ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଆସାମ ଠାରେ ଇଣ୍ଡିଆନ ଅଏଲର ବୋଙ୍ଗାଇଗାଓଁ ବିଶୋଧନାଗାର, ଦିବ୍ରୁଗଡ଼ର ମଧୁବନ ଠାରେ ଅଏଲ ଇଣ୍ଡିଆ ଲିମିଟେଡର ସେକେଣ୍ଡାରୀ ଟ୍ୟାଙ୍କ ଫାର୍ମ ଏବଂ ତିନସୁକିଆର ମାକୁମ ଅନ୍ତର୍ଗତ ହେବେଡା ଗ୍ରାମରେ ଗ୍ୟାସ କମ୍ପ୍ରେସର ଷ୍ଟେସନକୁ ରିମୋଟ୍ ଜରିଆରେ ଉଦଘାଟନ କରିଛନ୍ତି। ସେ ମଧ୍ୟ ଆସାମରେ ଧେମାଜୀ ଇଞ୍ଜିନିୟରିଂ କଲେଜର ଉଦଘାଟନ କରିବା ସହିତ ସୁଆଲକୁଚି ଇଞ୍ଜିନିୟରିଂ କଲେଜ ପାଇଁ ଶିଳାନ୍ୟାସ କରିଥିଲେ।
ଆସାମ ରାଜ୍ୟପାଳ ପ୍ରଫେସର ଜଗଦୀଶ ମୁଖୀ, ମୁଖ୍ୟମନ୍ତ୍ରୀ ଶ୍ରୀ ସର୍ବାନନ୍ଦ ସୋନୋୱାଲ, କେନ୍ଦ୍ର ପେଟ୍ରୋଲିୟମ ଏବଂ ପ୍ରାକୃତିକ ବାଷ୍ପ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଖାଦ୍ୟ ପ୍ରକ୍ରିୟାକରଣ ଉଦ୍ୟୋଗ ରାଷ୍ଟ୍ରମନ୍ତ୍ରୀ ଶ୍ରୀ ରାମେଶ୍ବର ତେଲି ଏହି ଅବସରରେ ଉପସ୍ଥିତ ଥିଲେ ।
ଏହି ଅବସରରେ ଏକ ଜନସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ ଉତ୍ତର ପୂର୍ବାଞ୍ଚଳ ଭାରତର ନୂତନ ଅଭିବୃଦ୍ଧି ଇଞ୍ଜିନ ପାଲଟିବ ଏବଂ ସେ ଆସାମର ଲୋକମାନଙ୍କର କାମ କରିବା ପାଇଁ ଅନୁପ୍ରାଣିତ। ବ୍ରହ୍ମପୁତ୍ର ନଦୀର ଉତ୍ତର ତଟ କିପରି ଭାବେ ଆଠ ଦଶନ୍ଧି ପୂର୍ବରୁ ଅହମିୟା ସିନେମାକୁ ଜନ୍ମ ଦେଇଥିଲା ଏବଂ ଜୟମୋତି ଚଳଚ୍ଚିତ୍ର ନିର୍ମାଣ ହୋଇଥିଲା ସେ ସମ୍ପର୍କରେ ପ୍ରଧାନମନ୍ତ୍ରୀ ସ୍ମରଣ କରିଥିଲେ। ସେ ଆହୁରି କହିଥିଲେ ଯେ ଏହି ଅଞ୍ଚଳ ଏପରି ଅନେକ ବ୍ୟକ୍ତିତ୍ବଙ୍କୁ ଜନ୍ମ ଦେଇଛି ଯେଉଁମାନେ ଆସାମର ସଂସ୍କୃତିକୁ ସମୃଦ୍ଧ କରିଛନ୍ତି । ସେ କହିଥିଲେ ଯେ ଆସାମର ସନ୍ତୁଳିତ ବିକାଶ ଲାଗି କେନ୍ଦ୍ର ଓ ରାଜ୍ୟ ସରକାର ମିଳିତ ଭାବେ କାର୍ଯ୍ୟ କରୁଛନ୍ତି ଏବଂ ରାଜ୍ୟରେ ଭିତ୍ତିଭୂମି ନିର୍ମାଣ ଉପରେ ବିଶେଷ ଜୋର୍ ଦିଆଯାଉଛି ।
ବିରୋଧୀମାନଙ୍କୁ ସମାଲୋଚନା କରି ପ୍ରଧାନମନ୍ତ୍ରୀ କହିଥିଲେ ଯେ ଉତ୍ତର ତଟରେ ଅନେକ ସମ୍ଭାବନା ଥିବା ସତ୍ତ୍ବେ ପୂର୍ବର ସରକାର ଏହି ଅଞ୍ଚଳ ପ୍ରତି ବୈମାତୃକ ମନୋଭାବ ପୋଷଣ କରି ଆସୁଥିଲେ। ଏ ଅଞ୍ଚଳ ପାଇଁ ଯୋଗାଯୋଗ, ଡାକ୍ତରଖାନା, ଶିକ୍ଷାନୁଷ୍ଠାନ, ଶିଳ୍ପ ପ୍ରତିଷ୍ଠାର ଆବଶ୍ୟକତା ପ୍ରତି ପ୍ରାଥମିକତା ଦିଆଯାଇନଥିଲା। ସେ ଆହୁରି କହିଥିଲେ ଯେ ‘ସବକା ସାଥ୍, ସବକା ବିକାଶ ଓ ସବକା ବିଶ୍ୱାସ’ ମନ୍ତ୍ର ନେଇ କାମ କରୁଥିବା ସରକାର ଏହି ବାଛବିଚାରକୁ ଦୂର କରିପାରିଛନ୍ତି । ସରକାରଙ୍କ ଦ୍ୱାରା ଆସାମରେ ଉଦଘାଟିତ ହୋଇଥିବା ବିଭିନ୍ନ ଭିତ୍ତିଭୂମି ପ୍ରକଳ୍ପ ସମ୍ପର୍କରେ ସେ ସୂଚନା ଦେଇଥିଲେ ।
ସେ କହିଥିଲେ ଯେ ଆଜି, ଏହି ଅଞ୍ଚଳ ପାଇଁ ଶକ୍ତି ଏବଂ ଶିକ୍ଷା ଭିତ୍ତିଭୂମି କ୍ଷେତ୍ରରେ 3000 କୋଟି ଟଙ୍କାରୁ ଅଧିକ ମୂଲ୍ୟର ପ୍ରକଳ୍ପ ଉଦଘାଟନ କରାଯାଇଛି । ସେ କହିଥିଲେ ଏହି ପ୍ରକଳ୍ପଗୁଡ଼ିକ ଏହି ଅଞ୍ଚଳର ପରିଚୟକୁ ବଦଳାଇ ଦେବ ଏବଂ ଶକ୍ତି ଓ ଶିକ୍ଷାର କେନ୍ଦ୍ର ପାଲଟିବ । ଏଗୁଡ଼ିକ ଆସାମକୁ ନୂଆ ପରିଚୟ ପ୍ରଦାନ କରିବ ।
ପ୍ରଧାନମନ୍ତ୍ରୀ ଗୁରୁତ୍ୱାରୋପ କରି କହିଥିଲେ ଯେ ଭାରତକୁ ଆତ୍ମନିର୍ଭରଶୀଳ ହେବାକୁ ହେଲେ ନିଜର ସାମର୍ଥ୍ୟ ଓ କ୍ଷମତାକୁ ନିରନ୍ତର ଭାବେ ବଢ଼ାଇବାକୁ ହେବ । ଗତ କିଛି ବର୍ଷ ହେବ ଭାରତର ବିଶୋଧନ କ୍ଷମତା, ବିଶେଷ କରି ବୋଙ୍ଗାଇଗାଓଁ ବିଶୋଧନାଗାର ଠାରେ, ବହୁମାତ୍ରାରେ ବୃଦ୍ଧି ପାଇଛି ।
ସେ ଆହୁରି ଉଲ୍ଲେଖ କରିଥିଲେ ଯେ ଆଜି ଉଦଘାଟିତ ହୋଇଥିବା ଗ୍ୟାସ ୟୁନିଟ୍ ଏଲପିଜି ଉତ୍ପାଦନର କ୍ଷମତା ବୃଦ୍ଧି କରିବ ଏବଂ ଆସାମ ଓ ଉତ୍ତରପୂର୍ବାଞ୍ଚଳର ଲୋକମାନଙ୍କୁ ଜୀବନକୁ ସହଜ କରିବ । ଏହା ମଧ୍ୟ ଏହି ଅଞ୍ଚଳର ଯୁବକମାନଙ୍କର ନିଯୁକ୍ତି ସୁଯୋଗରେ ବୃଦ୍ଧି ଘଟାଇବ ।
ସେ କହିଥିଲେ ଯେ ସରକାର ଉଜ୍ଜ୍ବଳା ଯୋଜନା କାର୍ଯ୍ୟକାରୀ କରିବା ଦ୍ୱାରା ଗରିବ ମା’ ଓ ଭଉଣୀମାନଙ୍କୁ ରୋଷେଇ ଘରେ ପାରମ୍ପରିକ କାଠଜାଳେଣିରୁ ହେଉଥିବା ଧୂଆଁ ଜନିତ ପ୍ରଦୂଷଣରୁ ମୁକ୍ତି ଦେଇଛନ୍ତି । ସେ କହିଥିଲେ ଯେ ଆଜି ଆସାମରେ ଗ୍ୟାସ ସଂଯୋଗ ପାଖାପାଖି ଶତପ୍ରତିଶତରେ ପହଞ୍ଚିଛି । ସେ ଉଲ୍ଲେଖ କରିଥିଲେ ଯେ 1 କୋଟି ଭଉଣୀମାନଙ୍କୁ ଉଜ୍ଜ୍ବଳା ଯୋଜନାରେ ମାଗଣା ଏଲପିଜି ସଂଯୋଗ ଦେବା ଲାଗି ଚଳିତ ବର୍ଷର ବଜେଟ୍ରେ ବ୍ୟବସ୍ଥା କରାଯାଇଛି ।
