ଭାରତ ମାତା କି - ଜୟ ।
ଭାରତ ମାତା କି - ଜୟ ।
ଭାରତ ମାତା କି - ଜୟ ।
ନମସ୍କାର ଆମେରିକା ! ବର୍ତ୍ତମାନ ମୋର ‘ନମସ୍ତେ’ ମଧ୍ୟ ବିଶ୍ୱସ୍ତରୀୟ ହୋଇଯାଇଛି, ସ୍ଥାନୀୟ ଠାରୁ ଆରମ୍ଭ କରି ବିଶ୍ୱସ୍ତରରେ ପରିଣତ ହୋଇଯାଇଛି, ଏବଂ ଏସବୁ ଆପଣମାନେ କରିଛନ୍ତି । ଭାରତକୁ ନିଜ ହୃଦୟରେ ସ୍ଥାନ ଦେଇଥିବା ପ୍ରତ୍ୟେକ ଭାରତୀୟ ଏହା କରିଛନ୍ତି।
ସାଥୀମାନେ
ଆପଣ ଏତେ ଦୂର ଦୂରାନ୍ତରୁ ଏଠାକୁ ଆସିଛନ୍ତି, କିଛି ପୁରୁଣା ଚେହେରା ଅଛନ୍ତି, କିଛି ନୂଆ ଚେହେରା ଅଛନ୍ତି । ଆପଣଙ୍କର ଏହି ଭଲ ପାଇବା, ଏହା ମୋ ପାଇଁ ବଡ଼ ସୌଭାଗ୍ୟ। ମୁଁ ସେହି ଦିନଗୁଡ଼ିକୁ ମନେ ପକାଉଛି । ଯେତେବେଳେ ମୁଁ ପ୍ରଧାନମନ୍ତ୍ରୀ ନଥିଲି, ଏପରିକି ମୁଖ୍ୟମନ୍ତ୍ରୀ ମଧ୍ୟ ନଥିଲି, ସେତେବେଳେ ମୁଁ ନେତା ମଧ୍ୟ ନଥିଲି। ସେହି ସମୟରେ ମୁଁ ଆପଣମାନଙ୍କ ମଧ୍ୟକୁ ଜଣେ ଜିଜ୍ଞାସୁ ଭାବରେ ଏଠାକୁ ଆସୁଥିଲି । ଏହି ପୃଥିବୀକୁ ଦେଖିବା, ଏହାକୁ ବୁଝିବା ପାଇଁ ମନରେ ଅନେକ ପ୍ରଶ୍ନ ଆସୁଥିଲା । ଯେତେବେଳେ ମୁଁ କୌଣସି ପଦବୀରେ ନଥିଲି । ଏହା ପୂର୍ବରୁ ମଧ୍ୟ ମୁଁ ଆମେରିକାର ପ୍ରାୟ ୨୯ଟି ରାଜ୍ୟ ଗସ୍ତ କରି ସାରିଥିଲି। ଏହା ପରେ ଯେତେବେଳେ ମୁଁ ମୁଖ୍ୟମନ୍ତ୍ରୀ ହେଲି, ଟେକ୍ନୋଲୋଜି ମାଧ୍ୟମରେ ଆପଣଙ୍କ ସହ ଯୋଡ଼ି ହେବାର ପ୍ରକ୍ରିୟା ଜାରି ରହିଥିଲା । ପ୍ରଧାନମନ୍ତ୍ରୀ ଥିବା ବେଳେ ମଧ୍ୟ ମୋତେ ଆପଣଙ୍କ ଠାରୁ ଅସୀମ ସ୍ନେହ ଓ ଶ୍ରଦ୍ଧା ମିଳିଛି। ୨୦୧୪ରେ ସ୍କୋୟାର, ୨୦୧୫ରେ ସାମ ଜୋସ୍, ୨୦୧୯ରେ ହ୍ୟୁଷ୍ଟନ୍, ୨୦୨୩ରେ ୱାଶିଂଟନ୍ ଏବଂ ଏବେ ୨୦୨୪ରେ ନ୍ୟୁୟର୍କ ଏବଂ ପ୍ରତିଥର ଆପଣମାନେ ପୂର୍ବ ରେକର୍ଡ ଭାଙ୍ଗିଛନ୍ତି।
ସାଥୀମାନେ
ମୁଁ ସର୍ବଦା ଆପଣଙ୍କ ଶକ୍ତିକୁ ପ୍ରବାସୀ ଭାରତୀୟଙ୍କ ସାମର୍ଥ୍ୟକୁ ବୁଝିଛି । ମୋ ପାଖରେ ଯେତେବେଳେ କୌଣସି ସରକାରୀ ପଦବୀରେ ନ ଥିଲା, ସେତେବେଳେ ମଧ୍ୟ ମୁଁ ବୁଝୁଥିଲି ଏବଂ ମୁଁ ଆଜି ମଧ୍ୟ ଏହା ବୁଝିପାରୁଛି । ଆପଣମାନେ ସମସ୍ତେ ମୋ ପାଇଁ ସର୍ବଦା ଭାରତର ସବୁଠାରୁ ଶକ୍ତିଶାଳୀ ବ୍ରାଣ୍ଡ ଆମ୍ବାସାଡର ରହିଛନ୍ତି । ସେଥିପାଇଁ ମୁଁ ଆପଣମାନଙ୍କୁ ସମସ୍ତଙ୍କୁ ରାଷ୍ଟ୍ରଦୂତ ବୋଲି କହୁଛି । ଆପଣମାନେ ଆମେରିକାକୁ ଭାରତ ସହ ଏବଂ ଭାରତକୁ ଆମେରିକା ସହ ଯୋଡିଛନ୍ତି । ଆପଣଙ୍କର ଦକ୍ଷତା, ଆପଣଙ୍କର ପ୍ରତିଭା, ଆପଣଙ୍କର ପ୍ରତିବଦ୍ଧତା, ଏହାର କୌଣସି ମୁକାବିଲା ନାହିଁ । ଆପଣ ସାତ ସମୁଦ୍ର ପାର ହୋଇ ହୁଏତ ଆସିଛନ୍ତି ଯାଇଛନ୍ତି । କୌଣସି ସମୁଦ୍ର ଏତେ ଗଭୀର ନାହିଁ, ଯାହା ହୃଦୟ ଗଭୀରତାରେ ଥିବା ଭାରତକୁ ନିଜଠାରୁ ଦୂରେଇ ପାରିବେନି । ଭାରତ ମାତା ଆମକୁ ଯାହା ଶିଖାଇଛନ୍ତି ତାହା ଆମେ କେବେ ବି ଭୁଲିପାରିବୁ ନାହିଁ । ଆମେ ଯେଉଁଠି ବି ଯାଇଥାଉ, ସମସ୍ତଙ୍କୁ ପରିବାର ଭଳି ବ୍ୟବହାର କରିଥାଉ ଏବଂ ସେମାନଙ୍କ ସହ ମିଶିଥାଉ। ବିବିଧତାକୁ ବୁଝିବା, ଜୀବନ୍ତ ବିବିଧତାକୁ ବୁଝିବା, ଏହାକୁ ଆମ ଜୀବନରେ କାର୍ଯ୍ୟକାରୀ କରିବା ଆମ ସଂସ୍କୃତିରେ, ଆମ ଶିରାପ୍ରଶିରାରେ ରହିଛି । ଆମେ ସେହି ଦେଶର ଲୋକ, ଆମ ପାଖରେ ଶହ ଶହ ଭାଷା, ଶତାଧିକ ଉପଭାଷା ରହିଛି। ପୃଥିବୀର ସମସ୍ତ ଧର୍ମ ରହିଛି । ତଥାପି ଆମେ ଏକାଠି ହୋଇ, ସ୍ୱଚ୍ଛତାର ସହ ଆଗକୁ ବଢ଼ୁଛୁ। ଏହି ହଲ୍ ରେ ହିଁ ଦେଖନ୍ତୁ, କେହି ତାମିଲ କହୁଛନ୍ତି, କେହି ତେଲୁଗୁ କହୁଛନ୍ତି, କେହି ମାଲାୟାଲମ କହୁଛନ୍ତି, କେହିି କନ୍ନଡ଼ କହୁଛନ୍ତି, କେହି ପଞ୍ଜାବୀ କହୁଛନ୍ତି, ତ ଆଉ କେହି ମରାଠୀ ଏବଂ କେହି ଗୁଜରାଟୀ, ଅନେକ ଭାଷା ଅଛି, କିନ୍ତୁ ଭାବନା ଗୋଟିଏ ରହିଛି। ଏବଂ ସେହି ଭାବନା ହେଉଛି - ଭାରତ ମାତା କି ଜୟ । ସେହି ଭାବନା ହେଉଛି -ଭାରତୀୟତା । ବିଶ୍ୱ ସହ ଯୋଡ଼ି ହେବା ପାଇଁ ଏହା ହେଉଛି ଆମର ସବୁଠାରୁ ବଡ ଶକ୍ତି । ଏହି ମୂଲ୍ୟବୋଧ ସ୍ୱାଭାବିକ ଭାବରେ ଆମକୁ ବିଶ୍ୱ-ବନ୍ଧୁ କରିଥାଏ । ଆମର ଏଠାରେ କୁହାଯାଏ- ତେନନ୍ ତୈକବେନ ଭୁଞ୍ଜିତା। ଅର୍ଥାତ୍ ଯେଉଁମାନେ ତ୍ୟାଗ କରନ୍ତି ସେମାନେ ହିଁ ଉପଭୋଗ କରିପାରିବେ। ଆମେ ଅନ୍ୟର ଭଲ କରି, ତ୍ୟାଗ କରି ଆମେ ସୁଖ ପାଇଥାଉ। ଏବଂ ଆମେ ଯେ କୌଣସି ଦେଶରେ ରହିବୁ ଭାବନା ବଦଳିନଥାଏ । ଆମେ ଯେଉଁ ସମାଜରେ ରହୁଛୁ ସେଥିରେ ଆମେ ଅଧିକରୁ ଅଧିକ ଯୋଗଦାନ ଦେଇଥାଉ । ଏଠାରେ ଆମେରିକାରେ ଡାକ୍ତର, ଗବେଷକ, ବୈଷୟିକ ବୃତ୍ତିଜୀବୀ, ବୈଜ୍ଞାନିକ ଭାବରେ କିମ୍ବା ଅନ୍ୟାନ୍ୟ ବୃତ୍ତିରେ ଆପଣ ଯେଉଁ ପତାକା ଉଡାଇଛନ୍ତି ତାହା ଏହାର ପ୍ରତୀକ । ଏବେ କିଛି ଦିନ ପୂର୍ବରୁ ଏଠାରେ ଟି-୨୦ କ୍ରିକେଟ ବିଶ୍ୱକପ୍ ଅନୁଷ୍ଠିତ ହୋଇଥିଲା ଏବଂ ଆମେରିକା ଦଳ ଚମତ୍କାର ଖେଳିଥିଲା ଏବଂ ସେହି ଦଳରେ ରହୁଥିବା ଭାରତୀୟଙ୍କ ଅବଦାନ କୁ ବିଶ୍ୱ ମଧ୍ୟ ଦେଖିଛି।
ସାଥୀମାନେ
ବିଶ୍ୱ ପାଇଁ ଏଆଇ ର ଅର୍ଥ ହେଉଛି ଆର୍ଟିଫିସିଆଲ ଇଣ୍ଟେଲିଜେନ୍ସ । କିନ୍ତୁ ମୁଁ ବିଶ୍ୱାସ କରୁଛି ଯେ ଏଆଇ ର ଅର୍ଥ ହେଉଛି ଆମେରିକା-ଭାରତ । ଆମେରିକା-ଭାରତ ହେଉଛି ଏହି ସ୍ପିରିଟ୍ ଏବଂ ଏହା ହେଉଛି ନୂଆ ବିଶ୍ୱର ଏଆଇ ଶକ୍ତି । ଏହି ଏଆଇ ସ୍ପିରିଟ୍ ଭାରତ-ଆମେରିକା ସମ୍ପର୍କକୁ ନୂତନ ଶିଖରରେ ନେବାକୁ ଲାଗିଛି। ମୁଁ ଆପଣ ସମସ୍ତଙ୍କୁ, ଭାରତୀୟ ପ୍ରବାସୀଙ୍କୁ ସାଲ୍ୟୁଟ କରୁଛି । ମୁଁ ସମସ୍ତଙ୍କୁ ସାଲ୍ୟୁଟ କରୁଛି।
ସାଥୀମାନେ
ଦୁନିଆରେ ମୁଁ ଯେଉଁଠିକୁ ବି ଯାଇଥାଏ, ପ୍ରତ୍ୟେକ ନେତାଙ୍କ ଠାରୁ ପ୍ରବାସୀ ଭାରତୀୟଙ୍କ ପ୍ରଶଂସା ଶୁଣିଥାଏ। ଗତକାଲି ରାଷ୍ଟ୍ରପତି ବାଇଡେନ୍ ମୋତେ ଡେଲାୱେରସ୍ଥିତ ତାଙ୍କ ଘରକୁ ନେଇଯାଇଥିଲେ। ସେମାନଙ୍କର ଆତ୍ମିୟତା, ସେମାନଙ୍କର ଉତ୍ସାହ ମୋ ପାଇଁ ଏକ ହୃଦୟସ୍ପର୍ଶୀ ମୁହୂର୍ତ୍ତ ଥିଲା । ଏହି ସମ୍ମାନ ୧୪୦ କୋଟି ଭାରତୀୟଙ୍କ ଅଟେ, ଏହି ସମ୍ମାନ ଆପଣଙ୍କର, ଆପଣଙ୍କ କଠିନ ପରିଶ୍ରମ, ଏହି ସମ୍ମାନ ଏଠାରେ ରହୁଥିବା ଲକ୍ଷ ଲକ୍ଷ ଭାରତୀୟଙ୍କର ଅଟେ । ମୁଁ ରାଷ୍ଟ୍ରପତି ବାଇଡେନଙ୍କୁ ଧନ୍ୟବାଦ ଦେବା ସହ କୃତଜ୍ଞତା ମଧ୍ୟ ଜଣାଇବି ।
ସାଥୀମାନେ
୨୦୨୪ର ଏହି ବର୍ଷ ସମଗ୍ର ବିଶ୍ୱ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଗୋଟିଏ ପଟେ ବିଶ୍ୱର ଅନେକ ଦେଶ ମଧ୍ୟରେ ସଂଘର୍ଷ, ଉତ୍ତେଜନା, ଅନ୍ୟପଟେ ଅନେକ ଦେଶରେ ଗଣତନ୍ତ୍ରର ଉତ୍ସବ ପାଳନ କରାଯାଉଛି । ଗଣତନ୍ତ୍ରର ଏହି ଉତ୍ସବରେ ଭାରତ ଏବଂ ଆମେରିକା ମଧ୍ୟ ଏକାଠି ଅଛନ୍ତି। ଆମେରିକାରେ ଏଠାରେ ନିର୍ବାଚନ ହେବାକୁ ଯାଉଛି ଏବଂ ଭାରତରେ ନିର୍ବାଚନ ଅନୁଷ୍ଠିତ ହୋଇଯାଇଛି । ଭାରତରେ ଅନୁଷ୍ଠିତ ଏହି ନିର୍ବାଚନ ମାନବ ଇତିହାସରେ ସବୁଠାରୁ ବଡ଼ ନିର୍ବାଚନ ଥିଲା, ଆପଣ କଳ୍ପନା କରିପାରୁଥିବେ, ଆମେରିକାର ମୋଟ ଜନସଂଖ୍ୟାର ପ୍ରାୟ ଦୁଇଗୁଣ ଭୋଟର, କେବଳ ସେତିକି ନୁହେଁ, ୟୁରୋପର ମୋଟ ଜନସଂଖ୍ୟାଠାରୁ ଅଧିକ ଭୋଟର, ଏତେ ସଂଖ୍ୟକ ଲୋକ ଭାରତରେ ଭୋଟ୍ ଦେଇଛନ୍ତି। ଯେତେବେଳେ ଆମେ ଭାରତର ଗଣତନ୍ତ୍ରର ବ୍ୟାପକତା ଦେଖୁ, ଆମେ ଅଧିକ ଗର୍ବ ଅନୁଭବ କରୁ । ତିନି ମାସର ମତଦାନ ପ୍ରକ୍ରିୟା, ୧୫ ମିଲିୟନ ଅର୍ଥାତ୍ ଦେଢ କୋଟି ଲୋକଙ୍କ ମତଦାନ କର୍ମଚାରୀ, ଏକ ମିଲିୟନ ଅର୍ଥାତ୍ ୧୦ ଲକ୍ଷରୁ ଅଧିକ ମତଦାନ କେନ୍ଦ୍ର, ଅଢ଼େଇ ହଜାରରୁ ଅଧିକ ରାଜନୈତିକ ଦଳ, ୮ ହଜାରରୁ ଅଧିକ ପ୍ରାର୍ଥୀ, ବିଭିନ୍ନ ଭାଷାର ହଜାର ହଜାର ଖବରକାଗଜ, ଶତାଧିକ ରେଡିଓ ଷ୍ଟେସନ, ଶତାଧିକ ଟିଭି ନ୍ୟୁଜ୍ ଚ୍ୟାନେଲ, କୋଟି କୋଟି ସୋସିଆଲ ମିଡିଆ ଆକାଉଣ୍ଟ, ଲକ୍ଷ ଲକ୍ଷ ସୋସିଆଲ ମିଡିଆ ଚ୍ୟାନେଲ, ଏସବୁ ଭାରତର ଗଣତନ୍ତ୍ରକୁ ଜୀବନ୍ତ କରିଥାଏ। ଏହା ହେଉଛି ଫ୍ରିଡମ୍ ଅଫ୍ ଏକ୍ସପ୍ରେସନର ସମ୍ପ୍ରସାରର ସମୟ ଅଟେ। ଏହି ସ୍ତରର ଯାଞ୍ଚ ଆମ ଦେଶର ନିର୍ବାଚନ ପ୍ରକ୍ରିୟା ଦେଇ ଯାଇଥାଏ ।
ଏବଂ ସାଥିମାନେ,
ଏହି ଲମ୍ବା ନିର୍ବାଚନ ପ୍ରକ୍ରିୟା ମାଧ୍ୟମରେ ଏଥର ଭାରତରେ ଏକ ଅଭୂତପୂର୍ବ ଘଟଣା ଘଟିଛି। କଣ ଘଟିଛି? କଣ ଘଟିଛି? କଣ ଘଟିଛି? କଣ ଘଟିଛି? ଚଳିତଥର- ଚଳିତ ଥର-ଚଳିତ ଥର ।
ସାଥୀମାନେ
ତୃତୀୟ ଥର ପାଇଁ, ଆମ ସରକାର ଫେରିଛନ୍ତି। ଆଉ ୬୦ ବର୍ଷ ମଧ୍ୟରେ ଭାରତରେ ତାହା ହୋଇନାହିଁ । ଭାରତବାସୀ ଦେଇଥିବା ନୂଆ ଜନାଦେଶର ଅନେକ ଅର୍ଥ ରହିଛି ଏବଂ ଏହା ବହୁତ ବଡ ମଧ୍ୟ ଅଟେ । ଏହି ତୃତୀୟ ପାଳିରେ ଆମର ବହୁତ ବଡ ଲକ୍ଷ୍ୟ ହାସଲ କରିବାର ଅଛି । ଆମକୁ ତିନି ଗୁଣ ଶକ୍ତି ସହିତ ବେଗକୁ ଆଗକୁ ବଢାଇବାକୁ ପଡିବ, ଏବଂ ତିନି ଗୁଣ ବେଗରେ, ଆପଣ ଗୋଟିଏ ଶବ୍ଦ ଫୁଲ ମନେ ରଖିବେ । ହଁ, କମଲ, ଧରାନ୍ତୁ ମୋର କିଛି ଅସୁବିଧା ନାହିଁ । ଫୁଲ ଏବଂ ମୁଁ ଏହି ଫୁଲକୁ ବୁଝାଇ ଦେଉଛି । ପି ଫର ପ୍ରଗତିଶୀଳ ଭାରତ, ୟୁ ଫର ରହୁ ନଥିବା ଭାରତ ଏସ ଫର ଆଧ୍ୟାତ୍ମିକ ଭାରତ, ଏଚ ଫର ମାନବିକତା ପ୍ରଥମ ସମର୍ପିତ ଭାରତ , ପି ଫର ସମୃଦ୍ଧ ଭାରତ ଅର୍ଥାତ୍ ପୁସ୍ପ - ଫୁଲର ପାଞ୍ଚଟି ପାଖୁଡ଼ା ଏକାଠି ହୋଇ ବିକଶିତ ଭାରତ କରିବା ।
ସାଥୀମାନେ
ମୁଁ ଭାରତର ପ୍ରଥମ ପ୍ରଧାନମନ୍ତ୍ରୀ ଯିଏ ସ୍ୱାଧୀନତା ପରେ ଜନ୍ମଗ୍ରହଣ କରିଛି । ସ୍ୱାଧୀନତା ଆନ୍ଦୋଳନରେ କୋଟି କୋଟି ଭାରତୀୟ ସ୍ୱରାଜ ପାଇଁ ନିଜ ଜୀବନ ବଳିଦାନ ଦେଇଥିଲେ, ସେମାନେ ନିଜ ସ୍ୱାର୍ଥ ଦେଖିନଥିଲେ, ନିଜର ସୁବିଧା କ୍ଷେତ୍ର ବିଷୟରେ ଚିନ୍ତା କରିନଥିଲେ, ସେମାନେ କେବଳ ଦେଶର ସ୍ୱାଧୀନତା ପାଇଁ ସବୁକିଛି ଭୁଲି ଯାଇଥିଲେ ଏବଂ ଇଂରେଜମାନଙ୍କ ସହ ଲଢ଼ିବାକୁ ଯାଇଥିଲେ । ସେହି ଯାତ୍ରାରେ କାହାକୁ ଫାଶୀ ମିଳିଲା, କାହାର ଦେହକୁ ଗୁଳି କରି ହତ୍ୟା କରାଗଲା, କେହି ନିର୍ଯାତନା ସହି ଜେଲରେ ମୃତ୍ୟୁବରଣ କଲେ, ଅନେକ ଜେଲରେ ଜୀବନ ବିତାଇଲେ ।
ସାଥୀମାନେ
ଆମେ ଦେଶ ପାଇଁ ମରିପାରିବୁ ନାହିଁ, କିନ୍ତୁ ଆମେ କରିପାରିବା? ଦେଶ ପାଇଁ ନିଶ୍ଚିତ ବଞ୍ôଚପାରିବା ନହେଲେ ଆମର ଭାଗ୍ୟରେ ନ ଥିଲା, ବଞ୍ଚିବା ଆମର ଭାଗ୍ୟ। ପ୍ରଥମ ଦିନରୁ ମୋର ମନ ଏବଂ ମୋର ଲକ୍ଷ୍ୟ ସ୍ପଷ୍ଟ ରହିଛି। ମୁଁ ସ୍ୱରାଜ ପାଇଁ ମୋ ଜୀବନ ଦେଇପାରିଲି ନାହିଁ, କିନ୍ତୁ ମୁଁ ଉତ୍ତମ ଓ ସମୃଦ୍ଧ ଭାରତ ପାଇଁ ମୋ ଜୀବନ ଉତ୍ସର୍ଗ କରିବାକୁ ସ୍ଥିର କଲି । ମୋ ଜୀବନର ଏକ ବଡ଼ ଅଂଶ ଏମିତି ଥିଲା ଯେ ବର୍ଷ ବର୍ଷ ଧରି ମୁଁ ସାରା ଦେଶରେ ବୁଲିଥିଲି, ଭ୍ରମଣ କରିଥିଲି, ଯେଉଁଠି ଖାଇବାକୁ ମିଳିଲା ସେଇଠାରେ ଖାଇଲି, ଯେଉଁଠି ଶୋଇବାକୁ ପାଇଲି ସେଠାରେ ଶୋଇପଡିଲି, ସମୁଦ୍ର କୂଳରୁ ନେଇ ପାହାଡ ପର୍ଯ୍ୟନ୍ତ ମରୁଭୂମିରୁ ବରଫ ଶିଖର ପର୍ଯ୍ୟନ୍ତ, ମୁଁ ସବୁ ଅଞ୍ଚଳର ଲୋକଙ୍କୁ ଭେଟିଥିଲି, ସେମାନଙ୍କୁ ଜାଣିଥିଲି । ମୁଁ ମୋ ଦେଶର ଜୀବନ, ମୋ ଦେଶର ସଂସ୍କୃତି, ମୋ ଦେଶର ଆହ୍ୱାନ ବିଷୟରେ ପ୍ରାଥମିକ ଅନୁଭୂତି ପାଇଥିଲି । ଏକ ସମୟ ଥିଲା ଯେତେବେଳେ ମୁଁ ଏକ ଭିନ୍ନ ଦିଗରେ ନିଷ୍ପତ୍ତି ନେଇଥିଲି, କିନ୍ତୁ ଭାଗ୍ୟ ମୋତେ ରାଜନୀତିକୁ ଠେଲି ଦେଇଥିଲା । ମୁଁ କେବେ ଭାବି ନଥିଲି ଯେ ଦିନେ ମୁଁ ମୁଖ୍ୟମନ୍ତ୍ରୀ ହେବି ଏବଂ ଯେତେବେଳେ ମୁଁ ମୁଖ୍ୟମନ୍ତ୍ରୀ ହେଲି, ମୁଁ ଗୁଜୁରାଟର ସବୁଠାରୁ ଅଧିକ ସମୟ ଧରି ମୁଖ୍ୟମନ୍ତ୍ରୀ ଥିବା ମୁଖ୍ୟମନ୍ତ୍ରୀ ହୋଇଗଲି । ମୁଁ ୧୩ ବର୍ଷ ଗୁଜୁରାଟର ମୁଖ୍ୟମନ୍ତ୍ରୀ ଥିଲି, ଯାହା ପରେ ଲୋକମାନେ ମୋତେ ପ୍ରଧାନମନ୍ତ୍ରୀ ଭାବେ ପଦୋନ୍ନତି ଦେଇଥିଲେ। କିନ୍ତୁ ରାଜ୍ୟ ହେଉ କି କେନ୍ଦ୍ର, ଦେଶର କୋଣ ଅନୁକୋଣରେ ଦଶନ୍ଧି ଧରି ମୁଁ ଯାହା ଶିଖିଛି, ତାହା ମୋର ସେବାର ମଡେଲ ଯାହା ମୋର ଶାସନ ମଡେଲକୁ ଏତେ ସଫଳ କରିପାରିଲା । ବିଗତ ୧୦ ବର୍ଷ ମଧ୍ୟରେ ଆପଣ ମାନେ ଏହି ଶାସନ ମଡେଲର ସଫଳତା ଦେଖିଛନ୍ତି, ସମଗ୍ର ବିଶ୍ୱ ଏହା ଦେଖିଛି ଏବଂ ବର୍ତ୍ତମାନ ଦେଶର ଜନତା ମୋତେ ତୃତୀୟ ଥର ପାଇଁ ବହୁତୁ ଭରସା ସହିତ ଦାୟିତ୍ୱ ଦେଇଛନ୍ତି । ଏହି ତୃତୀୟ ପାଳିରେ ମୁଁ ତିନି ଗୁଣ ଅଧିକ ଦାୟିତ୍ୱବୋଧ ସହ ଆଗକୁ ବଢ଼ୁଛି।
ସାଥୀମାନେ
