ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଶ୍ଚିମବଙ୍ଗର ମାଲଦାଠାରେ ପ୍ରାୟ ୩,୨୫୦ କୋଟି ଟଙ୍କାର ବିଭିନ୍ନ ରେଳ ଓ ସଡ଼କ ଭିତ୍ତିଭୂମି ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିଛନ୍ତି । ଏସବୁ ପ୍ରକଳ୍ପ ମାଧ୍ୟମରେ ପଶ୍ଚିମବଙ୍ଗ ଏବଂ ଉତ୍ତର-ପୂର୍ବାଞ୍ଚଳରେ ସଂଯୋଗୀକରଣକୁ ସୁଦୃଢ଼ କରିବା ସହ ବିକାଶକୁ ତ୍ୱରାନ୍ୱିତ କରିବା ପାଇଁ ଲକ୍ଷ୍ୟ ରଖାଯାଇଛି। ଏହି ଅବସରରେ ଶ୍ରୀ ମୋଦୀ କହିଥିଲେ ଯେ, ଆଜି ମାଲଦାରୁ ପଶ୍ଚିମବଙ୍ଗର ପ୍ରଗତିକୁ ତ୍ୱରାନ୍ୱିତ କରିବାର ଅଭିଯାନ ଗତିଶୀଳ ହେବା ସହ ଏହା ବିକାଶ ସହିତ ଜଡିତ ଅନେକ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ ହୋଇଛି। ପ୍ରଧାନମନ୍ତ୍ରୀ କହିଛନ୍ତି, ପଶ୍ଚିମବଙ୍ଗରେ ନୂତନ ରେଳ ସେବା ଆରମ୍ଭ ହୋଇଛି, ଯାହା ଲୋକଙ୍କ ପାଇଁ ଯାତ୍ରାକୁ ସହଜ କରିବ ଏବଂ ବ୍ୟବସାୟ-ବାଣିଜ୍ୟକୁ ମଧ୍ୟ ବୃଦ୍ଧି କରିବ। ଏଠାରେ ପ୍ରତିଷ୍ଠିତ ନୂତନ ରେଳ ରକ୍ଷଣାବେକ୍ଷଣ କାରଖାନା ପଶ୍ଚିମବଙ୍ଗର ଯୁବକମାନଙ୍କ ପାଇଁ ନୂତନ ସୁଯୋଗ ପ୍ରଦାନ କରିବ ।
ସେ କହିଛନ୍ତି ଯେ, ପଶ୍ଚିମବଙ୍ଗର ପବିତ୍ର ଭୂମିରୁ ଭାରତୀୟ ରେଳବାଇର ଆଧୁନିକୀକରଣ ଦିଗରେ ଏକ ବଡ଼ ପଦକ୍ଷେପ ନିଆଯାଇଛି। ଆଜି ଭାରତରେ ବନ୍ଦେ ଭାରତ ସ୍ଲିପର ଟ୍ରେନର ଶୁଭାରମ୍ଭ କରାଯାଇଛି। ନୂଆ ବନ୍ଦେ ଭାରତ ସ୍ଲିପର ଟ୍ରେନ ଦୂରଗାମୀ ଯାତ୍ରାକୁ ଆରାମଦାୟକ ଓ ଆକର୍ଷକ କରିବ। ଏକ ବିକଶିତ ଭାରତରେ ଟ୍ରେନଗୁଡ଼ିକ କିପରି ହେବ ତାହାର ସ୍ପଷ୍ଟ ଝଲକ ବନ୍ଦେ ଭାରତ ସ୍ଲିପର ଟ୍ରେନରେ ମିଳିଥାଏ। ପ୍ରଧାନମନ୍ତ୍ରୀ କହିଥିଲେ ଯେ, କିଛି ସମୟ ପୂର୍ବେ ସେ ମାଲଦା ଷ୍ଟେସନରେ କେତେକ ଯାତ୍ରୀଙ୍କ ସହ କଥା ହୋଇଥିଲେ ଓ ସମସ୍ତେ କହିଥିଲେ ଯେ ଏହି ଟ୍ରେନରେ ଯାତ୍ରା କରିବା ସେମାନଙ୍କୁ ଅସାଧାରଣ ଅନୁଭୂତି ପ୍ରଦାନ କରିଥିଲା। ପୂର୍ବରୁ ଲୋକମାନେ ବିଦେଶୀ ଟ୍ରେନଗୁଡ଼ିକର ଚିତ୍ର ଦେଖି ଭାରତରେ ଏପରି ଟ୍ରେନ ଚାଲିବାର ସ୍ବପ୍ନ ଦେଖୁଥିଲେ । ଆଜି ସେମାନଙ୍କ ସ୍ବପ୍ନ ସାକାର ହୋଇଛି। ଆଜି କିପରି ଭାରତୀୟ ରେଳବାଇର ରୂପାନ୍ତରଣ ହୋଇଛି ବିଦେଶୀମାନେ ସେ ସମ୍ପର୍କରେ ଭିଡିଓ ତିଆରି କରୁଛନ୍ତି । ସେ ଉଲ୍ଲେଖ କରିଥିଲେ ଯେ, ବନ୍ଦେ ଭାରତ ଟ୍ରେନ ଭାରତରେ ନିର୍ମିତ, ଭାରତୀୟଙ୍କ ନିଷ୍ଠା ଓ କଠିନ ପରିଶ୍ରମ ସହ ନିର୍ମିତ। ଦେଶର ପ୍ରଥମ ବନ୍ଦେ ଭାରତ ସ୍ଲିପର ଟ୍ରେନ ମା’ କାଳୀଙ୍କ ଭୂମି ସହ ମା’ କାମାକ୍ଷାଙ୍କ ଭୂମିକୁ ସଂଯୋଗ କରୁଛି। ଆଗାମୀ ଦିନରେ ଏହି ଅତ୍ୟାଧୁନିକ ଟ୍ରେନ ସାରା ଦେଶରେ ଚାଲୁ କରାଯିବ। ସେ ଏହି ଆଧୁନିକ ସ୍ଲିପର ଟ୍ରେନ ପାଇଁ ପଶ୍ଚିମବଙ୍ଗ, ଆସାମ ଓ ସାରା ଦେଶକୁ ଅଭିନନ୍ଦନ ଜଣାଇଥିଲେ।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କହିଥିଲେ ଯେ ବିଦ୍ୟୁତୀକରଣ ଏବଂ ଷ୍ଟେସନ ଆଧୁନିକୀକରଣ ସହିତ ଭାରତୀୟ ରେଳବାଇ ଏକ ରୂପାନ୍ତରଣ ଦେଇ ଗତି କରୁଛି। ଆଜି ପଶ୍ଚିମବଙ୍ଗ ସମେତ ସାରା ଦେଶରେ ୧୫୦ରୁ ଅଧିକ ବନ୍ଦେ ଭାରତ ଟ୍ରେନ ଚଳାଚଳ କରୁଛି। ଏହା ସହିତ ଆଧୁନିକ, ହାଇ-ସ୍ପିଡ୍ ଟ୍ରେନର ଏକ ବ୍ୟାପକ ନେଟୱାର୍କ ବିକଶିତ ହେଉଛି, ଯାହା ପଶ୍ଚିମବଙ୍ଗର ଗରିବ ଏବଂ ମଧ୍ୟବିତ୍ତ ପରିବାରଗୁଡ଼ିକୁ ଯଥେଷ୍ଟ ଉପକୃତ କରୁଛି। ସେ ଘୋଷଣା କରିଥିଲେ ଯେ ବଙ୍ଗକୁ ଆହୁରି ଚାରୋଟି ଆଧୁନିକ ଅମୃତ ଭାରତ ଏକ୍ସପ୍ରେସ ଟ୍ରେନ ମିଳିଛି। ସେଗୁଡିକ ହେଉଛି ନ୍ୟୁ ଜଲପାଇଗୁଡ଼ି-ନାଗରକୋଇଲ୍ ଅମୃତ ଭାରତ ଏକ୍ସପ୍ରେସ, ନ୍ୟୁ ଜଲପାଇଗୁଡ଼ି-ତିରୁଚିରାପାଲି ଅମୃତ ଭାରତ ଏକ୍ସପ୍ରେସ, ଆଲିପୁରଦୁଆର-ବେଙ୍ଗାଲୁରୁ ଅମୃତ ଭାରତ ଏକ୍ସପ୍ରେସ ଏବଂ ଆଲିପୁରଦୁଆର-ମୁମ୍ବାଇ ଅମୃତ ଭାରତ ଏକ୍ସପ୍ରେସ। ଏହି ଟ୍ରେନଗୁଡ଼ିକ ପଶ୍ଚିମବଙ୍ଗ, ବିଶେଷକରି ଉତ୍ତର ବଙ୍ଗ ଏବଂ ଦକ୍ଷିଣ ଏବଂ ପଶ୍ଚିମ ଭାରତ ମଧ୍ୟରେ ସଂଯୋଗକୁ ସୁଦୃଢ଼ କରିବ। ପ୍ରଧାନମନ୍ତ୍ରୀ କହିଥିଲେ ଯେ, ଏହି ଅମୃତ ଭାରତ ଏକ୍ସପ୍ରେସ ଟ୍ରେନଗୁଡ଼ିକ ଗଙ୍ଗାସାଗର, ଦକ୍ଷିଣେଶ୍ୱର ଏବଂ କାଳିଘାଟ ଯାତ୍ରା କରୁଥିବା ତୀର୍ଥଯାତ୍ରୀଙ୍କ ଯାତ୍ରାକୁ ସୁବିଧା ପ୍ରଦାନ କରିବ, ଏବଂ ତାମିଲନାଡୁ ଏବଂ ମହାରାଷ୍ଟ୍ର ଯାତ୍ରା କରୁଥିବା ଯାତ୍ରୀମାନଙ୍କୁ ମଧ୍ୟ ସୁବିଧା ପ୍ରଦାନ କରିବ।
ଶ୍ରୀ ମୋଦୀ କହିଥିଲେ ଯେ, ଭାରତୀୟ ରେଳବାଇ କେବଳ ଆଧୁନିକ ନୁହେଁ, ଆତ୍ମନିର୍ଭରଶୀଳ ବି ହେଉଛି, ଭାରତର ରେଳ ଇଞ୍ଜିନ, ରେଳଡବା ଓ ମେଟ୍ରୋ ଡବାଗୁଡ଼ିକ ଭାରତୀୟ ପ୍ରଯୁକ୍ତିର ପ୍ରତୀକ ହୋଇଛନ୍ତି। ଆଜି ଭାରତ ଆମେରିକା ଓ ୟୁରୋପଠାରୁ ଅଧିକ ରେଳଗାଡ଼ି ନିର୍ମାଣ କରୁଛି ଓ ଯାତ୍ରୀବାହୀ ଟ୍ରେନ ଓ ମେଟ୍ରୋ ଡବାକୁ ବିଦେଶକୁ ରପ୍ତାନି କରୁଛି। ଏହା ଦେଶର ଅର୍ଥନୀତିକୁ ସମୃଦ୍ଧ କରିବା ସହ ଦେଶର ଯୁବପିଢିଙ୍କୁ ରୋଜଗାର ସୁଯୋଗ ପ୍ରଦାନ କରୁଛି। ନିଜର ଅଭିଭାଷଣ ଶେଷ କରି ଶ୍ରୀ ମୋଦୀ କହିଥିଲେ ଯେ, ଭାରତକୁ ସଂଯୋଗ କରିବା ଏକ ପ୍ରାଥମିକତା ଏବଂ ଦୂରତା ସେତୁ ଏକ ମିଶନ ଯାହା ଆଜିର କାର୍ଯ୍ୟକ୍ରମରେ ସ୍ପଷ୍ଟ ଭାବରେ ପ୍ରତିଫଳିତ ହେଉଛି। ଏହି କାର୍ଯ୍ୟକ୍ରମରେ ପଶ୍ଚିମବଙ୍ଗର ରାଜ୍ୟପାଳ ଶ୍ରୀ ସିଭି.ଆନନ୍ଦ ବୋଷ, କେନ୍ଦ୍ରମନ୍ତ୍ରୀ ଶ୍ରୀ ଅଶ୍ବିନୀ ବୈଷ୍ଣବ, ଶ୍ରୀ ଶାନ୍ତନୁ ଠାକୁର, ଶ୍ରୀ ସୁକାନ୍ତ ମଜୁମଦାର ଓ ଅନ୍ୟ ମାନ୍ୟଗଣ୍ୟ ଅତିଥିମାନେ ଉପସ୍ଥିତ ଥିଲେ।
ପୃଷ୍ଠଭୂମି:
ପ୍ରଧାନମନ୍ତ୍ରୀ ମାଲଦା ଟାଉନ ରେଳ ଷ୍ଟେସନ ପରିଦର୍ଶନ କରିବା ସହ ଭାରତର ପ୍ରଥମ ବନ୍ଦେ ଭାରତ ସ୍ଲିପର ଟ୍ରେନକୁ ପତାକା ଦେଖାଇ ଉଦଘାଟନ କରିଛନ୍ତି, ଯାହାକି ହାଓ୍ବଡ଼ା ଓ ଗୌହାଟୀ (କାମାକ୍ଷା)ମଧ୍ୟରେ ଚଳାଚଳ କରିବ। ସେ ମଧ୍ୟ ଗୌହାଟୀ (କାମାକ୍ଷା-)ହାଓ୍ବଡ଼ା ବନ୍ଦେ ଭାରତ ସ୍ଲିପର ଟ୍ରେନକୁ ଭର୍ଚୁଆଲ ମୋଡରେ ଉଦଘାଟନ କରିଛନ୍ତି।
ଆଧୁନିକ ଭାରତର ବର୍ଦ୍ଧିତ ପରିବହନ ଆବଶ୍ୟକତା ପୂରଣ କରିବା ପାଇଁ ବିକଶିତ, ସମ୍ପୂର୍ଣ୍ଣ ଶୀତତାପନିୟନ୍ତ୍ରିତ ବନ୍ଦେ ଭାରତ ସ୍ଲିପର ଟ୍ରେନ୍ ଯାତ୍ରୀମାନଙ୍କୁ ସୁଲଭ ଭଡ଼ାରେ ବିମାନ ଯାତ୍ରା ପରି ଅଭିଜ୍ଞତା ପ୍ରଦାନ କରିବ। ଏହା ଦୀର୍ଘ ଦୂରତା ଯାତ୍ରାକୁ ଦ୍ରୁତ, ସୁରକ୍ଷିତ ଏବଂ ଅଧିକ ସୁବିଧାଜନକ କରିବ। ଏହି ଟ୍ରେନ୍ ହାଓଡ଼ା-ଗୌହାଟୀ (କାମାକ୍ଷା) ରୁଟରେ ଯାତ୍ରା ସମୟକୁ ପ୍ରାୟ ୨.୫ ଘଣ୍ଟା ହ୍ରାସ କରି ଧାର୍ମିକ ତୀର୍ଥଯାତ୍ରା ଏବଂ ପର୍ଯ୍ୟଟନକୁ ମଧ୍ୟ ଉଲ୍ଲେଖନୀୟ ଭାବରେ ବୃଦ୍ଧି କରିବ।
ପ୍ରଧାନମନ୍ତ୍ରୀ ପଶ୍ଚିମବଙ୍ଗରେ ଚାରୋଟି ପ୍ରମୁଖ ରେଳ ପ୍ରକଳ୍ପ ପାଇଁ ଶିଳାନ୍ୟାସ କରିଥିଲେ, ଯେଉଁଥିରେ ବାଲୁରଘାଟ ଏବଂ ହିଲି ମଧ୍ୟରେ ଏକ ନୂତନ ରେଳ ଲାଇନ, ନ୍ୟୁଜଳପାଇଗୁଡ଼ିରେ ପରବର୍ତ୍ତୀ ପିଢ଼ିର ମାଲ ରକ୍ଷଣାବେକ୍ଷଣ ବ୍ୟବସ୍ଥା, ସିଲିଗୁଡ଼ି ଲୋକୋ ସେଡର ଉନ୍ନତିକରଣ ଏବଂ ଜଳପାଇଗୁଡ଼ି ଜିଲ୍ଲାରେ ବନ୍ଦେ ଭାରତ ଟ୍ରେନ୍ ରକ୍ଷଣାବେକ୍ଷଣ ସୁବିଧାର ଆଧୁନିକୀକରଣ ଅନ୍ତର୍ଭୁକ୍ତ। ଏହି ପ୍ରକଳ୍ପଗୁଡ଼ିକ ଯାତ୍ରୀ ଏବଂ ମାଲ ପରିବହନ କାର୍ଯ୍ୟକୁ ସୁଦୃଢ଼ କରିବ, ଉତ୍ତର ବଙ୍ଗଳାରେ ଲଜିଷ୍ଟିକ୍ସ ଦକ୍ଷତା ଉନ୍ନତ କରିବ ଏବଂ ଅଞ୍ଚଳରେ ନିଯୁକ୍ତି ସୁଯୋଗ ସୃଷ୍ଟି କରିବ।
