ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (୧୬.୦୨.୨୦୨୩) ବୃହତ ଜାତୀୟ ଜନଜାତି ମହୋତ୍ସବ ‘ଆଦି ମହୋତ୍ସବ’କୁ ଦିଲ୍ଲୀର ମେଜର ଧ୍ୟାନଚାନ୍ଦ ଜାତୀୟ ଷ୍ଟାଡିୟମରେ ଉଦଘାଟନ କରିଛନ୍ତି । ଜାତୀୟ ମଞ୍ଚରେ ଆଦିବାସୀ ସଂସ୍କୃତିର ପ୍ରଦର୍ଶନ ସହ ଏହାର ସଂସ୍କୃତି, ଚାରୁକଳା, ପାକ ପ୍ରସ୍ତୁତି ବାଣିଜ୍ୟ ଓ ପାରମ୍ପରିକ କଳା ସମ୍ପର୍କରେ ପ୍ରଚାର ପ୍ରସାର ହେଉଛି ‘ଆଦି ମହୋତ୍ସବ’ର ଲକ୍ଷ୍ୟ । ଆଦିବାସୀ ବ୍ୟାପାର ମନ୍ତ୍ରଣାଳୟ ଅନ୍ତର୍ଗତ ଆଦିବାସୀ ସମବାୟ ବିପ୍ପଣନ ବିକାଶ ମହାସଂଘ ଲିମିଟେଡ ପକ୍ଷରୁ ଏହ ପ୍ରତିବର୍ଷ ଆୟୋଜିତ ହେଉଛି ।
ଉଦଘାଟନ ସ୍ଥଳରେ ପହଞ୍ଚାଇବା ମାତ୍ରେ ପ୍ରଧାନମନ୍ତ୍ରୀ ଭଗବାନ ବିର୍ସା ମୁଣ୍ଡାଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହ ପ୍ରଦର୍ଶନସ୍ଥଳରେ ଥିବା ମଣ୍ଡପଗୁଡ଼ିକୁ ବୁଲି ଦେଖିଥିଲେ । ସମବେତ ଜନତାଙ୍କୁ ଉଦବୋଧନ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ସ୍ୱାଧୀନତାର ଅମୃତ କାଳରେ ‘ଆଦି ମହୋତ୍ସବ’ ଭାରତୀୟ ଆଦିବାସୀ ଐତିହ୍ୟର ଏକ ଭବ୍ୟ ଚିତ୍ର ପ୍ରଦାନ କରୁଛି । ପ୍ରଧାନମନ୍ତ୍ରୀ ମର୍ଯ୍ୟାଦାଜନକ ଭାରତୀୟ ଆଦିବାସୀ ସମାଜର ମଣ୍ଡପ ଉପରେ ଆଲୋକପାତ କରିବା ସହ ବିଭିନ୍ନ ରଙ୍ଗବେରଙ୍ଗ କାର୍ଯ୍ୟକ୍ରମ, ପରମ୍ପରା, ବେଶଭୂଷାର ମହକ, କଳା ଓ କଳାକୃତି, ସୁସ୍ୱାଦୁ ଖାଦ୍ୟ ଓ ସଂଗୀତ ଇତ୍ୟାଦି ଦେଖି ସନ୍ତୋଷ ପ୍ରକଟ କରିଥିଲେ । ‘ଆଦି ମହୋତ୍ସବ’ ବିବିଧତାର ଚିତ୍ର ପ୍ରଦାନ କରିବା ସହ ଭାରତବାସୀ କାନ୍ଧକୁ କାନ୍ଧ ମିଳାଇ ଛିଡ଼ା ହୋଇଥିବାର ମାଧୁର୍ଯ୍ୟ ପ୍ରକଟିତ ହେଉଛି ବୋଲି କହିଥିଲେ । “ଆଦି ମହୋତ୍ସବ ହେଉଛି ଏକ ଅନନ୍ତ ଆକାଶ, ଯେଉଁଠାରେ ଭାରତର ବିବିଧତା ଏକ ଇନ୍ଦ୍ରଧନୁର ରଙ୍ଗ ଭଳି ପ୍ରତିଭାତ ହେଉଛି” ବୋଲି ସେ ମନ୍ତବ୍ୟ ଦେଇଥିଲେ । ଯେପରି ଇନ୍ଦ୍ରଧନୁର ସମସ୍ତ ରଙ୍ଗ ଏକାଠି ଲାଗି ଲାଗି ଯାଆନ୍ତି ତାହାର ସାଦୃଶ୍ୟ ଦେଇ ପ୍ରଧାନମନ୍ତ୍ରୀ ଯେପରି ଅଖଣ୍ଡ ବିବିଧତା ଏକ ସୂତ୍ର ହୋଇ “ଏକ ଭାରତ ଶ୍ରେଷ୍ଠ ଭାରତ” ପରିଣତ ହୋଇଥାଏ ଓ ଭାରତ ସମଗ୍ର ବିଶ୍ୱକୁ ପଥ ପ୍ରଦର୍ଶନ କରିଥାଏ ବୋଲି କହିଥିଲେ । ଐତିହ୍ୟ ସହ ବିକାଶକୁ ଗୁରୁତ୍ୱ ଦେଇ ‘ଆଦି ମହୋତ୍ସବ’ ଭାରତରେ ବିବିଧତା ମଧ୍ୟରେ ଏକତାର ଶକ୍ତିକୁ ମଜବୁତ କରୁଛି ବୋଲି ସେ କହିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ ଏକବିଂଶ ଶତାବ୍ଦୀର ଭାରତ ‘ସବକା ସାଥ, ସବକା ବିକାଶ’ ମନ୍ତ୍ର ସହ ଆଗେଇ ଚାଲିଛି । ଯାହା ଆଗରୁ ଅଗମ୍ୟ ମନେ ହେଉଥିଲା ବର୍ତ୍ତମାନ ସରକାର ସେଠାରେ ପହଞ୍ଚô ଅଗମ୍ୟ ଓ ଅବହେଳିତ ଅଞ୍ଚଳକୁ ମୁଖ୍ୟଧାରା ମଧ୍ୟକୁ ଆଣୁଛନ୍ତି । ‘ଆଦି ମହୋତ୍ସବ’ ବର୍ତ୍ତମାନ ଦେଶରେ ଏକ ଆଂଦୋଳନର ରୂପ ନେଲାଣି ଓ ସେ ନିଜେ ମଧ୍ୟ ଅନେକଟିରେ ଅଂଶଗ୍ରହଣ କରିଛନ୍ତି। “ଆଦିବାସୀ ସମାଜ କଲ୍ୟାଣ ମୋର ଏକ ବ୍ୟକ୍ତିଗତ ଭାବାବେଗ ଓ ସମ୍ପର୍କ” ବୋଲି କହି ପ୍ରଧାନମନ୍ତ୍ରୀ ତାଙ୍କର ସମାଜସେବା କାଳରେ ସେ କିପରି ଆଦିବାସୀ ଗୋଷ୍ଠୀ ସହିତ ଅନ୍ତରଙ୍ଗ ଭାବେ ରଖିଥିଲେ ତାହାର ସ୍ମୃତିଚାରଣ କରିଥିଲେ । “ମୁଁ ଆପଣମାନଙ୍କ ପରମ୍ପରା ଓ ପ୍ରଥାକୁ ଖୁବ ନିକଟରୁ ଦେଖିଛି ଓ ସେମାନଙ୍କ ଠାରୁ ଶିଖିଛି ମଧ୍ୟ” ବୋଲି କହି ପ୍ରଧାନମନ୍ତ୍ରୀ କିପରି ଉମର ଗ୍ରାମରୁ ଅମ୍ବାଜୀ ପର୍ଯ୍ୟନ୍ତ ତାଙ୍କ ଜୀବନର ଗୁରୁତ୍ୱପୂର୍ଣ୍ଣ ବର୍ଷମାନ ଅତିବାହିତ କରିଛନ୍ତି ତା’ର ବର୍ଣ୍ଣନା କରିଥିଲେ ଓ ତାହା “ମୋତେ ଦେଶ ଓ ତାହାର ପରମ୍ପରା ଉପରେ ଅନେକ ଶିକ୍ଷା ଦେଇଛି” ବୋଲି କହିଥିଲେ ।
