ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି ଜାତୀୟ ପଞ୍ଚାୟତିରାଜ ଦିବସ ଅବସରରେ ରାଷ୍ଟ୍ରୀୟ ଗ୍ରାମ ସ୍ୱରାଜ ଅଭିଯାନର ଶୁଭାରମ୍ଭ କରିବେ । ମଧ୍ୟପ୍ରଦେଶର ମାଣ୍ଡଲାଠାରେ ଆୟୋଜିତ ପଞ୍ଚାୟତିରାଜ ଦିବସ ସମାରୋହରେ ଏହି ଅଭିଯାନର ଆନୁଷ୍ଠାନିକ ଶୁଭାରମ୍ଭ କରାଯିବ । ଏହି ଅବସରରେ ପ୍ରଧାନମନ୍ତ୍ରୀ ମାଣ୍ଡଲାରୁ ସମଗ୍ର ଦେଶର ନିର୍ବାଚିତ ପଞ୍ଚାୟତ ପ୍ରତିନିଧିମାନଙ୍କୁ ସମ୍ବୋଧିତ କରିବେ । ସେହିପରି ସେଠାରେ ଏକ ଜନସମାବେଶକୁ ମଧ୍ୟ ପ୍ରଧାନମନ୍ତ୍ରୀ ଉଦ୍ବୋଧନ ଦେବେ ।
ଆଗାମୀ ପାଞ୍ଚ ବର୍ଷ ମଧ୍ୟରେ ଆଦିବାସୀମାନଙ୍କର ସାମଗ୍ରିକ ବିକାଶ ପାଇଁ ଉଦ୍ଦିଷ୍ଟ ଏକ ମାର୍ଗଚିତ୍ର ବା ରୋଡ ମ୍ୟାପକୁ ପ୍ରଧାନମନ୍ତ୍ରୀ ଏହି ଅବସରରେ ଉନ୍ମୋଚନ କରିବେ । ମଧ୍ୟପ୍ରଦେଶର ମାଣ୍ଡଲା ଜିଲ୍ଲାର ମାନେରୀଠାରେ ଭାରତୀୟ ତୈଳ ନିଗମ ପକ୍ଷରୁ ନିର୍ମିତ ହେବାକୁ ଥିବା ଏକ ଏଲପିଜି ଗ୍ୟାସ ବଟଲିଂ ପ୍ଳାଣ୍ଟର ଆଧାରଶିଳା ମଧ୍ୟ ରଖି ପ୍ରଧାନମନ୍ତ୍ରୀ ଏକ ସ୍ଥାନୀୟ ପ୍ରଶାସନ ଡିରେକ୍ଟୋରିର ଶୁଭ ଉନ୍ମୋଚନ କରିବେ ।
ଏକ ସ୍ୱଚ୍ଛ, ସୁସ୍ଥ ଓ ଆଲୋକିତ ଭାରତର ପ୍ରତିବଦ୍ଧତାକୁ ସାକାର କରିବା ଦିଗରେ ଆଉ ଏକ ପାଦ ଆଗକୁ ବଢ଼ି ପ୍ରଧାନମନ୍ତ୍ରୀ ଏହି ଅବସରରେ ଆୟୋଜିତ ସମାରୋହରେ ସ୍ଥାନୀୟ ସରପଞ୍ଚମାନଙ୍କୁ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ସମ୍ବର୍ଦ୍ଧିତ କରିବେ । ବିଶେଷକରି ଶତ ପ୍ରତିଶତ ଧୂମ୍ରହୀନ ରୋଷେଇ ଘର ନିର୍ମାଣ, ମିଶନ ଇନ୍ଦ୍ରଧନୁଷ ଅଧିନରେ ଶତ ପ୍ରତିଶତ ଟୀକାକରଣ ଓ ସୌଭାଗ୍ୟ ଯୋଜନା ଅଧିନରେ ଶତ ପ୍ରତିଶତ ଗ୍ରାମ୍ୟ ବିଦ୍ୟୁତକରଣ ଲକ୍ଷ୍ୟ ହାସଲ କରିଥିବା ପଞ୍ଚାୟତର ସରପଞ୍ଚମାନଙ୍କୁ ପୁରସ୍କୃତ କରାଯିବ ।
ସର୍ବଶ୍ରେଷ୍ଠ ପଞ୍ଚାୟତ ପୁରସ୍କାର ଯୋଜନା ଅଧିନରେ ରାଷ୍ଟ୍ରୀୟ ଇ-ପଞ୍ଚାୟତ ପୁରସ୍କାର ଏବଂ ଗ୍ରାମ ପଞ୍ଚାୟତ ବିକାଶ ପୁରସ୍କାର ଯୋଜନାର କୃତି ବିଜେତାମାନଙ୍କୁ ମଧ୍ୟ ଏହି ସମାରୋହରେ ସମ୍ବର୍ଦ୍ଧିତ କରାଯିବ ।
ପରିଶେଷରେ ମଧ୍ୟପ୍ରଦେଶର ଅଭିଳାଷୀ ଜିଲ୍ଲାର ଜିଲ୍ଲାପାଳମାନଙ୍କ ସହ ପ୍ରଧାନମନ୍ତ୍ରୀ ମତ ବିନିମୟ କରିବେ ।
Prime Minister @narendramodi will visit Mandla in Madhya Pradesh tomorrow, 24th April on the National Panchayati Raj Day.
— PMO India (@PMOIndia) April 23, 2018
He will launch the Rashtriya Gramin Swaraj Abhiyan, at a public meeting, and address Panchayati Raj representatives across the country, from Mandla.
— PMO India (@PMOIndia) April 23, 2018
The Prime Minister will unveil a roadmap for overall development of tribal communities during the next five years.
— PMO India (@PMOIndia) April 23, 2018
PM @narendramodi will unveil a plaque to mark the laying of foundation stone of an LPG bottling plant of Indian Oil Corporation at Maneri, Mandla District. He will also launch a Local Government Directory.
— PMO India (@PMOIndia) April 23, 2018
In keeping up with the Government’s commitment towards clean, healthy, and electrified India, PM would felicitate the Sarpanches of villages which have achieved 100% smokeless kitchens, 100% vaccination under Mission Indradhanush, and 100% electrification under Saubhagya Scheme.
— PMO India (@PMOIndia) April 23, 2018
