ଚୀନର କ୍ୱିଙ୍ଗଡାଓ ଗସ୍ତ ପୂର୍ବରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନିମ୍ନଲିଖିତ ବିବୃତି ପ୍ରଦାନ କରିଛନ୍ତି ।
“ସାଙ୍ଘାଇ ସହଯୋଗ ସଂଗଠନ (ଏସସିଓ)ର ରାଷ୍ଟ୍ରମୂଖ୍ୟ ପରିଷଦର ବାର୍ଷିକ ବୈଠକରେ ଯୋଗଦେବା ପାଇଁ ମୁଁ ଚୀନର କ୍ୱିଙ୍ଗଡାଓ ଗସ୍ତ କରିବି ।
ପରିଷଦର ପୂର୍ଣ୍ଣ ସଦସ୍ୟ ଭାବେ ଆମର ପ୍ରଥମ ବୈଠକରେ ଭାରତୀୟ ପ୍ରତିନିଧି ଦଳର ନେତୃତ୍ୱ ଗ୍ରହଣ କରିବା ନେଇ ମୁଁ ଉତ୍ସାହିତ । ଏସସିଓରେ ସହଯୋଗକୁ ନେଇ ବିଭିନ୍ନ କାର୍ଯ୍ୟସୂଚୀ ରହିଛି । ଏଥିରେ ସାମିଲ ରହିଛି ସନ୍ତ୍ରାସବାଦ ବିରୋଧରେ ସଂଗ୍ରାମ, ସଂଯୋଗ, ବାଣିଜ୍ୟ, ପରମ୍ପରା, ଆଇନ, ସ୍ୱାସ୍ଥ୍ୟ ଏବଂ କୃଷି କ୍ଷେତ୍ରରେ ସହଯୋଗିତା ବୃଦ୍ଧି ଲାଗି ବିଚ୍ଛିନ୍ନତାବାଦ ଓ ଉଗ୍ରବାଦ, ପରିବେଶ ସୁରକ୍ଷା ଓ ବିପର୍ଯ୍ୟୟ ଦୂରୀକରଣ ଏବଂ ଜନସାଧାରଣଙ୍କ ମଧ୍ୟରେ ସମ୍ପର୍କ ବୃଦ୍ଧି । ଭାରତ ଏସସିଓର ପୂର୍ଣ୍ଣ ସଦସ୍ୟ ହେବାର ଗତ ଏକ ବର୍ଷ ମଧ୍ୟରେ ଏସବୁ କ୍ଷେତ୍ରରେ ଏହି ସଙ୍ଗଠନ ଏବଂ ଏହାର ସଦସ୍ୟ ରାଷ୍ଟ୍ରମାନଙ୍କ ସହ ଆମର ଆଲୋଚନା ବୃଦ୍ଧି ପାଇଛି । ମୁଁ ମନେକରୁଛି ଯେ କ୍ୱିଙ୍ଗଡାଓ ସମ୍ମିଳନୀ ଏସସିଓ କାର୍ଯ୍ୟସୂଚୀକୁ ଆହୁରି ବଳିଷ୍ଠ କରିବ ଏବଂ ଏସସିଓ ସହିତ ଭାରତର ପ୍ରତିଶୃତିବଦ୍ଧତାର ଏକ ନୂତନ ପ୍ରାରମ୍ଭ ହେବ ।
ଏସସିଓର ସଦସ୍ୟ ରାଷ୍ଟ୍ରମାନଙ୍କ ସହ ଭାରତର ଗଭୀର ବନ୍ଧୁତ୍ୱ ଏବଂ ବହୁବିଧ କ୍ଷେତ୍ରରେ ସମ୍ପର୍କ ରହିଛି । ଏସସିଓ ସମ୍ମିଳନୀର ପାର୍ଶ୍ଵବର୍ତ୍ତୀ କାର୍ଯ୍ୟକ୍ରମ ଭାବେ ମୋତେ ଏସସିଓ ସଦସ୍ୟ ରାଷ୍ଟ୍ରମୂଖ୍ୟଙ୍କ ସମେତ ଅନେକ ନେତୃବୃନ୍ଦଙ୍କ ସହ ମତ ଆଦାନ ପ୍ରଦାନ କରିବାର ଉତ୍ତମ ସୁଯୋଗ ମିଳିବ ।
On 9th and 10th June, I will be in Qingdao, China to take part in the annual SCO Summit. This will be India’s first SCO Summit as a full member. Will be interacting with leaders of SCO nations and discussing a wide range of subjects with them. https://t.co/7mwQLaHGkS
— Narendra Modi (@narendramodi) June 8, 2018
