ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଜାମ୍ପା ଡ଼ୋନୋର, ବୁଡ଼ା ବାଲଝିଏଭିଚ୍ ବାଦମାୟେଭଙ୍କୁ 100 ଖଣ୍ଡ ବିଶିଷ୍ଟ ଉର୍ଗା କାଞ୍ଜୁର ଉପହାର ପ୍ରଦାନ କରିଛନ୍ତି । ଶ୍ରୀ ବାଦମାୟେଭ ହେଉଛନ୍ତି ସେଣ୍ଟ୍ ପିଟର୍ସବର୍ଗ ସ୍ଥିତ ଦାତସାନ୍ ଗୁଞ୍ଜେଚୋଇନେଇ ବୌଦ୍ଧ ମନ୍ଦିରର ମୁଖ୍ୟ ପୂଜକ । ଏହି ତିବ୍ଦତୀୟ କାଞ୍ଜୁରର ଉର୍ଗା ସଂସ୍କରଣ 1955 ମସିହା ପର୍ଯ୍ୟନ୍ତ ଲୋକଲୋଚନକୁ ଆସିନଥିଲା ।
1955 ମସିହାରେ ପ୍ରଫେସର ରଘୁବୀର ଏହାର ସଂପୂର୍ଣ୍ଣ 104 ଖଣ୍ଡକୁ ଭାରତକୁ ଆଣିଥିଲେ । ଏହାର ଗୋଟିଏ ଖଣ୍ଡରେ କେବଳ ପୁସ୍ତକ ସୂଚୀ ରହିଛି । ଏହାର ବିଶେଷ ଐତିହାସିକ ଦୁର୍ଲଭତାକୁ ଅନୁଭବ କରି ମଙ୍ଗୋଲିଆ ପ୍ରଜାତନ୍ତ୍ରର ପ୍ରଧାନମନ୍ତ୍ରୀ ଏହି ପ୍ରାଚୀନ ଗ୍ରନ୍ଥ ପ୍ରଫେସର ରଘୁବୀରଙ୍କୁ ଉପହାର ସ୍ୱରୂପ ପ୍ରଦାନ କରିଥିଲେ ।
1908 ମସିହାରୁ 1920 ମସିହା ମଧ୍ୟରେ ଏହି କାଞ୍ଜୁରକୁ ସଂଶୋଧନ, ସଂପାଦନା ଏବଂ ଜାଇଲୋଜ୍ରାଫ କରାଯାଇଥିଲା । ମଙ୍ଗୋଲିଆର ଶେଷ ଜିକୁନଦାମ୍ପାଙ୍କ ସହାୟତାରେ ଏହି କାର୍ଯ୍ୟ କରାଯାଇଥିଲା । ଏହାକୁ ପରେ ଡ଼େର୍ଜେ ଓ ଦୁଇଟି ଚୀନ୍ ସଂସ୍କରଣ(ରିଗ୍ୟାପାର-ମାଗ ଉଇସ୍) ସହ ମିଶ୍ରଣ କରାଯାଇଥିଲା । ସାଲ-ପା କାଞ୍ଜୁର ଶୃଙ୍ଖଳା ଏଥିରେ ଅତୁଟ ରହିଛି ଯାହାକି ହାଫାନ-ଥାନ୍-ମା ପ୍ରାଚୀନ ସୂଚୀ ଉପରେ ଆଧାରିତ । ଏହାର ଆକାର ( 35 ସେଣ୍ଟିମିଟର ଲମ୍ବ ଏବଂ 25 ସେଣ୍ଟିମିଟର ପ୍ରସ୍ଥ) ଯାହାକି ଅନ୍ୟ ଜ୍ଞାତ ଜାଇଲୋଗ୍ରାଫ୍ ସଂସ୍କରଣମାନଙ୍କ ଠାରୁ କ୍ଷୁଦ୍ର ।
PM presents Urga Kanjur to Jampa Donor, Buda Balzheivich Badmayev, Head Priest, Datsan Gunzechoinei Buddhist Temple, St Petersburg. pic.twitter.com/TINSiWKCDH
— PMO India (@PMOIndia) June 2, 2017