ପ୍ରଧାନମନ୍ତ୍ରୀ ନ୍ୟୁ କୁଚବିହାର-ବାମନହାଟ ଏବଂ ନ୍ୟୁ କୁଚବିହାର-ବକ୍ସିରହାଟ ରେଳ ଲାଇନର ବିଦ୍ୟୁତୀକରଣକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି। ଏହା ଦ୍ରୁତ, ସ୍ୱଚ୍ଛ ଏବଂ ଅଧିକ ଶକ୍ତି-ସକ୍ଷମ ଟ୍ରେନ ପରିଚାଳନାକୁ ସକ୍ଷମ କରିବ।
ପ୍ରଧାନମନ୍ତ୍ରୀ ଭର୍ଚୁଆଲ ମୋଡରେ ଚାରୋଟି ନୂତନ ଅମୃତ ଭାରତ ଏକ୍ସପ୍ରେସ ଟ୍ରେନକୁ ପତାକା ଦେଖାଇ ଶୁଭାରମ୍ଭ କରିଥିଲେ । ସେଗୁଡିକ ହେଲା, ନୂତନ ଜଳପାଇଗୁଡ଼ି-ନାଗରକୋଇଲ ଅମୃତ ଭାରତ ଏକ୍ସପ୍ରେସ; ନୂତନ ଜଳପାଇଗୁଡ଼ି-ତିରୁଚିରାପାଲି ଅମୃତ ଭାରତ ଏକ୍ସପ୍ରେସ; ଆଲିପୁରଦୁଆର-ଏସଏମଭିଟି ବେଙ୍ଗାଲୁରୁ ଅମୃତ ଭାରତ ଏକ୍ସପ୍ରେସ; ଏବଂ ଆଲିପୁରଦୁଆର-ମୁମ୍ବାଇ (ପାନଭେଲ) ଅମୃତ ଭାରତ ଏକ୍ସପ୍ରେସ। ଏହି ସେବାଗୁଡ଼ିକ ସୁଲଭ ଏବଂ ନିର୍ଭରଯୋଗ୍ୟ ଦୂରଗାମୀ ରେଳ ସଂଯୋଗୀକରଣକୁ ଉନ୍ନତ କରିବ। ଏହି ସେବାଗୁଡ଼ିକ ନାଗରିକ, ଛାତ୍ର, ପ୍ରବାସୀ ଶ୍ରମିକ ଏବଂ ବ୍ୟବସାୟୀଙ୍କ ଗମନାଗମନ ଆବଶ୍ୟକତା ପୂରଣ କରିବ ଓ ଏହା ସହିତ ରାଜ୍ୟ ରାଜ୍ୟ ମଧ୍ୟରେ ଆର୍ଥିକ ଏବଂ ସାମାଜିକ ସମ୍ପର୍କକୁ ସୁଦୃଢ଼ କରିବ।
ପ୍ରଧାନମନ୍ତ୍ରୀ ଏଲଏଚବି କୋଚ ସଜ୍ଜିତ ଦୁଇଟି ନୂତନ ଟ୍ରେନ ସେବା - ରାଧିକାପୁର-ଏସଏମଭିଟି ବେଙ୍ଗାଲୁରୁ ଏକ୍ସପ୍ରେସ ଏବଂ ବାଲୁରଘାଟ-ଏସଏମଭିଟି ବେଙ୍ଗାଲୁରୁ ଏକ୍ସପ୍ରେସର ଶୁଭାରମ୍ଭ କରିଥିଲେ। ଏହି ଟ୍ରେନଗୁଡ଼ିକ ଏହି ଅଞ୍ଚଳର ଯୁବପିଢ଼ି, ଛାତ୍ର ଏବଂ ଆଇଟି ପେସାଦାରମାନଙ୍କ ପାଇଁ ବେଙ୍ଗାଲୁରୁ ଭଳି ପ୍ରମୁଖ ଆଇଟି ଏବଂ ନିଯୁକ୍ତି କେନ୍ଦ୍ରକୁ ସିଧାସଳଖ, ନିରାପଦ ଏବଂ ଆରାମଦାୟକ ଯାତ୍ରା ସୁବିଧା ପ୍ରଦାନ କରିବ।
ପ୍ରଧାନମନ୍ତ୍ରୀ ଜାତୀୟ ରାଜପଥ ୩୧ଡି ର ଧୂପଗୁଡ଼ି-ଫଲକଟା ସେକ୍ସନର ପୁନଃନିର୍ମାଣ ଏବଂ ଚାରି-ଲେନ ବିଶିଷ୍ଟ କରିବା ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଥିଲେ। ଏହା ଏକ ଗୁରୁତ୍ୱପୂର୍ଣ୍ଣ ସଡ଼କ ପ୍ରକଳ୍ପ ଯାହା ଆଞ୍ଚଳିକ ସଡ଼କ ସଂଯୋଗୀକରଣକୁ ଉନ୍ନତ କରିବ ଏବଂ ଉତ୍ତର ବଙ୍ଗରେ ଯାତ୍ରୀ ଏବଂ ମାଲ ପରିବହନକୁ ସହଜ ଓ ସୁଗମ କରିବ।
ଏହି ପ୍ରକଳ୍ପଗୁଡ଼ିକ ଆଧୁନିକ ଭିତ୍ତିଭୂମି ନିର୍ମାଣ ଏବଂ ସଂଯୋଗୀକରଣକୁ ଉନ୍ନତ କରିବା ସହ ଦେଶର ପୂର୍ବ ଏବଂ ଉତ୍ତର-ପୂର୍ବାଞ୍ଚଳକୁ ଦେଶର ପ୍ରମୁଖ ଅଭିବୃଦ୍ଧି ଇଞ୍ଜିନରେ ପରିଣତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।
ସମ୍ପୂର୍ଣ୍ଣ ଅଭିଭାଷଣ ପଢିବା ପାଇଁ ଏଠାରେ କ୍ଲିକ କରନ୍ତୁ
आज भारतीय रेल के आधुनिकीकरण की तरफ एक और बड़ा कदम उठाया गया है।
— PMO India (@PMOIndia) January 17, 2026
आज से भारत में वंदे भारत स्लीपर ट्रेनों की शुरुआत हो रही है: PM @narendramodi
देश की ये पहली वंदे भारत स्लीपर ट्रेन... मां काली की धरती को मां कामाख्या की भूमि को जोड़ रही है।
— PMO India (@PMOIndia) January 17, 2026
आने वाले समय में पूरे देश में, इस आधुनिक ट्रेन का विस्तार होगा।
मैं बंगाल को, असम को, पूरे देश को इस आधुनिक स्लीपर ट्रेन के लिए बधाई देता हूं: PM @narendramodi
आज बंगाल को चार और आधुनिक, अमृत भारत एक्सप्रेस ट्रेनें मिली हैं।
— PMO India (@PMOIndia) January 17, 2026
न्यू जलपाईगुड़ी- नागरकोइल अमृत भारत एक्सप्रेस...
न्यू जलपाईगुड़ी - तिरुच्चिरापल्ली अमृत भारत एक्सप्रेस...
अलीपुर द्वार - बेंगलुरु अमृत भारत एक्सप्रेस...
अलीपुर द्वार - मुंबई अमृत भारत एक्सप्रेस...
इससे बंगाल और…
