ଚେସ୍ ଅଲମ୍ପିଆଡର ଏହି ଅନ୍ତର୍ଜାତୀୟ କାର୍ଯ୍ୟକ୍ରମରେ ଉପସ୍ଥିତ କେନ୍ଦ୍ର କ୍ୟାବିନେଟର ମୋର ସହକର୍ମୀ, ଅନ୍ତର୍ଜାତୀୟ ଚେସ୍ ଫେଡେସେନର ସଭାପତି ଆରକେଡି ଡବରକୋୱିଚ, ଅଲଇଣ୍ଡିଆ ଚେସ୍ ଫେଡେରେସନର ସଭାପତି, ବିଭିନ୍ନ ଦେଶର ରାଷ୍ଟ୍ରଦୂତ, ହାଇ କମିଶନର, ଚେସ୍ ଏବଂ ଅନ୍ୟାନ୍ୟ କ୍ରୀଡ଼ା ସଂଗଠନ ସହିତ ଜଡ଼ିତ ପ୍ରତିନିଧିଗଣ, ରାଜ୍ୟ ସରକାରଙ୍କ ପ୍ରତିନିଧିଗଣ, ଅନ୍ୟ ସମସ୍ତ ମାନ୍ୟଗଣ ବ୍ୟକ୍ତି, ଚେସ୍ ଅଲମ୍ପିଆଡ ଦଳର ସଦସ୍ୟ ଏବଂ ଚେସର ଅନ୍ୟ ଖେଳାଳିଗଣ, ମହିଳା ଏବଂ ଭଦ୍ର ଲୋକମାନେ!
ଆଜି ଚେସ୍ ଅଲମ୍ପିଆଡ ଖେଳ ପାଇଁ ପ୍ରଥମ ମଶାଲ ଯାତ୍ରା ଭାରତରୁ ଆରମ୍ଭ ହୋଇଛି । ଚଳିତ ବର୍ଷ ପ୍ରଥମ ଥର ପାଇଁ ଭାରତ ଚେସ ଅଲମ୍ପିଆଡ ଖେଳକୁ ଆୟୋଜନ ମଧ୍ୟ କରିବାକୁ ଯାଉଛି । ଆମେ ଗର୍ବିତ ଯେ ଏହା ଏକ ଖେଳ ନିଜ ଜନ୍ମ ସ୍ଥାନରୁ ବାହାରି ସାରା ବିଶ୍ୱରେ ନିଜର ଚିହ୍ନ ଛାଡ଼ି ଦେଇଯାଉଛି । ଅନେକ ଦେଶ ପାଇଁ ଏହା ଏକ ଉତ୍ସାହ ପାଲଟିଛି । ଆମେ ଖୁସି ଯେ ଚେସ, ଏତେବଡ଼ ଅନ୍ତର୍ଜାତୀୟ ଇଭେଣ୍ଟ ଭାବରେ ନିଜର ଜନ୍ମ ସ୍ଥାନରେ ପୁଣିଥରେ ଆସି ଏକ ସମାରୋହ ପାଳନ କରୁଛି । ଭାରତରେ ଶତାବ୍ଦୀ ପୂର୍ବରୁ ଏହି ଖେଳର ସତରଞ୍ଜ ଆକାରରେ ସମଗ୍ର ବିଶ୍ୱକୁ ଯାଇଥିଲା । ଆଜି ଚେସର ପ୍ରଥମ ଅଲମ୍ପିଆଡ ମଶାଲ ମଧ୍ୟ ଭାରତରୁ ବାହାରୁଛି । ଆଜି ଯେତେବେଳେ ଭାରତ ନିଜର ସ୍ୱାଧୀନତାର ୭୫ ବର୍ଷ ପାଳନ କରୁଛି, ଅମୃତ ମହୋତ୍ସବ ପାଳନ କରୁଛି, ସେତେବେଳେ ଏହି ଚେସ ଅଲମ୍ପିଆଡର ଏହି ମଶାଲ ମଧ୍ୟ ଦେଶର ୭୫ଟି ସହରକୁ ଯିବ । ଅନ୍ତର୍ଜାତୀୟ ଚେସ ଫେଡେରେସନ - ଫିଡେର ଏହି ନିଷ୍ପତ୍ତି ପାଇଁ ମୁଁ ବହୁତ ଖୁସି । ପ୍ରତ୍ୟେକ ଚେସ ଅଲମ୍ପିଆଡ ଖେଳ ପାଇଁ ମଶାଲ ଶୋଭାଯାତ୍ରା ଭାରତରୁ ଆରମ୍ଭ ହେବ ବୋଲି ଫିଡେ ନିଷ୍ପତ୍ତି ନେଇଛି, ଏହି ସମ୍ମାନ କେବଳ ଭାରତର ସମ୍ମାନ ନୁହେଁ, ବରଂ ଚେସର ଏହି ଗୌରବମୟ ଐତିହ୍ୟର ସମ୍ମାନ ମଧ୍ୟ । ମୁଁ ଏଥିପାଇଁ ଫିଡେ ଏବଂ ଏବଂ ଏହାର ସମସ୍ତ ସଦସ୍ୟମାନଙ୍କୁ ଅଭିନନ୍ଦନ ଜଣାଉଛି । ମୁଁ ୪୪ତମ ଚେସ ଅଲମ୍ପିଆଡରେ ଅଂଶଗ୍ରହଣ କରୁଥିବା ସମସ୍ତ ଖେଳାଳିମାନଙ୍କୁ ସେମାନଙ୍କର ଉକ୍ରୃଷ୍ଟ ପ୍ରଦର୍ଶନ ପାଇଁ ମୋର ଶୁଭେଚ୍ଛା ମଧ୍ୟ ଜଣାଉଛି । ଏହି ଖେଳରେ ଆପଣମାନଙ୍କ ମଧ୍ୟରୁ ଯିଏ ମଧ୍ୟ ଜିତିବ ସେହି ବିଜୟ କ୍ରୀଡ଼ାବିତଙ୍କର ବିଜୟ ହେବ । ମହାବଲୀପୁରମରେ ଭଲ ଭାବରେ ଖେଳିବେ, ଖେଳର ଆବେଗକୁ ସର୍ବାଗ୍ରେ ରଖି ଖେଳିବେ ।
ସାଥୀମାନେ,
ହଜାର ହଜାର ବର୍ଷ ଧରି ବିଶ୍ୱ ପାଇଁ ‘ତମସୋ ମା ଜ୍ୟୋତିର୍ଗମୟ’ ଏହାର ମନ୍ତ୍ର ଗୁଞ୍ଜରିତ ହେଉଛି ଅର୍ଥାତ ଆମେ ଅନ୍ଧକାରରୁ ଆଲୋକ ଆଡ଼କୁ ନିରନ୍ତର ଭାବେ ବଢ଼ୁଛୁ । ଆଲୋକର ଅର୍ଥ ହେଉଛି ମାନବିକତା ପାଇଁ ଏକ ଉତ୍ତମ ଭବିଷ୍ୟତ । ଆଲୋକର ଅର୍ଥ ହେଉଛି, ଏକ ସୁଖୀ ଏବଂ ସୁସ୍ଥ ଜୀବନ ଆଲୋକର ଅର୍ଥ ହେଉଛି ପ୍ରତ୍ୟେକ କ୍ଷେତ୍ରରେ ଦକ୍ଷତା ବୃଦ୍ଧି ପାଇଁ ପ୍ରୟାସ ଏବଂ ସେଥିପାଇଁ, ଭାରତ ଗୋଟିଏ ପଟେ ଗଣିତ, ବିଜ୍ଞାନ ଏବଂ ଜ୍ୟୋତିର୍ବିଜ୍ଞାନ ପରି କ୍ଷେତ୍ରରେ ଅନୁସନ୍ଧାନ କରିଥିବା ବେଳେ ଅନ୍ୟପଟେ ଆୟୁର୍ବେଦ, ଯୋଗ ଏବଂ କ୍ରୀଡ଼ାକୁ ଜୀବନର ଏକ ଅଂଶ କରିପାରିଛି । ଭାରତରେ କୁସ୍ତି ଏବଂ କବାଡ଼ି ମଲ୍ଲଖମ୍ବ ଭଳି ଏପରି କ୍ରୀଡ଼ାର