ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜି-୨୦ ଶିଖର ସମ୍ମିଳନୀରେ ‘ଦୀର୍ଘସ୍ଥାୟୀ ବିକାଶ ଓ ଇନ୍ଧନ ପରିବର୍ତ୍ତନ’ ପ୍ରସଙ୍ଗରେ ଉଦବୋଧନ ଦେଇଛନ୍ତି । ପ୍ରଧାନମନ୍ତ୍ରୀ କହିଥିଲେ, ନୂଆଦିଲ୍ଲୀ ଜି-୨୦ ଶିଖର ସମ୍ମିଳନୀରେ ୨୦୩୦ ସୁଦ୍ଧା ଅକ୍ଷୟ ଶକ୍ତି କ୍ଷମତାକୁ ତିନି ଗୁଣ ଏବଂ ଶକ୍ତି ଦକ୍ଷତା ହାରକୁ ଦୁଇ ଗୁଣ କରିବାକୁ ନିଷ୍ପତ୍ତି ହୋଇଥିଲା । ଏହି ଦୀର୍ଘସ୍ଥାୟୀ ବିକାଶକୁ ଅଗ୍ରାଧିକାର ଦେବାକୁ ବ୍ରାଜିଲର ନିଷ୍ପତ୍ତିକୁ ସେ ସ୍ୱାଗତ କରିଥିଲେ ।
ଦୀର୍ଘସ୍ଥାୟୀ ବିକାଶକୁ ଆଗେଇ ନେବାକୁ ଭାରତ ପକ୍ଷରୁ ନିଆଯାଇଥିବା ପଦକ୍ଷେପ ସଂକ୍ରାନ୍ତରେ ପ୍ରଧାନମନ୍ତ୍ରୀ ବିସ୍ତୃତ ଭାବେ ଉଲ୍ଲେଖ କରିଥିଲେ । ସେ କହିଥିଲେ ବିଗତ ଦଶ ବର୍ଷ ମଧ୍ୟରେ ଭାରତ ୪୦ ନିୟୁତ ପରିବାରଙ୍କୁ ଆବାସ ସୁବିଧା ଦେଇଛି, ବିଗତ ପାଞ୍ଚ ବର୍ଷରେ ୧୨୦ ନିୟୁତ ପରିବାରଙ୍କୁ ସ୍ୱଚ୍ଛ ପାନୀୟ ଜଳ ଉପଲବ୍ଧ କରାଇଛି ଏବଂ ୧୦୦ ନିୟୁତ ପରିବାରଙ୍କୁ ସ୍ୱଚ୍ଛ ଇନ୍ଧନ ଏବଂ ୧୧୫ ନିୟୁତ ପରିବାରଙ୍କୁ ଶୌଚାଳୟ ସୁବିଧା ଦିଆଯାଇଛି ।
ପ୍ୟାରିସ ପ୍ରତିବଦ୍ଧତାକୁ ପୂରଣ କରିବାରେ ଭାରତ ପ୍ରଥମ ଜି-୨୦ ଦେଶ ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ, ଭାରତ ୨୦୩୦ ସୁଦ୍ଧା ୫୦୦ ଗିଗାୱାଟ ଅକ୍ଷୟ ଶକ୍ତି ଉତ୍ପାଦନ ପାଇଁ ଏକ ମହତ୍ୱାକାଂକ୍ଷୀ ଲକ୍ଷ୍ୟ ଧାର୍ଯ୍ୟ କରିଛି, ଯେଉଁଥିରୁ କି ୨୦୦ ଗିଗାୱାଟ ହାସଲ କରାଯାଇସାରିଲାଣି । ଭାରତ ପକ୍ଷରୁ ନିଆଯାଇଥିବା ବୈଶ୍ୱିକ ପଦକ୍ଷେପ ଗୁଡ଼ିକ ସଂକ୍ରାନ୍ତରେ ସେ କହିଥିଲେ, ଯେପରିକି ଆନ୍ତର୍ଜାତିକ ସୌର ମେଣ୍ଟ, ଆପଦା ପ୍ରତିରୋଧୀ ମୌଳିକ ଢାଞ୍ଚା ପାଇଁ ମେଣ୍ଟ, ମିଶନ ଲାଇଫ, ଗୋଟିଏ ସୂର୍ଯ୍ୟ ଗୋଟିଏ ବିଶ୍ୱ ଗୋଟିଏ ଗ୍ରୀଡ଼, ସଷ୍ଟେନବୁଲ ପ୍ଲାନେଟ ସୃଷ୍ଟି ପାଇଁ ବୈଶ୍ୱିକ ଜୈବ ମେଣ୍ଟ । ଗ୍ଲୋବାଲ ସାଉଥ୍ ପାଇଁ ଆବଶ୍ୟକ ଦୀର୍ଘସ୍ଥାୟୀ ବିକାଶକୁ ଅଗ୍ରାଧିକାର ଦେବା, ବିଶେଷ କରି ଛୋଟ ଦ୍ୱୀପ ଗୁଡ଼ିକର ବିକାଶ ସଂକ୍ରାନ୍ତରେ ଉଲ୍ଲେଖ କରି ପ୍ରଧାନମନ୍ତ୍ରୀ ଗ୍ଲୋବାଲ ସାଉଥ ଶିଖର ସମ୍ମିଳନୀରେ ଭାରତ ପକ୍ଷରୁ ଘୋଷଣା କରାଯାଇଥିବା ଗ୍ଲୋବାଲ ଡେଭଲପମେଣ୍ଟ କମ୍ପାକ୍ଟକୁ ସମର୍ଥନ କରିବାକୁ ଆହ୍ୱାନ ଦେଇଥିଲେ।
ପ୍ରଧାନମନ୍ତ୍ରୀଙ୍କ ସମ୍ପୂର୍ଣ୍ଣ ବକ୍ତବ୍ୟ ଏଠାରେ ଦେଖିପାରନ୍ତି
At the G20 Summit in Rio de Janeiro today, I spoke on a topic which is very important for the future of the planet- Sustainable Development and Energy Transition. I reiterated India’s steadfast commitment to the Sustainable Development Agenda. Over the past decade, India has… pic.twitter.com/6JtfGWjiSS
— Narendra Modi (@narendramodi) November 19, 2024
We in India, guided by our cultural values, have been the first to fulfil the Paris Agreement commitments ahead of schedule. Building on this, we are accelerating towards more ambitious goals in sectors like renewable energy. Our effort of the world’s largest solar rooftop…
— Narendra Modi (@narendramodi) November 19, 2024
India is sharing its successful initiatives with the Global South, focussing on affordable climate finance and technology access. From launching the Global Biofuels Alliance and promoting ‘One Sun One World One Grid’ to planting a billion trees under ‘Ek Ped Maa Ke Naam’, we…
— Narendra Modi (@narendramodi) November 19, 2024