ଆଜି ଭାରତ ବିଶ୍ୱର ସବୁଠାରୁ କନିଷ୍ଠ ଦେଶ ମାନଙ୍କ ମଧ୍ୟରୁ ଅନ୍ୟତମ । ଭାରତ ଶକ୍ତିରେ ପରିପୂର୍ଣ୍ଣ, ସ୍ୱପ୍ନରେ ପରିପୂର୍ଣ୍ଣ । ପ୍ରତିଦିନ ନୂଆ ନୂଆ ରେକର୍ଡ, ନୂଆ ନୂଆ ଖବର, ଆଜି ଆଉ ଏକ ଖୁସି ଖବର ମିଳିଛି । ଚେସ୍ ଅଲିମ୍ପିଆଡରେ ଭାରତ ଉଭୟ ପୁରୁଷ ଓ ମହିଳା ପ୍ରତିଯୋଗିତାରେ ସ୍ୱର୍ଣ୍ଣ ପଦକ ଜିତିଛି। କିନ୍ତୁ ମୁଁ ଆପଣଙ୍କୁ ଆଉ ଏକ କଥା କହିବାକୁ ଚାହୁଁଛି ଯେତେବେଳେ ଅଧିକ ପ୍ରଶଂସା ମିଳିବ । ପ୍ରାୟ ଶହେ ବର୍ଷର ଇତିହାସରେ ଏହା ପ୍ରଥମ ଥର ପାଇଁ ଘଟିଛି। ସମଗ୍ର ଦେଶ, ପ୍ରତ୍ୟେକ ଭାରତୀୟ ଆମ ଚେସ୍ ଖେଳାଳିଙ୍କ ପାଇଁ ଗର୍ବିତ। ଆଉ ଏକ ଏଆଇ ଅଛି ଯାହା ଭାରତକୁ ଚଳାଉଛି, ଏବଂ ତାହା କ’ଣ ? ସେଗୁଡ଼ିକ ହେଲା- ଏ ଫର ଆକାଂକ୍ଷୀ, ଆଇ ଫର ଇଣ୍ଡିଆ (ଭାରତ), ଆସପେରେନାଲ ଇଣ୍ଡିଆ, ଆକାଂକ୍ଷୀ ଭାରତ। ଏହା ଏକ ନୂତନ ବେଗ, ଏକ ନୂତନ ଶକ୍ତି । ଆଜି କୋଟି କୋଟି ଭାରତୀୟଙ୍କ ଆକାଂକ୍ଷା ଭାରତ ଭାରତର ଅଭିବୃଦ୍ଧିକୁ ପ୍ରୋତ୍ସାହିତ କରୁଛି । ପ୍ରତ୍ୟେକ ଆକାଂକ୍ଷା ଏକ ନୂତନ ଉପଲବ୍ଧିକୁ ଜନ୍ମ ଦେଇଥାଏ । ଏବଂ ପ୍ରତ୍ୟେକ ଉପଲବ୍ଧି ଏବଂ ନୂତନ ଆକାଂକ୍ଷା ପାଇଁ ସାର ଜଳ ପ୍ରସ୍ତୁତ କରାଯାଉଛି । ଏକ ଦଶନ୍ଧି ମଧ୍ୟରେ ଭାରତ ଦଶମ ସ୍ଥାନରୁ ପଞ୍ଚମ ସ୍ଥାନରେ ରହିଛି। ବର୍ତ୍ତମାନ ପ୍ରତ୍ୟେକ ଭାରତୀୟ ଚାହୁଁଛନ୍ତି ଯେ ଭାରତ ଶୀଘ୍ର ତୃତୀୟ ବୃହତ୍ତମ ଅର୍ଥନୀତିରେ ପରିଣତ ହେଉ । ଆଜି ଦେଶର ଏକ ବଡ଼ ବର୍ଗର ମୌଳିକ ଆବଶ୍ୟକତା ପୂରଣ ହେଉଛି। ବିଗତ ୧୦ ବର୍ଷ ମଧ୍ୟରେ କୋଟି କୋଟି ଲୋକଙ୍କୁ ସ୍ୱଚ୍ଛ ରନ୍ଧନ ଗ୍ୟାସର ସୁବିଧା ମିଳିଛି, ସେମାନଙ୍କ ଘରେ ବିଶୁଦ୍ଧ ପାଇପ୍ ପାଣି ପହଞ୍ଚିବା ଆରମ୍ଭ ହୋଇଛି, ସେମାନଙ୍କ ଘରେ ବିଜୁଳି ସଂଯୋଗ ପହଞ୍ଚିଛି, ସେମାନଙ୍କ ପାଇଁ କୋଟି କୋଟି ଶୌଚାଳୟ ନିର୍ମାଣ କରାଯାଇଛି। ଏଭଳି କୋଟି କୋଟି ଲୋକ ଏବେ ଗୁଣାତ୍ମକ ଜୀବନ ଚାହୁଁଛନ୍ତି।
ସାଥୀମାନେ
ଏବେ ଭାରତବାସୀ କେବଳ ସଡ଼କ ଚାହୁଁନାହାନ୍ତି, ସେମାନଙ୍କୁ ଚମତ୍କାର ଏକ୍ସପ୍ରେସ୍ ୱେ ଆବଶ୍ୟକ। ବର୍ତ୍ତମାନ ଭାରତର ଲୋକମାନେ କେବଳ ରେଳ ସଂଯୋଗ ଚାହୁଁନାହାଁନ୍ତି, ସେମାନେ ହାଇସ୍ପିଡ୍ ଟ୍ରେନ୍ ଚାହୁଁଛନ୍ତି। ଭାରତର ପ୍ରତ୍ୟେକ ସହରକୁ ଅପେକ୍ଷା ରହିଛି ସେଠାରେ ମେଟ୍ରୋ ଚଳାଚଳ କରୁ, ଭାରତର ପ୍ରତ୍ୟେକ ସହରର ଅପେକ୍ଷା ରହିଛି ସେମାନଙ୍କର ନିଜର ବିମାନ ବନ୍ଦର ହେଉ । ଦେଶର ପ୍ରତ୍ୟେକ ନାଗରିକ, ପ୍ରତ୍ୟେକ ଗାଁ ଓ ସହରର ନାଗରିକ ଚାହାଁନ୍ତି ଯେ ସେମାନଙ୍କ ପାଖରେ ବିଶ୍ୱର ସର୍ବୋତ୍ତମ ସୁବିଧା ହେଉ । ଏବଂ ଏହାର ଫଳାଫଳ ଦେଖିବାକୁ ମିଳୁଛି । ୨୦୧୪ରେ ଭାରତର ମାତ୍ର ୫ଟି ସହରରେ ମେଟ୍ରୋ ଥିବା ବେଳେ ଆଜି ୨୩ଟି ସହରରେ ମେଟ୍ରୋ ରହିଛି। ଆଜି ବିଶ୍ୱର ଦ୍ୱିତୀୟ ବୃହତ୍ତମ ମେଟ୍ରୋ ନେଟୱାର୍କ ଭାରତରେ ରହିଛି । ଏବଂ ଏହା ଦିନକୁ ଦିନ ବ୍ୟାପିବାରେ ଲାଗିଛି ।
ସାଥୀମାନେ
୨୦୧୪ରେ ଭାରତର ମାତ୍ର ୭୦ଟି ସହରରେ ବିମାନବନ୍ଦର ଥିବା ବେଳେ ଆଜି ୧୪୦ରୁ ଅଧିକ ସହରରେ ବିମାନବନ୍ଦର ରହିଛି। ୨୦୧୪ମସିହାରେ ୧୦୦ରୁ କମ୍ ଗ୍ରାମ ପଞ୍ଚାୟତରେ ବ୍ରଡବ୍ୟାଣ୍ଡ ସଂଯୋଗ ଥିଲା, ୧୦୦ରୁ କମ୍, ଆଜି ୨ ଲକ୍ଷରୁ ଅଧିକ ପଞ୍ଚାୟତରେ ବ୍ରଡବ୍ୟାଣ୍ଡ ସଂଯୋଗ ରହିଛି। ୨୦୧୪ରେ ଭାରତରେ ୧୪୦ ମିଳିୟନ ଅର୍ଥାତ୍ ପାଖାପାଖି ୧୪କୋଯି ଏଲ୍ପିଜି ଉପଭୋକ୍ତା ଥିଲେ। ବର୍ତ୍ତମାନ ଭାରତରେ ୩୧୦ ମିଲିୟନ ଅର୍ଥାତ୍ ୍୩୧କୋଟିରୁ ଅଧିକ ଏଲପିଜି ଉପଭୋକ୍ତା ଅଛନ୍ତି । ଯେଉଁ କାମ ପାଇଁ ବର୍ଷ ବର୍ଷ ଲାଗିଯାଉଥିଲା, ଏବେ ତାହା ମାସକ ମଧ୍ୟରେ ଶେଷ ହେଉଛି। ଆଜି ଭାରତବାସୀଙ୍କର ଆତ୍ମବିଶ୍ୱାସ, ସଂକଳ୍ପ, ଲକ୍ଷ୍ୟସ୍ଥଳରେ ପହଞ୍ଚିବାର ଇଚ୍ଛା, ଭାରତରେ ବିକାଶ, ଜନ ଆନ୍ଦୋଳନ ଗଠିତ ହେଉଛି। ଏବଂ ବିକାଶର ଏହି ଆନ୍ଦୋଳନରେ ପ୍ରତ୍ୟେକ ଭାରତୀୟ ସମାନ ଅଂଶୀଦାର ହୋଇଛନ୍ତି । ସେମାନଙ୍କୁ ଭରସା ରହିଛି, ଭାରତର ସଫଳତା ଉପରେ, ଭାରତର ଉପଲବ୍ଧି ଉପରେ।
ସାଥୀମାନେ,
ଭାରତ ଆଜି ଅବସରର ଭୂମି ଅଟେ, ସୁଯୋଗର ଭୂମି। ଏବେ ଭାରତ ସୁଯୋଗକୁ ଅପେକ୍ଷା କରୁନାହିଁ, ଏବେ ଭାରତ ସୁଯୋଗ ସୃଷ୍ଟି କରୁଛି। ବିଗତ ୧୦ ବର୍ଷ ମଧ୍ୟରେ ଭାରତ ସବୁ କ୍ଷେତ୍ରରେ ସୁଯୋଗର ଏକ ନୂଆ ଲଞ୍ଚିଂ ପ୍ୟାଡ୍ ସୃଷ୍ଟି କରିଛି। ଆପଣ ଦେଖନ୍ତୁ, ମାତ୍ର ଏକ ଦଶନ୍ଧିମଧ୍ୟରେ ଆପଣ ସମସ୍ତଙ୍କୁ ଗର୍ବି ଆଣିଦେବ, ମାତ୍ର ଏକ ଦଶନ୍ଧି ମଧ୍ୟରେ ହିଁ ୨୫ କୋଟି ଲୋକ ଦାରିଦ୍ର୍ୟରୁ ମୁକୁଳିଛନ୍ତି, ମାତ୍ର ଏକ ଦଶନ୍ଧିମଧ୍ୟରେ ୨୫ କୋଟି ଲୋକ ଦାରିଦ୍ର୍ୟରୁ ମୁକୁଳିଛନ୍ତି। ଏହା କେମିତି ହେଲା? କାରଣ ଆମେ ପୁରୁଣା ଚିନ୍ତାଧାରା ବଦଳାଇଥିଲୁ, ଆଭିମୁଖ୍ୟ ବଦଳାଇଥିଲୁ। ଆମେ ଗରିବମାନଙ୍କୁ ସଶକ୍ତ କରିବା ଉପରେ ଗୁରୁତ୍ୱ ଦେଇଥିଲୁ । ୫୦ କୋଟି ଅର୍ଥାତ୍ ୫୦୦ ମିଲିୟନରୁ ଅଧିକ ଲୋକମାନଙ୍କୁ ବ୍ୟାଙ୍କିଙ୍ଗ ବ୍ୟବସ୍ଥା ସହ ଯୋଡ଼ିବା, ୫୫ କୋଟି ଅର୍ଥାତ୍ ୫୫୦ ମିଲ୍ରିନରୁ ଅଧିକ ଲୋକଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ବ୍ୟବସ୍ଥା, ୪ କୋଟି ଅର୍ଥାତ୍ ୪୦ ମିଲିୟନରୁ ଅଧିକ ପରିବାରକୁ ପକ୍କା ଘର ଦେବା, ଜାମିନମୁକ୍ତ ଋଣ ବ୍ୟବସ୍ଥା ସୃଷ୍ଟି କରିବା ଏବଂ କୋଟି କୋଟି ଲୋକଙ୍କୁ ସହଜରେ ଋଣ ସହ ଯୋଡ଼ିବା, ଏମିତି ଅନେକ କାର୍ଯ୍ୟ କରାଗଲା, ତା'ପରେ ଅନେକ ଲୋକ ନିଜେ ଦାରିଦ୍ର୍ୟକୁ ପରାସ୍ତ କଲେ। ଆଉ ଆଜି ଏହି ନବ-ମଧ୍ୟବିତ୍ତ ଶ୍ରେଣୀ ଦାରିଦ୍ର୍ୟରୁ ମୁକୁଳି ଭାରତର ବିକାଶକୁ ଦ୍ରୁତଗତିରେ ପ୍ରୋତ୍ସାହନ ଦେଉଛି ।
ସାଥୀମାନେ
ଆମେ ମହିଳା କଲ୍ୟାଣ ସହିତ ମହିଳା ଲେଡ୍ ବିକାଶ ଉପରେ ଗୁରୁତ୍ୱ ଦେଇଛୁ । ସରକାରଙ୍କ ଦ୍ୱାରା ନିର୍ମିତ କୋଟି କୋଟି ଘର ମହିଳାଙ୍କ ନାମରେ ପଞ୍ଜୀକୃତ ହୋଇଥିଲା। ଖୋଲାଯାଇଥିବା କୋଟି କୋଟି ବ୍ୟାଙ୍କ ଆକାଉଣ୍ଟମଧ୍ୟରୁ ଅଧାରୁ ସେଥିରେ ଅଧିକ ମହିଳା ମାନେ ଖୋଲିଥିଲେ । ବିଗତ ୧୦ ବର୍ଷ ମଧ୍ୟରେ ଭାରତରେ ୧୦କୋଟି ମହିଳା ମାଇକ୍ରୋ ଆଣ୍ଟରପ୍ରେନସିପ୍ ଯୋଜନାରେ ସାମିଲ ହୋଇଛନ୍ତି। ମୁଁ ଆପଣଙ୍କୁ ଆଉ ଏକ ଉଦାହରଣ ଦେବି । ଭାରତରେ କୃଷିକୁ ବୈଷୟିକ ଜ୍ଞାନକୌଶଳ ସହ ଯୋଡ଼ିବା ପାଇଁ ଆମେ ଅନେକ ପ୍ରୟାସ କରୁଛୁ । ଆଜି ଭାରତରେ କୃଷି ଓ ଚାଷକ୍ଷେତ୍ରରେ ପ୍ରଚୁର ମାତ୍ରାରେ ଡ୍ରୋନର ବ୍ୟବହାର ଦେଖିବାକୁ ମିଳୁଛି। ବୋଧହୁଏ ଡ୍ରୋନ୍ ଆପଣଙ୍କ ପାଇଁ ନୂଆ ନୁହେଁ। କିନ୍ତୁ ନୂଆ କଥା ହେଉଛି, ଏଥିପାଇଁ ଦାୟିତ୍ୱ କିଏ ବୁଝେ, ଜାଣନ୍ତୁ? ଏହା ମଧ୍ୟ ଗ୍ରାମୀଣ ମହିଳାଙ୍କ କ୍ଷେତ୍ରରେ ରହିଛି। ଆମେ ହଜାର ହଜାର ମହିଳାଙ୍କୁ ଡ୍ରୋନ୍ ପାଇଲଟ୍ ଭାବେ ନିଯୁକ୍ତି ଦେଉଛୁ। କୃଷିକ୍ଷେତ୍ରରେ ବୈଷୟିକ ଜ୍ଞାନକୌଶଳର ଏହି ବିରାଟ ବିପ୍ଳବ ଗାଁର ମହିଳାମାନେ ଆଣିଛନ୍ତି।
ସାଥିମାନେ,
ଯେଉଁ ଅଞ୍ଚଳ ପୂର୍ବେ ଉପେକ୍ଷିତ ଥିଲା, ତାହା ଆଜି ଦେଶର ପ୍ରାଥମିକତା ରହିଛି । ଆଜି ଭାରତ ଯେତିକି ଯୋଡି ହୋଇ ରହିଛି, ତାହା ପୂର୍ବରୁ କେବେ ହୋଇ ନଥିଲା । ଆପଣ ଆଶ୍ଚର୍ଯ୍ୟ ହେବେ, ଆଜି ଭାରତର ୫ଜି ମାର୍କେଟ ଆମେରିକାରରୁ ମଧ୍ୟବଡ ହୋଇପାରିଛି । ଏହି ୨ବର୍ଷ ମଧ୍ୟରେ ହିଁ ହୋଇଛି । ବର୍ତ୍ତମାନ ଭାରତ, ମେଡ ଇନ୍ ଇଣ୍ଡିଆ, ୬ଜି ଉପରେ କାମ କରୁଛି । ଏହା କେମିତି ହେଲ ? ଏହା ସେଥିପାଇଁ ହେଲା, କାରଣ ଆମେ ଏହି କ୍ଷେତ୍ରକୁ ବଢିବା ଦିଗରେ ନୀତି କଲୁ । ଆମେ ମେଡ୍ ଇନ୍ ଇଣ୍ଡିଆ ଟେକ୍ନୋଲୋଜି ଉପରେ କାର୍ଯ୍ୟ କରୁଛୁ । ଆମେ ଶସ୍ତା ଡାଟା ଉପରେ, ମୋବାଇଲ ଫୋନ ଉତ୍ପାଦନ ଉପରେ ଦୃଷ୍ଟି ଆକର୍ଷଣ କରିଥିଲୁ । ଆଜି ବିଶ୍ୱର ପ୍ରାୟ ପ୍ରତ୍ୟେକ ବଡ ମୋବାଇଲ ବ୍ରାଣ୍ଡ, ମେଡ୍ ଇନ୍ ଇଣ୍ଡିଆ ଅଟେ । ଆଜି ଭାରତ ବିଶ୍ୱର ଦ୍ୱିତୀୟ ସବୁଠାରୁ ବଡ ମୋବାଇଲ ଉତ୍ପାଦକ ଅଟେ । ଗୋଟିଏ ସମୟ ଥିଲା ମୋ ଆସିବା ପୂର୍ବରୁ ଯେତେବେଳେ ଆମେ ମୋବାଇଲ ଆମଦାନୀ କରୁଥିଲୁ, ଆଜି ଆମେ ମୋବାଇଲ ରପ୍ତାନୀକାରୀ ହୋଇଗଲୁ ।
ସାଥୀମାନେ
ଏବେ ଭାରତ ପଛରେ ଚାଲୁ ନାହିଁ, ଏବେ ଭାରତ ନୂଆ ବ୍ୟବସ୍ଥାମାନ ସୃଷ୍ଟି କରୁଛି, ଏବେ ଭାରତ ନେତୃତ୍ୱ ନେଉଛି। ଭାରତ ଡିଜିଟାଲ ପବ୍ଲିକ ଇନଫ୍ରାଷ୍ଟ୍ରକଚର (ଡିପିଆଇ)ର ଏକ ନୂଆ କନସେପ୍ଟ ଭାରତ ବିଶ୍ୱକୁ ଦେଇଛି । ଡିପିଆଇ ସମାନତାକୁ ପ୍ରୋତ୍ସାହିତ କରିଛି, ଏହା ଦୁର୍ନୀତି ହ୍ରାସ କରିବାର ଏକ ବଡ଼ ମାଧ୍ୟମ ପାଲଟିଛି । ଭାରତର ୟୁପିଆଇ ଆଜି ସମଗ୍ର ବିଶ୍ୱକୁ ଆକର୍ଷିତ କରୁଛି । ଆପଣଙ୍କ ପକେଟରେ ୱାଲେଟ୍ ଅଛି, କିନ୍ତୁ ଭାରତରେ ଲୋକଙ୍କ ପକେଟ ସହିତ ଫୋନରେ ୱାଲେଟ୍, ଇ-ୱାଲେଟ୍ ରହିଛି। ଅଧିକାଂଶ ଭାରତୀୟ ନିଜର କାଗଜପତ୍ର ଫିଜିକାଲ ଫୋଲ୍ଡରରେ ରଖନ୍ତି ନାହିଁ, ତାଙ୍କ ନିକଟରେ ଡିଜି ଲକର ରହିଛି । ସେମାନେ ବିମାନବନ୍ଦରକୁ ଯାଆନ୍ତି ପରେ ଡିଜି ଯାତ୍ରା ସହ ନିରବଚ୍ଛିନ୍ନ ଭାବେ ଯାତ୍ରା କରିଥାନ୍ତି। ଏହା ଡିଜିଟାଲ ସାର୍ବଜନୀନ ଭିତ୍ତିଭୂମି, ଚାକିରି, ଉଦ୍ଭାବନ ଏବଂ ଏହା ସହ ଜଡ଼ିତ ପ୍ରତ୍ୟେକ ଟେକ୍ନୋଲୋଜି ପାଇଁ ଲଞ୍ଚିଂ ପ୍ୟାଡ୍ ପାଲଟିଛି।
