ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଆସାମର ଗୌହାଟୀ ସ୍ଥିତ ସାରୁସାଜାଇ ଷ୍ଟାଡିୟମରେ ୧୦,୯୦୦ କୋଟି ଟଙ୍କାରୁ ଅଧିକ ମୂଲ୍ୟର ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ, ଉଦ୍ଘାଟନ ଓ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି । ଏହି ପ୍ରକଳ୍ପଗୁଡ଼ିକ ମଧ୍ୟରେ ବ୍ରହ୍ମପୁତ୍ର ନଦୀରେ ପାଲାଶବରୀ ଏବଂ ସୁଆଲକୁଚିକୁ ସଂଯୋଗ କରୁଥିବା ଏକ ସେତୁର ଭିତ୍ତିପ୍ରସ୍ତର ସ୍ଥାପନ, ସିଭସାଗରରେ ରଙ୍ଗ ଘର ସୌନ୍ଦର୍ଯ୍ୟକରଣର ପାଇଁ ଏକ ପ୍ରକଳ୍ପ, ନାମରୂପରେ ୫୦୦ ଟିପିଡି ମେଥାନୋଲ ପ୍ଲାଣ୍ଟର ଉଦଘାଟନ ଏବଂ ଦେଶକୁ ପାଞ୍ଚଟି ରେଳ ପ୍ରକଳ୍ପ ଉତ୍ସର୍ଗ କରାଯାଇଛି । ଦଶ ହଜାରରୁ ଅଧିକ ବିହୁ ନୃତ୍ୟଶିଳ୍ପୀଙ୍କ ଦ୍ୱାରା ପ୍ରଦର୍ଶିତ ଏକ ରଙ୍ଗୀନ ବିହୁ କାର୍ଯ୍ୟକ୍ରମକୁ ପ୍ରଧାନମନ୍ତ୍ରୀ ମଧ୍ୟ ଦେଖିଛନ୍ତି ।
ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ ଆଜିର ଚମତ୍କାର ଦୃଶ୍ୟ ଦେଖୁଥିବା ବ୍ୟକ୍ତି ତାଙ୍କ ଜୀବନସାରା ଏହାକୁ କେବେବି ଭୁଲି ପାରିବେ ନାହିଁ । ଏହା କଳ୍ପନା ବାହାରେ, ଏହା ଅଦ୍ଭୁତପୂର୍ବ ଅଟେ । ଏହା ହେଉଛି ଆସାମ, ପ୍ରଧାନମନ୍ତ୍ରୀ କହିଛନ୍ତି, ଆଜି ସାରା ଭାରତରେ ଢୋଲ, ପେପାସ ଏବଂ ଗୋଗନାର ଶବ୍ଦ ଶୁଣିବାକୁ ମିଳୁଛି । ଆସାମର ହଜାର ହଜାର କଳାକାରଙ୍କ ଉଦ୍ୟମ ଏବଂ ସମନ୍ୱୟକୁ ଦେଶ ତଥା ବିଶ୍ୱ ମଧ୍ୟ ଗର୍ବର ସହିତ ଦେଖୁଛି । ଏହି ଉତ୍ସବର ମହତ୍ତ୍ୱକୁ ଦର୍ଶାଇ ପ୍ରଧାନମନ୍ତ୍ରୀ କଳାକାରମାନଙ୍କ ଆବେଗ ଏବଂ ଉତ୍ସାହକୁ ପ୍ରଶଂସା କରିଥିଲେ । ବିଧାନସଭା ର୍ନିବାଚନ ସମୟରେ ପ୍ରଧାନମନ୍ତ୍ରୀ ତାଙ୍କର ରାଜ୍ୟ ଗସ୍ତକୁ ମନେ ପକାଇଥିଲେ ଯେତେବେଳେ ଲୋକମାନେ ଏକ ସ୍ୱରରେ "ଏ” ଫର ଆସାମ କହିଥିଲେ ଏବଂ ଶେଷରେ ଏହି ରାଜ୍ୟ ଏ୧ ରାଜ୍ୟରେ ପରିଣତ ହେଉଛି । ବିହୁ ଅବସରରେ ଆସାମ ଏବଂ ଦେଶର ଲୋକଙ୍କୁ ପ୍ରଧାନମନ୍ତ୍ରୀ ଶୁଭେଚ୍ଛା ଜଣାଇଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି ଯେ ପଞ୍ଜାବ ସମେତ ଉତ୍ତର ଭାରତୀୟ ରାଜ୍ୟରେ ବୈସାଖି ପାଳନ କରାଯାଉଛି । ବଙ୍ଗଳା ଲୋକମାନେ ପୋଇଲା ବୈସାଖ ପାଳନ କରୁଥିବାବେଳେ କେରଳରେ ବିଶୁ ପାଳନ କରାଯିବ । ଏହି ଉତ୍ସବ ପାଳନ କରାଯାଉଛି ବୋଲି ସେ କହିଛନ୍ତି । ଏକ ଭାରତ ଶ୍ରେଷ୍ଠ ଭାରତର ଆବେଗକୁ ପ୍ରତିଫଳିତ କରୁଛି ଏବଂ ସବକା ପ୍ରୟାସ ସହିତ ବିକାଶିତ ଭାରତର ସଂକଳ୍ପ ପୂରଣ କରିବା ପାଇଁ ଏକ ପ୍ରେରଣା । ଆଜିର ଅନେକ ପ୍ରକଳ୍ପ, ଏମ୍ସ, ତିନୋଟି ମେଡିକାଲ କଲେଜ, ରେଳ ପ୍ରକଳ୍ପ, ବ୍ରହ୍ମପୁତ୍ର ଏବଂ ମିଥାନଲ ପ୍ଲାଣ୍ଟ ଏବଂ ରଙ୍ଗ ଘରର ପୁନଃ ର୍ନିମାଣ ଏବଂ ସୌନ୍ଦର୍ଯ୍ୟକରଣ ବିଷୟରେ ସେ ଖୁସି ବ୍ୟକ୍ତ କରିଛନ୍ତି ।
ପ୍ରଧାନମନ୍ତ୍ରୀ ଆସାମବାସୀଙ୍କୁ ସେମାନଙ୍କର ସଂସ୍କୃତିର ସଂରକ୍ଷଣ ପାଇଁ ପ୍ରଶଂସା କରିଥିଲେ ଏବଂ ଆଜି ସେମାନେ ସ୍ଥାପନ କରିଥିବା ଚମତ୍କାର କାର୍ଯ୍ୟକ୍ରମକୁ ପ୍ରଶଂସା କରିଥିଲେ । ପ୍ରଧାନମନ୍ତ୍ରୀ କହିଛନ୍ତି ଯେ ଆମର ପର୍ବ କେବଳ ସାଂସ୍କୃତିକ ବ୍ୟତିକ୍ରମ ନୁହେଁ ବରଂ ସମସ୍ତଙ୍କୁ ଏକଜୁଟ କରିବା ଏବଂ ଆଗକୁ ବଢିବା ପାଇଁ ପ୍ରେରଣା ଅଟେ । ସେ ବକ୍ତବ୍ୟ ଜାରି ରଖି କହିଥିଲେ ଯେ ରଙ୍ଗୋଲି ବିହୁ ଆସାମର ଲୋକଙ୍କ ପାଇଁ ହୃଦୟ ଏବଂ ମନର ପର୍ବ । ଏହା ପାର୍ଥକ୍ୟକୁ ଦୂର କରେ ଏବଂ ମନୁଷ୍ୟ ଏବଂ ପ୍ରକୃତି ମଧ୍ୟରେ ସଂପୂର୍ଣ୍ଣ ସମନ୍ୱୟର ପ୍ରତୀକ ଅଟେ ।
ପ୍ରଧାନମନ୍ତ୍ରୀ ମନ୍ତବ୍ୟ ଦେଇଛନ୍ତି ଯେ ଭାରତର ବିଶେଷତା ହେଉଛି ଏହାର ପରମ୍ପରା ଯାହା ହଜାର ହଜାର ବର୍ଷ ଧରି ପ୍ରତ୍ୟେକ ଭାରତୀୟଙ୍କୁ ଏକତ୍ର କରି ଆସିଛି । ସେ ଦେଖିଲେ ଯେ ଦାସତ୍ୱର ଅନ୍ଧକାର ସମୟ ବିରୁଦ୍ଧରେ ରାଷ୍ଟ୍ର ଏକ ଭାବରେ ଠିଆ ହୋଇଛି ଏବଂ ଭାରତର ସଂସ୍କୃତି ଏବଂ ଐତିହ୍ୟ ଅନେକ କ୍ଷତି ସହିଛି । ସେ ଗୁରୁତ୍ୱାରୋପ କରିଥିଲେ ଯେ ଭାରତ ଅମର ରହିଆସିଛି, ଯଦିଓ ଶକ୍ତି ଏବଂ ଶାସକମାନଙ୍କ ମଧ୍ୟରେ ଅନେକ ପରିବର୍ତ୍ତନ ଆସିଛି । ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରତ୍ୟେକ ଭାରତୀୟଙ୍କ ଚେତନା ଦେଶର ମାଟି ତଥା ପରମ୍ପରାରୁ ର୍ନିମିତ ଏବଂ ଏହା ବିକାଶିତ ଭାରତର ମୂଳଦୁଆ ଅଟେ ।