ପ୍ରଧାନମନ୍ତ୍ରୀ କହିଥିଲେ ଯେ ଗ୍ୟାସ ସଂଯୋଗ, ବିଦ୍ୟୁତ ସଂଯୋଗ ଏବଂ ସାର ଅଭାବ କାରଣରୁ ଗରିବ ଲୋକମାନେ ବିଶେଷ ଭାବେ ସମସ୍ୟାର ସମ୍ମୁଖୀନ ହୋଇଥାନ୍ତି । ସେ କହିଥିଲେ ଯେ ସ୍ୱାଧୀନତାର ସାତ ଦଶନ୍ଧି ପରେ ମଧ୍ୟ ଦେଶର 18,000 ଗ୍ରାମକୁ ବିଦ୍ୟୁତ ସଂଯୋଗ ନଥିଲା, ଏଗୁଡ଼ିକ ମଧ୍ୟରୁ ଅଧିକାଂଶ ଆସାମ ଏବଂ ଉତ୍ତରପୂର୍ବାଞ୍ଚଳରେ ରହିଛି । ସରକାର ଏବେ ଏହି ତ୍ରୁଟିକୁ ସୁଧାରିବା ଲାଗି ଚେଷ୍ଟା ଓ ସେ ଦିଗରେ କାର୍ଯ୍ୟ କରୁଛନ୍ତି ।
ସେ କହିଥିଲେ ଯେ ଏହି ଅଞ୍ଚଳରେ ଥିବା ବିଭିନ୍ନ ସାର ଉଦ୍ୟୋଗ ଗ୍ୟାସର ଅଭାବ କାରଣରୁ ବନ୍ଦ ହୋଇଯାଇଥିଲା କିମ୍ବା ରୁଗ୍ଣ ସ୍ଥିତିରେ ଥିଲା । ଯାହାର ପ୍ରତିକୂଳ ପ୍ରଭାବ ଗରିବ, ବଞ୍ଚିତ ଏବଂ ମଧ୍ୟମବର୍ଗଙ୍କ ଉପରେ ପଡ଼ିଥିଲା ।
ଶ୍ରୀ ମୋଦୀ କହିଥିଲେ ଯେ ପ୍ରଧାନମନ୍ତ୍ରୀ ଉର୍ଜା ଗଙ୍ଗା ଯୋଜନା ଅନ୍ତର୍ଗତ ପୂର୍ବ ଭାରତକୁ ବିଶ୍ବର ସର୍ବବୃହତ ଗ୍ୟାସ ପାଇପଲାଇନ ନେଟୱର୍କ ମଧ୍ୟରୁ ଗୋଟିଏ ସହିତ ଯୋଡ଼ାଯାଉଛି ।
ପ୍ରଧାନମନ୍ତ୍ରୀ କହିଥିଲେ ଯେ ଆତ୍ମନିର୍ଭର ଭାରତ ଅଭିଯାନକୁ ଆଗେଇ ନେବା କ୍ଷେତ୍ରରେ ଆମର ବୈଜ୍ଞାନିକ, ଇଞ୍ଜିନିୟର ଏବଂ ବୈଷୟିକ ପେସାଦାରମାନଙ୍କର ଏକ ସୁଦୃଢ଼ ପ୍ରତିଭା ଭଣ୍ଡାର ବିଶେଷ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିବ । ଅତୀତରେ ଆମେ ଦେଶରେ ଏପରି ଏକ ପରିବେଶ ସୃଷ୍ଟି କରିଥିଲୁ ଯେଉଁଠି ଦେଶର ଯୁବକମାନେ ଷ୍ଟାର୍ଟଅପଗୁଡ଼ିକ ମାଧ୍ୟମରେ ସମସ୍ୟା ସମାଧାନ କରିପାରିବେ । ଆଜି ସାରା ବିଶ୍ବ ଭାରତର ଇଞ୍ଜିନିୟରମାନଙ୍କୁ ମାନ୍ୟତା ଦେଉଛି । ଆସାମର ଯୁବପିଢ଼ିଙ୍କ ମଧ୍ୟରେ ଅଦ୍ଭୂତ ସମ୍ଭାବନା ରହିଛି । ଏହି କ୍ଷମତାକୁ ବଢ଼ାଇବା ଲାଗି ରାଜ୍ୟ ସରକାର କଠିନ ପରିଶ୍ରମ କରୁଛନ୍ତି । ଆସାମ ସରକାରଙ୍କ ପ୍ରୟାସ କାରଣରୁ ଆଜି ରାଜ୍ୟରେ କୋଡ଼ିଏରୁ ଅଧିକ ଇଞ୍ଜିନିୟରିଂ କଲେଜ ରହିଛି । ଆଜି, ଧେମାଜି ଇଞ୍ଜିନିୟରିଂ କଲେଜ ଉଦଘାଟନ ହେବା ଏବଂ ସୁଆଲକୁଚି ଇଞ୍ଜିନିୟରିଂ କଲେଜର ଶିଳାନ୍ୟାସ ହେବା ଫଳରେ ଏହି କ୍ଷମତା ଆହୁରି ବୃଦ୍ଧି ପାଇଛି । ଆହୁରି ତିନୋଟି ଇଞ୍ଜିନିୟରିଂ କଲେଜ ନିର୍ମାଣ ପାଇଁ ଏବେ କାମ ଜାରି ରହିଛି ବୋଲି ସେ ଘୋଷଣା କରିଥିଲେ । ଆସାମ ସରକାର ଯଥାଶୀଘ୍ର ନୂତନ ଶିକ୍ଷା ନୀତି କାର୍ଯ୍ୟକାରୀ କରିବା ଲାଗି ଚେଷ୍ଟା କରୁଛନ୍ତି । ଏହା ଆସାମ ଲୋକମାନଙ୍କୁ ଲାଭାନ୍ୱିତ କରିବ, ବିଶେଷ କରି ଚା’ବଗିଚା ଶ୍ରମିକ, ଅନୁସୂଚୀତ ଜନଜାତିର ଲୋକମାନେ ଏହାଦ୍ୱାରା ଉପକୃତ ହୋଇପାରିବେ କାରଣ ଏଥିରେ ସ୍ଥାନୀୟ ଭାଷାରେ ଶିକ୍ଷା ଦିଆଯିବ ।
ପ୍ରଧାନମନ୍ତ୍ରୀ କହିଥିଲେ ଯେ ଆସାମ ଚା’, ହସ୍ତତନ୍ତ ଏବଂ ପର୍ଯ୍ୟଟନ ପାଇଁ ସାରା ବିଶ୍ବରେ ପରିଚିତ। ଆତ୍ମନିର୍ଭରଶୀଳତା ଆସାମର ଲୋକମାନଙ୍କର କ୍ଷମତା ଓ ସାମର୍ଥ୍ୟ ବୃଦ୍ଧି କରିବ । ଚା’ ଉତ୍ପାଦନ ଆତ୍ମନିର୍ଭରଶୀଳ ଆସାମର ସଂକଳ୍ପକୁ ସୁଦୃଢ଼ କରିବ। ଏଭଳି ପରିସ୍ଥିତିରେ, ଯଦି ଯୁବକମାନେ ସ୍କୁଲ ଓ କଲେଜରେ ଏସବୁ ଦକ୍ଷତା ଶିକ୍ଷାଲାଭ କରନ୍ତି ତା’ହେଲେ ସେମାନେ ଏହାଦ୍ୱାରା ଅଧିକ ଲାଭବାନ ହୋଇପାରିବେ । ସେ ଉଲ୍ଲେଖ କରିଥିଲେ ଯେ ଆଦିବାସୀ ଅଧ୍ୟୁଷିତ ଅଞ୍ଚଳରେ 100 ଏକଲବ୍ୟ ଆଦର୍ଶ ବିଦ୍ୟାଳୟ ଖୋଲିବା ଲାଗି ଚଳିତ ବର୍ଷ ବଜେଟ୍ରେ ଘୋଷଣା କରାଯାଇଛି । ଏହାଦ୍ୱାରା ଆସାମ ମଧ୍ୟ ଲାଭବାନ ହୋଇପାରିବ ।
ପ୍ରଧାନମନ୍ତ୍ରୀ କହିଥିଲେ ଯେ ଆସାମର ଚାଷୀମାନଙ୍କର ସମ୍ଭାବନା ଓ ଆୟ ବୃଦ୍ଧି ଲାଗି ରାଜ୍ୟ ଓ କେନ୍ଦ୍ର ସରକାର ମିଳିତ ଭାବେ କାମ କରୁଛନ୍ତି । ମତ୍ସ୍ୟଚାଷ କ୍ଷେତ୍ରରେ ନିୟୋଜିତ ଚାଷୀମାନଙ୍କ ପାଇଁ 20ହଜାର କୋଟି ଟଙ୍କାର ବୃହତ ଯୋଜନା ଘୋଷଣା କରିଛନ୍ତି ଏହା ମଧ୍ୟ ଆସାମର ଲୋକମାନଙ୍କୁ ଲାଭାନ୍ୱିତ କରିବ । ସେ ଉଲ୍ଲେଖ କରିଥିଲେ ଯେ ଆସାମର ଚାଷୀମାନଙ୍କର ଉତ୍ପାଦ ଅନ୍ତର୍ଜାତୀୟ ବଜାରରେ ପହଞ୍ଚାଇବା ଲାଗି ସରକାର ଉଦ୍ୟମ କରୁଛନ୍ତି । ସେ କହିଥିଲେ ଯେ ଉତ୍ତର ତଟର ଚା’ ବଗିଚା ଆସାମର ଅର୍ଥବ୍ୟବସ୍ଥାରେ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିବ ।
