ନୀତି ଆୟୋଗଙ୍କ ପକ୍ଷରୁ ନୂଆଦିଲ୍ଲୀସ୍ଥିତ ପ୍ରବାସୀ ଭାରତୀୟ କେନ୍ଦ୍ରଠାରେ “ପରିବର୍ତ୍ତନର ଚାମ୍ପିୟନ- ଜି-2-ବି ଭାଗିଦାରୀତା ମାଧ୍ୟମରେ ଭାରତର ସଂସ୍କାରମୂଳକ ପରିବର୍ତ୍ତନ” ଶୀର୍ଷକ କାର୍ଯ୍ୟକ୍ରମ ଆୟୋଜିତ ହେଉଛି । ଗତ ସପ୍ତାହରେ ଏହି କାର୍ଯ୍ୟକ୍ରମର ଉଦଘାଟନୀ ଅଧିବେଶନରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଯୁବ ଉଦ୍ୟୋଗୀମାନଙ୍କ ସହ ମତ ବିନିମୟ କରିଥିବା ବେଳେ ଆଜି ଦ୍ୱିତୀୟ ବାର ଯୁବ ସିଇଓମାନଙ୍କ ସହ ଆଲୋଚନା କରିଛନ୍ତି ।
ଆଜିକାର ମତ ବିନିମୟ କାର୍ଯ୍ୟକ୍ରମ ବେଳେ ଯୁବ ସିଇଓମାନଙ୍କର ଛଅଟି ଗୋଷ୍ଠୀ ପ୍ରଧାନମନ୍ତ୍ରୀଙ୍କ ସମ୍ମୁଖରେ 6ଟି ମହତ୍ତ୍ୱପୂର୍ଣ୍ଣ ପ୍ରସଙ୍ଗ ଉପରେ ନିଜ ନିଜର ରିପୋର୍ଟ ଉପସ୍ଥାପନ କରିଥିଲେ । ଏହି ସର୍ନ୍ଦଭ ଗୁଡିକ ହେଲା – ମେକ ଇନ ଇଣ୍ଡିଆ, ଚାଷୀଙ୍କ ଆୟ ଦ୍ୱିଗୁଣ କରିବା, ବିଶ୍ୱ ସ୍ତରୀୟ ସଂରଚନା କ୍ଷେତ୍ର, ଆଗାମୀ କାଲିର ସହର, ଆର୍ଥିକ କ୍ଷେତ୍ରର ସଂସ୍କାର ଏବଂ 2022 ସୁଦ୍ଧା ନୂଆ ଭାରତ ଗଠନ ।
ସିଇଓ ମାନଙ୍କ ପକ୍ଷରୁ ରିପୋର୍ଟ ଉପସ୍ଥାପନା ବେଳେ ଦିଆଯାଇଥିବା ମତାମତ, କଳ୍ପନା ଏବଂ ସୃଜନାତ୍ମକ ଅଭିମତକୁ ପ୍ରଧାନମନ୍ତ୍ରୀ ବେଶ୍ ପସନ୍ଦ କରିଥିଲେ । ଶ୍ରୀ ମୋଦୀ କହିଥିଲେ ଯେ, ବିଭିନ୍ନ ଗୋଷ୍ଠୀ ଦ୍ୱାରା ଉପସ୍ଥାପିତ ହୋଇଥିବା ମୂଲ୍ୟବାନ ପରାମର୍ଶ, ପ୍ରସ୍ତାବ ଏବଂ ମାର୍ଗଚିତ୍ର ଦେଶର ବିକାଶ ପାଇଁ ଉପକାରସିଦ୍ଧ ହେବ ।
ପ୍ରଧାନମନ୍ତ୍ରୀ କହିଥିଲେ ଯେ, ସରକାରଙ୍କ ନୀତି ନିର୍ଦ୍ଧାରକ ଗୋଷ୍ଠୀମାନେ ଯୁବ ସିଇଓମାନଙ୍କ କଥା ଓ କଳ୍ପନାକୁ ହୃଦୟଙ୍ଗମ କରିଛନ୍ତି ଏବଂ ଆଗାମୀ ଦିନରେ ପ୍ରଶାସନିକ ନିଷ୍ପତ୍ତି ନେବା କ୍ଷେତ୍ରରେ ସେମାନଙ୍କ କଥା ଓ କଳ୍ପନା ସାମଗ୍ରୀକ ଭାବେ ସହାୟକ ହେବ ।
ପ୍ରଶାସନର ପ୍ରତିଟି ସ୍ତରରେ ଜନ ଭାଗୀଦାରୀତା ବେଶ୍ ଗୁରୁତ୍ୱପୂର୍ଣ୍ଣ ବୋଲି ପ୍ରଧାନମନ୍ତ୍ରୀ କହିଛନ୍ତି । ଅନୁରୂପ ଭାବେ ଯୁବ ସିଇଓମାନଙ୍କ ସହ ସରକାରଙ୍କ ଭାଗିଦାରୀତା ସର୍ବସାଧାରଣ ତଥା ରାଷ୍ଟ୍ର କଲ୍ୟାଣ ପାଇଁ ଅଭିପ୍ରେରିତ ।
