Mera Saansad
Search Search
Odia language

ଦିଲ୍ଲୀ, ନୋଏଡ଼ା ମଧ୍ୟରେ ନୂଆ ମେଟ୍ରୋ ଲିଙ୍କକୁ ଉଦ୍ଘାଟନ କଲେ ପ୍ରଧାନମନ୍ତ୍ରୀ

Published By : Admin | December 25, 2017 | 13:49 IST
We live in an era in which connectivity is all important: PM Modi
Governance cannot happen when the dominant thought process begins at 'Mera Kya' and ends at 'Mujhe Kya’: PM Modi
Atal Bihari Vajpayee Ji is the 'Bharat Marg Vidhata.' He has shown us the way towards development: PM Modi

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନୋଏଡ଼ା ଏବଂ ନୂଆଦିଲ୍ଲୀ ମଧ୍ୟରେ ଏକ ନୂଆ ମେଟ୍ରୋ ରେଳ ଲିଙ୍କକୁ ଉଦ୍ଘାଟନ କରିଛନ୍ତି । ଫଳକ ଉନ୍ମୋଚନ ସହ ସେ ମେଟ୍ରୋ ରେଳ ମାଜେଂଟା ଲାଇନର ଏକ ଭାଗକୁ ଉଦ୍ଘାଟନ କରିଥିଲେ । ମେଟ୍ରୋ ଲାଇନର ଉକ୍ତ ଅଂଶ ନୋଏଡାସ୍ଥିତ ବଟାନିକାଲ ଗାର୍ଡେନକୁ ଦକ୍ଷିଣ ଦିଲ୍ଲୀସ୍ଥିତ କାଲ୍କାଜୀ ମନ୍ଦିର ପର୍ଯ୍ୟନ୍ତ ଯୋଡ଼ିବ । ଏହି ଅବସରରେ ସେ ଏକ ସାଧାରଣ ସଭାରେ ଯୋଗ ଦେବା ନିମନ୍ତେ କାର୍ଯ୍ୟକ୍ରମ ସ୍ଥଳରେ ପହଁଚିବା ଲାଗି ମେଟ୍ରୋ ଟ୍ରେନରେ କିଛି ସମୟ ପର୍ଯ୍ୟନ୍ତ ଯାତ୍ରା ମଧ୍ୟ କରିଥିଲେ ।

ଏହି ସମୟରେ ପ୍ରଧାନମନ୍ତ୍ରୀ “ବଡ଼ଦିନ”ର ଶୁଭକାମନା ଜଣାଇଥିଲେ । ସେ ଏହା ମଧ୍ୟ କହିଥିଲେ ଯେ ଆଜି ହିଁ ଦୁଇ ଜଣ ‘ଭାରତ ରତ୍ନ’ ମଦନମୋହନ ମାଲବ୍ୟ ଏବଂ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଜନ୍ମ ଦିନ ।

ସେ କହିଥିଲେ ଯେ ଉତ୍ତର ପ୍ରଦେଶର ଜନସାଧାରଣଙ୍କ କାରଣରୁ ହିଁ ଦେଶକୁ ଏକ ମଜଭୁତ ଏବଂ ସ୍ଥିର ସରକାର ମିଳିପାରିଛି । ସେ ଏହା ମଧ୍ୟ କହିଥିଲେ ଯେ ଉତ୍ତର ପ୍ରଦେଶର ଲୋକମାନଙ୍କ ସ୍ନେହ ପାଇଁ ସେ ସବୁବେଳେ କୃତଜ୍ଞ ହୋଇ ରହିବେ ।

ସେ କହିଥିଲେ ଯେ ଆମେ ବର୍ତ୍ତମାନ ଏପରି ଏକ ଯୁଗରେ ରହୁଛୁ ଯେଉଁଥିରେ ଯୋଗାଯୋଗ ଅତ୍ୟନ୍ତ ଗୁରୁତ୍ୱ ବହନ କରୁଛି । ସେ କହିଥିଲେ ଯେ ମାତ୍ର କିଛି ସମୟ ପୂର୍ବରୁ ଯେଉଁ ମେଟ୍ରୋ ଲାଇନର ଉଦ୍ଘାଟନ କରାଗଲା ତାହା କେବଳ ବର୍ତ୍ତମାନ ପିଢ଼ି ପାଇଁ ନୁହେଁ, ବରଂ ପରବର୍ତ୍ତୀ ପିଢ଼ିକୁ ମଧ୍ୟ ସେବା ପ୍ରଦାନ କରିବ । ସେ କହିଥିଲେ, ଏମିତି ଏକ ପରିକଳ୍ପନା କରାଯାଇଛି ଯେ 2022ରେ ଯେତେବେଳେ ଆମେ ସ୍ୱାଧୀନତାର 75ବର୍ଷ ପୂରଣ କରିବା ସେତେବେଳକୁ ଆମେ ଏପରି ଏକ ଭାରତରେ ରହୁଥିବା ଯାହା ପେଟ୍ରୋଲ ଆମଦାନୀ ଉପରେ ଅପେକ୍ଷାକୃତ କମ ନିର୍ଭରଶୀଳ ହୋଇଥିବ । ସେ କହିଥିଲେ ଯେ ଏହି ସ୍ୱପ୍ନକୁ ସାକାର କରିବା ଲାଗି ଅତ୍ୟାଧୁନିକ ସାଧାରଣ ପରିବହନ ବ୍ୟବସ୍ଥା ସମୟର ଆବଶ୍ୟକତା । ଶ୍ରୀ ନରେନ୍ଦ୍ର ମୋଦୀ ଏ ବିଷୟରେ ମଧ୍ୟ ଉଲ୍ଲେଖ କରିଥିଲେ ଯେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଡିସେମ୍ବର 2002 ରେ ଦିଲ୍ଲୀ ମେଟ୍ରୋରେ ଯାତ୍ରା କରିଥିଲେ ଏବଂ ସେବେଠାରୁ ନେଇ ଆଜି ପର୍ଯ୍ୟନ୍ତ ଜାତୀୟ ରାଜଧାନୀ କ୍ଷେତ୍ରରେ ମେଟ୍ରୋ ନେଟୱାର୍କର ଯଥେଷ୍ଟ ବିସ୍ତାର ହୋଇଛି ।

ପ୍ରଧାନମନ୍ତ୍ରୀ ବିଶେଷ ଗୁରୁତ୍ୱ ଦେଇ କହିଲେ ଯେ ଯେପର୍ଯ୍ୟନ୍ତ “ମୋର କ’ଣ ଅଛି” ଏବଂ “ମୁଁ କାହିଁକି” ଚିନ୍ତାଧାରା ମନ ଓ ମସ୍ତିଷ୍କକୁ ପ୍ରଭାବିତ କରୁଥିବ, ସେପର୍ଯ୍ୟନ୍ତ ପ୍ରଭାବଶାଳୀ ପ୍ରଶାସନ ଯୋଗାଇ ଦେବା ସମ୍ଭବ ହେବ ନାହିଁ । ସେ କହିଥିଲେ ଯେ ଏ ପ୍ରକାରର ମାନସିକତା ଏବେ ବଦଳୁଛି । ସେ ଏହା ମଧ୍ୟ କହିଥିଲେ ଯେ କେନ୍ଦ୍ର ସରକାର ରାଜନୈତିକ ଫାଇଦା ପାଇଁ ନୁହେଁ, ବରଂ ଜାତୀୟ ହିତକୁ ଦୃଷ୍ଟିରେ ରଖି ନିଷ୍ପତ୍ତି ନିଅନ୍ତି ।

ପ୍ରଧାନମନ୍ତ୍ରୀ କହିଥିଲେ ଯେ ପୂର୍ବରୁ ଥିବା ସରକାର ନୂଆ ଆଇନ ତିଆରି କରିବାରେ ଗର୍ବ ଅନୁଭବ କରୁଥିଲା । କିନ୍ତୁ ବର୍ତ୍ତମାନର ସରକାର ଅପ୍ରାସଙ୍ଗିକ ଓ ଅଚଳ ଆଇନକୁ ମୂଳରୁ ସମାପ୍ତ କରିଦେବାକୁ ପ୍ରୟାସ କରୁଛନ୍ତି । ସେ କହିଥିଲେ ଯେ ପୁରୁଣା ହୋଇଯାଇଥିବା ଆଇନ ନିଷ୍ପତ୍ତି ନେବାରେ ବାଧକ ସାଜିଥାଏ । ତେଣୁ ଏପରି ଆଇନ ଜରିଆରେ ସୁଶାସନ ଦେବା ସମ୍ଭବପର ନୁହେଁ ।

ପ୍ରଧାନମନ୍ତ୍ରୀ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଶୁଭେଚ୍ଛା ଜଣାଇଥିଲେ ଏବଂ ସେ କହିଥିଲେ ଯେ ସୁଶାସନ ପ୍ରତି ତାଙ୍କର ବିଶେଷ ଗୁରୁତ୍ୱ ରାଜ୍ୟକୁ ଶୀର୍ଷରେ ପହଁଚାଇବ । ପ୍ରଧାନମନ୍ତ୍ରୀ ନୋଏଡ଼ା ଆସି ଏ ସହର ସହ ଜଡ଼ିତ ଅନ୍ଧବିଶ୍ୱାସକୁ ଶେଷ କରିବାର ଶ୍ରେୟ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଦେଇଥିଲେ । ପ୍ରଧାନମନ୍ତ୍ରୀ କହିଥିଲେ ଯେ ଯଦି କେହି ଏହା ଭାବିଥାଏ ଯେ କୌଣସି ସ୍ଥାନକୁ ନଯିବା ଦ୍ୱାରା ତାଙ୍କର ମୁଖ୍ୟମନ୍ତ୍ରୀ କାର୍ଯ୍ୟକାଳ ଦୀର୍ଘ ହୋଇଯିବ ଏବଂ କୌଣସି ସ୍ଥାନକୁ ଗଲେ ତାଙ୍କର କାର୍ଯ୍ୟକାଳ ଛୋଟ ହୋଇଯିବ, ତା’ହେଲେ ସେପରି ବ୍ୟକ୍ତି ମୁଖ୍ୟମନ୍ତ୍ରୀ ହେବାର ଯୋଗ୍ୟ ନୁହନ୍ତି ।

