ତାମିଲନାଡୁ ରାଜ୍ୟପାଳ ଆର. ଏନ ରବିଜୀ, କେନ୍ଦ୍ର କ୍ୟାବିନେଟ ସହଯୋଗୀ ଏଲ. ମୁଗୁଗାନଜୀ, ତାମିଲନାଡୁ କୃଷି ବିଶ୍ୱବିଦ୍ୟାଳୟର ପୂର୍ବତନ କୁଳପତି ଡ. କେ.ରାମସ୍ୱାମୀଜୀ, ବିଭିନ୍ନ କୃଷି ଅନୁଷ୍ଠାନର ମାନ୍ୟ ଗଣ୍ୟ ପଦାଧିକାରୀ, ଜନପ୍ରତିନିଧି ଗଣ, କୃଷକ ଭାଇ ଓ ଉଭଣୀ ଏବଂ ଡିଜିଟାଲ ପ୍ରଯୁକ୍ତି ବିଦ୍ୟା ମାଧ୍ୟମରେ ଯୋଡି ହୋଇଥିବା ସାରା ଦେଶର ଲକ୍ଷ ଲକ୍ଷ କୃଷକମାନେ । ମୁଁ ଆପଣମାନଙ୍କୁ ସମସ୍ତଙ୍କୁ ଅଭିବାଦନ ଜଣାଉଛି । ବନାକ୍କମ ଓ ନମସ୍କାର ସହ ଆପଣମାନଙ୍କୁ ମୁଁ ସ୍ୱାଗତ କରୁଛି । ପ୍ରଥମତଃ ମୁଁ ଆପଣ ସମସ୍ତଙ୍କଠାରୁ ଓ ସାରା ଦେଶର ଚାଷୀଙ୍କଠାରୁ କ୍ଷମା ପ୍ରାର୍ଥନା ମାଗୁଛି । ପୁଟ୍ଟପର୍ତୀରେ ଭଗବାନ ସତ୍ୟସାଇ ବାବାଙ୍କ କାର୍ଯ୍ୟକ୍ରମ ପାଇଁ ମୋର ଏଠାକୁ ଆସିବାକୁ ପ୍ରାୟ ଘଂଟାଏ ବିଳମ୍ବ ହୋଇଗଲା । ମୁଁ ଦେଖୁଛି ଏଇଠି ବହୁ ଲୋକ ମୋତେ ଅପେକ୍ଷା କରିଛନ୍ତି । ତେଣୁ ବିଳମ୍ବରେ ଆସିଥିବାରୁ ଆପଣମାନଙ୍କଠାରୁ ମୁଁ କ୍ଷମା ପ୍ରାର୍ଥନା କରୁଛି ।
ମୁଁ ଯେତେବେଳେ ପାଣ୍ଡିଆନଜୀଙ୍କ ଭାଷଣ ଶୁଣୁଥିଲି, ସେବେ ପିଲାବେଳେ ତାମିଲ ଭାଷା ଶିଖିଥିଲେ ଭଲ ହୋଇଥାନ୍ତା ବୋଲି ଭାବୁଥିଲି । କିନ୍ତୁ ତାହା ମୋର ଭାଗ୍ୟରେ ନାହିଁ । ପାଣ୍ଡିଆନଜୀଙ୍କ ଭାଷଣରୁ ଯାହା କିଛି ବୁଝି ହେଲା ବୋଧେ ସେ ଜାଲ୍ଲିକାଟ୍ଟୁ ଓ କୋଭିଡ ସମୟରେ ଲୋକମାନଙ୍କ ଅସୁବିଧା ସମ୍ପର୍କରେ କହୁଥିଲେ । ପାଣ୍ଡିଆନଜୀଙ୍କ ଭାଷଣ ହିନ୍ଦୀ ଅଥବା ଇଂରାଜୀରେ ଅନୁବାଦ କରି ମୋତେ ଦେବାକୁ ମୁଁ ରବିଜୀଙ୍କୁ ଅନୁରୋଧ ବି କରିଛି । ମୁଁ ଏହାକୁ ପଢିବାକୁ ଆଗ୍ରହ ପ୍ରକାଶ କରିବି । ସେ ଯେତେବେଳେ ଭାଷଣ ଦେଉଥିଲେ ସେଥିରେ ମୁଁ ପୂର୍ଣ୍ଣମାତ୍ରାରେ ତଲ୍ଲୀନ ହୋଇଯାଇଥିଲି । ଯେତେବେଳେ ଏହି ଷ୍ଟେଜ ଉପରକୁ ମୁଁ ଆସିଲି ସେବେ କିଛି ଚାଷୀ ଭାଇ ଓ ଉଭଣୀ ଗାମୁଛା ହଲାଉଥିଲେ । ଭାବିଲି ମୁଁ ଆସିବା ପୂର୍ବରୁ ସମ୍ଭବତଃ ବିହାରର ପବନ ଏଇଠି ପହଂଚି ସାରିଛି ।
ମୋର ପ୍ରିୟ ଚାଷୀ ଭାଇ ଓ ଉଭଣୀମାନେ,
କୋଏମ୍ବାଟୁରର ଏହି ପବିତ୍ର ମାଟିରେ ସର୍ବ ପ୍ରଥମେ ମୁଁ ମରୁଧାମଲାଇର ଭଗବାନ ମୁରୁଗାନଙ୍କୁ ପ୍ରଣାମ ଜଣାଉଛି । ସଂସ୍କୃତି, କରୁଣା, ସର୍ଜନାର ମାଟି ହେଉଛି କୋଏମ୍ବାଟୁର । ଉଦ୍ୟୋଗ କ୍ଷେତ୍ରରେ ଏହି ସହର ହେଉଛି ଦକ୍ଷିଣ ଭାରତର ଶକ୍ତି କେନ୍ଦ୍ର । ଭାରତୀୟ ଅର୍ଥନୀତିର ବିକାଶ କ୍ଷେତ୍ରରେ ସହରର ବୟନ ଶିଳ୍ପ ସେକ୍ଟର ଅଗ୍ରଣୀ ଭୂମିକା ଗ୍ରହଣ କରିଛି । ଆଉ ଏବେ କୋଏମ୍ବାଟୁର ଏହାର ପୂର୍ବତନ ସାଂସଦ ତଥା ଭାରତର ଉପ ରାଷ୍ଟ୍ରପତି ସି.ପି.ରାଧାକ୍ରିଷ୍ଣନଙ୍କ ପାଇଁ ଆହୁରି ଲୋକପ୍ରିୟ ହୋଇପାରିଛି ।
ବନ୍ଧୁଗଣ,
ପ୍ରାକୃତିକ ଚାଷ ମୋର ଏକ ପ୍ରିୟ ବିଷୟବସ୍ତୁ । ଏହି ଅନନ୍ୟ ଦକ୍ଷିଣ ଭାରତ ପ୍ରାକୃତିକ ଚାଷ ସମ୍ମେଳନ ଆୟୋଜନ କରିଥିବାରୁ ତାମିଲନାଡୁର ସମସ୍ତ ଚାଷୀ ଭାଇ ଓ ଉଭଣୀମାନଙ୍କୁ ମୁଁ କୃତଜ୍ଞତା ଜ୍ଞାପନ କରୁଛି । ପ୍ରଦର୍ଶନୀରେ କିଛି ସମୟ ପୂର୍ବରୁ ବୁଲିବା ସମୟରେ ଅନେକ ଚାଷୀ ଭାଇ ଓ ଉଭଣୀମାନଙ୍କୁ ସାକ୍ଷାତ କରିବାର ସୌଭାଗ୍ୟ ମିଳିଥିଲା । ସେମାନଙ୍କ ଭିତରୁ କେତେକ ମୋକାନିକାଲ ଇଞ୍ଜିନିୟରିଂ ଡିଗ୍ରୀଧାରୀ ତ ଆଉକିଛି ପିଏଚଡି ଡିଗ୍ରୀଧାରୀ । ଆଉ କିଛି