ଭାରତର ମୁକ୍ତି ସଂଗ୍ରାମକୁ ସ୍ମରଣ କରି ପ୍ରଧାନମନ୍ତ୍ରୀ କହିଥିଲେ ଯେ, ମହାତ୍ମା ଗାନ୍ଧୀ ସବୁ ଭାରତୀୟଙ୍କୁ ନିଜ ନିଜର କାର୍ଯ୍ୟ ବ୍ୟତିରେକେ ସ୍ୱାଧୀନତା ସଂଗ୍ରାମର ଜଣେ ଜଣେ ଯୋଦ୍ଧା ରୂପେ ଗଢିଥିଲେ । ଏଥିଯୋଗୁଁ ସେତେବେଳେ ଭାରତର ମୁକ୍ତି ସଂଗ୍ରାମ ଏକ ବିଶାଳ ଜନ ଆନ୍ଦୋଳନରେ ପରିଣତ ହୋଇଥିଲା ।
ପ୍ରଧାନମନ୍ତ୍ରୀ କହିଥିଲେ ଯେ, ଆଜିର ସମୟରେ ବିକାଶକୁ ଜନ ଆନ୍ଦୋଳନରେ ପରିଣତ କରାଯାଇପାରିବ । ଏବେ ଏଥିଲାଗି ଲୋକଙ୍କ ମନରେ ଉତ୍ସାହ ଓ ଉଦ୍ଦୀପନା ସୃଷ୍ଟି କରିବାକୁ ପଡିବ । 2022 ସୁଦ୍ଧା ନୂଆ ଭାରତ ଗଠନ କରିବା ପାଇଁ ହେଲେ ପ୍ରତ୍ୟେକ ଭାରତୀୟ ନିଜ ନିଜର ଲକ୍ଷ୍ୟ ସ୍ଥିର କରିବାକୁ ପଡିବ । ପ୍ରଧାନମନ୍ତ୍ରୀ କହିଥିଲେ ଯେ, ଯୁବ ସିଇଓମାନେ ସରକାରଙ୍କ ଟିମ୍ ର ଅଂଶ ବିଶେଷ । ତେଣୁ ସମସ୍ତଙ୍କୁ ଦେଶର ପ୍ରଗତି ପାଇଁ ତଥା ଭାରତକୁ ଆଗେଇନେବା ପାଇଁ ହେଲେ ମିଳିମିଶି କାର୍ଯ୍ୟ କରିବାକୁ ପଡିବ ।
କୃଷି କ୍ଷେତ୍ରରେ ମୂଲ୍ୟ ସମ୍ବର୍ଦ୍ଧନର ଉଦାହରଣ ଦେଇ ପ୍ରଧାନମନ୍ତ୍ରୀ କହିଥିଲେ ଯେ, କୃଷି ଆୟକୁ ଦୁଇଗୁଣ କରିବା ପାଇଁ ହେଲେ ଆମକୁ ବହୁମୁଖୀ ଆଭିମୁଖ୍ୟ ଗ୍ରହଣ କରିବାକୁ ପଡିବ । ଏହା ହିଁ ଇପସିତ ଲକ୍ଷ୍ୟ ହାସଲ ଦିଗରେ ବାଟ କଢାଇବ । ଆଜିକାର ଯୁଗରେ ଖାଦ୍ୟ ପ୍ରକ୍ରୀୟାକରଣ ଶିଳ୍ପର ଗୁରୁତ୍ୱ ସଂପର୍କରେ ବର୍ଣ୍ଣନା କରି ପ୍ରଧାନମନ୍ତ୍ରୀ କହିଥିଲେ ଯେ, ଆବଶ୍ୟକ ଭିତ୍ତି ତଥା ମୂଳାଧାର କ୍ଷେତ୍ରର ଅଭାବ ହେତୁ କୃଷି କ୍ଷେତ୍ରରୁ ଆସୁଥିବା ଅନେକ ଉତ୍ପାଦ ନଷ୍ଟ ହୋଇଯାଉଛି । ଏହା ଦେଶପାଇଁ ବିପୁଳ କ୍ଷତି ବୋଲି ସେ କହିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ, କେନ୍ଦ୍ର ସରକାର ଏଭଳି ଅନେକ ଗୁଡିଏ ପଦକ୍ଷେପ ନେଇଛନ୍ତି ଯାହାକି ସଂସ୍କାର ମୂଳକ ପରିବର୍ତ୍ତନ ଆଣିପାରିଛି । ଚାଷୀଙ୍କ ପାଇଁ ଅଧିକ ୟୁରିଆ ଉତ୍ପାଦନ ଓ ଉପଲବ୍ଧି, ଗ୍ୟାସ ମୂଲ୍ୟରେ ସଂସ୍କାର ଏବଂ ଅଧିକ ଉତ୍ପାଦନ ପାଇଁ ଅଧିକ ମୂଲ୍ୟ ପ୍ରଦାନ ଆଦି ପଦକ୍ଷେପ କେନ୍ଦ୍ର ସରକାରଙ୍କ ସଂସ୍କାରମୂଳକ ପଦକ୍ଷେପର ଗୋଟିଏ ଗୋଟିଏ ଉଦାହରଣ ବୋଲି ପ୍ରଧାନମନ୍ତ୍ରୀ କହିଥିଲେ । ଏବେ ଦେଶରେ 20 ଲକ୍ଷ ଟନ ଅତିରିକ୍ତ ୟୁରିଆ ଉତ୍ପାଦିତ ହେଉଛି । କେବଳ ସେତିକି ନୁହେଁ ୟୁରିଆର ଚୋରା କାରବାର ଓ କଳାବଜାରକୁ ସଂପୂର୍ଣ୍ଣ ରୂପେ ବନ୍ଦ କରାଯାଇପାରିଛି । ନିମ ପ୍ରଲେପ ଦ୍ୱାରା ୟୁରିଆ ବାଟ ମାରଣାକୁ ସଂପୂର୍ଣ୍ଣ ରୂପେ ବନ୍ଦ କରାଯାଇପାରିଛି ବୋଲି ପ୍ରଧାନମନ୍ତ୍ରୀ କହିଥିଲେ ।
