ସରକାରଙ୍କ ‘ଏକ ଭାରତ ଶ୍ରେଷ୍ଠ ଭାରତ’ ପଦକ୍ଷେପର ଉଦାହରଣ ଦେଇ ମୋଦୀ କହିଛନ୍ତି ଯେ ଏହା ଆଗାମୀ ପୀଢ଼ିକୁ ବିଭିନ୍ନ ରାଜ୍ୟ ଓ ତା’ର ସଂସ୍କୃତିଗୁଡ଼ିକର ବିବିଧତାକୁ ବୁଝିବାରେ ସହାୟତା ମିଳିବ । ଏଥିରେ ସମସ୍ତ ଭାରତୀୟଙ୍କ ମନରେ ଏକତାର ଭାବନା ସୁଦୃଢ଼ ହେବ । ସେ ରାଜ୍ୟ ସରକାରମାନଙ୍କୁ ନିଜ ରାଜ୍ୟର ବିଭିନ୍ନ କ୍ଷେତ୍ରର ସଂସ୍କୃତି ଓ ପରାମ୍ପରାର ବୈଶିଷ୍ଟ୍ୟକୁ ପ୍ରୋତ୍ସାହନ ଦେବା ପାଇଁ ପରସ୍ପରକୁ ସହଯୋଗ କରିବା ନିମନ୍ତେ ଆହ୍ୱାନ ମଧ୍ୟ ଦେଇଛନ୍ତି ।
ଏକ ଭାରତ ଶ୍ରେଷ୍ଠ ଭାରତ ପଦକ୍ଷେପ ସମ୍ପର୍କରେ ପ୍ରଧାନମନ୍ତ୍ରୀ ହରିଆଣା ଓ ତେଲଙ୍ଗାନା ମଧ୍ୟରେ ହୋଇଥିବା ବୁଝାମଣାପତ୍ରର ଉଦାହରଣ ଦେଇଥିଲେ । ଯାହା ଆଧାରରେ ଫିଲ୍ମତ୍ସୋବ, ଭାଷା, ବ୍ୟଞ୍ଜନ କ୍ଷେତ୍ରରେ ଉଭୟ ରାଜ୍ୟ ମଧ୍ୟରେ ସହଯୋଗ ବୃଦ୍ଧି ପାଇବ । ଖେଳାଳୀ, ନୀତି ନିର୍ମାତା ଓ ବିଧାୟକମାନଙ୍କୁ ପରସ୍ପରର ରାଜ୍ୟକୁ ଯିବାଆସିବାର ସୁଯୋଗ ମିଳିବ ।
ସାଂସ୍କୃତିକ କାର୍ଯ୍ୟକ୍ରମ ‘ଜଟାୟୁ ମୋକ୍ଷମ’ର ପ୍ରଶଂସା କରି ପ୍ରଧାନମନ୍ତ୍ରୀ କହିଥିଲେ ଯେ ଜଟାୟୁର ସଂଘର୍ଷ ଆମ ସମସ୍ତଙ୍କୁ ଆତଙ୍କବାଦକୁ ସାହାସର ସହ ମୁକାବିଲା କରିବା ପାଇଁ ପ୍ରେରଣା ଦେଉଛି । ଯାହା ଆଜି ସମ୍ପୂର୍ଣ୍ଣ ମାନବତା ସମ୍ମୁଖରେ ସବୁଠାରୁ ବଡ଼ ଚ୍ୟାଲେଞ୍ଜ ପାଲଟିଛି । ଅତିଥିମାନଙ୍କୁ ସ୍ୱାଗତ କରି ଶ୍ରୀ ନାଇଡୁ କହିଥିଲେ ଯେ ଭାରତୀୟ କ୍ୟାଲେଣ୍ଡର ଅନୁସାରେ ଉଗାଡ଼ିରୁ ନବବର୍ଷର ଆରମ୍ଭ ହୋଇଥାଏ । ଏହା ସମଗ୍ର ଦେଶରେ ଚଳିତ ମାସରୁ ପାଳନ ହୋଇଥାଏ । ଉଗାଡ଼ି ପଛାଡ଼ି 6 ଟି ବିଭିନ୍ନ ସ୍ୱାଦ(ସଟ୍ ରୁଚି)ର ସମ୍ମିଶ୍ରଣ ହୋଇଥାଏ । ଯେଉଁଥିରେ ମିଠା, ଖଟା, ମସଲା, ଲୁଣିଆ, କଷା ଓ ପିତାର ସ୍ୱାଦ ଖୁସି, ଘୃଣା, କ୍ରୋଧ, ଭୟ, ଆଶ୍ଚର୍ଯ୍ୟ ଓ ଉଦାସିର ବିଭିନ୍ନ ଭାବନାର ପ୍ରତୀକ ।