ନାସାର ସମ୍ମାନଜନକ ଚନ୍ଦ୍ରାୟନ ମିଶନରେ କାମ କରୁଥିଲେ । ତାକୁ ଛାଡି ଏବେ ପ୍ରାକୃତିକ ଚାଷ କରିବାକୁ ମନ ବଳାଇ ଏଇଠି କାମ କରୁଛନ୍ତି । ସେମାନଙ୍କ ଭିତରୁ କିଛି ଚାଷୀଙ୍କୁ ବି ପ୍ରାକୃତିକ ଚାଷ ସମ୍ପର୍କରେ ଅବଗତ କରାଇଛନ୍ତି । ଏହି ଅବସରରେ ଏତିକି କୁହାଯାଇପାରେ ଯେ ଯଦି ଏଠାକୁ ମୁଁ ଆସିନଥାନ୍ତି ତେବେ ଜୀବନରେ କିଛି ହରାଇଥାନ୍ତି ବୋଲି ପ୍ରତୀତ ହୋଇଥାନ୍ତା । ଆଜି ଏଠାରୁ ମୁଁ ବହୁତ କିଛି ଶିଖିବାକୁ ପାଇଛି । ତାମିଲନାଡୁର ଚାଷୀମାନଙ୍କୁ ପରିବର୍ତନ ଲାଗି ଅଶେଷ ଧନ୍ୟବାଦ । ଚାଷୀ ଭାଇ, ଉଭଣୀ, କୃଷି ବିଜ୍ଞାନୀ, ଶିଳ୍ପ ସହଯୋଗୀ, ଷ୍ଟାର୍ଟ ଅପ ଓ ନିବେଶକାରୀମାନେ ସମସ୍ତେ ଏଇଠି ଉପସ୍ଥିତ ରହିଛନ୍ତି । ମୁଁ ସମସ୍ତଙ୍କୁ ସମ୍ମାନର ସହ ସ୍ୱାଗତ କରୁଛି ।
ବନ୍ଧୁଗଣ,
ଆଗାମୀ କିଛି ବର୍ଷ ଭିତରେ ଭାରତର କୃଷି କ୍ଷେତ୍ରରେ ବୈପ୍ଲବିକ ପରିବର୍ତନ ଆସିବାକୁ ଯାଉଛି । ପ୍ରାକୃତିକ ଚାଷ କ୍ଷେତ୍ରରେ ଭାରତ ସାରା ବିଶ୍ୱରେ ଏକ ହବରେ ପରିଣତ ହେବାକୁ ଯାଉଛି । ଜୈବ ବିବିଧତା ଭିତରେ ଆମ ଯୁବ ପିଢି ଚାଷ କାର୍ଯ୍ୟକୁ ଏବେ ଏକ ଆଧୁନିକ ଓ ଗ୍ରହଣ ଯୋଗ୍ୟ ମାଧ୍ୟମରେ ପରିଣତ ହୋଇପାରିଛି । ଏହା ଆମ ଦେଶର ଗ୍ରାମୀଣ ଅର୍ଥନୀତିକୁ ସୁଦୃଢ କରିବ ।
ବନ୍ଧୁଗଣ,
ମୋ ଚାଷୀ ଭାଇ ଓ ଉଭଣୀମାନେ,
ଗତ ୧୧ ବର୍ଷ ଭିତରେ ଭାରତବର୍ଷର କୃଷି କ୍ଷେତ୍ରରେ ଉଲ୍ଲେଖନୀୟ ପରିବର୍ତନ ଘଟିଛି । ଆମ କୃଷିଜାତ ଦ୍ରବ୍ୟ ରପ୍ତାନୀ ଏବେ ଦ୍ୱିଗୁଣା ହୋଇଛି । କୃଷିକୁ ଆଧୁନିକ ପ୍ରଣାଳୀରେ କରିବା ପାଇଁ ଓ ଚାଷୀଙ୍କୁ ସବୁପ୍ରକାର ସହାୟତା