ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି 100ତମ କିଷାନ ରେଳକୁ ଭିଡ଼ିଓ କନଫରେନ୍ସିଂ ମାଧ୍ୟମରେ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି । ଏହି ରେଳ ମହାରାଷ୍ଟ୍ରର ସଙ୍ଗୋଲା ଠାରୁ ପଶ୍ଚିମ ବଙ୍ଗର ସାଲିମାର ମଧ୍ୟରେ ଯାତାୟାତ କରିବ । ଏହି ଅବସରରେ କେନ୍ଦ୍ର କୃଷି ମନ୍ତ୍ରୀ ଶ୍ରୀ ନରେନ୍ଦ୍ର ସିଂହ ତୋମର ଏବଂ ରେଳମନ୍ତ୍ରୀ ଶ୍ରୀ ପୀୟୂଷ ଗୋୟଲ ଉପସ୍ଥିତ ଥିଲେ ।
କିଷାନ ରେଳ ଶୁଭାରମ୍ଭ ଅବସରରେ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ ଏହି ରେଳ ସେବାକୁ ଦେଶର କୃଷକମାନଙ୍କ ଉପାର୍ଜନ ବୃଦ୍ଧି କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ଅଭିହିତ କରିଛନ୍ତି । କିଷାନ ରେଳ ସେବା ପ୍ରସଙ୍ଗରେ ସନ୍ତୋଷ ବ୍ୟକ୍ତ କରି ସେ କହିଛନ୍ତି ଯେ କରୋନା ମହାମାରୀ କାଳରେ ମାତ୍ର 4 ମାସ ଭିତରେ ଦେଶରେ 100ତମ କିଷାନ ରେଳର ଶୁଭାରମ୍ଭ ହେବା ଅତ୍ୟନ୍ତ ଆନନ୍ଦର କଥା । ଏହି ସେବା ଦେଶର କୃଷି ଅର୍ଥନୀତିରେ ବ୍ୟାପକ ପରିବର୍ତ୍ତନ ଆଣିବ ଏବଂ ଦେଶର କୋଲ୍ଡ ସପ୍ଲାଏ ଚେନକୁ ସୁଦୃଢ଼ କରିବ । ସେ କହିଲେ ଯେ କିଷାନ ରେଳରେ ସର୍ବନିମ୍ନ କେତେ ସାମଗ୍ରୀ ପଠାଯାଇପାରିବ ସେଥିପାଇଁ କୌଣସି ସୀମା ଧାର୍ଯ୍ୟ କରାଯାଇନାହିଁ । ତେଣୁ ଏପରିକି ସ୍ୱଳ୍ପ ପରିମାଣର କୃଷି ଉତ୍ପାଦନକୁ ମଧ୍ୟ ଏହି ରେଳ ଜରିଆରେ ଦେଶର ବଡ଼ ବଡ଼ ବଜାରରେ ପହଞ୍ଚାଯାଇପାରିବ ଏବଂ ଏଥିପାଇଁ ମାତ୍ର ସ୍ୱଳ୍ପ ମୂଲ୍ୟ ଦେବାକୁ ପଡ଼ିବ ।
ପ୍ରଧାନମନ୍ତ୍ରୀ ଶ୍ରୀ ମୋଦୀ କହିଲେ ଯେ କିଷାନ ରେଳ ପ୍ରକଳ୍ପ କୃଷକମାନଙ୍କ ପ୍ରତି ସରକାରଙ୍କ ପ୍ରତିବଦ୍ଧତାକୁ କେବଳ ଦର୍ଶାଉନାହିଁ ଅପରନ୍ତୁ ଏଭଳି ନୂତନ ସମ୍ଭାବନାକୁ ଆମର କୃଷକମାନେ କେତେ ଶୀଘ୍ର ଗ୍ରହଣ କରୁଛନ୍ତି ତାହା ମଧ୍ୟ ପ୍ରମାଣିତ କରୁଛି । ସେ କହିଲେ ଯେ କୃଷକମାନେ ସେମାନଙ୍କର ଉତ୍ପାଦକୁ ଏବେ ଅନ୍ୟ ରାଜ୍ୟରେ ମଧ୍ୟ ବିକ୍ରି କରିପାରିବେ । ଏଥିରେ କିଷାନ ରେଳ ଏବଂ କୃଷି ଉଡାନର ବିରାଟ ଭୂମିକା ରହିଛି । ସେ କହିଲେ ଯେ କିଷାନ ରେଳ ହେଉଛି ଏକ ଚଳମାନ ଶୀତଳ ଭଣ୍ଡାର ଯାହାକି ପଚନଯୋଗ୍ୟ ସାମଗ୍ରୀ ଯଥା, ଫଳ, ପନିପରିବା, କ୍ଷୀର, ମାଛ ଇତ୍ୟାଦିକୁ ସଂପୂର୍ଣ୍ଣ ନିରାପଦ ଭାବେ ପରିବହନ କରିନେବ । “ଭାରତର ସଦାବେଳେ ଏକ ବିଶାଳ ରେଳ ନେଟୱାର୍କ ରହିଆସିଛି । ଏପରିକି ସ୍ୱାଧୀନତା ପୂର୍ବରୁ ମଧ୍ୟ ଏହି ନେଟୱାର୍କ ବ୍ୟାପକ ଥିଲା । କୋଲ୍ଡ ଷ୍ଟୋରୋଜ୍ ପ୍ରଯୁକ୍ତି ଏବେ ସେଥି ସହ ଯୋଡ଼ାଯାଇ କୃଷକମାନଙ୍କ ପାଇଁ ଉପଲବ୍ଧ କରାଯାଇଛି । କିଷାନ ରେଳ ମାଧ୍ୟମରେ ଏହାର ସଂପୂର୍ଣ୍ଣ ସାମର୍ଥ୍ୟକୁ ଏବେ ଉପଯୋଗ କରାଯାଇପାରିଛି” ବୋଲି ପ୍ରଧାନମନ୍ତ୍ରୀ କହିଥିଲେ ।
ପ୍ରଧାନମନ୍ତ୍ରୀ ଶ୍ରୀ ମୋଦୀ କହିଲେ ଯେ କିଷାନ ରେଳ ଭଳି ସୁବିଧା ପଶ୍ଚିମ ବଙ୍ଗର ନିୟୁତ ନିୟୁତ କ୍ଷୁଦ୍ର ଚାଷୀମାନଙ୍କୁ ବ୍ୟାପକ ସୁବିଧା ସୁଯୋଗ ଯୋଗାଇଛି । ଏହି ସୁବିଧା ଅନ୍ୟ କୃଷକ ଓ ସ୍ଥାନୀୟ କ୍ଷୁଦ୍ର ବ୍ୟବସାୟୀମାନଙ୍କୁ ମଧ୍ୟ ପ୍ରାପ୍ତ ହୋଇପାରିବ । ପ୍ରଧାନମନ୍ତ୍ରୀ କହିଲେ ଯେ କୃଷି କ୍ଷେତ୍ରର ବିଶେଷଜ୍ଞଗଣଙ୍କ ପରାମର୍ଶ ଏବଂ ଅନ୍ୟ ଦେଶର ଅନୁଭୂତି ଆଧାରରେ ଏଭଳି ନୂତନ ପ୍ରଯୁକ୍ତି ଏବଂ ସୁବିଧା ଭାରତୀୟ କୃଷି କ୍ଷେତ୍ରରେ ସାମିଲ କରାଯାଇଛି ।
ଏବେ ରେଳ ଷ୍ଟେସନ ଆଖପାଖ ଇଲାକାରେ ପଚନୀୟ ରେଳ କାର୍ଗୋ କେନ୍ଦ୍ରମାନ ନିର୍ମାଣ କରାଯାଉଛି ଯେଉଁଠାରେ କୃଷକମାନେ ସେମାନଙ୍କର ଉତ୍ପାଦର ଭଣ୍ଡାରଣ କରିପାରିବେ । ଏହା ଦ୍ୱାରା ପର୍ଯ୍ୟାପ୍ତ ପରିମାଣର ତଟକା ଫଳ ଓ ପନିପରିବା ଲୋକମାନଙ୍କ ପରିବାର ନିକଟରେ ପହଞ୍ଚାଯିବାର ଲକ୍ଷ୍ୟ ରଖାଯାଇଛି । ଉଦବୃତ୍ତ ଉତ୍ପାଦକୁ ଉଦ୍ଦ୍ୟୋଗୀମାନଙ୍କ ନିକଟରେ ପହଞ୍ଚାଯିବ ଯେଉଁମାନେ ସେଥିରୁ ଜୁସ୍, ଆଚାର, ସସ୍, ଚିପ୍ସ ଇତ୍ୟାଦି ପ୍ରସ୍ତୁତ କରିପାରିବେ ବୋଲି ପ୍ରଧାନମନ୍ତ୍ରୀ କହିଥିଲେ ।
