ସକ୍ରିୟ ପ୍ରଶାସନ ଏବଂ ନିର୍ଦ୍ଧାରିତ ସମୟରେ କାର୍ଯ୍ୟାନ୍ୱୟନ ପାଇଁ ଆଇସିଟି ଆଧାରିତ ବହୁ ପକ୍ଷୀୟ ମଂଚ – ପ୍ରଗତି ଜରିଆରେ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ତାଙ୍କର 25ତମ ବାର୍ତ୍ତାଳାପ କରିଥିଲେ ।
25ତମ ପ୍ରଗତି ବୈଠକରେ ମୋଟ 10 ଲକ୍ଷ କୋଟି ଟଙ୍କାର ନିବେଶରେ 227ଟି ପ୍ରକଳ୍ପର କ୍ରମିକ ସମୀକ୍ଷା କରାଯାଇଛି । ବିଭିନ୍ନ କ୍ଷେତ୍ରରେ ରହିଥିବା ଜନ ଅଭିଯୋଗ ସମାଧାନର ମଧ୍ୟ ସମୀକ୍ଷା କରାଯାଇଛି ।
25ତମ ପ୍ରଗତି ମତବିନିମୟ ପୂରଣ ହୋଇଥିବାରୁ ପ୍ରଧାନମନ୍ତ୍ରୀ ସମସ୍ତ ଅଂଶୀଦାରମାନଙ୍କୁ ଅଭିନନ୍ଦନ ଜଣାଇଥିଲେ । ସେ କହିଥିଲେ ଯେ ପ୍ରଗତି ବ୍ୟବସ୍ଥା କାରଣରୁ କେନ୍ଦ୍ର ଏବଂ ରାଜ୍ୟ ସରକାରଙ୍କ ମଧ୍ୟରେ ସମନ୍ୱୟ ବୃଦ୍ଧି ପାଇଛି । ସେ କହିଥିଲେ, ଆମ ସଂଘୀୟ ଢାଂଚା ପାଇଁ ପ୍ରଗତି ଉପକ୍ରମ ଏକ ମହାନ ସକାରାତ୍ମକ ଶକ୍ତି । ସେ କହିଥିଲେ ଯେ ପଡ଼ିରହିଥିବା ପ୍ରକଳ୍ପ ବ୍ୟତୀତ, ଏହା ବିଭିନ୍ନ ସାମାଜିକ କ୍ଷେତ୍ର ଯୋଜନାର ସମୀକ୍ଷା ଏବଂ ଉନ୍ନତି ଲାଗି ଏହି ମଂଚ ସହାୟକ ହେଉଛି ।
ଆଜି 25ତମ ବୈଠକରେ ପ୍ରଧାନମନ୍ତ୍ରୀ ଅବସରପ୍ରାପ୍ତ ସେନା କର୍ମଚାରୀଙ୍କ କଲ୍ୟାଣ ସହ ଜଡ଼ିତ ଅଭିଯୋଗ ଗ୍ରହଣ ଏବଂ ସମାଧାନ କ୍ଷେତ୍ରରେ ହୋଇଥିବା ଅଗ୍ରଗତି ସମୀକ୍ଷା କରିଥିଲେ । ଅଭିଯୋଗର ଶୀଘ୍ର ସମାଧାନ ଉପରେ ସେ ଗୁରୁତ୍ୱାରୋପ କରିଥିଲେ, ଯାହାଫଳରେ ଯଥାସମ୍ଭବ କମ ସମୟରେ ଅବସରପ୍ରାପ୍ତ ସେନା କର୍ମଚାରୀମାନଙ୍କ ସମସ୍ୟା ସକାରାତ୍ମକ ଭାବେ ସମାଧାନ ହୋଇପାରିବ ।
ରେଳବାଇ, ସଡ଼କ, ପେଟ୍ରୋଲିୟମ, ଶକ୍ତି, କୋଇଲା, ସହରାଂଚଳ ବିକାଶ, ଏବଂ ସ୍ୱାସ୍ଥ୍ୟ ଓ ପରିବାର କଲ୍ୟାଣ କ୍ଷେତ୍ରରେ 10ଟି ଭିତ୍ତିଭୂମି ପ୍ରକଳ୍ପର ପ୍ରଧାନମନ୍ତ୍ରୀ ସମୀକ୍ଷା କରିଥିଲେ । ଏହି ପ୍ରକଳ୍ପଗୁଡ଼ିକ ହିମାଚଳ ପ୍ରଦେଶ, ଉତ୍ତର ପ୍ରଦେଶ, ଓଡ଼ିଶା, ଆନ୍ଧ୍ର ପ୍ରଦେଶ, ଗୁଜରାଟ, ମହାରାଷ୍ଟ୍ର, ଆସାମ, ସିକିମ, ପଶ୍ଚିମବଙ୍ଗ, ବିହାର, ତାମିଲନାଡ଼ୁ ଏବଂ ଝାଡ଼ଖଣ୍ଡ ଆଦି ରାଜ୍ୟରେ ଜାରି ରହିଛି ।
ପ୍ରଧାନମନ୍ତ୍ରୀ କୃଷି ସିଂଚାଇ ଯୋଜନାର କାର୍ଯ୍ୟାନ୍ୱୟନରେ ହୋଇଥିବା ଅଗ୍ରଗତିକୁ ପ୍ରଧାନମନ୍ତ୍ରୀ ସମୀକ୍ଷା କରିଥିଲେ । ସେ ମଧ୍ୟ ଅନୁସୂଚିତ ଜନଜାତି ଛାତ୍ରଛାତ୍ରୀଙ୍କ ଲାଗି ଜାତୀୟ ଫେଲୋସିପ ଏବଂ ସ୍କଲାରସିପ କାର୍ଯ୍ୟକ୍ରମର ସମୀକ୍ଷା କରିଥିଲେ ।