କ୍ଷୁଦ୍ର ଚା’ ଚାଷୀଙ୍କୁ ଜମି ଲିଜ୍ ଦେବା ଲାଗି ଅଭିଯାନ ଆରମ୍ଭ କରିଥିବାରୁ ସେ ଆସାମ ସରକାରଙ୍କୁ ପ୍ରଶଂସା କରିଥିଲେ । ସେ କହିଥିଲେ ଯେ, ଆସାମର ଲୋକମାନେ ବିକାଶ ଓ ପ୍ରଗତିର ଡବଲ ଇଞ୍ଜିନକୁ ସୁଦୃଢ଼ କରିବାର ଆବଶ୍ୟକତା ରହିଛି ।
ब्रह्मपुत्र के इसी नॉर्थ बैंक से, आठ दशक पहले असमिया सिनेमा ने अपनी यात्रा, जॉयमती फिल्म के साथ शुरू की थी।
— PMO India (@PMOIndia) February 22, 2021
इस क्षेत्र ने असम की संस्कृति का गौरव बढ़ाने वाले अनेक व्यक्तित्व दिए हैं: PM @narendramodi #UnnataAxom
सबका साथ-सबका विकास और सबका विश्वास के मंत्र पर काम कर रही हमारी सरकार ने इस भेदभाव को दूर किया है: PM @narendramodi #UnnataAxom
— PMO India (@PMOIndia) February 22, 2021
नॉर्थ बैंक में भरपूर सामर्थ्य होने के बावजूद पहले की सरकारों ने इस क्षेत्र के साथ सौतेला व्यवहार किया।
— PMO India (@PMOIndia) February 22, 2021
यहां की कनेक्टिविटी हो, अस्पताल हों, शिक्षा के संस्थान हों, उद्योग हों, पहले की सरकारो की प्राथमिकता में नहीं रहे: PM @narendramodi #UnnataAxom
आत्मनिर्भर बनते भारत के लिए लगातार अपने सामर्थ्य, अपनी क्षमताओं में भी वृद्धि करना आवश्यक है।
— PMO India (@PMOIndia) February 22, 2021
बीते वर्षों में हमने भारत में ही, रिफाइनिंग और इमरजेंसी के लिए ऑयल स्टोरेज कैपेसिटी को काफी ज्यादा बढ़ाया है।
बोंगइगांव रिफाइनरी में भी रिफाइनिंग कैपेसिटी बढ़ाई गई है: PM #UnnataAxom
गरीब बहनों-बेटियों का रसोई के धुएं और बीमारियों के जाल में रहना, उनके जीवन की बहुत बड़ी मजबूरी थी।
— PMO India (@PMOIndia) February 22, 2021
हमने उज्जवला योजना के माध्यम से इस स्थिति को बदल दिया है।
असम में आज गैस कनेक्शन का दायरा तकरीबन शत-प्रतिशत हो रहा है: PM @narendramodi #UnnataAxom
नीति सही हो, नीयत साफ हो तो नियति भी बदलती है।
— PMO India (@PMOIndia) February 22, 2021
आज देश में जो गैस पाइपलाइन का नेटवर्क तैयार हो रहा है, देश के हर गांव तक ऑप्टिकल फाइबर बिछाया जा रहा है, हर घर जल पहुंचाने के लिए पाइप लगाया जा रहा है, वो भारत मां की नई भाग्य रेखाएं हैं: PM @narendramodi #UnnataAxom
आज पूरी दुनिया भारत के इंजीनियर्स का लोहा मान रही है।
— PMO India (@PMOIndia) February 22, 2021
असम के युवाओं में तो अद्भुत क्षमता है।
इस क्षमता को बढ़ाने के लिए राज्य सरकार जी जान से जुटी है।
असम सरकार के प्रयासों के कारण ही आज यहां 20 से ज्यादा इंजीनियरिंग कॉलेज हो चुके हैं: PM #UnnataAxom
ब्रह्मपुत्र के आशीर्वाद से, इस क्षेत्र की जमीन बहुत ही उपजाऊ रही है।
— PMO India (@PMOIndia) February 22, 2021
यहां के किसान अपने सामर्थ्य को बढ़ा सकें, उन्हें खेती की आधुनिक सुविधाएं मिल सकें, उनकी आय बढ़े, इसके लिए राज्य और केंद्र सरकार मिलकर काम कर रही हैं: PM @narendramodi #UnnataAxom
असम की अर्थव्यवस्था में नॉर्थ बैंक के टी-गार्डन्स की भी बहुत बड़ी भूमिका है।
— PMO India (@PMOIndia) February 22, 2021
इन टी गार्डन्स में काम करने वाले हमारे भाई-बहनों का जीवन आसान बने, ये भी हमारी सरकार की सर्वोच्च प्राथमिकताओं में से एक है: PM @narendramodi #UnnataAxom