ସାଥୀମାନେ
ଭାରତ, ଭାରତ ଏବେ ଅଟକିଧ ନାହିଁ । ବିଶ୍ୱର ଅଧିକରୁ ଅଧିକ ଡିଭାଇସ୍ ମେଡ୍ ଇନ୍ ଇଣ୍ଡିଆ ଚିପ୍ସ ଉପରେ ଚାଲିବାକୁ ଚାହୁଁଛି। ସେମିକଣ୍ଡକ୍ଟର କ୍ଷେତ୍ରକୁ ମଧ୍ୟ ଆମେ ଭାରତର ଦ୍ରୁତ ଅଭିବୃଦ୍ଧିର ଆଧାର କରିଛୁ । ଗତ ବର୍ଷ ଜୁନ୍ ମାସରେ ଭାରତ ସେମିକଣ୍ଡକ୍ଟର କ୍ଷେତ୍ର ପାଇଁ ପ୍ରୋତ୍ସାହନ ଘୋଷଣା କରିଥିଲା। ଏହାର କିଛି ମାସ ପରେ ମାଇକ୍ରୋନର ପ୍ରଥମ ସେମିକଣ୍ଡକ୍ଟର ୟୁନିଟର ଶିଳାନ୍ୟାସ ମଧ୍ୟ କରାଯାଇଥିଲା । ବର୍ତ୍ତମାନ ସୁଦ୍ଧା ଭାରତରେ ଏଭଳି ୫ଟି ୟୁନିଟକୁ ଅନୁମୋଦନ ମିଳିଛି। ସେହି ଦିନ ଏବେ ଆଉ ଦୂର ନୁହେଁ ଯେତେବେଳେ ଆପଣ ମେଡ୍ ଇନ୍ ଇଣ୍ଡିଆ ଚିପ୍ସ କୁ ଆମେରିକାରେ ଦେଖିବେ । ଏହି ଛୋଟିଆ ଚିପ୍ସ ବିକଶିତ ଭାରତର ଉଡ଼ାଣକୁ ନୂଆ ଶିଖର ରେ ପହଞ୍ଚାଇବ ଏବଂ ଏହା ମୋଦୀଙ୍କ ଗ୍ୟାରେଣ୍ଟି।
ସାଥୀମାନେ
ଆଜି ଭାରତରେ ସଂସ୍କାର ପାଇଁ ଯେଉଁ ଦୃଢ଼ବିଶ୍ୱାସ ଓ ପ୍ରତିବଦ୍ଧତା ରହିଛି ତାହା ଅଭୂତପୂର୍ବ। ଆମର ସବୁଜ ଶକ୍ତି ପରିବର୍ତ୍ତନ କାର୍ଯ୍ୟକ୍ରମ ଏହାର ଏକ ବଡ଼ ଉଦାହରଣ । ବିଶ୍ୱଜନସଂଖ୍ୟାର ୧୭% ଥିବା ସତ୍ତ୍ୱେ ବିଶ୍ୱର କାର୍ବନ ନିର୍ଗମନରେ ଭାରତର ଅଂଶ ମାତ୍ର ୪ ପ୍ରତିଶତ । ଦୁନିଆକୁ ନଷ୍ଟ କରିବାରେ ଆମର କୌଣସି ଭୂମିକା ନାହିଁ । ଏକ ପ୍ରକାରେ ସମଗ୍ର ବିଶ୍ୱ ତୁଳନାରେ ଏହା ପ୍ରକାରରେ ସମାନ । କେବଳ କାର୍ବନ ଇନ୍ଧନ ଜାଳି ଆମେ ଆମର ଅଭିବୃଦ୍ଧିକୁ ସମର୍ଥନ କରିପାରିବା । କିନ୍ତୁ ଆମେ ସବୁଜ ପରିବର୍ତ୍ତନ ପଥ ବାଛିଥିଲୁ । ପ୍ରକୃତି ପ୍ରତି ଆମର ଭଲପାଇବାର ରୀତିନୀତି ଆମକୁ ମାର୍ଗଦର୍ଶନ କରିଥିଲା । ତେଣୁ, ଆମେ ସୌର, ପବନ, ଜଳ, ସବୁଜ ହାଇଡ୍ରୋଜେନ ଏବଂ ପରମାଣୁ ଶକ୍ତି କ୍ଷେତ୍ରରେ ନିବେଶ କରୁଛୁ । ଆପଣ ଦେଖନ୍ତୁ, ପ୍ୟାରିସ ଜଳବାୟୁ ଲକ୍ଷ୍ୟ ପୂରଣ କରିବାରେ ଭାରତ ହେଉଛି ପ୍ରଥମ ଜି-୨୦ ଦେଶ । ୨୦୧୪ ପରଠାରୁ ଭାରତ ଏହାର ସୌର ସଂସ୍ଥାପନ କ୍ଷମତାକୁ ୩୦ ଗୁଣରୁ ଅଧିକ ବୃଦ୍ଧି କରିଛି। ଦେଶର ପ୍ରତ୍ୟେକ ଘରକୁ ସୌର ଶକ୍ତି ର ଘର କରିବାରେ ଆମେ ନିୟୋଜିତ ଅଛୁ । ଏଥିପାଇଁ ଆମେ ରୁଫ୍ ଟପ୍ ସୋଲାରର ଏକ ବଡ଼ ଅଭିଯାନ ଆରମ୍ଭ କରିଛୁ। ଆଜି ଆମର ରେଳ ଷ୍ଟେସନ ଏବଂ ବିମାନ ବନ୍ଦର ଗୁଡ଼ିକ ସୌଲାରାଇଜ ହୋଇଯାଉଛି । ଭାରତ ଘରଠାରୁ ଆରମ୍ଭ କରି ସଡକ ପର୍ଯ୍ୟନ୍ତ ଶକ୍ତି ଦକ୍ଷ ଆଲୋକପଥରେ ଯାତ୍ରା ଆରମ୍ଭ କରିଛି । ଏହି ସବୁ ପ୍ରୟାସ ଭାରତରେ ବହୁ ସଂଖ୍ୟକ ସବୁଜ ନିଯୁକ୍ତି ସୃଷ୍ଟି କରୁଛି।
ସାଥୀମାନେ
ଏକବିଂଶ ଶତାବ୍ଦୀର ଭାରତ ଶିକ୍ଷା, ଦକ୍ଷତା, ଗବେଷଣା ଓ ଉଦ୍ଭାବନ ଆଧାରରେ ଆଗେଇ ଚାଲିଛି। ନାଳନ୍ଦା ବିଶ୍ୱବିଦ୍ୟାଳୟ ନାମ ସହ ଆପଣମାନେ ସମସ୍ତେ ପରିଚିତ । କିଛି ଦିନ ତଳେ ପ୍ରାଚୀନ ନାଳନ୍ଦା ବିଶ୍ୱବିଦ୍ୟାଳୟ ଏକ ନୂଆ ରୂପରେ ଗଢ଼ି ଉଠିଛି। ଆଜି ଏହା କେବଳ ବିଶ୍ୱବିଦ୍ୟାଳୟ ନୁହେଁ, ନାଳନ୍ଦା ସ୍ପିରିଟକୁ ମଧ୍ୟ ପୁନର୍ଜୀବିତ କରୁଛି। ସମଗ୍ର ବିଶ୍ୱର ଭାରତକୁ ଛାତ୍ରଛାତ୍ରୀ ଆସି ପାଠ ପଢୁଛନ୍ତିି, ଆମେ ଏଭଳି ଏକ ଆଧୁନିକ ଇକୋସିଷ୍ଟମ ସୃଷ୍ଟି କରୁଛୁ । ବିଗତ ୧୦ ବର୍ଷ ମଧ୍ୟରେ ଭାରତରେ ମୁଁ ଆପଣଙ୍କୁ ମନେ ପକାଇବା ଭଳି କିଛି କଥା କହିବି । ବିଗତ ୧୦ ବର୍ଷ ମଧ୍ୟରେ ଭାରତ ପ୍ରତି ସପ୍ତାହରେ ଏକ ବିଶ୍ୱବିଦ୍ୟାଳୟ ନିର୍ମାଣ କରିଛି। ପ୍ରତିଦିନ ୨ଟି ନୂଆ କଲେଜ ନିର୍ମାଣ ହେଉଛି। ପ୍ରତିଦିନ ନୂଆ ଆଇଟିଆଇ ପ୍ରତିଷ୍ଠା ହେଉଛି। ୧୦ବର୍ଷ ମଧ୍ୟରେ ଟ୍ରିପଲ୍ ଆଇଟି ସଂଖ୍ୟା ୯ରୁ ୨୫କୁ ବୃଦ୍ଧି ପାଇଛି। ଆଇଆଇଏମ୍ରସଂଖ୍ୟା ୧୩ରୁ ୨୧କୁ ବୃଦ୍ଧି ପାଇଛି। ଏମ୍ସ ସଂଖ୍ୟା ତିନି ଗୁଣ ବୃଦ୍ଧି ପାଇ ୨୨ରେ ପହଞ୍ଚିଛି। ୧୦ ବର୍ଷ ମଧ୍ୟରେ ମେଡିକାଲ କଲେଜ ସଂଖ୍ୟା ପ୍ରାୟ ଦ୍ୱିଗୁଣିତ ହୋଇଛି। ବିଶ୍ୱର ଶୀର୍ଷ ବିଶ୍ୱବିଦ୍ୟାଳୟ ମଧ୍ୟ ଆଜି ଭାରତରେ ଆସୁଛି, ଭାରତର ନାମ ରହିଛି । ବର୍ତ୍ତମାନ ପର୍ଯ୍ୟନ୍ତ ବିଶ୍ୱ ଭାରତୀୟ ଡିଜାଇନରଙ୍କ ଶକ୍ତି ଦେଖିସାରିଛି, ଏବେ ଭାରତରେ ଡିଜାଇନର ଶକ୍ତି କୁ ବିଶ୍ୱ ଦେଖିବ ।