ଦେବା ପାଇଁ ସରକାର ସବୁପ୍ରକାର ଦ୍ୱାର ଖୋଲା ରଖିଛନ୍ତି । କିଷାନ କ୍ରେଡିଟ କାର୍ଡ ମାଧ୍ୟମରେ ଚାଷୀମାନେ ଚଳିତବର୍ଷ ୧୦ ଲକ୍ଷ କୋଟିରୁ ଊର୍ଦ୍ଧ୍ୱ ଟଙ୍କା ପାଇଛନ୍ତି । ସାତବର୍ଷ ପୂର୍ବେ କେସିସିରେ ମତ୍ସ୍ୟଜୀବୀ ଓ ପଶୁଚାଷୀମାନେ ଅନ୍ତର୍ଭୁକ୍ତ ହେବା ପରେ ବହୁ ଲାଭାନ୍ୱିତ ହୋଇପାରିଛନ୍ତି । ଜୈବିକ ସାରରେ ଜିଏସଟି ହ୍ରାସ ପାଇଁ ଚାଷୀମାନେ ବହୁ ସୁଫଳ ପାଇଛନ୍ତି ।
ବନ୍ଧୁଗଣ,
କିଛି ସମୟ ପୂର୍ବରୁ ପିଏମ କିଷାନ ସମ୍ମାନ ନିଧି ଯୋଜନାର ପରବର୍ତୀ କିସ୍ତି ଆମେ ଏଠାରୁ ପ୍ରଦାନ କରିଛୁ । ସାରା ଦେଶର କୃଷକମାନେ ନିଜ ନିଜ ଖାତାରେ ୧୮ ହଜାର କୋଟି ଟଙ୍କା ପାଇଛନ୍ତି । ଏଇ ତାମିଲନାଡୁରେ ବି ଲକ୍ଷାଧିକ ଚାଷୀ ପିଏମ କିଷାନ ସମ୍ମାନ ନିଧି ଯୋଜନାରେ ଲାଭାନ୍ୱିତ ହୋଇଛନ୍ତି ।
ବନ୍ଧୁଗଣ,
ଆଜି ଯାଏ ଏହି ଯୋଜନା ଅଧୀନରେ ଦେଶର ଛୋଟ ଚାଷୀମାନଙ୍କ ବ୍ୟାଙ୍କ ଖାତାକୁ ୪ ଲକ୍ଷ କୋଟି ଟଙ୍କା ଟ୍ରାନ୍ସଫର୍ମର କରାଯାଇଛି । ଏହି ପଇସାରେ ଚାଷୀମାନେ ଛୋଟମୋଟ କାମ କରିଛନ୍ତି । ଏହି ଯୋଜନାର ସୁଫଳ ପାଇଥିବା ହିତାଧିକାରୀଙ୍କ ନିକଟରେ ମୁଁ କୃତଜ୍ଞ । ଦୁଇ ଜଣ ଛୋଟ ପିଲା ବହୁ ସମୟ ହେଲା ପ୍ଲାକାର୍ଡ ଧରି ପଛରେ ଛିଡା ହୋଇଛନ୍ତି । ସେମାନଙ୍କଠାରୁ ପ୍ଲାକାର୍ଡ ଆଣିବା ପାଇଁ ସୁରକ୍ଷା କର୍ମୀମାନଙ୍କୁ ମୁଁ ଅନୁରୋଧ କରୁଛି । ସେମେଜ ଯାହା ହୋଇଥାଉ ତାକୁ ମୁଁ ଗମ୍ଭାରତାର ସହ ବିଚାର କରିବି ।
ବନ୍ଧୁଗଣ,
ଧନ୍ୟବାଦ, ଝିଅ । ତମେ ବହୁ ସମୟ ହେଲା ହାତ ଟେକି ଛିଡା ହୋଇଛ ।
ବନ୍ଧୁଗଣ,
