ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏପ୍ରିଲ 21 ତାରିଖ ନୂଆଦିଲ୍ଲୀର ବିଜ୍ଞାନ ଭବନଠାରେ ଅନୁଷ୍ଠିତ ହେବାକୁ ଥିବା ଏକ ସମାରୋହରେ ସାଧାରଣ ପ୍ରଶାସନ କ୍ଷେତ୍ରରେ ଉଲ୍ଲେଖନୀୟ କୃତି ପାଇଁ ବିଭିନ୍ନ ଶ୍ରେଣୀରେ ପୁରସ୍କାରମାନ ପ୍ରଦାନ କରିବେ । ବିଶେଷକରି କେନ୍ଦ୍ର, ରାଜ୍ୟ ଓ ଜିଲ୍ଲା ସ୍ତରର ସରକାରୀ ଅନୁଷ୍ଠାନଗୁଡିକ ଅଗ୍ରାଧିକାର କାର୍ଯ୍ୟକ୍ରମଗୁଡିକୁ କିଭଳି ସଫଳତାର ସହ ରୂପାୟିତ କରିଛନ୍ତି ଏବଂ ସୃଜନାତ୍ମକ ଢଙ୍ଗରେ ଏହିସବୁ ବଛା ବଛା ଫ୍ଲାଗସିପ୍ କାର୍ଯ୍ୟକ୍ରମକୁ ସୁଚାରୁ ଢଙ୍ଗରେ କାର୍ଯ୍ୟକାରୀ କରିଛନ୍ତି ସେସବୁ ଭିତ୍ତିକରି ଏହି ପୁରସ୍କାରମାନ ପ୍ରଦାନ କରାଯାଉଛି । ଏହି ଅବସରରେ ପ୍ରଧାନମନ୍ତ୍ରୀ ସଭିଲ ସର୍ଭେଣ୍ଟମାନଙ୍କୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି ।
ସାଧାରଣ ପ୍ରଶାସନ କ୍ଷେତ୍ରରେ ପ୍ରଧାନମନ୍ତ୍ରୀ ଉତ୍କର୍ଷ ପୁରସ୍କାର ଜନମଙ୍ଗଳକୁ ଦୃଷ୍ଟିରେ ରଖି ଗଠନ କରାଯାଇଛି । ଉତ୍ତମ କାର୍ଯ୍ୟକୁ ଚିହ୍ନଟ, ସ୍ୱୀକୃତି ଏବଂ ଦୃଷ୍ଟାନ୍ତମୂଳକ କାର୍ଯ୍ୟକୁ ପୁରସ୍କୃତ କରିବା ହେଲା ଏହାର ମୁଖ୍ୟ ଉଦ୍ଦେଶ୍ୟ । ଜିଲ୍ଲା, ରାଜ୍ୟ ଓ କେନ୍ଦ୍ରୀୟ ସ୍ତରରେ କାର୍ଯ୍ୟ କରୁଥିବା ସରକାରୀ ଅନୁଷ୍ଠାନଗୁଡିକୁ ପ୍ରଧାନମନ୍ତ୍ରୀ ଉତ୍କର୍ଷ ପୁରସ୍କାର ଲାଗି ବିଭିନ୍ନ ଶ୍ରେଣୀରେ ବଛା ଯାଇଥାଏ । ସେଥିମଧ୍ୟରୁ ଚାରୋଟି ଅଗ୍ରାଧିକାର ପୁରସ୍କାର ଶ୍ରେଣୀ ହେଉଛି – (1) ପ୍ରଧାନମନ୍ତ୍ରୀ ଫସଲ ବୀମା ଯୋଜନା (2) ଡିଜିଟାଲ ପେମେଣ୍ଟକୁ ପ୍ରୋତ୍ସାହନ (3) ପ୍ରଧାନମନ୍ତ୍ରୀ ଆବାସ ଯୋଜନା- ସହରାଂଚଳ ଓ ଗ୍ରାମୀଣ ଏବଂ (4) ଦୀନଦୟାଲ ଉପାଧ୍ୟାୟ ଗ୍ରାମୀଣ କୌଶଳ ଯୋଜନା । ଏହାବ୍ୟତୀତ ଜିଲ୍ଲା, ରାଜ୍ୟ ଓ କେନ୍ଦ୍ର ସ୍ତରରେ କାର୍ଯ୍ୟ କରୁଥିବା ସରକାରୀ ସଂଗଠନଗୁଡିକର ନବ ସୃଜନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ପୁରସ୍କାର ପ୍ରଦାନ କରାଯାଇଥାଏ । ଉପରୋକ୍ତ ଚାରୋଟି ମନୋନୀତ ଶ୍ରେଣୀ ପାଇଁ ଚଳିତ ବର୍ଷ ମୋଟ 11 ଟି ପୁରସ୍କାର ରଖାଯାଇଥିବା ବେଳେ ନବ ସୃଜନ ଶ୍ରେଣୀ ପାଇଁ ଗୋଟିଏ ପୁରସ୍କାର ଏବଂ ଅଭିଳଷିତ ଜିଲ୍ଲାରେ ଉଲ୍ଲେଖନୀୟ କାର୍ଯ୍ୟ ପାଇଁ ଆଉ ଏକ ପୁରସ୍କାର ରଖାଯାଇଛି ।
ପ୍ରଧାନମନ୍ତ୍ରୀ ଏହି ଅବସରରେ ଦୁଇଟି ପୁସ୍ତକ ଉନ୍ମୋଚନ କରିବେ । ଗୋଟିଏ ପୁସ୍ତକ ‘New Pathways’ ଅଗ୍ରାଧିକାର କାର୍ଯ୍ୟକ୍ରମଗୁଡିକର ସଫଳ ରୂପାୟନ କାହାଣୀ ସ୍ଥାନ ପାଇଛି । ଦ୍ୱିତୀୟ ପୁସ୍ତକଟି ହେଉଛି ‘Aspirational Districts: Unlocking Potentials’ । ଏହି ପୁସ୍ତକରେ ଅଭିଳଷିତ ଜିଲ୍ଲାଗୁଡିକରେ ବ୍ୟାପକ ପରିବର୍ତ୍ତନ ଆଣିବା ଲାଗି ଆବଶ୍ୟକ ନୂଆ ନୂଆ କାର୍ଯ୍ୟ କୌଶଳ ସଂପର୍କରେ ବ୍ୟାପକ ଭାବେ ଉଲ୍ଲେଖ କରାଯାଇଛି ।
PM will confer Awards for Excellence in Public Administration for effective implementation of identified Priority Programs & Innovation to districts/implementing units & other Central/State organisations at a programme in Delhi this evening. He will also address civil servants.
— PMO India (@PMOIndia) April 21, 2018
PM Awards for Excellence in Public Administration have been instituted with a view to acknowledge, recognize and reward the exemplary work for citizen’s welfare by Districts & Organisations of the Central and State Governments.
— PMO India (@PMOIndia) April 21, 2018
PM will release 2 books on this occasion. ‘New Pathways’ is a compilation of Success stories on implementation of identified Priority Programmes & Innovations while ‘Aspirational Districts: Unlocking Potentials’ is an account of strategies for transforming Aspirational Districts.
— PMO India (@PMOIndia) April 21, 2018