ସାଥୀମାନେ
ଆଜି ଆମର ଭାଗିଦାରୀ ସମଗ୍ର ବିଶ୍ୱ ସହିତ ବିସ୍ତାର ହେଉଛି । ପୂର୍ବରୁ ଭାରତ ସବୁଠାରୁ ସମାନ ଦୂରତା ନୀତି ଅନୁସରଣ କରାଯାଉଥିଲା- ସମାନ ଦୂରତା। ଏବେ ଭାରତ ସବୁଠାରୁ ସମାନ ଘନିଷ୍ଠତାର ନୀତି ଅନୁସରଣ କରୁଛି। ଆମେ ଗ୍ଲୋବାଲ ସାଉଥର ସବୁଠାରୁ ଉଚ୍ଚ ସ୍ୱର ମଧ୍ୟ ପାଲଟିଯାଉଛୁ । ଆପଣ ନିଶ୍ଚୟ ଦେଖିଥିବେ ଯେ ଭାରତର ଉଦ୍ୟମରେ ଆଫ୍ରିକୀୟ ସଂଘ ଜି-୨୦ ଶିଖର ସମ୍ମିଳନୀରେ ସ୍ଥାୟୀ ସଦସ୍ୟତା ପାଇଥିଲା। ଆଜି ଯେତେବେଳେ ଭାରତ ବିଶ୍ୱ ମଞ୍ଚରେ କିଛି କହୁଛି, ସାରା ବିଶ୍ୱ ଶୁଣିଥାଏ । କିଛି ସମୟ ପୂର୍ବରୁ ଯେତେବେଳେ ମୁଁ କହିଥିଲି- ଏହା ଯୁଦ୍ଧର ଯୁଗ ନୁହେଁ... ଏହାର ଗମ୍ଭୀରତା ସମସ୍ତେ ବୁଝିପାରିଥିଲେ।
ସାଥୀମାନେ
ଆଜି ବିଶ୍ୱରେ ଯେଉଁଠି ବି ସଙ୍କଟ ଦେଖାଦେଇଛି, ଭାରତ ପ୍ରଥମ ପ୍ରତିକ୍ରିୟା ଦାତା ଭାବେ ସାମ୍ନାକୁ ଆସିଛି । କରୋନା ସମୟରେ ଆମେ ୧୫୦ରୁ ଅଧିକ ଦେଶକୁ ଭ୍ୟାକସିନ ଓ ଔଷଧ ପଠାଇଥିଲୁ, କେଉଁଠି ଭୂମିକମ୍ପ, କେଉଁଠି ବାତ୍ୟା, କେଉଁଠି ଗୃହଯୁଦ୍ଧ ହେଉଛି, ଆମେ ପ୍ରଥମେ ସହାୟତା ପାଇଁ ପହଞ୍ଚୁଛୁ। ଏହା ଆମ ପୂର୍ବପୁରୁଷମାନଙ୍କର ଶିକ୍ଷା, ଏହା ହେଉଛି ଆମର ମୂଲ୍ୟବୋଧ ।
ସାଥୀମାନେ
ଆଜିର ଭାରତ ବିଶ୍ୱରେ ଏକ ନୂତନ ଉତ୍ପ୍ରେରକ ଏଜେଣ୍ଟ ଭାବେ ଉଭା ହେଉଛି । ଏବଂ ଏହାର ପ୍ରଭାବ ସବୁ କ୍ଷେତ୍ରରେ ଦେଖିବାକୁ ମିଳିବ । ବିଶ୍ୱ ଅଭିବୃଦ୍ଧି ପ୍ରକ୍ରିୟାକୁ ତ୍ୱରାନ୍ୱିତ କରିବା ପାଇଁ ଭାରତର ଭୂମିକା ଗୁରୁତ୍ୱପୂର୍ଣ୍ଣ ହେବ, ବିଶ୍ୱ ଶାନ୍ତି ପ୍ରକ୍ରିୟାକୁ ତ୍ୱରାନ୍ୱିତ କରିବା ପାଇଁ ଭାରତର ଭୂମିକା ଗୁରୁତ୍ୱପୂର୍ଣ୍ଣ ହେବ, ବିଶ୍ୱ ଜଳବାୟୁ କାର୍ଯ୍ୟକୁ ତ୍ୱରାନ୍ୱିତ କରିବାରେ ଭାରତର ଭୂମିକା ଗୁରୁତ୍ୱପୂର୍ଣ୍ଣ ହେବ, ବିଶ୍ୱ ଦକ୍ଷତା ବ୍ୟବଧାନକୁ ଦୂର କରିବାରେ ଭାରତର ଭୂମିକା ଗୁରୁତ୍ୱପୂର୍ଣ୍ଣ ହେବ, ବୈଶ୍ୱିକ ଉଦ୍ଭାବନକୁ ନୂତନ ଦିଗ ଦେବାରେ ଭାରତର ଭୂମିକା ଗୁରୁତ୍ୱପୂର୍ଣ୍ଣ ହେବ । ବିଶ୍ୱ ଯୋଗାଣ ଶୃଙ୍ଖଳାରେ ସ୍ଥିରତା ପାଇଁ ଭାରତର ଭୂମିକା ଗୁରୁତ୍ୱପୂର୍ଣ୍ଣ ହେବ ।
ସାଥୀମାନେ
ଭାରତ ପାଇଁ ଶକ୍ତି ଏବଂ ସାମର୍ଥ୍ୟର ଅର୍ଥ ହେଉଛି, ଭାରତ ପାଇଁ ଶକ୍ତି ଏବଂ ସାମର୍ଥ୍ୟର ଅର୍ଥ ହେଉଛି "ଜ୍ଞାନାୟ ଦାନାୟା ଚା ରକ୍ଷଣାୟ"। ଅର୍ଥାତ୍ ଜ୍ଞାନ ବାଣ୍ଟିବା ପାଇଁ ଅଟେ । ଧନ ସମ୍ପତ୍ତି ଯତ୍ନ ନେବା ପାଇଁ। କ୍ଷମତା ହେଉଛି ସୁରକ୍ଷା ପାଇଁ । ସେଥିପାଇଁ ବିଶ୍ୱରେ ନିଜର ଚାପ ବଢ଼ାଇବା ନୁହେଁ, ବରଂ ନିଜର ପ୍ରଭାବ ବଢ଼ାଇବା ଭାରତର ପ୍ରାଥମିକତା। ଆମେ ଅଗ୍ନି ଭଳି ଜଳୁଥିବା ଲୋକ ନୁହଁ, ସୂର୍ଯ୍ୟ କିରଣ ଭଳି ଆଲୋକ ଦେଇଥାଉ। ଆମେ ଦୁନିଆ ଉପରେ ଆଧିପତ୍ୟ ରଖିବାକୁ ଚାହୁଁନାହୁଁ । ବିଶ୍ୱର ସମୃଦ୍ଧି ରେ ଆମେ ଆମର ସହଯୋଗ ବଢ଼ାଇବାକୁ ଚାହୁଁଛୁ । ଯୋଗକୁ ପ୍ରୋତ୍ସାହିତ କରିବା ହେଉ, ସୁପରଫୁଡ୍ ମିଲେଟ୍ କୁ ପ୍ରୋତ୍ସାହିତ କରିବା ହେଉ, ମିଶନ ଲାଇଫ ଅର୍ଥାତ୍ ପରିବେଶ ପାଇଁ ଜୀବନଶୈଳୀ ଦୃଷ୍ଟିକୋଣରୁ ହେଉ, ଭାରତ ଜିଡିପି କେନ୍ଦ୍ରୀତ ଅଭିବୃଦ୍ଧି ସହିତ ମାନବ କେନ୍ଦ୍ରୀତ ଅଭିବୃଦ୍ଧିକୁ ପ୍ରାଥମିକତା ଦେଉଛି। ମୁଁ ଆପଣମାନଠାରୁ ଆଶା କରୁଛି, ଏଠାରେ ମିଶନ ଲାଇଫକୁ ଅଧିକରୁ ଅଧିକ ପ୍ରୋତ୍ସାହିତ କରନ୍ତୁ । ଆମ ଜୀବନ ଶୈଳୀରେ ଛୋଟ ଛୋଟ ପରିବର୍ତ୍ତନ କରି ଆମେ ପରିବେଶକୁ ବହୁତ ସାହାଯ୍ୟ କରିପାରିବା । ବୋଧହୁଏ ଆପଣ ଶୁଣିଥିବେ ଏବଂ ବୋଧହୁଏ ଆପଣମାନଙ୍କ ମଧ୍ୟରୁ କେହି କେହି ଏହି ପଦକ୍ଷେପ ନେଇଥିବେ, ଆଜିକାଲି ଭାରତରେ ମା'ଙ୍କ ନାମରେ ଗଛ ଲଗାଇବା ଅଭିଯାନ ଚାଲିଛି, ମା'ଙ୍କୁ ସ୍ମରଣ କରିବା, ଜୀବିତ ଥିଲେ ମା'ଙ୍କ ସହ ଯିବା, ମା' ନ ଥିଲେ ସାଙ୍ଗରେ ତାଙ୍କ ଫଟୋ ଉଠାଇ ନିଅନ୍ତୁ, ମା'ଙ୍କ ନାମରେ ଗଛ ଲଗାଇବା ଅଭିଯାନ ଆଜି ଦେଶର କୋଣ ଅନୁକୋଣରେ ଚାଲିଛି। ଏବଂ ମୁଁ ଚାହେଁ ଆପଣମାନେ ସମସ୍ତେ ଏଠାରେ ମଧ୍ୟ ଏଭଳି ଅଭିଯାନ ଚଳାନ୍ତୁ । ଏହା ଦ୍ୱାରା ଉଭୟ ମା' ଓ ମା' ପୃଥିବୀ ମା’ ପ୍ରସିଦ୍ଧି ବୃଦ୍ଧି ପାଇବ।