ପ୍ରାକୃୃତିକ ଚାଷର ପ୍ରଚାର ପ୍ରସାର ଏକବିଂଶ ଶତାବ୍ଦୀର ଆବଶ୍ୟକତା । ଚାଷ ଜମିରେ ଅଧିକରୁ ଅଧିକ ରାସାୟାନିକ ସାର ପ୍ରୟୋଗ ଫଳରେ ଉର୍ବରତା ଦିନକୁ ଦିନ କମି କମି ଯାଉଛି । ଏହା ଛଡା ଫସଲର ମୂଲ୍ୟ ପ୍ରତିବର୍ଷ ବଢି ବଢି ଚାଲିଛି । ଶସ୍ୟର ବର୍ଗୀକରଣ ସହ ପ୍ରାକୃତିକ ଚାଷ ହେଉଛି ଏହାରା ପ୍ରକୃଷ୍ଟ ସମାଧାନର ପନ୍ଥା ।
ବନ୍ଧୁଗଣ,
ଆମ ମାଟିର ଉର୍ବରତା ରକ୍ଷା ସହ ଶସ୍ୟର ପୋଷକତା ରକ୍ଷା କରିବା ଲାଗି ଆମେ ଯଥାଶୀଘ୍ର ପ୍ରାକୃତିକ ପଦ୍ଧତିର ଚାଷ କାର୍ଯ୍ୟ ଆଡକୁ ମୁହାଁଇବା ଉଚିତ । ଏହାର ଆବଶ୍ୟକତା ଓ ଦୃଷ୍ଟିକୋଣ । ତେବେ ଯାଇ ଆଗାମୀ ପିଢି ଲାଗି ଆମେ ଜୈବ ବିବିଧତାକୁ ରକ୍ଷା କରିପାରିବା । ଜଳବାୟୁ ପରିବର୍ତନକୁ ମୁକାବିଲା କରିବା ଲାଗି ପ୍ରାକୃତିକ ଚାଷ ଆମକୁ ସାହାଯ୍ୟ କରେ । ମାଟିିର ଉର୍ବରତାକୁ ରକ୍ଷା କରି ରାସାୟାନିକ ସାର ପ୍ରଭାବରୁ ଆମକୁ ରକ୍ଷା କରେ । ଏ ଦିଗରେ ଆଜିର କାର୍ଯ୍ୟକ୍ରମ ବିଶେଷ ଭାବେ ସହାୟକ ହେବ ।
ବନ୍ଧୁଗଣ,
ଆମ ଦେଶ ଚାଷୀଙ୍କୁ ପ୍ରାକୃତିକ ଚାଷ ଆପଣେଇବା ଲାଗି ଆମ ସରକାର ପ୍ରୋତ୍ସାହନ ଦେଉଛନ୍ତି । ନିକଟରେ କେନ୍ଦ୍ର ସରକାର ପକ୍ଷରୁ ପ୍ରାକୃତିକ ଚାଷ ଉପରେ ଜାତୀୟ ମିଶନ ଲୋକାର୍ପଣ କରାଗଲା । ଲକ୍ଷାଧିକ ଚାଷୀ ଏଥିରେ ସାମିଲ ହୋଇଛନ୍ତି । ଦକ୍ଷିଣ ଭାରତରେ ଏହାର ଖୁବ ପ୍ରଭାବ ଦେଖିବାକୁ ମିଳିଥାଏ । ତାମିଲନାଡୁରେ କେବଳ ୩୫ ହଜାର ହେକ୍ଟର ଜମିରେ ପ୍ରାକୃତିକ ଉପାୟରେ ଚାଷ କରାଯାଉଛି ।
ବନ୍ଧୁଗଣ,