ଆଦିବାସୀ ଗୌରବଗାଥାକୁ ନେଇ ଦେଶ କିପରି ଅଦ୍ଭୁତପୂର୍ବ ଗର୍ବର ସହ ଆଗକୁ ବଢୁଛି ସେ ତାହା ଉପରେ ଗୁରୁତ୍ୱ ଆରୋପ କରିଥିଲେ । ବିଦେଶୀ ଅତିଥିମାନଙ୍କ ନିମନ୍ତେ ଆଦିବାସୀ ସାମଗ୍ରୀ ଉପାର ଖୁବ ଖ୍ୟାତି ଲାଭ କରିଛି । ଆଦିବାସୀ ପରମ୍ପରା ଭାରତୀୟ ଗର୍ବର ଏକ ଅବିଚ୍ଛେଦ୍ୟ ଅଙ୍ଗ ହେବା ସହ ଅଂଶ ଭାବେ ବୈଶ୍ୱିକ ସ୍ତରରେ ଆଦୃତ ହୋଇଛି । ଆଦିବାସୀ ଜୀବନଧାରାରେ ଭାରତ ବୈଦିକ ଉତ୍ତପ୍ତକରଣ ଓ ଜଳବାୟୁ ପରିବର୍ତ୍ତନ ସମାଧାନର ସୂତ୍ର ହେଇଛି । ସ୍ଥାୟୀ ଓ ନିରନ୍ତର ବିକାଶ ଦିଗରେ ଭାରତର ଆଦିବାସୀ ସମାଜ ଅନେକ ଅନୁପ୍ରାଣିତ ହେବା ସହ ଶିକ୍ଷା ଦେଇପାରିବ ବୋଲି ପ୍ରଧାନମନ୍ତ୍ରୀ ଗୁରୁତ୍ୱର ସହ କହିଥିଲେ ।
ଆଦିବାସୀମାନଙ୍କ ଦ୍ୱାରା ପ୍ରସ୍ତୁତ ସାମଗ୍ରୀଗୁଡ଼ିକ ଉପରେ ସରକାର ଗୁରୁତ୍ୱ ଦେଉଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ । ସେମାନଙ୍କ ଦ୍ୱାରା ପ୍ରସ୍ତୁତ ସାମଗ୍ରୀ ଅଧିକରୁ ଅଧିକ ବଜାରରେ ଉପଲବ୍ଧ ହେବା ଏହାର ସ୍ୱୀକୃତି ଓ ଚାହିଦା ମଧ୍ୟ ବୃଦ୍ଧି ପାଇବା ଉଚିତ । ବାଉଁଶର ଉଦାହରଣ ଦେଇ ସେ କହିଥିଲେ ପୂର୍ବ ସରକାର ଏହାର ଅମଳ ଓ ବ୍ୟବହାର ନିଷିଦ୍ଧ କରିଥିଲେ । ମାତ୍ର ବର୍ତ୍ତମାନ ସରକାର ଏହାକୁ ଘାସ ଶ୍ରେଣୀଯୁକ୍ତ କରିବା ସହ ଏହି ନିଷେଧାଦେଶ ଉଠାଇ ଦେଇଛନ୍ତି । ବନଧନ ମିଶନ ଉପରେ ଗୁରୁତ୍ୱଆରୋପ କରି ଶ୍ରୀ ମୋଦୀ କହିଥିଲେ ଯେ ବିଭିନ୍ନ ରାଜ୍ୟରେ ୩୦୦୦ରୁ ଅଧିକ ବନଧନ କେନ୍ଦ୍ର ସ୍ଥାପିତ ହୋଇଛି । ପ୍ରାୟ ୯୦ ପ୍ରକାର ମାମୁଲି ଜଙ୍ଗଲଜାତ ସାମଗ୍ରୀକୁ ନୁ୍ୟନତମ ସହାୟକ ମୂଲ୍ୟ (ଏମଏସପି) ପରିସର ମଧ୍ୟକୁ ଅଣାଯାଇଛି । ୨୦୧୪ ମସିହା ତୁଳନାରେ ସାତଗୁଣ ଅଧିକ । ସେହିପରି ସ୍ୱୟଂ ସହାୟକ ଗୋଷ୍ଠୀଗୁଡ଼ିକ ମଧ୍ୟ ଆଦିବାସୀ ସମାଜକୁ ସୁବିଧା ପ୍ରଦାନ କରୁଛନ୍ତି । ଦେଶରେ କାର୍ଯ୍ୟ କରୁଥିବା ୮୦ ଲକ୍ଷରୁ ଅଧିକ ସ୍ୱୟଂ ସହାୟକ ଗୋଷ୍ଠୀରେ ୧.୨୫ କୋଟି ଆଦିବାସୀ ସଦସ୍ୟ ରହିଛନ୍ତି ।