ପ୍ରଧାନମନ୍ତ୍ରୀ ରେଳବାଇର ମୌଳିକ ଭିତ୍ତିଭୂମି ସୁଧାର ଲାଗି କରାଯାଉଥିବା କାର୍ଯ୍ୟ, ସଡ଼କ ନେଟୱାର୍କର ବିସ୍ତାର ଏବଂ ନବୀକରଣଯୋଗ୍ୟ ଶକ୍ତି କ୍ଷେତ୍ରରେ ହୋଇଥିବା ପ୍ରଗତି ବିଷୟରେ ମଧ୍ୟ ଉଲ୍ଲେଖ କରିଥିଲେ । ସେ ଶ୍ରୀ ଅଟଳବିହାରୀ ବାଜପେୟୀଙ୍କୁ “ଭାରତ ମାର୍ଗ ବିଧାତା” ଭାବେ ଅଭିହିତ କରିଥିଲେ ଯେ ଏବଂ ଏଥିସହିତ କହିଥିଲେ ଯେ ଶ୍ରୀ ଅଟଳବିହାରୀ ବାଜପେୟୀ ଆମକୁ ବିକାଶର ମାର୍ଗ ଦେଖାଇଛନ୍ତି ।

ଏଥିପୂର୍ବରୁ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିଜ ଭାଷଣରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଉଚ୍ଚ ପ୍ରଶଂସା କରିଥିଲେ ଏବଂ କହିଥିଲେ ଯେ ପ୍ରଧାନମନ୍ତ୍ରୀ ଏ ଦେଶର ରାଜନୀତିକୁ ଏକ ନୂଆ ଅର୍ଥ ଏବଂ ଆଭିମୁଖ୍ୟ ପ୍ରଦାନ କରିଛନ୍ତି । ସେ ଏହା ମଧ୍ୟ କହିଥିଲେ ଯେ ଦେଶ ହିତ ପାଇଁ ପ୍ରଧାନମନ୍ତ୍ରୀ ସର୍ବଦା ବିକାଶର ମାର୍ଗରେ ଯିବାକୁ କହିଥାନ୍ତି ।

Click here to read the full text speech

Login or Register to add your comment
Explore More
ଶ୍ରୀରାମ ଜନ୍ମଭୂମି ମନ୍ଦିର ଧ୍ଵଜାରୋହଣ ସମାରୋହରେ ପ୍ରଧାନମନ୍ତ୍ରୀଙ୍କ ଅଭିଭାଷଣ

ଲୋକପ୍ରିୟ ଅଭିଭାଷଣ

ଶ୍ରୀରାମ ଜନ୍ମଭୂମି ମନ୍ଦିର ଧ୍ଵଜାରୋହଣ ସମାରୋହରେ ପ୍ରଧାନମନ୍ତ୍ରୀଙ୍କ ଅଭିଭାଷଣ
View All
India-UK FTA opens door for 88,000 Made-In-India green vehicles

Media Coverage

India-UK FTA opens door for 88,000 Made-In-India green vehicles
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister extends birthday greetings to President of India, Smt. Droupadi Murmu
June 20, 2026

The Prime Minister, Shri Narendra Modi has extended warm birthday greetings to the President of India, Smt. Droupadi Murmu.

The Prime Minister said that her journey, marked by courage, simplicity, humility and unwavering commitment to public service, continues to inspire people across the country.

Shri Modi noted that through her many years in public life, the President has served the nation in an outstanding manner and has been especially passionate about the wellbeing of the underprivileged and marginalised.

The Prime Minister stated that her steadfast dedication to India’s development is very motivating.

Shri Modi prayed for her long and healthy life in the service of the nation and said that he looks forward to meeting her later in the day at a programme in Odisha.

The Prime Minister wrote on X;

“Warm birthday greetings to the President of India, Smt. Droupadi Murmu Ji. Her journey, marked by courage, simplicity, humility and unwavering commitment to public service, continues to inspire people across the country.

Through her many years in public life, she has served the nation in an outstanding manner, especially passionate about the wellbeing of the underprivileged and marginalised. Her steadfast dedication to India’s development is very motivating.

May she be blessed with a long and healthy life in the service of the nation. I look forward to meeting her later today at the programme in Odisha.

@rashtrapatibhvn”