ପ୍ରାକୃତିକ ଚାଷ ହେଉଛି ଭାରତବର୍ଷର ନିଜସ୍ୱ ସୃଷ୍ଟି । ଆମେ ଏହାକୁ କାହାଠାରୁ ଆଣି ନାହୁଁ । ଆମେ ଏହାକୁ ଆମ ପରମ୍ପରାରୁ ଆଣିଛୁ । ଆମ ପୂର୍ବଜମାନେ ଏହାକୁ ଅତି ଯତ୍ନରେ ବଢାଇ ଆମକୁ ଦାନ କରିଛନ୍ତି । ମୋତେ ଖୁସି ଲାଗୁଛି ଯେ ଦକ୍ଷିଣ ଭାରତର ଲୋକେ ପରମ୍ପରାନୁଗତ ପ୍ରାକୃତିକ ଚାଷ ପ୍ରଣାଳୀକୁ ଆପଣେଇ ପାରିଛନ୍ତି । ସେଗୁଡିକ ଭିତରୁ ପଂଚଗାଭ୍ୟ, ଜୀବାମୃତ, ବୀଜାମ୍ରିତ, ଆଚାଦାନ ପ୍ରମୁଖ ଅନ୍ୟତମ । ଏହା ମାଟିର ସ୍ୱାସ୍ଥ୍ୟକୁ ଠିକ ରଖିବା ସହ ଶସ୍ୟକୁ ରାସାୟାନିକ ପ୍ରଭାବରୁ ମୁକ୍ତ ରଖେ ।
ବନ୍ଧୁଗଣ,
ଆମେ ଯେତେ ବେଳେ ପ୍ରାକୃତିକ ଚାଷ ସହ ଶ୍ରୀଅନ୍ନ ମାଣ୍ଡିଆ ଚାଷ କରିଥାଉ, ସେବେ ଧରଣୀ ମାତାଙ୍କୁ ସୁରକ୍ଷା ଦେବାରେ ପାଦେ ଆଗକୁ ଯାଇଥାଉ । ତାମିଲନାଡୁରେ ବି ଭଗବାନ ମୁରୁଗାନଙ୍କୁ ଥିନମ ଥିନାଇ ମାଭୁମ ଅର୍ପଣ କରାଯାଇଥାଏ । ମାଣ୍ଡିଆ ଓ ମହୁ ମିଶା ଏହା ଏକ ପ୍ରକାର ଭୋଗ । ତାମିଲ ଅଂଚଳରେ କମ୍ବୁ ଓ ସମାଇ, କେରଳ ଓ କର୍ଣ୍ଣାଟକରେ ରାଗି, ତେଲୁଗୁ ଭାଷା ଭାଷୀ ଅଂଚଳରେ ସଜ୍ଜା ଓ ଜୋନ୍ନା ପରି ଖାଦ୍ୟ ରହିଛି । ଏହି ସୁପରଫୁଡ କିପରି ବୈଶ୍ୱିକ ବଜାରରେ ପ୍ରବେଶ କରିପାରିବ ତାଉପରେ ଆମର ଲକ୍ଷ୍ୟ ରହିଛି । ପ୍ରାକୃତିକ ଉପାୟରେ ରାସାୟନିକ ସାର ବିହୀନ ଚାଷକୁ ଆମେ ପ୍ରାଧାନ୍ୟ ଦେଉଛୁ । ତେଣୁ ଏହି ସମ୍ମିଳନୀରେ ଏ ଦିଗରେ ସବିଶେଷ ଆଲୋଚନା ହେବ ।
ବନ୍ଧୁଗଣ,
ଏକକ ଅପେକ୍ଷା ଆମେ ବହୁମୁଖୀ ଚାଷକୁ ପ୍ରାଧାନ୍ୟ ଦେଇଆସିଛୁ । ଦକ୍ଷିଣ ଭାରତର ବହୁ ଅଂଚଳରୁ ଆମେ ଏନେଇ ଭଲ ରେସପନ୍ସ ପାଇଛୁ । କେରଳ କିମ୍ବା କର୍ଣ୍ଣାଟକ ଗଲେ ଆମେ ବହୁ ମହଲା ଚାଷ ଦେଖିବାକୁ ପାଉ । ଗୋଟିଏ କ୍ଷେତରେ ନଡିଆ ଗଛ, ବିଭିନ୍ନ ପ୍ରକାର ଫଳ ଗଛ ଥାଏ । ତା ତଳକୁ ମସଲା ଜାତୀୟ ଚାଷ କରାଯାଇଥାଏ । ଛୋଟିଆ ଜାଗାରେ ବହୁମୁଖୀ ଚାଷ ଯେ କରାଯାଇପାରେ ଏହା ହିଁ ସୂଚନା ଦେଇଥାଏ । ପ୍ରାକୃତିକ ଚାଷର ଏହା ହେଉଛି ମୌଳିକ ଦର୍ଶନ । ସାରା ଦେଶରେ ଏହା ଲାଗୁ କରିବାକୁ ରାଜ୍ୟଗୁଡିକ ବି ଇଚ୍ଛା ପ୍ରକାଶ କରିବା କଥା ।
ବନ୍ଧୁଗଣ,
ଚାଷ କାର୍ଯ୍ୟରେ ଦକ୍ଷିଣ ଭାରତ ହେଉଛି ଏକ ଜୀବନ୍ତ ବିଶ୍ୱବିଦ୍ୟାଳୟ । ଏହି ଅଂଚଳରେ ବିଶ୍ୱର ପୁରାତନ ଡ୍ୟାମ ନିର୍ମାଣ କରାଯାଇଛି । ତ୍ରୟୋଦଶ ଶତାବ୍ଦୀରେ ଏଠାରେ କଳିଙ୍ଗରାୟଣ କେନାଲ ତିଆରି କରାଯାଇଥିଲା । ଜଳ ସଂରକ୍ଷଣ ଦିଗରେ ମନ୍ଦିରର ମୁଖ୍ୟ ପୋଖରୀଗୁଡିକ ଉଦହାରଣ ସୃଷ୍ଟି କରିଥାନ୍ତି । ନୀଦର ଜଳକୁ ବୈଜ୍ଞାନିକ ଉପାୟରେ ସଂରକ୍ଷିତ କରି ଚାଷକାର୍ଯ୍ୟରେ ଲଗାଯାଇଛି । ହଜାର ହଜାର ବର୍ଷ ପୂର୍ବ ଏହି ଜମିରେ ବୈଜ୍ଞିନକ ଉପାୟରେ ଜଳ ସିଂଚନ ପ୍ରଣାଳୀକୁ କାର୍ଯ୍ୟକାରୀ କରାଯାଇଥିଲା । ତେଣୁ ମୁଁ ଭାବୁଛି ଯେ ଭାରତ ଓ ସାରା ବିଶ୍ୱ ଲାଗି ପ୍ରାକୃତିକ ଚାଷ କ୍ଷେତ୍ରରେ ଏହି ଅଂଚଳରୁ ହିଁ ନେତୃତ୍ୱ ବାହାରିବେ ।
ବନ୍ଧୁଗଣ,
ବିକଶିତ ଭାରତ ଲାଗି ଏକ କୃଷିଭିତିକ ଇକୋ ସିଷ୍ଟମ ତିଆରି କରିବା ଲାଗି ଆମେ ସମସ୍ତେ ମିଳିମିଶି କାମ କରିବା । ସାରା ଭାରତବର୍ଷ ବିଶେଶ କରି ତାମିଲନାଡୁର ଚାଷୀ ଭାଇ ଉଭଣୀମାନଙ୍କୁ ଗୋଟିଏ ଋତୁରେ ଗୋଟିଏ ଏକର ଜମିରୁ ପ୍ରଥମେ ଆରମ୍ଭ କରିବାକୁ କହିବି । ଜମିର ଗୋଟିଏ କୋଣରେ ଚାଷୀମାନେ ପ୍ରଥମେ ପରୀକ୍ଷାମୂଳକ ଭାବେ ଆରମ୍ଭ କରି ପରେ ଏହା ବିସ୍ତୃତ ରୂପ ଦେବା ଦରକାର । କୃଷି ପାଠ୍ୟକ୍ରମରେ ବି ପ୍ରାକୃତିକ ଚାଷକୁ ଅନ୍ତର୍ଭୁକ୍ତ କରିବାକୁ ବୈଜ୍ଞାନିକ ଓ ଗବେଷକଙ୍କୁ ଏହି ଅବସରରେ ମୁଁ କହିବି । ପ୍ରାକୃତିକ ଚାଷକୁ ଆପଣ ବିଜ୍ଞାନ ସମ୍ମତ ଏକ ଚାଷ ଆନ୍ଦୋଳନରେ ପରିଣତ କରିପାରିବେ । ରାଜ୍ୟ ସରକାରଙ୍କ ସମେତ ଏଫପିଓଗୁଡିକର ଏକ୍ଷେତ୍ରରେ ଉଲ୍ଲେଖନୀୟ ଅବଦାନ ରହିବା କଥା । ଗତ କିଛି ବର୍ଷ ଭିତରେ ସାରା ଦେଶରେ ପ୍ରାୟ ୧୦ ହଜାର ଏଫପିଓ ସୃଷ୍ଟି ହୋଇପାରିଛି । ଏହି ଏଫପିଓର ସହଯୋଗକ୍ରମେ ଆମେ ଚାଷୀମାନଙ୍କର ଛୋଟିଆ କ୍ଲଷ୍ଟର ସୃଷ୍ଟି କରିପାରିବା । ସଫେଇ, ପ୍ରକ୍ରିୟାକରଣ ଓ ପ୍ୟାକେଜିଂର ସୁବିଧା ଆମେ ଲୋକଙ୍କ ପାଖରେ ପହଂଚାଇ ପାରିବା । ଇ-ନାମ ପରି ଅନଲାଇନ ମାର୍କେଟିଂ ସହ ଆମେ ଚାଷୀଙ୍କୁ ସିଧାସଳଖ ଯୋଡି ବି ପାରିବା । ଯେତେବେଳେ ଆମ ଚାଷୀଙ୍କ ପାରମ୍ପରିକ ଜ୍ଞାନ, ବିଜ୍ଞାନର କରାମତି, ସରକାରୀ ସାହାଯ୍ୟ ସହଯୋଗ ଏକ ହୁଏ ସେବେ କେବଳ ଆମ ଚାଷୀମାନେ ଉପକୃତ ହୁଅନ୍ତି ସେକଥା ନୁହେଁ ବରଂ ସେବେ ଆମ ଧରଣୀ ମାତା ପୁଷ୍କଳ ହୋଇଥାଏ ।
ବନ୍ଧୁଗଣ,
ମୁଁ ବିଶ୍ୱାସ କରେ ଯେ, ଏହି ସମ୍ମେଳନ ଓ ଚାଷୀମାନଙ୍କ ଅଭୂତପୂର୍ବ ଉତ୍ସୁକତା ପ୍ରାକୃତିକ ଚାଷ କ୍ଷେତ୍ରରେ ଆମ ଦେଶକୁ ଏକ ନୂତନ ଦିଶା ଦେଖାଇବ । ନୂଆ ନୂଆ ଆଇଡିଆ ଓ ସମାଧାନର ପନ୍ଥା ଏଇଠୁ ବାହାରିବ । ଏହି ବିଶ୍ୱାସର ସହ ଆଉଥରେ ଆପଣମାନଙ୍କୁ ସମସ୍ତଙ୍କୁ ମୁଁ ହୃଦୟର କୃତଜ୍ଞତା ଜଣାଉଛି । ବହୁତ ବହୁତ ଧନ୍ୟବାଦ ।
ଦୟାକରି ମୋ ସହ କୁହନ୍ତୁ
ଭାରତ ମାତାଙ୍କର ଜୟ ହେଉ
ଭାରତ ମାତାଙ୍କର ଜୟ ହେଉ
ଭାରତ ମାତାଙ୍କର ଜୟ ହେଉ
ବହୁତ ବହୁତ ଧନ୍ୟବାଦ
