ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ବାରାଣସୀର ବିଏଚୟୁ ଗସ୍ତ କରିଛନ୍ତି । ସେ ପଣ୍ଡିତ ମଦନ ମୋହନ ମାଲବ୍ୟଙ୍କ ପ୍ରତିମୂର୍ତି ଉଦଘାଟନ କରିଛନ୍ତି । ପଣ୍ଡିତ ମଦନ ମୋହନ ମାଲବ୍ୟଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ପ୍ରଦାନ କରି ପ୍ରଧାନମନ୍ତ୍ରୀ ଶ୍ରଦ୍ଧାଞ୍ଜଳି ଜଣାଇଛନ୍ତି । ଏହି ଅବସରରେ ଉତ୍ତରପ୍ରଦେଶ ରାଜ୍ୟପାଳ ଶ୍ରୀ ରାମ ନାଏକ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ଅନ୍ୟ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।
ପ୍ରଧାନମନ୍ତ୍ରୀ ପଣ୍ଡିତ ମଦନ ମୋହନ ମାଲବ୍ୟ କ୍ୟାନସର ହସ୍ପିଟାଲ ଏବଂ ଭାବା କ୍ୟାନସର ହସ୍ପିଟାଲ, ଲାହାରତାରାକୁ ମଧ୍ୟ ଉଦଘାଟନ କରିଥିଲେ । ଏହି ହସ୍ପିଟାଲଗୁଡିକ ଉତ୍ତର ପ୍ରଦେଶ ଏବଂ ପଡୋଶୀ ରାଜ୍ୟ ମଧ୍ୟପ୍ରଦେଶ, ଝାଡଖଣ୍ଡ, ଛତିଶଗଡ ଓ ବିହାରର ରୋଗୀମାନଙ୍କୁ ବ୍ୟାପକ ଚିକିତ୍ସା ସୁବିଧା ଯୋଗାଇ ଦେବ ।
ଏହି ଅବସରରେ ପ୍ରଧାନମନ୍ତ୍ରୀ ପ୍ରେସିସନ ଟେକ୍ନୋଲୋଜି ସମ୍ପନ୍ନ ପ୍ରଥମ ନୂଆ ଭାବାଟ୍ରନକୁ ରାଷ୍ଟ୍ର ଉଦ୍ଦେଶ୍ୟରେ ଲୋକାର୍ପଣ କରିଥିଲେ ।
ସେ ମଧ୍ୟ ଓପିଡି ପରିଦର୍ଶନ କରି ରୋଗୀମାନଙ୍କ ସହିତ ଭାବବିନିମୟ କରିଥିଲେ ।
ସେ ପିଏମଜେଏୱାଇ (PMJAY) – ଆୟୁଷ୍ମାନ ଭାରତର ହିତାଧିକାରୀଙ୍କ ସହ ମତବିନିମୟ କରିଥିଲେ ।