ସେ କହିଛନ୍ତି ଯେ ଭାରତୀୟ ସଂସ୍କୃତି ହେଉଛି ଅଭିନବ ଓ ସବୁଠାରୁ ଭବ୍ୟ । କାରଣ ଏଠାରେ ପ୍ରତ୍ୟେକ ପର୍ବପର୍ବାଣି ଓ ପରମ୍ପରା ବିଜ୍ଞାନ ଉପରେ ଆଧାରିତ । ଶ୍ରୀ ନାଇଡୁ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ନୂଆ ବର୍ଷରେ ଦେଶରେ ଅଧିକ ସମୃଦ୍ଧି ଓ ବିକାଶ ହେବ । ଦକ୍ଷିଣ ଭାରତର କେତେକ ଭାଗରେ ଉଗାଡ଼ି ବସନ୍ତ ଓ ଗ୍ରୀଷ୍ମ ଋତୁର ଆଗମନରେ ତଥା ନବବର୍ଷର ଆରମ୍ଭରେ ପାଳନ ହୋଇଥାଏ । ଖୁସିର ଏହି ଉତ୍ସବ ବିକାଶ ଓ ସମୃଦ୍ଧିର ପ୍ରତୀକ ଅଟେ । କାରଣ ଏହା ନବବର୍ଷର ପର୍ବପର୍ବାଣି ସହ ନୂଆ କାର୍ଯ୍ୟ ଆରମ୍ଭ କରିବାର ସୁଯୋଗ ମଧ୍ୟ ଦେଇଥାଏ । ଏହି କାର୍ଯ୍ୟକ୍ରମରେ ଲୋକସଭା ବାଚସ୍ପତି ସୁମିତ୍ରା ମହାଜନ, ଦିଲ୍ଲୀ ଉପରାଜ୍ୟପାଳ ଅନୀଲ ବୈଜଲ, ଆଇନ ଓ ନ୍ୟାୟ ମନ୍ତ୍ରୀ ରବି ଶଙ୍କର ପ୍ରସାଦ, ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ମହେଶ ଶର୍ମା, ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଡଃ ହର୍ଷବର୍ଦ୍ଧନ, କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ବିଜୟ ଗୋଏଲ, ସୂଚନା ଓ ପ୍ରସାରଣ ରାଷ୍ଟ୍ରମନ୍ତ୍ରୀ ରାଜ୍ୟବର୍ଦ୍ଧନ ରାଠୋର, ସାଂସଦମାନେ, ସୁପ୍ରିମକୋର୍ଟ ଓ ହାଇକୋର୍ଟର ବରିଷ୍ଠ ବିଚାରପତିଗଣ, ସୂଚନା ଓ ପ୍ରସାରଣ ମନ୍ତ୍ରଣାଳୟ ଏବଂ ସହରାଂଚଳ ବିକାଶ ଓ ଗୃହନିର୍ମାଣ ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ ।
ଏହି ଅବସରରେ ତାମିଲନାଡୁ, କର୍ଣ୍ଣାଟକ, କେରଳ, ତେଲଙ୍ଗାନା ଓ ଆନ୍ଧ୍ରପ୍ରଦେଶର କଳାକାରମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।
