ସୁଲତାନପୁର ଲୋଧିର ଗୁରୁଦ୍ୱାର ବେର ସାହିବରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ପ୍ରାର୍ଥନା କରିଛନ୍ତି । ଏହି ଅବସରରେ କେନ୍ଦ୍ର ଖାଦ୍ୟ ପ୍ରକ୍ରିୟାକରଣ ଶିଳ୍ପ ମନ୍ତ୍ରୀ ଶ୍ରୀମତୀ ହରସିମରତ କୌର ବାଦଲ, ପଞ୍ଜାବ ରାଜ୍ୟପାଳ ଭି.ପି ସିଂ ବଦନୋର, ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ପ୍ରଧାନମନ୍ତ୍ରୀଙ୍କ ସହ ଉପସ୍ଥିତ ଥିଲେ ।
ଗୁରୁଦ୍ୱାରର ମୁଖ୍ୟ ପରିସରରେ ପ୍ରଧାନମନ୍ତ୍ରୀ ପ୍ରାର୍ଥନା କରିଥିଲେ ଏବଂ ପୂଜକମାନେ ତାଙ୍କୁ ଉପହାର ସ୍ୱରୂପ ଏକ ଚାଦର ପ୍ରଦାନ କରିଥିଲେ । ଏହାପରେ ପ୍ରଧାନମନ୍ତ୍ରୀ ଗୁରୁଦ୍ୱାର ପରିସର ବୁଲି ଦେଖିଥିଲେ ଏବଂ ସେହି ବେର ବୃକ୍ଷ ମୂଳକୁ ଯାଇଥିଲେ ଯେଉଁଠାରେ ଶ୍ରୀ ଗୁରୁ ନାନକ ଦେବ 14 ବର୍ଷ ଧରି ଧ୍ୟାନ କରିଥିଲେ ।
ଗସ୍ତ ଶେଷ ପରେ ପ୍ରଧାନମନ୍ତ୍ରୀ ଡେରା ବାବା ନାନକ ଅଭିମୁଖେ ଯାତ୍ରା କରିଥିଲେ । ସେଠାରେ ସେ ଯାତ୍ରୀ ଟର୍ମିନାଲ ବିଲ୍ଡିଂ ଉଦ୍ଘାଟନ କରିବା ସହିତ ଶ୍ରଦ୍ଧାଳୁମାନଙ୍କ ପ୍ରଥମ ପର୍ଯ୍ୟାୟ କର୍ତାରପୁର ଯାତ୍ରାକୁ ପତାକା ଦେଖାଇ ଶୁଭାରମ୍ଭ କରିବେ ।