ସରକାରଙ୍କ ଅଗ୍ରାଧିକାର ସଂପର୍କରେ ସୂଚନା ଦେଇ ପ୍ରଧାନମନ୍ତ୍ରୀ ଶ୍ରୀ ମୋଦୀ କହିଲେ ଯେ ଭଣ୍ଡାରଣ-ସଂଯୋଗୀ ଭିତ୍ତିଭୂମି ଏବଂ ପ୍ରକ୍ରିୟାକରଣ ଶିଳ୍ପ ଯାହାକି କୃଷି ଉତ୍ପାଦରେ ମୂଲ୍ୟ ସଂଯୋଗ କରିବାରେ ସହାୟକ ହେଉଥିବ ତାହା ଉପରେ ଅଧିକ ଗୁରୁତ୍ୱ ଆରୋପ କରାଯାଉଛି । ସେ କହିଲେ ଯେ ଏଭଳି 6500ଟି ପ୍ରକଳ୍ପକୁ ମେଗା ଫୁଡ଼ ପାର୍କ, କୋଲ୍ଡ ଚେନ୍ ଭିତ୍ତିଭୂମି ଏବଂ ଆଗ୍ରୋ ପ୍ରୋସେସିଂ କ୍ଲଷ୍ଟର ଯାହାକି ପିଏମ କିଷାନ ସମ୍ପଦା ଯୋଜନା ଅଧୀନରେ ରହିଛି ସେସବୁକୁ ସରକାର ମଂଜୁରୀ ପ୍ରଦାନ କରିଛନ୍ତି । ସେହିଭଳି ଆତ୍ମନିର୍ଭର ଅଭିଯାନ ପ୍ୟାକେଜ୍ ଅଧୀନରେ ମାଇକ୍ରୋ ଫୁଡ଼୍ ପ୍ରୋସେସିଂ ଶିଳ୍ପସଂସ୍ଥାମାନଙ୍କ ସକାଶେ ସରକାର 10,000 କୋଟି ଟଙ୍କା ମଂଜୁର କରିଛନ୍ତି ବୋଲି ସେ ସୂଚନା ଦେଇଥିଲେ ।
ଶ୍ରୀ ମୋଦୀ କହିଲେ ଯେ ଗ୍ରାମାଞ୍ଚଳରେ ବସବାସ କରୁଥିବା ଲୋକ, କୃଷକ ଏବଂ ଯୁବଗୋଷ୍ଠୀଙ୍କ ଅଂଶଗ୍ରହଣ ଯୋଗୁ ହିଁ ସରକାରଙ୍କ ଏଭଳି ପ୍ରୟାସ ସଫଳ ହୋଇପାରିଛି । କୃଷି ଉତ୍ପାଦନକାରୀ ସଂଗଠନ (ଏଫପିଓ) ଏବଂ ସମବାୟ ଗୋଷ୍ଠୀ ଯଥା ମହିଳା ସ୍ୱୟଂ ସହାୟକ ଗୋଷ୍ଠୀ କୃଷି ବ୍ୟବସାୟ ଏବଂ କୃଷି ଭିତ୍ତିଭୂମି କାର୍ଯ୍ୟକ୍ରମରେ ସର୍ବାଧିକ ଗୁରୁତ୍ୱ ଲାଭ କରିଛି । ନିକଟରେ ସରକାର ଆଣିଥିବା କୃଷି ସଂସ୍କାର ଦ୍ୱାରା କୃଷି ବ୍ୟବସାୟ ଅଧିକ ସମ୍ପ୍ରସାରିତ ହେବ ଏବଂ ସେହିସବୁ ଗୋଷ୍ଠୀ ଏଥିରୁ ସର୍ବାଧିକ ଫାଇଦା ପାଇପାରିବେ । କୃଷି କ୍ଷେତ୍ରରେ ଘରୋଇ ପୁଞ୍ଜି ନିବେଶ ଦ୍ୱାରା ସରକାରଙ୍କ ଏଭଳି ପ୍ରୟାସକୁ ସହାୟତା ମିଳିବ ଏବଂ ଏହାର ସୁଫଳ କୃଷକମାନଙ୍କ ନିକଟକୁ ହିଁ ଯିବ । “ଆମେ ଭାରତୀୟ କୃଷି ଓ କୃଷକମାନଙ୍କୁ ସୁଦୃଢ଼ କରିବା ଦିଗରେ ପୂର୍ଣ୍ଣ ପ୍ରତିବଦ୍ଧତାର ସହିତ ଆଗକୁ ଅଗ୍ରସର ହେବୁ” ବୋଲି ପ୍ରଧାନମନ୍ତ୍ରୀ ଦୃଢ଼ ମତ ପୋଷଣ କରିଥିଲେ ।
किसान रेल सेवा, देश के किसानों की आमदनी बढ़ाने की दिशा में भी एक बहुत बड़ा कदम है।
— PMO India (@PMOIndia) December 28, 2020
इससे खेती से जुड़ी अर्थव्वस्था में बड़ा बदलाव आएगा।
इससे देश की कोल्ड सप्लाई चेन की ताकत भी बढ़ेगी: PM
ये काम किसानों की सेवा के लिए हमारी प्रतिबद्धता को दिखाता है।
— PMO India (@PMOIndia) December 28, 2020
लेकिन ये इस बात का भी प्रमाण है कि हमारे किसान नई संभावनाओं के लिए कितनी तेजी से तैयार हैं।
किसान, दूसरे राज्यों में भी अपनी फसलें बेच सकें, उसमें किसान रेल और कृषि उड़ान की बड़ी भूमिका है: PM#100thKisanRail
किसान रेल चलता फिरता कोल्ड स्टोरेज भी है।
— PMO India (@PMOIndia) December 28, 2020
यानि इसमें फल हो, सब्ज़ी हो, दूध हो, मछली हो, यानि जो भी जल्दी खराब होने वाली चीजें हैं, वो पूरी सुरक्षा के साथ एक जगह से दूसरी जगह पहुंच रही हैं: PM#100thKisanRail
अब किसान रेल जैसी सुविधा से पश्चिम बंगाल के लाखों छोटे किसानों को एक बहुत बड़ा विकल्प मिला है।
— PMO India (@PMOIndia) December 28, 2020
और ये विकल्प किसान के साथ ही स्थानीय छोटे-छोटे व्यापारी को भी मिला है।
वो किसान से ज्यादा दाम में ज्यादा माल खरीदकर किसान रेल के ज़रिए दूसरे राज्यों में बेच सकते हैं: PM
कृषि से जुड़े एक्सपर्ट्स और दुनिया भर के अनुभवों और नई टेक्नॉलॉजी का भारतीय कृषि में समावेश किया जा रहा है।
— PMO India (@PMOIndia) December 28, 2020
स्टोरेज से जुड़ा इंफ्रास्ट्रक्चर हो या फिर खेती उत्पादों में वैल्यू एडिशन से जुड़े प्रोसेसिंग उद्योग, ये हमारी सरकार की प्राथमिकता हैं: PM
पीएम कृषि संपदा योजना के तहत मेगा फूड पार्क्स, कोल्ड चेन इंफ्रास्ट्रक्चर, एग्रो प्रोसेसिंग क्लस्टर, ऐसे करीब साढ़े 6 हजार प्रोजेक्ट स्वीकृत किए गए हैं।
— PMO India (@PMOIndia) December 28, 2020
आत्मनिर्भर अभियान पैकेज के तहत माइक्रो फूड प्रोसेसिंग उद्योगों के लिए 10 हज़ार करोड़ रुपए स्वीकृत किए गए हैं: PM
