ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଗୋଆ ଠାରେ ଓଏନ୍ଜିସି ପ୍ରତିଷ୍ଠାନର ସମନ୍ୱିତ ସାଗର ରକ୍ଷା ପ୍ରଶିକ୍ଷଣ କେନ୍ଦ୍ରକୁ ଉଦ୍ଘାଟନ କରିଛନ୍ତି । ଶ୍ରୀ ମୋଦୀ ଜଳ ଭିତରେ ପଳାୟନ ଅଭ୍ୟାସ ଏବଂ ପ୍ରଶିକ୍ଷଣ କେନ୍ଦ୍ରର ପ୍ରଦର୍ଶନ ସମ୍ପର୍କିତ ଏକ ବିବରଣୀ ମଧ୍ୟ ଦେଖିଥିଲେ ।
ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି:
ଗୋଆରେ ଓଏନ୍ଜିସିର ସାଗର ମଧ୍ୟରେ ଜୀବନ ରକ୍ଷା ପ୍ରଶିକ୍ଷଣ କେନ୍ଦକୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରି ଆନନ୍ଦିତ । ସାଗର ମଧ୍ୟରେ ଜୀବନ ରକ୍ଷା ପ୍ରଶିକ୍ଷଣ ପାରିବେଶିକ ବ୍ୟବସ୍ଥାରେ ଏକ ପରିଚୟ ସୃଷ୍ଟି କରିବା କ୍ଷେତ୍ରରେ ଏହି ଅତ୍ୟାଧୁନିକ କେନ୍ଦ୍ରର ଉଦ୍ଘାଟନ ଭାରତ ପାଇଁ ଏକ ଐତିହାସିକ କ୍ଷଣ । କଠୋର ଏବଂ ତୀବ୍ର ଜରୁରୀକାଳୀନ ପ୍ରତିକ୍ରିୟା ପ୍ରଶିକ୍ଷଣ ପ୍ରଦାନ କରି, ଏହା ସୁନିଶ୍ଚିତ କରିବ ଯେ ଅନେକ ଜୀବନ ଠିକ୍ ସମୟରେ କିପରି ବଞ୍ଚିଯିବ ।
Delighted to dedicate to the nation the Sea Survival Centre of @ONGC_ in Goa. This state-of-the-art Centre is a watershed moment for India in making a mark in the sea survival training ecosystem. Offering rigorous and intense emergency response training, it will ensure many… pic.twitter.com/VNCZKhurvV
— Narendra Modi (@narendramodi) February 6, 2024
ପ୍ରଧାନମନ୍ତ୍ରୀ ଏକ ଆଧୁନିକ ସାଗର ମଧ୍ୟରେ ଜୀବନ ରକ୍ଷା କେନ୍ଦ୍ରର ଆବଶ୍ୟକତା ବିଷୟରେ ଏକ ଭିଡିଓ ସେୟାର କରି କହିଛନ୍ତି, "ଏଠାରେ ଆମକୁ ଏକ ଆଧୁନିକ ସାଗର ମଧ୍ୟରେ ଜୀବନ ରକ୍ଷା କେନ୍ଦ୍ରର ଆବଶ୍ୟକତା ରହିଛି ଏବଂ ଏହା ଆମ ଦେଶ ପାଇଁ କିପରି ଅତ୍ୟନ୍ତ ଲାଭଦାୟକ ହେବ ।
Here is why we needed a modern Sea Survival Centre and how it will be very beneficial for our nation. pic.twitter.com/zEeac30x48
— Narendra Modi (@narendramodi) February 6, 2024
ପ୍ରଧାନମନ୍ତ୍ରୀଙ୍କ ସହ ଗୋଆର ମୁଖ୍ୟମନ୍ତ୍ରୀ ଶ୍ରୀ ପ୍ରମୋଦ ସାୱନ୍ତ ଏବଂ କେନ୍ଦ୍ର ପେଟ୍ରୋଲିୟମ, ତୈଳ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଶ୍ରୀ ହରଦୀପ ସିଂ ପୁରୀ ପ୍ରମୁଖ ଉପସ୍ଥିତ ଥିଲେ ।
ଓଏନଜିସି ସାଗର ମଧ୍ୟରେ ଜୀବନ ରକ୍ଷା କେନ୍ଦ୍ର
ଭାରତୀୟ ସାଗର ମଧ୍ୟରେ ଜୀବନ ରକ୍ଷା ପ୍ରଶିକ୍ଷଣ ପାରିବେଶିକ ବ୍ୟବସ୍ଥାକୁ ବିଶ୍ୱସ୍ତରୀୟ ମାନଦଣ୍ଡରେ ପହଞ୍ଚାଇବା ପାଇଁ ଓଏନଜିସି ଜୀବନ ରକ୍ଷା ପ୍ରଶିକ୍ଷଣ କେନ୍ଦ୍ରକୁ ଏକ ପ୍ରକାର ସମନ୍ୱିତ ସାଗର ଜୀବନ ରକ୍ଷା ପ୍ରଶିକ୍ଷଣ କେନ୍ଦ୍ର ଭାବରେ ବିକଶିତ କରାଯାଇଛି । ଏଥିରେ ବାର୍ଷିକ ୧୦,୦୦୦ ରୁ ୧୫,୦୦୦ କର୍ମଚାରୀଙ୍କୁ ତାଲିମ ଦିଆଯିବ ବୋଲି ଆଶା କରାଯାଉଛି । କଠିନ ପାଣିପାଗ ପରିସ୍ଥିତିରେ ଅନୁରୂପିତ ଏବଂ ନିୟନ୍ତ୍ରିତ ଅଭ୍ୟାସ ପ୍ରଶିକ୍ଷାର୍ଥୀ ମାନଙ୍କର ସାଗର ରକ୍ଷା ଜୀବନ କୌଶଳ ଦକ୍ଷତାକୁ ବଢ଼ାଇଥାଏ ଏବଂ ଏହିପରି ବାସ୍ତବ ଜୀବନ ବିପର୍ଯ୍ୟୟରୁ ସୁରକ୍ଷିତ ବଞ୍ଚିବାର ସମ୍ଭାବନାକୁ ବୃଦ୍ଧି କରିଥାଏ ।
