ମାନ୍ୟବର
ନମସ୍କାର
ଆଜି ଅଧିବେଶନର ପ୍ରସଙ୍ଗ ବହୁତ ପ୍ରାସଙ୍ଗିକ, ଆମର ଭାବୀ ପିଢ଼ିର ଭବିଷ୍ୟତ ସହ ଯୋଡ଼ି ହୋଇ ରହିଛି । ନୂଆଦିଲ୍ଲୀ ଜି-୨୦ ଶିଖର ସମ୍ମିଳନୀରେ ଏସଡିଜିକୁ ଗତି ଦେବା ପାଇଁ ଆମେ ବାରାଣସୀ କାର୍ଯ୍ୟକାରିତା ଯୋଜନାକୁ ଆଦରିଥିଲୁ ।
୨୦୩୦ ପର୍ଯ୍ୟନ୍ତ ଅକ୍ଷୟ ଶକ୍ତିକୁ ତିନି ଗୁଣା ଶକ୍ତି କ୍ଷମତା ହାରକୁ ଦୁଇ ଗୁଣା କରିବାକୁ ସଂକଳ୍ପ ନେଇଥିଲୁ । ବ୍ରାଜିଲ ଅଧ୍ୟକ୍ଷତାରେ ଏହାକୁ ଲାଗୁ କରିବାକୁ ପ୍ରାଥମିକତା ଦିଆଯାଇଛି । ଆମେ ଏହାକୁ ସ୍ୱାଗତ କରୁଛୁ ।
ଏହି ପ୍ରସଙ୍ଗରେ ଦୀର୍ଘସ୍ଥାୟୀ ବିକାଶ ଲକ୍ଷ୍ୟ ପ୍ରତି ଭାରତର ପ୍ରତିବଦ୍ଧତା ଏବଂ ପ୍ରୟାସ ସମ୍ପର୍କରେ କହୁଛି ।
ବିଗତ ଏକ ଦଶନ୍ଧିରେ ଭାରତରେ ୪ କୋଟିରୁ ଅଧିକ ପରିବାରଙ୍କୁ ଘର ଉପଲବ୍ଧ କରାଯାଇଛି । ବିଗତ ୫ ବର୍ଷରେ ୧୨ କୋଟିରୁ ଅଧିକ ପରିବାରଙ୍କୁ ସ୍ୱଚ୍ଛ ପାନୀୟ ଜଳ ଉପଲବ୍ଧ କରାଯାଇଛି । ୧୦ କୋଟିରୁ ଅଧିକ ପରିବାରଙ୍କୁ ସ୍ୱଚ୍ଛ ଜାଳେଣି ଉପଲବ୍ଧ କରାଯାଇଛି ଏବଂ ୧୧.୫ କୋଟିରୁ ଅଧିକ ପରିବାରଙ୍କ ସକାଶେ ଶୌଚାଳୟ ପ୍ରସ୍ତୁତ କରାଯାଇଛି ।
ବନ୍ଧୁଗଣ
ଆମର ପ୍ରଚେଷ୍ଟା ଭାରତର ଲୋକଙ୍କ ପ୍ରଗତିଶୀଳ ଭାବନା ଏବଂ ପରମ୍ପରା ଉପରେ ଆଧାରିତ । ଯେଉଁଠି କି ପୃଥିବୀକୁ ମା’, ନଦୀକୁ ଜୀବନଦାୟିନୀ ଏବଂ ବୃକ୍ଷକୁ ଦେବତୁଲ୍ୟ ଗଣ୍ୟ କରାଯାଇଥାଏ ।
ପ୍ରକୃତିର ରକ୍ଷଣାବେକ୍ଷଣକୁ ଆମେ ନୈତିକ ଓ ମୌଳକ କର୍ତ୍ତବ୍ୟ ବୋଲି ଭାବିଥାଉ । ଭାରତ ପ୍ରଥମ ଜି-୨୦ ଦେଶ ଯିଏ କି ପ୍ୟାରିସ ପ୍ରତିବଦ୍ଧତାକୁ ଧାର୍ଯ୍ୟ ସମୟ ପୂର୍ବରୁ ପୂରଣ କରିପାରିଛି ।
ଏବେ ଆମେ ଅଧିକ ମହତ୍ୱାକାଂକ୍ଷୀ ଲକ୍ଷ୍ୟ ଦିଗରେ ଦ୍ରୁତ ଗତିରେ ଅଗ୍ରସର ହେଉଛୁ । ୨୦୩୦ ସୁଦ୍ଧା ୫୦୦ ଗିଗାୱାଟ ଅକ୍ଷୟ ଶକ୍ତି ଲକ୍ଷ୍ୟ ମଧ୍ୟରୁ ୨୦୦ ଗିଗାୱାଟ ଲକ୍ଷ୍ୟ ହାସଲ ହୋଇସାରିଲାଣି ।
ଆମେ ସବୁଜ ଇନ୍ଧନ ଦିଗରେ ପରିବର୍ତ୍ତନକୁ ଜନଆନ୍ଦୋଳନରେ ପରିଣତ କରିଛୁ । ପ୍ରାୟ ୧୦ ନିୟୁତ ପରିବାର ବିଶ୍ୱର ସବୁଠୁ ବଡ଼ ସୋଲାର ରୁଫ୍ ଟପ୍ କାର୍ଯ୍ୟକ୍ରମ ସହ ଯୋଡ଼ଇ ହୋଇଛନ୍ତି ।
ଆମର ଚିନ୍ତାଧାରା କେବଳ ଆମ ମଧ୍ୟରେ ସୀମିତ ନାହିଁ, ଆମେ ସମ୍ପୂର୍ଣ୍ଣ ମାନବତାର ମଙ୍ଗଳ ପାଇଁ ଚିନ୍ତା କରିଥାଉ । ବୈଶ୍ୱିକ ସ୍ତରରେ ‘ଶତତ ଜୀବନଶୈଳୀ’କୁ ଆଗେଇ ନେବା ପାଇଁ ‘ମିଶନ ଲାଇଫ’ ଅର୍ଥାତ୍ ‘ପରିବେଶ ପାଇଁ ଜୀବନଶୈଳୀ’ର ଶୁଭାରମ୍ଭ କରାଯାଇଛି ।
ଖାଦ୍ୟ ନଷ୍ଟ କେବଳ ଯେ ଅଙ୍ଗାରକାମ୍ଳ ପ୍ରଦୂଷଣକୁ ବଢ଼ାଇଥାଏ ତାହା ନୁହେଁ, ଏହା ବୁଭୁକ୍ଷୁତାକୁ ମଧ୍ୟ ବଢ଼ାଇଥାଏ । ଆମକୁ ଏହି ପ୍ରସଙ୍ଗରେ ମଧ୍ୟ କାମ କରିବାକୁ ପଡ଼ିବ ।
ଆମେ ଆନ୍ତର୍ଜାତିକ ସୌର ମେଣ୍ଟର ଶୁଭାରମ୍ଭ କରିଛୁ । ୧୦୦ରୁ ଅଧିକ ଦେଶ ଏହା ଯୋଡ଼ି ହୋଇଛନ୍ତି । ‘ଗୋଟିଏ ସୂର୍ଯ୍ୟ ଗୋଟିଏ ବିଶ୍ୱ ଗୋଟିଏ ଗ୍ରୀଡ଼୍’ ଅଭିଯାନ ସ୍ୱରୂପରେ ଆମେ ଶକ୍ତି ସଂଯୋଗ କ୍ଷେତ୍ରରେ ସହଯୋଗ କରୁଛୁ ।