ଆଦିବାସୀ ଯୁବକଯୁବତୀଙ୍କୁ କଳା ଓ କୌଶଳ ବିକାଶ ଦିଗରେ ପ୍ରୋତ୍ସାହନ ସରକାର ଦେଇଛନ୍ତି । ଚଳିତ ବର୍ଷ ବଜେଟ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ପାରମ୍ପରିକ କାରିଗରମାନଙ୍କ ନିମନ୍ତେ ‘ପିଏମ ବିଶ୍ୱକର୍ମା’ ଯୋଜନା ପ୍ରବର୍ତ୍ତନ କରାଯାଇଛି ଯେଉଁଠି କୌଶଳ ବିକାଶ ଓ ବଜାର ସୁବିଧା ସାମଗ୍ରୀ ଉପଲବ୍ଧ କରାଇବା ସହ ଆର୍ଥିକ ସହାୟତା ମଧ୍ୟ ପ୍ରଦାନ କରାଯିବ।
“ଆଦିବାସୀ ପିଲା ଦେଶର ଯେକୌଣସି ପ୍ରାନ୍ତରେ ଥାଆନ୍ତୁ ନା କାହିଁକି ସେମାନଙ୍କ ଶିକ୍ଷା ଓ ଭବିଷ୍ୟତକୁ ପ୍ରାଥମିକତା ଦେଶ ହେଲା ମୋର କାର୍ଯ୍ୟ” ବୋଲି ପ୍ରଧାନମନ୍ତ୍ରୀ କହିଥିଲେ । ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ୨୦୦୪ରୁ ୨୦୧୪ ମଧ୍ୟରେ ୮୦ଟି ଥିବାବେଳେ ଏହା ୨୦୧୪ରୁ ୨୦୨୨ ମଧ୍ୟରେ ପାଞ୍ଚଗୁଣ ବୃଦ୍ଧି ପାଇ ୫୦୦ରେ ପହଞ୍ଚôଛି । ୪୦୦ରୁ ଅଧିକ ବିଦ୍ୟାଳୟରେ ଶିକ୍ଷାଦାନ ଆରମ୍ଭ ହୋଇଥିବାବେଳେ ସେଥିରେ ଏକଲକ୍ଷ ପିଲା ଅଧ୍ୟୟନ କରୁଛନ୍ତି । ଚଳିତବର୍ଷ ବଜେଟରେ ଏହିସବୁ ବିଦ୍ୟାଳୟ ନିମନ୍ତେ ୩୮ ହଜାର ଶିକ୍ଷକ ଓ ଆନୁସଙ୍ଗିକ କର୍ମଚାରୀ ନିଯୁକ୍ତି ପାଇଁ ଘୋଷଣା କରାଯାଇଛି । ଆଦିବାସୀ ବିଦ୍ୟାର୍ଥୀଙ୍କ ନିମନ୍ତେ ବୃତ୍ତି ପରିମାଣ ମଧ୍ୟ ଦ୍ୱିଗୁଣିତ କରାଯାଇଛି ।
ଆଦିବାସୀ ଯୁବା ଭାଷାଗତ ବାଧା ଯୋଗୁ ସମ୍ମୁଖୀନ ହେଉଥିବା ଦୁଃଖକଷ୍ଟ ଦେଖି ପ୍ରଧାନମନ୍ତ୍ରୀ ଶିକ୍ଷାନୀତି ଉପରେ ଆଲୋକପାତ କରିଥିଲେ ଯେଉଁଥିରେ ମାତୃଭାଷାର ଶିକ୍ଷାଲାଭ ପାଇଁ ବ୍ୟବସ୍ଥା ରହିଛି । “ଆମର ଆଦିବାସୀ ଶିଶୁ ଓ ଯୁବଗୋଷ୍ଠୀ ନିଜ ଭାଷାରେ ପାଠ ପଢ଼ିବା ସହ ଉନ୍ନତି କରିବା ଏକ ବାସ୍ତବକଳାରେ ପରିଣତ ହୋଇଛି” ବୋଲି ପ୍ରଧାନମନ୍ତ୍ରୀ କହିଥିଲେ ।
ସରକାର ଅବହେଳିତମାନଙ୍କ ବିକାଶ ପ୍ରତି ଅଧିକ ଧ୍ୟାନ ଦେଉଥିବା ଦୃଷ୍ଟିରୁ ଦେଶ ନୂତନ ଶିଖର ଛୁଇଁବା ଦିଗରେ ଅଗ୍ରସର ହେଉଛି ବୋଲି ପ୍ରଧାନମନ୍ତ୍ରୀ ଦୃଢ଼ୋକ୍ତି ପ୍ରକାଶ କରିଥିଲେ । ଯଦି ସବା ପଛରେ ଥିବା ବ୍ୟକ୍ତିକୁ ଦେଶ ଅଗ୍ରାଧିକାର ଦିଏ ତେବେ ପଥ ସ୍ୱୟଂ ଉନ୍ମୋଚିତ ହେବ ।