ଡିଜିଟାଲ ଇଣ୍ଡିଆ ଅଭିଯାନର ଅଂଶ ସ୍ୱରୁପ ଭାରତକୁ କମ୍ ନଗଦ ବ୍ୟବହାରକାରୀ ସମାଜ ରୂପେ ଗଢି ତୋଳିବା ପାଇଁ ପ୍ରୟାସ ଜାରି ରହିଛି । ଏହି ଦିଗରେ ସରକାରଙ୍କ ସହ ମିଳିମିଶି କାର୍ଯ୍ୟ କରିବାକୁ ସେ ସିଇଓମାନଙ୍କୁ ଆହ୍ୱାନ ଦେଇଥିଲେ ।
ସେହିଭଳି ପାର୍ବଣ ଋତୁରେ ଖଦୀ ସାମଗ୍ରୀ ଓ ବସ୍ତ୍ରକୁ ଉପହାର ରୂପେ ବ୍ୟବହାର କରିବା ଲାଗି ପ୍ରଧାନମନ୍ତ୍ରୀ ଆହ୍ଵାନ ଦେଇଛନ୍ତି । ଏହାଦ୍ୱାରା ଗରିବ ବୁଣାକାରମାନେ ଉପକୃତ ହେବେ ଏବଂ ଖଦୀ ବସ୍ତ୍ରର ବିକ୍ରୀବଟା ବୃଦ୍ଧି ପାଇବ । ପ୍ରତ୍ୟେକ ସ୍ତରରେ ଗରିବ ଲୋକଙ୍କୁ ସହାୟତା କରିବା ଲାଗି ଏକ ପରିବେଶ ସୃଷ୍ଟି ଉପରେ ପ୍ରଧାନମନ୍ତ୍ରୀ ଗୁରୁତ୍ୱ ଦେଇଥିଲେ ।
ଆଲୋଚନା କାଳରେ ପ୍ରଧାନମନ୍ତ୍ରୀ ସରକାରୀ ଇ-ବଜାର ସ୍ଥଳୀ (ଜିଇଏମ) ସଂପର୍କରେ ଉଲ୍ଲେଖ କରିଥିଲେ । ସେ କହିଥିଲେ ଯେ ଛୋଟ ଓ ମଧ୍ୟମ ଧରଣର ଉଦ୍ୟୋଗୀ ଓ ବ୍ୟବସାୟୀ ଜିଇଏମ ମାଧ୍ୟମରେ ନିଜ ନିଜର ସାମଗ୍ରୀ ସରକାରଙ୍କୁ ବିକ୍ରୀ କରିବା ପାଇଁ ସଫଳତା ପୂର୍ବକ ପ୍ରତିଦ୍ୱନ୍ଦିତା କରୁଛନ୍ତି । ବର୍ତ୍ତମାନ ସୁଦ୍ଧା ସରକାରୀ ଇ-ବଜାର ସ୍ଥଳୀରେ 28 ହଜାର ଯୋଗାଣକାରୀ ନିଜର କାରବାର କରିବା ସହ 1 ହଜାର କୋଟି ଟଙ୍କାର ବ୍ୟବସାୟ ହୋଇଛି ।
ପ୍ରଧାନମନ୍ତ୍ରୀ କହିଥିଲେ ଯେ, ଭାରତୀୟମାନେ ନିଜ ଦେଶ ପାଇଁ ଗର୍ବ ଅନୁଭବ କରିବା ଉଚିତ୍ । ଦେଶ ଭିତରେ ପର୍ଯ୍ୟଟନ ସ୍ଥଳୀଗୁଡିକୁ ବିକଶିତ କରିବା ଲାଗି ମନେଭାବ ରହିବା ଆବଶ୍ୟକ । ନିଜ ନିଜର ଚିହ୍ନା-ଜଣା ଲୋକମାନଙ୍କୁ ପର୍ଯ୍ୟଟନସ୍ଥଳୀ ଗୁଡିକ ସଂପର୍କରେ ଅବଗତ କରାଇବାକୁ ପଡିବ ।
ବର୍ଜ୍ୟରୁ ସଂପଦର ଉଦାହରଣ ଦେଇ ପ୍ରଧାନମନ୍ତ୍ରୀ କହିଥିଲେ ଯେ, ଦେଶରେ ସ୍ୱଚ୍ଛ ଓ ନିର୍ମଳ ପରିବେଶ ସୃଷ୍ଟି ଲାଗି ବର୍ଜ୍ୟ ବସ୍ତୁର ଉତ୍ତମ ପରିଚାଳନା ନିହାତି ଆବଶ୍ୟକ । ଉଦ୍ୟୋଗୀମାନେ ବିଭିନ୍ନ ବର୍ଜ୍ୟରୁ ନୂଆ ନୂଆ ସାମଗ୍ରୀ କିପରି ଉତ୍ପାଦନ ହୋଇପାରିବ ସେ ଦିଗରେ ମନଯୋଗ କରିବାକ ପଡିବ । ଏହାଦ୍ୱାରା ଅନେକ ଆବର୍ଜନାଜନିତ ସମସ୍ୟାର ସମାଧାନ ହୋଇପାରିବ ।