ବିଶିଷ୍ଟ ଲେଖକ ତଥା ସିନେ ବ୍ୟକ୍ତିତ୍ୱ ଜ୍ୟୋତି ପ୍ରସାଦ ଅଗ୍ରୱାଲାଙ୍କ ଏକ ବିଶ୍ୱ ବିଜୟୀ ନୌଜୱାନର ଏକ ଗୀତକୁ ମନେ ପକାଇ ପ୍ରଧାନମନ୍ତ୍ରୀ କହିଛନ୍ତି ଯେ ଏହି ଗୀତ ଆସାମ ଏବଂ ସମଗ୍ର ଭାରତର ଯୁବକମାନଙ୍କ ପାଇଁ ପ୍ରେରଣା ପାଲଟିଛି । ଶ୍ରୀ ମୋଦୀ ଏହି ଗୀତ ଗାଇଲାବେଳେ ଉପସ୍ଥିତ ଲୋକଙ୍କ ତରଫରୁ ପ୍ରବଳ କରତାଳି ମାଡ ହୋଇଇଥିଲା । ସେ ସ୍ପଷ୍ଟ କରିଛନ୍ତି ଯେ ଏହି ଗୀତ ଭାରତର ଯୁବକମାନଙ୍କୁ ମଦର ଇଣ୍ଡିଆର ଡାକ ଶୁଣିବାକୁ ଏବଂ ପରିବର୍ତ୍ତନର ଏଜେଣ୍ଟ ହେବାକୁ ଉତ୍ସାହିତ କରୁଛି । ଏହି ଗୀତଟି ଲେଖାଯାଇଥିଲା ଯେତେବେଳେ ସ୍ୱାଧୀନ ଭାରତ ସବୁଠାରୁ ବଡ଼ ସ୍ୱପ୍ନ ଥିଲା, ଆଜି ଯେତେବେଳେ ଆମେ ମୁକ୍ତ, ବିକାଶିତ ଭାରତ ହେଉଛି ସବୁଠାରୁ ବଡ଼ ସ୍ୱପ୍ନ, ପ୍ରଧାନମନ୍ତ୍ରୀ ଭାରତ ଏବଂ ଆସାମର ଯୁବକମାନଙ୍କୁ ଆଗକୁ ବଢିବାକୁ ଏବଂ ବିକାଶିତ ଭାରତର ଦ୍ୱାର ଖୋଲିବାକୁ ଆହ୍ୱାନ ଦେଇଥିଲେ ।
ସେ କିପରି ଏତେ ବଡ଼ ଲକ୍ଷ୍ୟ ହାସଲ କରନ୍ତି ଏବଂ ବିକାଶିତ ଭାରତ ପାଇଁ କିଏ ଦାୟୀ ସେ ବିଷୟରେ ଲୋକଙ୍କ ସହ ହୋଇଥିବା ବାର୍ତ୍ତାଳାପ ଉପରେ ଧ୍ୟାନ ଦେଇ ପ୍ରଧାନମନ୍ତ୍ରୀ କହିଛନ୍ତି ଯେ ଏହା ଦେଶର ଲୋକଙ୍କ ଉପରେ ବିଶ୍ୱାସ ଏବଂ ୧୪୦ କୋଟି ଭାରତୀୟ ନାଗରିକ । ସେ ଦର୍ଶାଇଛନ୍ତି ଯେ ନାଗରିକଙ୍କ ରାସ୍ତାରେ ଆସୁଥିବା ସମସ୍ତ ବାଧାବିଘ୍ନକୁ ହଟାଇବାକୁ ସରକାର ଚେଷ୍ଟା କରୁଛନ୍ତି ଏବଂ ଆଜିର ପ୍ରକଳ୍ପଗୁଡ଼ିକ ଏହାର ଏକ ଜ୍ୱଳନ୍ତ ଉଦାହରଣ ।
ପ୍ରଧାନମନ୍ତ୍ରୀ ମନେ ପକାଇଲେ ଯେ ବହୁତ ଦିନ ଧରି ସଂଯୋଗ ଏକ ସଂକୀର୍ଣ୍ଣ ଅର୍ଥରେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯିବା ପାଇଁ ଚିନ୍ତା କରାଯାଉଥିଲା । ଆଜି ପ୍ରଧାନମନ୍ତ୍ରୀ କହିଛନ୍ତି ଯେ ସଂଯୋଗ ପ୍ରତି ସମ୍ପୂର୍ଣ୍ଣ ଆଭିମୁଖ୍ୟରେ ପରିବର୍ତ୍ତନ କରାଯାଇଛି । ଆଜି ସଂଯୋଗ ହେଉଛି ଏକ ଚର୍ତୁମୁଖୀ ଉଦ୍ୟୋଗ (ମହାଯଜ୍ଞ) ବୋଲି ସେ କହିଛନ୍ତି । ଏହି ଚାରୋଟି ସଂକ୍ରାନ୍ତରେ ସେ କହିଛନ୍ତି – ବାସ୍ତବିକ ସଂଯୋଗ, ଡିଜିଟାଲ ସଂଯୋଗ, ସାମାଜିକ ସଂଯୋଗ ଏବଂ ସାଂସ୍କୃତିକ ସଂଯୋଗ ।
