ ଅଭିଜ୍ଞତା ଆମ ସମସ୍ତଙ୍କ ପାଇଁ ଏକ ମହାନ ପ୍ରେରଣା ଏବଂ ମାର୍ଗଦର୍ଶକ ହେବ, ମୁଁ ନିଶ୍ଚିତ ଯେ, ମୋ ପରି, ଏହି ଗୃହର ସମସ୍ତ ସଦସ୍ୟ ଏହି ଗର୍ବର ମୁହୂର୍ତ୍ତକୁ ଦାୟିତ୍ୱ ସହିତ ଆଗକୁ ବଢ଼ାଇବେ। ଏହି ଭାବନା ସହିତ, ମୁଁ ସଦନ ପକ୍ଷରୁ ଆପଣଙ୍କୁ ମୋର ଶୁଭକାମନା ଜଣାଉଛି।