ଭାରତ ସବୁଜ ଇନ୍ଧନ ନବୋନ୍ମେଷ କେନ୍ଦ୍ର ଏବଂ ବୈଶ୍ୱି ଜୈବିକ ମେଣ୍ଟର ଶୁଭାରମ୍ଭ କରିଛି । ଆମେ ଭାରତରେ ଏକ ବ୍ୟାପକ ୱେଷ୍ଟ-ଟୁ-ଏନର୍ଜି ଅଭିଯାନ ମଧ୍ୟ ଚଳାଇଛୁ । ଆମେ ସମ୍ବେଦନଶୀଳ ଖଣିଜ ସହ ସମ୍ପର୍କିତ ଆହ୍ୱାନର ସମ୍ମୁଖୀନ ହେବା ପାଇଁ ଚକ୍ରାକାର ଆଭିମୁଖ୍ୟ ଗୁରୁତ୍ୱ ଦେଉଛୁ । ‘ମାଆଙ୍କ ନାମରେ ଗୋଟିଏ ଗଛ’ ଅଭିଯାନରେ ଆମେ ଭାରତରେ ଚଳିତ ବର୍ଷ ପ୍ରାୟ ୧୦୦ କୋଟି ବୃକ୍ଷରୋପଣ କରିଛୁ । ଭାରତ ଆପାଦକାଳୀନ ପ୍ରତିରୋଧ ମୌଳିକ ଢାଞ୍ଚାର ବ୍ୟବସ୍ଥା କରିଛି । ଏହି ଅନୁସାରେ ଏବେ ବିପର୍ଯ୍ୟୟ ପରବର୍ତ୍ତୀ ବ୍ୟବସ୍ଥା ଏବଂ ପୁନର୍ଗଠନ କାର୍ଯ୍ୟକଗୁ ଗୁରୁତ୍ୱ ଦିଆଯାଉଛି ।
ବନ୍ଧୁଗଣ
ଗ୍ଲୋବାଲ ସାଉଥ ଦେଶ, ଅର୍ଥାତ ବିକାଶଶୀଳ କ୍ଷୁଦ୍ର ଦ୍ୱୀପ ଗୁଡ଼ିକ ପାଇଁ ଆର୍ଥିକ ବିକାଶ ପ୍ରାଥମିକତା । ଡିଜିଟାଲ ଯୁଗ ଏବଂ ଏଆଇର ବର୍ଦ୍ଧିତ ପ୍ରଭାବ ସହିତ ଏକ ସନ୍ତୁଳିତ ଏବଂ ଉପଯୁକ୍ତ ଶକ୍ତି ମିଶ୍ରଣର ଆବଶ୍ୟକତା ଅଛି ଏବଂ ଏହାର ଗୁରୁତ୍ୱ ବଢ଼ିଯାଏ । ଏପରି ସ୍ଥିତିରେ ଗ୍ଲୋବାଲ ସାଉଥ୍କୁ ଇନ୍ଧନ ପରିବର୍ତ୍ତନ ପାଇଁ ଉଚିତ ଏବଂ ପ୍ରତିବଦ୍ଧ ଜଳବାୟୁ ଆର୍ଥିକ ସହାୟତା ର ଗୁରୁତ୍ୱ ବଢ଼ିଯାଏ । ଟେକ୍ନୋଲୋଜି ଏବଂ ଅର୍ଥ ଉପଲବ୍ଧ କରାଇବା ପାଇଁ ବିକଶିତ ଦେଶଗୁଡ଼ିକୁ ପ୍ରତିବଦ୍ଧତା ଗୁଡ଼ିକୁ ଠିକ୍ ସମୟରେ ସମ୍ପୂର୍ଣ୍ଣ କରିବା ଆବଶ୍ୟକ ।
ଭାରତ ତାର ସଫଳ ଅନୁଭବକୁ ସମସ୍ତ ଦେଶ ଗୁଡ଼ିକ ସହିତ, ବିଶେଷ ଭାବେ ଗ୍ଲୋବାଲ ସାଉଥ୍ ସହିତ ବାଣ୍ଟିଥାଉ । ଏହି ଦିଗରେ ତୃତୀୟ ବୈଶ୍ୱିକ ଶିଖର ସମ୍ମିଳନୀରେ ଆମେ ଗ୍ଲୋବାଲ ଡେଭଲପମେଣ୍ଟ କମ୍ପାକ୍ଟ ର ଘୋଷଣା ମଧ୍ୟ କରିଛୁ । ମୁଁ ଆପଣ ସମସ୍ତଙ୍କୁ ଆମର ପଦକ୍ଷେପ ଏବଂ ପ୍ରୟାସ ସହ ଯୋଡ଼ି ହେବାକୁ ଅନୁରୋଧ କରୁଛୁ ।
ଧନ୍ୟବାଦ