ସାଂସ୍କୃତିକ ସଂଯୋଗ ବିଷୟରେ ଶ୍ରୀ ମୋଦୀ ଦିଲ୍ଲୀରେ ଆସାମର ମହାନ ଯୋଦ୍ଧା ଲାଚିଟ୍ ବୋରଫୁକାନଙ୍କ ୪୦୦ ତମ ବାର୍ଷିକ ଉତ୍ସବ ପାଳନ କରିବାର ଉଦାହରଣ ଦେଇଛନ୍ତି । ସେ ରାଣୀ ଗାଇଡିନଲିଉ, କାଶୀ ତାମିଲ ସାଙ୍ଗମମ, ସୌରାଷ୍ଟ୍ର ତମିଲ ସାଙ୍ଗମମ ଏବଂ କେଦାରନାଥ-କାମାକ୍ଷା ବିଷୟରେ କଥାବାର୍ତ୍ତା କରି ସାଂସ୍କୃତିକ ସଂଯୋଗକୁ ବର୍ଣ୍ଣନା କରିଥିଲେ । ସେ କହିଛନ୍ତି ଯେ ଆଜି ପ୍ରତ୍ୟେକ ଚିନ୍ତା ଏବଂ ସଂସ୍କୃତି ମଧ୍ୟରେ ସଂଯୋଗ ଗଭୀର ହୋଇଛି । ସେ ମାଧବପୁର ମେଳା ଗସ୍ତରେ ଯାଇଥିବା ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମାଙ୍କ ସମ୍ପର୍କରେ ଉଲ୍ଲେଖ କରିଛନ୍ତି ଏବଂ କହିଛନ୍ତି ଯେ କୃଷ୍ଣ ରୁକ୍ମୁଣୀଙ୍କ ଏହି ବନ୍ଧନ ଉତ୍ତର-ପୂର୍ବକୁ ପଶ୍ଚିମ ଭାରତ ସହ ଯୋଡିଥାଏ । ସେ ଏହା ମଧ୍ୟ କହିଛନ୍ତି ଯେ ମୁଗ ସିଲ୍କ ପରେ ତେଜପୁର ଲେସୁ, ଜୋହା ଚାଉଳ, ବୋକା ଚାଉଲ, କାଜି ନେମୁ; ବର୍ତ୍ତମାନ ଗାମୁଛା ମଧ୍ୟ ଜିଆଇ ମାନ୍ୟତା ପାଇଛନ୍ତି, ଏହା ଆମ ଭଉଣୀମାନଙ୍କର ଆସାମ କଳା ଏବଂ ଶ୍ରମ ଉଦ୍ୟୋଗକୁ ଅନ୍ୟ ଦେଶକୁ ନେବାକୁ ଏକ ପ୍ରୟାସ ବୋଲି ସେ କହିଛନ୍ତି ।
ପର୍ଯ୍ୟଟନ ମାଧ୍ୟମରେ ସାରା ବିଶ୍ୱରେ ଭାରତର ବିଭିନ୍ନ ସଂସ୍କୃତି ବିଷୟରେ ବାର୍ତ୍ତାଳାପ ଚାଲିଥିବାର ଲକ୍ଷ୍ୟ କରି ପ୍ରଧାନମନ୍ତ୍ରୀ କହିଛନ୍ତି ଯେ ଏହି ସ୍ଥାନଗୁଡିକ ପରିଦର୍ଶନ କରୁଥିବା ପର୍ଯ୍ୟଟକମାନେ କେବଳ ଅଭିଜ୍ଞତା ପାଇଁ ଟଙ୍କା ଖର୍ଚ୍ଚ କରନ୍ତି ନାହିଁ ବରଂ ସ୍ମୃତିର ସହିତ ସଂସ୍କୃତିର ଏକ ଅଂଶ ମଧ୍ୟ ନେଇଥାନ୍ତି । ତେବେ ପ୍ରଧାନମନ୍ତ୍ରୀ ବକ୍ତବ୍ୟ ଜାରି ରଖି କହିଛନ୍ତି, ଉତ୍ତର-ପୂର୍ବରେ ସବୁବେଳେ ବାସ୍ତବ ସଂଯୋଗର ଅଭାବ ରହିଆସିଛି ଯାହା ଏହି ଅଞ୍ଚଳରେ ସଡକ, ରେଳ ଏବଂ ବାୟୁ ସଂଯୋଗ ଉପରେ ଗୁରୁତ୍ୱ ଦେଇ ବର୍ତ୍ତମାନର ସରକାର ସମାଧାନ କରୁଛନ୍ତି । ଗତ ୯ ବର୍ଷ ମଧ୍ୟରେ ସଂଯୋଗୀକରଣ ବିସ୍ତାର କରିବାର ସଫଳତାକୁ ଆଲୋକପାତ କରି ପ୍ରଧାନମନ୍ତ୍ରୀ ଉତ୍ତର-ପୂର୍ବର ଅଧିକାଂଶ ଗ୍ରାମ ସହିତ ସମସ୍ତ ସଡ଼କ ସଂଯୋଗ, ନୂତନ ବିମାନବନ୍ଦର ଯାହା ପ୍ରଥମ ଥର ପାଇଁ କାର୍ଯ୍ୟକ୍ଷମ ଏବଂ ବ୍ୟବସାୟିକ ବିମାନ ଅବତରଣ କରିଛି, ମଣିପୁର ଏବଂ ତ୍ରିପୁରାରେ ବ୍ରଡ ଗଜ୍ ଟ୍ରେନ୍ ଲାଇନ୍ ପହଞ୍ଚିଛି, ନୂତନ ରେଳ ଲାଇନ ପୂର୍ବ ତୁଳନାରେ ତିନି ଗୁଣ ଅଧିକ ଦ୍ରୁତ ଗତିରେ ପକାଯାଉଛି ଏବଂ ପୂର୍ବ ଅପେକ୍ଷା ପ୍ରାୟ ୧୦ ଗୁଣ ଦ୍ରୁତ ଗତିରେ ରେଳ ଲାଇନର ଦୋହରିକରଣ ହେଉଛି । ଆଜି ୬୦୦୦ କୋଟି ଟଙ୍କାରୁ ଅଧିକ ମୂଲ୍ୟର ୫ ଟି ରେଳ ପ୍ରକଳ୍ପର ଉଦଘାଟନ କରାଯାଇ ଆସାମ ସମେତ ଅଞ୍ଚଳର ଏକ ବୃହତ ଅଂଶର ବିକାଶକୁ ତ୍ୱରାନ୍ୱିତ କରିବ ବୋଲି ପ୍ରଧାନମନ୍ତ୍ରୀ ଦର୍ଶାଇଛନ୍ତି । ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ରେଳ ପ୍ରଥମ ଥର ପାଇଁ ଆସାମର ଏକ ବଡ ଅଂଶରେ ପହଞ୍ଚିଛି ଏବଂ ରେଳ ଲାଇନର ଦୋହରିକରଣ ହେବା ଆସାମ ତଥା ମଣିପୁର, ମିଜୋରାମ, ତ୍ରିପୁରା ଏବଂ ନାଗାଲାଣ୍ଡକୁ ସହଜ ସଂଯୋଗ ଯୋଗାଇବ । ସେ ଆହୁରି ମଧ୍ୟ ଉଲ୍ଲେଖ କରିଛନ୍ତି ଯେ ବିଶ୍ୱାସ ଏବଂ ପର୍ଯ୍ୟଟନ ସ୍ଥାନକୁ ଯାତ୍ରା କରିବା ବର୍ତ୍ତମାନ ସହଜ ହେବ ।
ବୋଗିବିଲ ବ୍ରିଜ ସେତୁ ତଥା ଧୋଲା-ସାଦିଅ। - ଭୁପେନ ହଜାରିକା ସେତୁର ଉତ୍ସର୍ଗ ପାଇଁ ସେ ଆସିଥିବା ସମୟକୁ ପ୍ରଧାନମନ୍ତ୍ରୀ ସ୍ମରଣ କରିଥିଲେ । ସେ ଗତ ୯ ବର୍ଷରେ ନୂତନ ପ୍ରକଳ୍ପର ଗତି ଏବଂ ମାପକୁ ଆଲୋକପାତ କରିଥିଲେ । ସେ କହିଛନ୍ତି ଯେ ବ୍ରହ୍ମପୁତ୍ର ଉପରେ ସେତୁ ନେଟୱାର୍କ ଗତ ୯ ବର୍ଷ ମଧ୍ୟରେ ହୋଇଥିବା କାର୍ଯ୍ୟର ଫଳାଫଳ ଏବଂ ଆଜିର ସେତୁ ପ୍ରକଳ୍ପ ସହିତ ଏହି ସେତୁଗୁଡ଼ିକ ଖୁଆଲକୁସି ରେଶମ ଶିଳ୍ପ ପାଇଁ ଲାଭଦାୟକ ହେବ ।