ଏହି ମତ ବିନିମୟ କାଳରେ ଅନେକ କେନ୍ଦ୍ର ମନ୍ତ୍ରୀ ଓ ବରିଷ୍ଠ ପଦାଧିକାରୀମାନେ ପ୍ରଧାନମନ୍ତ୍ରୀଙ୍କ ସହିତ ଉପସ୍ଥିତ ଥିଲେ ।
In Government, the welfare of the people and the happiness of citizens is supreme: PM @narendramodi
— PMO India (@PMOIndia) August 22, 2017
We are always thinking about where the nation will reach through our work: PM @narendramodi
— PMO India (@PMOIndia) August 22, 2017
Every citizen must have a feeling that this country is mine & I have to work for the country, I want to add something towards its growth: PM
— PMO India (@PMOIndia) August 22, 2017
Every person wanted India to be free but Gandhi ji did something unique- he made every person feel he or she is working for the nation: PM
— PMO India (@PMOIndia) August 22, 2017
Mahatma Gandhi turned the freedom struggle into a mass movement and we saw the results: PM @narendramodi
— PMO India (@PMOIndia) August 22, 2017
In the same spirit as what Mahatma Gandhi did for the freedom struggle, we need to make India's development a mass movement: PM
— PMO India (@PMOIndia) August 22, 2017
When we work together, we can solve several problems the country faces: PM @narendramodi
— PMO India (@PMOIndia) August 22, 2017
As industry leaders, think about what more you can do for the poorest of the poor: PM @narendramodi
— PMO India (@PMOIndia) August 22, 2017
There is no question of compromising on the quality of your product: PM @narendramodi to industry leaders
— PMO India (@PMOIndia) August 22, 2017