ଆୟୋଜନ ହେଉଥିଲା, ଯାହା ଫଳରେ ଆମେ ଏକ ସୁସ୍ଥ ଶରୀର ସହିତ ଦକ୍ଷ ଯୁବପିଢ଼ିକୁ ପ୍ରସ୍ତୁତ କରିପାରିବା । ସେହି ସମୟରେ ଆମର ପିତୃପୁରୁଷମାନେ ବିଶ୍ଳେଷଣ କରିବା ଏବଂ ସମସ୍ୟାର ସମାଧାନ ମସ୍ତିଷ୍କ ପାଇଁ ଚତୁରଙ୍ଗ କିମ୍ବା ଚେସ ପରି ଖେଳର ଉଦ୍ଭାବନ କଲେ । ସତରଞ୍ଜ ଭାରତ ମାଧ୍ୟମରେ ବିଶ୍ୱର ଅନେକ ଦେଶରେ ପହଞ୍ଚô ବହୁତ ଲୋକପ୍ରିୟ ହେଲା । ଆଜି ବିଦ୍ୟାଳୟରେ ଚେସ ଯୁବକମାନଙ୍କ ପାଇଁ ତଥା ପିଲାମାନଙ୍କ ପାଇଁ ଏକ ଶିକ୍ଷା ଉପକରଣ ଭାବରେ ବ୍ୟବହୃତ ହେଉଛି । ଚେସ ଶିଖୁଥିବା ଯୁବକମାନେ ବିଭିନ୍ନ କ୍ଷେତ୍ରରେ ସମସ୍ୟାର ସମାଧାନକାରୀ ହୋଇ ଯାଉଛନ୍ତି । ସତରଞ୍ଜର ସେହି ଚାଦର ଠାରୁ ଆରମ୍ଭ କରି ଡିଜିଟାଲ ଚେସ କମ୍ପୁଟରରେ ଖେଳାଯିବା ପର୍ଯ୍ୟନ୍ତ ଭାରତ ପ୍ରତ୍ୟେକ ପଦକ୍ଷେପରେ ଚେସର ଏହି ଦୀର୍ଘ ଯାତ୍ରାକୁ ସାକ୍ଷୀ କରି ରଖିଛି । ଏହି ଖେଳକୁ ନୀଳକଣ୍ଠ ବୈଦ୍ୟନାଥ, ଲାଲା ରାଜା ବାବୁ ଏବଂ ତେରୁବେଙ୍ଗଦାଚାର୍ଯ୍ୟ ଶାସ୍ତ୍ରୀଙ୍କ ଭଳି ମହାନ ଖେଳାଳିଙ୍କୁ ଦେଇଛି । ଆଜି ମଧ୍ୟ ଆମର ଉପସ୍ଥିତ ଥିବା ବିଶ୍ୱନାଥ ଆନନ୍ଦ ଜୀ, କୋନେରୁ ହମ୍ପି, ବିଦିତ ଦିବ୍ୟା ଦେଶମୁଖଙ୍କ ଭଳି ଅନେକ ପ୍ରତିଭା ସତରଞ୍ଜରେ ଆମର ତ୍ରିରଙ୍ଗାର ସମ୍ମାନ ବଢ଼ାଉଛନ୍ତି । ବର୍ତ୍ତମାନ ଆମର କନ୍ନେରୁ ହମ୍ପି ଜୀଙ୍କ ସହିତ ଚେସ ସମ୍ପର୍କରେ ଆନୁଷ୍ଠାନିକ ପଦକ୍ଷେପ ବିଷୟରେ ଏକ ଆକର୍ଷଣୀୟ ଅନୁଭୁତି ନେଲି ।
ସାଥୀମାନେ,