ଗତ ୯ ବର୍ଷ ମଧ୍ୟରେ ସାମାଜିକ ସଂଯୋଗକୁ ବଢାଇବା ପାଇଁ ଡବଲ୍ ଇଞ୍ଜିନ୍ ସରକାର କରିଥିବା କାର୍ଯ୍ୟକୁ ଆଲୋକପାତ କରି ପ୍ରଧାନମନ୍ତ୍ରୀ ସ୍ୱଚ୍ଛ ଭାରତ ମିଶନର ଉଦାହରଣ ଦେଇଛନ୍ତି ଯାହା ଦ୍ୱାରା ଲକ୍ଷ ଲକ୍ଷ ଗାଁ ଖୋଲାରେ ମଳତ୍ୟାଗ ମୁକ୍ତ ହୋଇପାରିଛି, ପ୍ରଧାନମନ୍ତ୍ରୀ ଆବାସ ଯୋଜନା କୋଟି କୋଟି ଲୋକଙ୍କୁ ଘର ଯୋଗାଇଛି, ବିଦ୍ୟୁତ ପାଇଁ ସୌଭାଗ୍ୟ ଯୋଜନା, ଗ୍ୟାସ ସିଲିଣ୍ଡର ପାଇଁ ଉଜ୍ୱଳା ଯୋଜନା ଏବଂ ଟ୍ୟାପ୍ ଜଳ ଯୋଗାଣ ପାଇଁ ଜଳ ଜୀବନ୍ ମିଶନ୍ । ପ୍ରଧାନମନ୍ତ୍ରୀ ଡିଜିଟାଲ୍ ଇଣ୍ଡିଆ ମିଶନ୍ ଏବଂ ଶସ୍ତା ତଥ୍ୟ ବିଷୟରେ ମଧ୍ୟ ଉଲ୍ଲେଖ କରିଛନ୍ତି ଯାହା ନାଗରିକଙ୍କ ଜୀବନକୁ ସହଜ କରିଛି । ଏହି ସମସ୍ତ ଘର, ଏହି ସମସ୍ତ ପରିବାର ଆଙ୍କାକ୍ଷୀ ଭାରତର ପ୍ରତିନିଧିତ୍ୱ କରନ୍ତି । ଏଗୁଡ଼ିକ ହେଉଛି ଭାରତର ଶକ୍ତି ଯାହା ଏକ ବିକଶିତ ଭାରତର ସ୍ୱପ୍ନକୁ ସାକାର କରିବ ବୋଲି ପ୍ରଧାନମନ୍ତ୍ରୀ କହିଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି ଯେ ବିକାଶ ପାଇଁ ବିଶ୍ୱାସର ସୂତ୍ର ମଧ୍ୟ ସମାନ ହେବା ଉଚିତ୍ । ସେ କହିଛନ୍ତି ଆମ ସରକାରଙ୍କ ଉଦ୍ୟମ ଯୋଗୁଁ ଆଜି ଉତ୍ତର-ପୂର୍ବରେ ସବୁଠାରେ ସ୍ଥାୟୀ ଶାନ୍ତି ବିରାଜମାନ । ଅନେକ ଯୁବକ ହିଂସାର ପଥ ଛାଡି ବିକାଶର ପଥରେ ଚାଲିବା ଆରମ୍ଭ କରିଛନ୍ତି । ଉତ୍ତର-ପୂର୍ବରେ ଅବିଶ୍ୱାସର ବାତାବରଣ ଦୂର ହୋଇଛି, ହୃଦୟ ମଧ୍ୟରେ ଦୂରତା ଲୋପ ପାଇବାକୁ ଯାଉଛି । ସେ ବକ୍ତବ୍ୟ ଶେଷ କରି କହିଛନ୍ତି, ସ୍ୱାଧୀନତାର ଅମୃତ କାଳରେ ଏକ ବିକଶିତ ଭାରତ ଗଠନ କରିବାକୁ ହେଲେ ଆମକୁ ଏହି ପରିବେଶକୁ ବଢାଇବାକୁ ପଡିବ । ଆମକୁ ସବକା ସାଥ, ସବକା ବିକାଶ, ସବକା ବିଶ୍ୱାସ ଏବଂ ସବକା ପ୍ରୟାସର ଆବେଗ ସହିତ ଆଗକୁ ବଢିବାକୁ ପଡିବ ।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଆସାମର ରାଜ୍ୟପାଳ ଶ୍ରୀ ଗୁଲାବ ଚାନ୍ଦ କାଟାରିଆ, ଆସାମର ମୁଖ୍ୟମନ୍ତ୍ରୀ ଶ୍ରୀ ହିମନ୍ତ ବିଶ୍ୱ ଶର୍ମା, ରେଳ ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ, ବନ୍ଦର, ପରିବହନ ଏବଂ ଜଳପଥ ମନ୍ତ୍ରୀ ମନ୍ତ୍ରୀ ଶ୍ରୀ ସର୍ବାନନ୍ଦ ସୋନୋୱାଲ, କେନ୍ଦ୍ର ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରୀ ଶ୍ରୀ ରମେଶ୍ୱର ତେଲି ଏବଂ ଆସାମ ସରକାରଙ୍କ ମନ୍ତ୍ରୀମାନେ ଉପସ୍ଥିତ ଥିଲେ ।