ସାଥୀମାନେ
ଆଜିର ଭାରତ ବଡ଼ ସ୍ୱପ୍ନ ଦେଖୁଛି, ବଡ଼ ସ୍ୱପ୍ନର ଅନୁଗମନ କରିଥାଏ, । କିଛି ଦିନ ତଳେ ପ୍ୟାରିସ୍ ଅଲିମ୍ପିକ୍ସ ଶେଷ ହୋଇଛି। ପରବର୍ତ୍ତୀ ଅଲିମ୍ପିକ୍ସର ଆୟୋଜକ ହେଉଛି ଆମେରିକା। ଖୁବଶୀଘ୍ର ଆପଣ ଭାରତରେ ଅଲିମ୍ପିକ୍ସ ମଧ୍ୟ ଦେଖିବେ । ୨୦୩୬ ଅଲିମ୍ପିକ୍ସ ଆୟୋଜନ ପାଇଁ ଆମେ ସମସ୍ତ ପ୍ରକାର ପ୍ରୟାସ କରୁଛୁ। କ୍ରୀଡ଼ା ହେଉ, ବ୍ୟବସାୟ ହେଉ କି ମନୋରଞ୍ଜନ, ଆଜି ଭାରତ ବଡ଼ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି। ଆଜି ଆଇପିଏଲ୍ ଭଳି ଭାରତୀୟ ଲିଗ୍ ବିଶ୍ୱର ଅନ୍ୟତମ ଶ୍ରେଷ୍ଠ ଲିଗ୍। ଭାରତର ଫିଲ୍ମ ବିଶ୍ୱବ୍ୟାପୀ ଚହଳ ସୃଷ୍ଟି କରୁଛି । ଭାରତ ଆଜି ବିଶ୍ୱ ପର୍ଯ୍ୟଟନ କ୍ଷେତ୍ରରେ ଧ୍ୱଜା ଉଡାଉଛି । ବିଶ୍ୱର ବିଭିନ୍ନ ଦେଶରେ ଭାରତୀୟ ପର୍ବ ପାଳନ ପାଇଁ ଏକ ପ୍ରତିଯୋଗିତା ରହିଛି । ମୁଁ ଦେଖୁଛି ଯେ ଆଜିକାଲି ଲୋକମାନେ ପ୍ରତ୍ୟେକ ସହରରେ ନବରାତ୍ରୀ ଗର୍ବା ଶିଖୁଛନ୍ତି । ଏହା ହେଉଛି ଭାରତ ପ୍ରତି ତାଙ୍କର ଭଲପାଇବା ।
ସାଥୀମାନେ
ଆଜି ପ୍ରତ୍ୟେକ ଦେଶ ଭାରତକୁ ଅଧିକରୁ ଅଧିକ ବୁଝିବାକୁ ଚାହୁଁଛି, ଅଧିକ ଜାଣିବାକୁ ଚାହୁଁଛନ୍ତି । ଆପଣଙ୍କୁ ଆଉ ଗୋଟିଏ କଥା ଜାଣି ଖୁସି ହେବେ। ଆସନ୍ତାକାଲି ଆମେରିକା ଆମର ପ୍ରାୟ ଯେଉଁ ୩୦୦ ପୁରୁଣା ଶିଳାଲେଖ ଓ ମୂର୍ତ୍ତି ଥିଲା, ଯେତେବେଳେ କେବେ କେହି ଭାରତରୁ ଚୋରି କରିନେବ, ପ୍ରାୟ ୧୫୦୦ ବର୍ଷ ପୁରୁଣା, ପ୍ରାୟ ୨୦୦୦ ବର୍ଷ ପୁରୁଣା, ୩୦୦ ଶିଳାଲେଖ ଓ ମୂର୍ତ୍ତି ଭାରତକୁ ଫେରାଇ ଦେଇଛି। ବର୍ତ୍ତମାନ ସୁଦ୍ଧା ଆମେରିକା ଏଭଳି ପ୍ରାୟ ୫୦୦ ଐତିହ୍ୟ ସ୍ଥଳକୁ ଭାରତକୁ ଫେରାଇ ଦେଇଛି। ଫେରିବା ଏହା ଛୋଟ କଥା ନୁହେଁ। ଏହା ଆମର ହଜାର ହଜାର ବର୍ଷର ଐତିହ୍ୟ ପ୍ରତି ଶ୍ରଦ୍ଧାଞ୍ଜଳି । ଏହା ଭାରତର ସମ୍ମାନ ଏବଂ ଏହା ଆପଣଙ୍କ ସମ୍ମାନ ମଧ୍ୟ। ଏଥିପାଇଁ ମୁଁ ଆମେରିକା ସରକାରଙ୍କୁ ଅତ୍ୟନ୍ତ ଧନ୍ୟବାଦ ଜଣାଉଛି।
ସାଥୀମାନେ
ଭାରତ ଓ ଆମେରିକା ମଧ୍ୟରେ ଭାଗିଦାରୀ କ୍ରମାଗତ ଭାବେ ସୁଦୃଢ଼ ହେବାରେ ଲାଗିଛି। ଆମର ଭାଗିଦାରୀ ଗ୍ଲୋବାଲ ଗୁଡ୍ ପାଇଁ ଅଟେ । ଆମେ ସବୁ କ୍ଷେତ୍ରରେ ସହଯୋଗ ବଢ଼ାଉଛୁ। ଏବଂ ଏହା ଆପଣଙ୍କ ସୁବିଧାର ମଧ୍ୟ ଯତ୍ନ ନେଇଥାଏ । ମୁଁ ଗତବର୍ଷ ଘୋଷଣା କରିଥିଲି ଯେ ଆମ ସରକାର ସିଏଟଲରେ ଏକ ନୂତନ ଦୂତାବାସ ଖୋଲିବେ । ଏବେ ଏହି ଦୂତାବାସ ଆରମ୍ଭ ହୋଇଛି। ଆଉ ଦୁଇଟି ଦୂତାବାସ ଖୋଲିବା ପାଇଁ ମୁଁ ଆପଣଙ୍କ ପରାମର୍ଶ ମାଗିଥିଲି। ମୁଁ ଆପଣଙ୍କୁ ଜଣାଇବାକୁ ଆନନ୍ଦିତ ଯେ ଆପଣଙ୍କ ପରାମର୍ଶ ପରେ ଭାରତ ବୋଷ୍ଟନ ଏବଂ ଲସ୍ ଆଞ୍ଜେଲସରେ ଦୁଇଟି ନୂତନ ଦୂତାବାସ ଖୋଲିବାକୁ ନିଷ୍ପତ୍ତି ନେଇଛି । ମୋତେ ୟୁନିଭରସିଟି ଅଫ ହ୍ୟୁଷ୍ଟନ୍ରେ ତାମିଲ ଅଧ୍ୟୟନର ଥିରୁଭାଲ୍ଲୁବର ଚେୟାର ଅଫ୍ ତାମିଲ ଷ୍ଟଡିଜ୍ ଘୋଷଣା କରି ମୁଁ ଆନନ୍ଦିତ । ଏହା ମହାନ ତାମିଲ ସନ୍ଥ ଥିରୁଭାଲ୍ଲୁଭରଙ୍କ ଦର୍ଶନକୁ ବିଶ୍ୱ ପାଖରେ ପହଞ୍ଚାଇବାରେ ସହାୟକ ହେବ ।
ସାଥୀମାନେ
ଆପଣଙ୍କର ଏହି ଆୟୋଜନ ପ୍ରକୃତରେ ଚମତ୍କାର ହୋଇଛି । ଏଠାରେ ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମ ଆଶ୍ଚର୍ଯ୍ୟଜନକ ଥିଲା। ମୋତେ ଏହା ମଧ୍ୟ କୁହାଯାଇଛି ଯେ ହଜାର ହଜାର ଲୋକ ଏହି କାର୍ଯ୍ୟକ୍ରମପାଇଁ ଆସିବାକୁ ଚାହୁଁଥିଲେ । କିନ୍ତୁ ସ୍ଥାନର ଅଭାବ ହୋଇଗଲା । ଯେଉଁ ସହକର୍ମୀମାନଙ୍କୁ ମୁଁ ଏଠାରେ ଭେଟି ପାରିଲି ନାହିଁ ସେମାନଙ୍କୁ ମୁଁ କ୍ଷମା ପ୍ରାର୍ଥନା କରୁଛି । ଆମେ ପରବର୍ତ୍ତୀ ସମୟରେ, ଆଉ ଗୋଟିଏ ଦିନ, ଅନ୍ୟ ଏକ ସ୍ଥାନରେ ସେମାନଙ୍କୁ ସହିତ ଭେଟ ହେବ, କିନ୍ତୁ ମୁଁ ଜାଣେ ଉତ୍ସାହ ଏମିତି ରହିବ,ଜୋସ ଏମିତି ରହିବ, ଆପଣ ଏମିତି ସୁସ୍ଥ ରୁହନ୍ତୁ, ସମୃଦ୍ଧ ରୁହନ୍ତୁ, ଭାରତ-ଆମେରିକା ବନ୍ଧୁତାକୁ ଏଭଳି ଭାବେ ସୁଦୃଢ଼ କରନ୍ତୁ, ଏହି ଇଚ୍ଛା କାମନା ସହିତ ଆପଣ ସମସ୍ତଙ୍କୁ ବହୁତ-ବହୁତ ଧନ୍ୟବାଦ ! ମୋ ସହିତ କୁହନ୍ତୁ -
ଭାରତ ମାତା କି ଜୟ ।
ଭାରତ ମାତା କି ଜୟ ।
ଭାରତ ମାତା କି ଜୟ ।
ଆପଣଙ୍କୁ ବହୁତ-ବହୁତ ଧନ୍ୟବାଦ।