ମୋତେ ଏହା ଦେଖି ଖୁସି ଲାଗୁଛି ଯେ ଗତ ୭/୮ ବର୍ଷ ମଧ୍ୟରେ ଭାରତ ଚେସରେ ନିଜର ପ୍ରଦର୍ଶନକୁ କ୍ରମାଗତ ଭାବରେ ଉନ୍ନତ କରିଛି । ୪୧ତମ ଚେସ ଅଲମ୍ପିଆଡରେ ବ୍ରୋଞ୍ଜ ଆକାରରେ ଭାରତ ପ୍ରଥମ ପଦକ ଜିତିଛି । ୨ଠ୨ଠ ଏବଂ ୨ଠ୨୧ର ଭର୍ଚୁଆଲ ଚେସ ଅଲମ୍ପିଆଡରେ ମଧ୍ୟ ଭାରତ ସ୍ୱର୍ଣ୍ଣ ଏବଂ ବ୍ରୋଞ୍ଜ ଜିତିଛି । ପୂର୍ବ ଅପେକ୍ଷା ଏଥର ଆମ ପାଖରେ ଅଧିକ ଖେଳାଳି ଚେସ ଅଲମ୍ପିଆଡରେ ଯୋଗ ଦେଉଛନ୍ତି । ସେଥିପାଇଁ ମୋତେ ଆଶା ଅଛି ଯେ ଏଥର ଭାରତ ନୂତନ ପଦକ ନେବାରେ ରେକର୍ଡ ସୃଷ୍ଟି କରିବ । ଯେମିତି ମୋର ଆଶା ଅଛି, ଆପଣ ସମସ୍ତଙ୍କର ମଧ୍ୟ ଅଛି ନା?
ସାଥୀମାନେ,
ମୁଁ ଚେସ ବିଷୟରେ ଅଧିକ ଜ୍ଞାନବାନ ନୁହେଁ କିନ୍ତୁ ଯଥେଷ୍ଟ ବୁଝିପାରୁଛି ଯେ ଚେସ ପଛରେ ଥିବା ଭାବନା ଏବଂ ଏହାର ନିୟମର ଅର୍ଥ ବହୁତ ଗଭୀର ହୋଇଥାଏ । ଯେପରି ଚେସର ପ୍ରତ୍ୟେକ ମୋହରରେ ନିଜସ୍ୱ ଶକ୍ତି ଅଛି ,ହାର ମଧ୍ୟ ଏକ ଅନନ୍ୟ ଦକ୍ଷତା ଅଛି । ଯଦି ଆପଣ ଏକ ମୋହର ସଠିକ ଭାବରେ ପଦକ୍ଷେପ ନେବେ, ଏହାର ଶକ୍ତି ସଠିକ ଭାବରେ ବ୍ୟବହାର କରିବେ ତେବେ ଏହା ସବୁଠାରୁ ଶକ୍ତିଶାଳୀ ହୋଇଯାଇଥାଏ । ଏପରିକି ଏକ ଦୁର୍ବଳ ବୋଲି ବିବେଚନା କରାଯାଉଥିବା ଏକ ପାଦ ମଧ୍ୟ ସବୁଠାରୁ ଶକ୍ତିଶାଳୀ ପାଦ ହୋଇପାରେ । ଯଦି ଆବଶ୍ୟକତା ଅଛି, ତେବେ କେବଳ ସତର୍କତାର ସହିତ, ସଠିକ ପଦକ୍ଷେପ ନେବାକୁ, ସଠିକ ପଦକ୍ଷେପ ଉଠାଇବାକୁ ହେବ । ତା’ପରେ ସେ ପ୍ରତି ପାଦରେ କିମ୍ବା ସୈନିକଙ୍କ ଚେସ ବୋର୍ଡରେ ଏକ ହାତି, ଓଟ କିମ୍ବା ମନ୍ତ୍ରୀ ଭଳି ଶକ୍ତି ମଧ୍ୟ ହାସଲ କରି ନେଇଥାଏ ।
ସାଥୀମାନେ,