ପୃଷ୍ଠଭୂମି
ପ୍ରଧାନମନ୍ତ୍ରୀ ବ୍ରହ୍ମପୁତ୍ର ନଦୀ ଉପରେ ପାଲାଶବରୀ ଏବଂ ସୁଆଲକୁଚିକୁ ସଂଯୋଗ କରୁଥିବା ଏକ ସେତୁର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଏହି ସେତୁ ଏହି ଅଞ୍ଚଳରେ ବହୁ ଆବଶ୍ୟକୀୟ ସଂଯୋଗ ଯୋଗାଇବ । ସେ ମଧ୍ୟ ଦିବ୍ରୁଗଡର ନାମରୁପ ଠାରେ ଏକ ୫୦୦ ଟିପିଡି ମିଥାନୋଲ ପ୍ଲାଣ୍ଟ କାର୍ଯ୍ୟକାରୀ କରିଥିଲେ । ସେ ଏହି ଅଞ୍ଚଳର ବିଭିନ୍ନ ସେକ୍ସନର ଦୋହରୀକରଣ ଏବଂ ବିଦ୍ୟୁତିକରଣ ସହିତ ପାଞ୍ଚଟି ରେଳ ପ୍ରକଳ୍ପର ଉଦଘାଟନ କରିଛନ୍ତି ।
ଉଦଘାଟିତ ହୋଇଥିବା ଥିବା ରେଳ ପ୍ରକଳ୍ପଗୁଡ଼ିକରେ ଡିଗାରୁ – ଲମଡିଙ୍ଗ ସେକ୍ସନ ଅନ୍ତର୍ଭୁକ୍ତ; ଗୌରୀପୁର - ଅଭୟପୁରୀ ସେକ୍ସନ; ନ୍ୟୁ ବଙ୍ଗାଇଗାଓଁର ଦୋହରୀକରଣ - ଧୁପ ଧାରା ସେକ୍ସନ; ରାଣୀନଗର ଜଳପାଇଗୁରି-ଗୌହାଟୀ ସେକ୍ସନର ବିଦ୍ୟୁତିକରଣ; ସେନଚୋଆ - ସିଲଘାଟ ଟାଉନ୍ ଏବଂ ସେନଚୋଆ - ମାଇରାବାରୀ ସେକ୍ସନର ବିଦ୍ୟୁତ୍କରଣ ।
ପ୍ରଧାନମନ୍ତ୍ରୀ ମଧ୍ୟ ସିଭସାଗରରେ ରଙ୍ଗ ଘରର ସୌନ୍ଦର୍ଯ୍ୟକରଣ ପାଇଁ ଭିତ୍ତିପ୍ରସ୍ତର ସ୍ଥାପନ କରିଛନ୍ତି, ଯାହା ସେହି ସ୍ଥାନରେ ପର୍ଯ୍ୟଟକଙ୍କ ସୁବିଧା ବୃଦ୍ଧି କରିବ । ରଙ୍ଗ ଘରର ସୌନ୍ଦର୍ଯ୍ୟକରଣ ପାଇଁ ଏହି ପ୍ରକଳ୍ପ ଏକ ବିଶାଳ ଜଳାଶୟରେ ର୍ନିମିତ ଫାଉଣ୍ଟେନ ଶୋ ଭଳି ସୁବିଧା ଯୋଗାଇବ ଏବଂ ଅହୋମ ରାଜବଂଶର ଇତିହାସ ପ୍ରଦର୍ଶନ କରିବ, ଦୁଃସାହସିକ ନୌ ଚାଳନା ପାଇଁ ଏକ ଡଙ୍ଗା ଘର, ସ୍ଥାନୀୟ ହସ୍ତତନ୍ତର ପ୍ରଚାର ପାଇଁ ଏକ କାରିଗର ଗ୍ରାମ , ଖାଦ୍ୟପ୍ରେମୀଙ୍କ ପାଇଁ ବିଭିନ୍ନ କିସମର ରୋଷେଇ ଇତ୍ୟାଦି । ସିଭସାଗରରେ ଅବସ୍ଥିତ ରଙ୍ଗ ଘର ହେଉଛି ଅହମ୍ ସଂସ୍କୃତି ଏବଂ ପରମ୍ପରାକୁ ଚିତ୍ରଣ କରିବା ପାଇଁ ଅନ୍ୟତମ ପ୍ରତୀକ । ଏହାକୁ ଅଷ୍ଟାଦଶ ଶତାବ୍ଦୀରେ ଅହୋମ ରାଜା ସ୍ୱର୍ଗଦେଓ ପ୍ରମତ ସିଂହଙ୍କ ଦ୍ୱାରା ର୍ନିମାଣ କରାଯାଇଥିଲା ।
ଆସାମର ବିହୁ ନୃତ୍ୟକୁ ଆସାମ ବାସୀଙ୍କ ସାଂସ୍କୃତିକ ପରିଚୟ ଏବଂ ଜୀବନର ମାସ୍କଟ ଭାବରେ ବିଶ୍ୱ ସ୍ତରରେ ପ୍ରଦର୍ଶନ କରିବା ପାଇଁ ଆୟୋଜିତ ହୋଇଥିଲା ଏହି ଏହି ମେଗା ବିହୁ ନୃତ୍ୟର ପ୍ରଧାନମନ୍ତ୍ରୀ ମଧ୍ୟ ସାକ୍ଷୀ ରହିଛନ୍ତି । ଏହି କାର୍ଯ୍ୟକ୍ରମରେ ଗୋଟିଏ ସ୍ଥାନରେ ୧୦,୦୦୦ ରୁ ଅଧିକ ବିହୁ କଳାକାର ଯୋଗଦେଇଥିଲେ ଏବଂ ଗୋଟିଏ ସ୍ଥାନରେ ବିଶ୍ୱର ସର୍ବବୃହତ ବିହୁ ନୃତ୍ୟ ପ୍ରଦର୍ଶନ ବର୍ଗରେ ଏକ ନୂତନ ଗିନିଜ୍ ୱାର୍ଲ୍ଡ ରେକର୍ଡ ଚେଷ୍ଟା କରିଥିଲେ । ଏଥିରେ ରାଜ୍ୟର ୩୧ ଟି ଜିଲ୍ଲାର କଳାକାରମାନେ ଯୋଗଦେବାର କାର୍ଯ୍ୟକ୍ରମ ଥିଲା ।
बीहू को सिर्फ शाब्दिक अर्थ से नहीं समझा जा सकता।
— PMO India (@PMOIndia) April 14, 2023
बल्कि इसे समझने के लिए भावनाओं की, ऐहसास की आवश्यकता होती है। pic.twitter.com/UiRMl1rdsW
भारत की विशेषता ही यही है, कि हमारी संस्कृति, हमारी परंपराएं हज़ारों-हज़ार वर्षों से हर भारतवासी को जोड़ती आई हैं। pic.twitter.com/yISbOsluDG
— PMO India (@PMOIndia) April 14, 2023
आज भारत आजाद है और आज विकसित भारत का निर्माण, हम सभी का सबसे बड़ा सपना है।
— PMO India (@PMOIndia) April 14, 2023
हमें देश के लिए जीने का सौभाग्य मिला है। pic.twitter.com/bMajpvGHvy
आज हमारे लिए कनेक्टिविटी, चार दिशाओ में एक साथ काम करने वाला महायज्ञ है। pic.twitter.com/fH4TA5YfYZ
— PMO India (@PMOIndia) April 14, 2023
नॉर्थ ईस्ट में अविश्वास का माहौल दूर हो रहा है, दिलों की दूरी मिट रही है। pic.twitter.com/SVhoyqNIyS
— PMO India (@PMOIndia) April 14, 2023