ଚେସ ବୋର୍ଡର ଏହି ବିଶେଷତା ଆମକୁ ଜୀବନର ବଡ଼ ବାର୍ତ୍ତା ଦେଇଥାଏ । ସଠିକ ସମର୍ଥନ ଏବଂ ସଠିକ ପରିବେଶକୁ ଦୃଷ୍ଟିରେ ରଖି ଦୁର୍ବଳମାନଙ୍କ ପାଇଁ ମଧ୍ୟ କୌଣସି ଲକ୍ଷ୍ୟ ଅସମ୍ଭବ ହୋଇ ନ ଥାଏ । ଯେକୌଣସି ପୃଷ୍ଠଭୂମିରେ ଯେ କେହି, ସେମାନେ ଯେତେ ଅସୁବିଧାର ସମ୍ମୁଖୀନ ହୋଇଥିଲେ ମଧ୍ୟ ପ୍ରଥମ ପଦକ୍ଷେପ ନେବା ସମୟରେ ଯଦି ସେମାନେ ସଠିକ ସାହାଯ୍ୟ ପାଇଥାନ୍ତି, ତେବେ ସେମାନେ ଶକ୍ତିଶାଳୀ ହୋଇ ମନମୁତାବକ ଫଳ ଆଣିପାରିଥାଆନ୍ତି ।
ସାଥୀମାନେ,
ଚେସ ଖେଳର ଅନ୍ୟ ଏକ ବଡ଼ ବୈଶିଷ୍ଟ୍ୟ ହେଉଛି ଦୂରଦୃଷ୍ଟି । ଚେସ ଆମକୁ କହିଥାଏ ଯେ ସ୍ୱଳ୍ପମିଆଦୀ ସଫଳତା ଅପେକ୍ଷା ପ୍ରକୃତ ସଫଳତା ଦୂରଦୃଷ୍ଟି ରଖୁଥିବା ଖେଳାଳିମାନଙ୍କୁ ହିଁ ମିଳିଥାଏ । ଯଦି ମୁଁ ଆଜି ଭାରତର କ୍ରୀଡ଼ା ନୀତି ବିଷୟରେ କହିବି, କ୍ରୀଡ଼ା କ୍ଷେତ୍ରରେ ପଲିସୀର କଥା କହିବି ତେବେ କ୍ରୀଡ଼ା କ୍ଷେତ୍ରରେ ଟିଓପିଏସ ଅର୍ଥାତ ଟାର୍ଗେଟ ଅଲମ୍ପିକ ପୋଡିୟମ ସ୍କିମ ଏବଂ ଖେଲୋ ଇଣ୍ଡିଆ ଭଳି ଯୋଜନା ଏହି ଚିନ୍ତାଧାରା ସହିତ କାର୍ଯ୍ୟ କରୁଛି ଏବଂ ଆମେ ଏହାର ଫଳାଫଳକୁ ମଧ୍ୟ କ୍ରମାଗତ ଭାବରେ ଦେଖୁଛୁ । ଆଜି ନବ ଭାରତର ଯୁବକମାନେ ପ୍ରତ୍ୟେକ ଖେଳରେ ଚମକ୍ରାର ଖେଳ ପ୍ରଦର୍ଶନ କରୁଛନ୍ତି । ଗତ କିଛି ସମୟ ମଧ୍ୟରେ ଆମେ ଅଲମ୍ପିକ୍ସ, ପାରା-ଅଲମ୍ପିକ୍ସ ଏବଂ ବଧିର-ଅଲମ୍ପିକ୍ସ ଭଳି ବଡ଼ ବିଶ୍ୱସ୍ତରୀୟ କ୍ରୀଡ଼ା ଇଭେଣ୍ଟକୁ ଦେଖିଛୁ । ଭାରତୀୟ ଖେଳାଳିମାନେ ଏହି ସମସ୍ତ ଇଭେଣ୍ଟରେ ଚମକ୍ରାର ଖେଳ ପ୍ରଦର୍ଶନ କରିଛନ୍ତି, ପୁରୁଣା ରେକର୍ଡ ଭାଙ୍ଗିଛନ୍ତି ଏବଂ ନୂତନ ରେକର୍ଡ ସ୍ଥାପନ କରିଛନ୍ତି । ଟୋକିଓ ଅଲିମ୍ପିକ୍ସରେ ଆମେ ପ୍ରଥମ ଥର ପାଇଁ ୭ଟି ପଦକ ଜିତିଛୁ, ପାରା ଅଲମ୍ପିକରେ ପ୍ରଥମ ଥର ପାଇଁ ୧୯ ପଦକ ଜିତିଲୁ, ନିକଟରେ ଭାରତ ଆଉ ଏକ ସଫଳତା ହାସଲ କରିଛି । ସାତ ଦଶନ୍ଧି ମଧ୍ୟରେ ଆମେ ପ୍ରଥମ ଥର ପାଇଁ ଥୋମାସ କପ୍ ଜିତିଲୁ । ଆମର ତିନିଜଣ ମହିଳା ବକ୍ସର ବିଶ୍ୱ ଚାମ୍ପିଅନସିପରେ ସ୍ୱର୍ଣ୍ଣ ଏବଂ ବ୍ରୋଞ୍ଜ ପଦକ ଜିତିଛନ୍ତି । ଅଲିମ୍ପିକ୍ସରେ ସ୍ୱର୍ଣ୍ଣ ଜିତିଥିବା ନୀରଜ ଚୋପ୍ରା କିଛିଦିନ ପୂର୍ବରୁ ଆଉ ଏକ ଅନ୍ତର୍ଜାତୀୟ ପଦକ ଜିତି ଏକ ନୂତନ ଜାତୀୟ ରେକର୍ଡ ସୃଷ୍ଟି କରିଛନ୍ତି । ଆମେ ଅନୁମାନ କରିପାରିବା ଆଜି ଭାରତର ପ୍ରସ୍ତୁତିରେ ଗତି କ’ଣ । ଭାରତର ଯୁବକମାନଙ୍କ ଉତ୍ସାହ କ’ଣ! ଆମେ ବର୍ତ୍ତମାନ ୨ଠ୨୪ ପ୍ୟାରିସ ଅଲମ୍ପିକ୍ସ ଏବଂ ୨ଠ୨୮ ଲସ ଆଞ୍ଜେଲ୍ସ ଅଲମ୍ପିକ୍ସକୁ ଟାର୍ଗେଟ କରିବା ଦିଗରେ କାର୍ଯ୍ୟ କରୁଛୁ । ଟିଓପିଏସ ସ୍କିମ ଅଧିନରେ ବର୍ତ୍ତମାନ ଶହ ଶହ ଖେଳାଳିଙ୍କୁ ସମର୍ଥନ କରାଯାଉଛି । କ୍ରୀଡ଼ା ଜଗତରେ ଯେପରି ଭାରତ ଏକ ନୂତନ ଶକ୍ତି ଭାବରେ ଉଭା ହେଉଛି ସେହିଭଳି ଭାରତର ଖେଳାଳିମାନେ ମଧ୍ୟ କ୍ରୀଡ଼ା ଜଗତରେ ଏକ ନୂତନ ପରିଚୟ ସୃଷ୍ଟି କରିଛନ୍ତି ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଦେଶର ଛୋଟ ସହରର ଯୁବକମାନେ କ୍ରୀଡ଼ା ଜଗତରେ ବିଶ୍ୱରେ ଆମର ପରିଚୟକୁ ଊଦ୍ଧ୍ୱର୍ରେ ଉଡ଼ାଇବାକୁ ଆଗକୁ ଆସୁଛନ୍ତି ।
ସାଥୀମାନେ,
ଯେତେବେଳେ ପ୍ରତିଭା ସଠିକ ସୁଯୋଗ ସହିତ ସଂଯୋଗ ହୁଏ ସେତେବେଳେ ସଫଳତାର ସୁଫଳ ନିଜେ ମୁଣ୍ଡ ନୁଅାଁଇ ନିଜକୁ ସ୍ୱାଗତ କରିଥାଏ ଏବଂ ଆମ ଦେଶରେ ପ୍ରତିଭାର ଅଭାବ ନାହିଁ । ଦେଶର ଯୁବକମାନଙ୍କ ମଧ୍ୟରେ ସମର୍ପଣଭାବ, ଉତ୍ସର୍ଗୀକୃତ ଏବଂ ଶକ୍ତିର କୌଣସି ଅଭାବ ନାହିଁ । ପୂର୍ବରୁ ଆମର ଏହି ଯୁବକମାନଙ୍କୁ ସଠିକ ପ୍ଲାଟଫର୍ମ ପାଇଁ ଅପେକ୍ଷା କରିବାକୁ ପଡ଼ିଥିଲା । ଆଜି ‘ଖେଲୋ ଇଣ୍ଡିଆ’ ଅଭିଯାନ ଅଧିନରେ ଦେଶ ନିଜେ ଏହି ପ୍ରତିଭାକୁ ମଧ୍ୟ ଖୋଜୁଛି ଏବଂ ଏହା ମଧ୍ୟ ଖୋଜୁଛି । ଆଜି ‘ଖୋଲା ଇଣ୍ଡିଆ’ ଅଭିଯାନ ଅଧିନରେ ଦେଶର ଦୁର୍ଗମ ଅଞ୍ଚଳ, ଗ୍ରାମ ଏବଂ ସହରର ଆଦିବାସୀ ଅଞ୍ଚଳରୁ ହଜାର ହଜାର ଯୁବକଙ୍କୁ ଚୟନ କରାଯାଇଛି । ଦେଶର ବିଭିନ୍ନ ରାଜ୍ୟ ଏବଂ ଜିଲ୍ଲାରେ ଆଧୁନିକ କ୍ରୀଡ଼ା ଭିତ୍ତିଭୂମିର ନିର୍ମାଣ କରାଯାଉଛି । ଦେଶର ନୂତନ ଜାତୀୟ ଶିକ୍ଷାନୀତିରେ କ୍ରୀଡ଼ାକୁ ଅନ୍ୟ ବିଷୟଗୁଡ଼ିକ ସହିତ ସମାନ ପ୍ରାଥମିକତା ଦିଆଯାଇଛି । କ୍ରୀଡ଼ା ଜଗତରେ ଯୁବଗୋଷ୍ଠୀଙ୍କ ପାଇଁ ଖେଳିବା ବ୍ୟତୀତ ଯୁବକମାନଙ୍କ ପାଇଁ ମଧ୍ୟ ଅନେକ ନୂତନ ସୁଯୋଗ ସୃଷ୍ଟି ହୋଇଛି । କ୍ରୀଡ଼ା, ବିଜ୍ଞାନ, କ୍ରୀଡ଼ା ଫିଜିଓ, କ୍ରୀଡ଼ା ଅନୁସନ୍ଧାନ ଏଭଳି ଅନେକ ନୂତନ ଦିଗ ଯୋଡ଼ି ହୋଇଯାଉଛି । ଦେଶରେ ଅନେକ କ୍ରୀଡ଼ା ବିଶ୍ୱବିଦ୍ୟାଳୟ ମଧ୍ୟ ଖୋଲାଯାଉଛି ଯାହାକି ଆପଣଙ୍କ ଭବିଷ୍ୟତ ଗଢ଼ିବାରେ ସାହାଯ୍ୟ ମିଳିପାରିବ ।
ସାଥୀମାନେ,
ଆପଣମାନେ ସବୁ ଖେଳାଳି ଯେତେବେଳେ ଖେଳ ପଡ଼ିଆରେ କିମ୍ବା କୌଣସି ଟେବୁଲ ଉପରେ କିମ୍ବା ଚେସ ବୋର୍ଡ ସାମ୍ନାରେ ରହୁଥାନ୍ତି, କୁହନ୍ତୁ ସେତେବେଳେ କେବଳ ସେମାନଙ୍କର ବିଜୟ ପାଇଁ ନୁହେଁ, ବରଂ ନିଜ ଦେଶ ପାଇଁ ଖେଳିଥାନ୍ତି । ଏମିତି ହେବା ସ୍ୱାଭାବିକ ଅଟେ ଯେ କୋଟି କୋଟି ଲୋକଙ୍କ ଆଶା ଏବଂ ଅପେକ୍ଷା ଆକାଂକ୍ଷାର ଚାପ ମଧ୍ୟ ଆପଣଙ୍କ ଉପରେ ରହିଥାଏ । କିନ୍ତୁ ମୁଁ ଚାହିଁବି ଯେ ଆପଣ ଏହା ଉପରେ ନିଶ୍ଚିତ ଧ୍ୟାନ ଦିଅନ୍ତୁ ଯେ ଦେଶ ଆପଣଙ୍କର କଠିନ ପରିଶ୍ରମ ଏବଂ ନିଷ୍ଠାକୁ ଦେଖୁଛି । ଆପଣଙ୍କୁ ଶତ ପ୍ରତିଶତ ଦେବାକୁ ପଡ଼ିବ । ଆପଣ ଆପଣଙ୍କର ଶତ ପ୍ରତିଶତ ଦିଅନ୍ତୁ କିନ୍ତୁ ଶୂନ ଶତକଡ଼ା ଚାପ ସହିତ, ଟେନସନମୁକ୍ତ ହୋଇ । ଜିତିବା ଯେତିକି ଖେଳର ଅଂଶ ହୋଇଥାଏ ପୁନର୍ବାର ଜିତିବା ପାଇଁ କଠିନ ପରିଶ୍ରମ କରିବା ମଧ୍ୟ ଖେଳର ଏକ ଅଂଶ ହୋଇଥାଏ । ଚେସ ଖେଳରେ ଗୋଟିଏ ଭୁଲରେ ଖେଳିଥିବା ଖେଳକୁ ବଦଳାଇବାର ସମ୍ଭାବନା ଅଛି କିନ୍ତୁ ଏହା ହେଉଛି ଚେସ । ଯେଉଁଠାରେ ଆପଣ ମନର ଗୋଟିଏ ନିଷ୍ପତ୍ତି ସହିତ ହାରିଯାଇଥିବା ଖେଳକୁ ଓଲଟାଇ ପାରିବେ । ତେଣୁ ଆପଣ ଏହି ଖେଳରେ ଯେତେ ଶାନ୍ତ ରହିବେ, ଆପଣ ନିଜ ମନକୁ ଯେତେ ଅଧିକ ନିୟନ୍ତ୍ରଣରେ ରଖିବେ, ସେତିକି ଭଲ ଖେଳ ପ୍ରଦର୍ଶନ କରିପାରିବେ । ଏହି କାର୍ଯ୍ୟରେ ଯୋଗ ଏବଂ ଧ୍ୟାନ ଆପଣଙ୍କୁ ବହୁତ ସାହାଯ୍ୟ କରିଥାଏ । ୨୧ ଜୁନ ଅନ୍ତର୍ଜାତୀୟ ଯୋଗ ଦିବସ । ମୁଁ ଚାହିଁବି ଯୋଗକୁ ଆପଣଙ୍କ ଜୀବନର ଏକ ନିୟମିତ ଅଂଶ କରିବା ସହିତ ଯୋଗ ଦିବସକୁ ବହୁତ ଉତ୍ସାହର ସହିତ ପ୍ରୋତ୍ସାହିତ କରି ପ୍ରଚାର କରନ୍ତୁ । ଏହା ସହିତ ଆପଣ ଆହୁରି ଲକ୍ଷ ଲକ୍ଷ ଲୋକଙ୍କୁ ଦିଗ ଦେଖାଇ ପାରିବେ । ମୋତେ ପୂର୍ଣ୍ଣ ବିଶ୍ୱାସ ଅଛି ଯେ ଆପଣ ସମସ୍ତେ ଏହି ନିଷ୍ଠାର ସହିତ ଖେଳ ପଡ଼ିଆରେ ପ୍ରବେଶ କରିବେ ଏବଂ ଆପଣଙ୍କ ଦେଶର ଗୌରବ ବଢ଼ାଇବେ । ମୁଁ ଆପଣ ସମସ୍ତଙ୍କୁ ପୁଣିଥରେ ବହୁତ ବହୁତ ଧନ୍ୟବାଦ ଦେଉଛି । ପୁଣିଥରେ, କ୍ରୀଡ଼ା ଜଗତକୁ ଅନେକ ଅନେକ ଶୁଭେଚ୍ଛା ଜଣାଉଛି, ବହୁତ ବହୁତ ଧନ୍ୟବାଦ ।