ପ୍ରଧାନମନ୍ତ୍ରୀ ଦେଶର ବିଭିନ୍ନ ଆକାଂକ୍ଷିତ ଜିଲ୍ଲା ଓ ବ୍ଲକର ଯୋଜନାର ଉଦାହରଣ ଦେଇଥିଲେ, ଯେଉଁଠାରେ ଅଧିକ ଜନଜାତିର ଲୋକ ବସବାସ କରୁଛନ୍ତି । “୨୦୧୪ ମସିହା ତୁଳନାରେ ଚଳିତ ବର୍ଷ ବଜେଟରେ ତଫିସିଲଭୁକ୍ତ ଉପଜାତିଙ୍କ ଖର୍ଚ୍ଚ ପାଞ୍ଚଗୁଣ ବୃଦ୍ଧିପାଇଛି” ବୋଲି କହି ପ୍ରଧାନମନ୍ତ୍ରୀ ଯେଉଁମାନେ ବିଚ୍ଛିନ୍ନତାବାଦର ଖାପଚାରେ ପଡ଼ି ଯାଇଥିଲେ ସେମାନେ ଇଣ୍ଟରନେଟ ଓ ଭିତ୍ତିଭୂମି ଯୋଗୁ ମୁଖ୍ୟଧାରା ସହ ଯୋଡ଼ି ହେଉଛନ୍ତି ବୋଲି କହିଥିଲେ। ଏହା ହେଉଛି ‘ସବକା ସାଥ, ସବକା ବିକାଶ, ସବକା ବିଶ୍ୱାସ ଓ ସବକା ପ୍ରୟାସ’ର ଧାରା ଓ ଏହା ଦେଶର ଦୂର ଦୂରାନ୍ତରେ ଥିବା ନାଗରିକମାନଙ୍କ ନିକଟରେ ପହଞ୍ଚôଛି । ଏହା ହେଉଛି ଆଦି ଓ ଅଧୁନିକତାର ସଂଗମର ସ୍ୱର ଓ ତାହାର ସୌଧ ଉପରେ ନୂତନ ଭାରତ ଦଣ୍ଡାୟମାନ ହେବ ।”
ଗତ ଆଠ-ନଅ ବର୍ଷ ମଧ୍ୟରେ ଆଦିବାସୀ ସମାଜର ଜୟଯାତ୍ରାର ସାକ୍ଷୀ ହେଉଛି ପରିବର୍ତ୍ତନ, ଯେଉଁଠି ଦେଶ ସମ୍ମାନ ଓ ସୌହାର୍ଦ୍ଦ୍ୟକୁ ପ୍ରାଥମିକତା ଦେଇଛି । ପ୍ରଥମ ଥର ପାଇଁ ସ୍ୱାଧୀନତାର ୭୫ ବର୍ଷ ମଧ୍ୟରେ ଦେଶର ନେତୃତ୍ୱ ଜଣେ ଜନଜାତି ମହିଳାଙ୍କ ହାତକୁ ଯାଇଛି ଓ ରାଷ୍ଟ୍ରପତି ପଦାସୀନ ହୋଇ ଭାରତକୁ ଗର୍ବିତ କରୁଛନ୍ତି । ପ୍ରଥମ ଥର ପାଇଁ ଆଦିବାସୀ ଇତିହାସର ତାହାର ଯଥାମାନ୍ୟ ସ୍ୱୀକୃତୀ ଲାଭ କରିଛି ବୋଲି ସେ କହିଥିଲେ ।
ଆଦିବାସୀ ସମାଜର ଦେଶର ସ୍ୱାଧୀନତା ସଗ୍ରାମ ପ୍ରତି ଅବଦାନର ଅବତାରଣା କରି ଦଶନ୍ଧି ଦଶନ୍ଧି ଧରି ସେମାନଙ୍କ ତ୍ୟାଗ ଓ ବୀରଗାଥା ଇତିହାସ ପୃଷ୍ଠା ମଣ୍ଡନ କରିନଥିବାରୁ ସେ ତାର ସମାଲୋଚନା କରିଥବଲେ । ଶେଷରେ ଦେଶ ଅମୃତ ମହୋତ୍ସବ କାଳରେ ଅତୀତରେ ବିସ୍ମୃତ ଓ ଅଧ୍ୟାୟକୁ ଲୋକଲୋଚନକୁ ଆଣିପାରିଛି ବୋଲି କହି ପ୍ରଧାନମନ୍ତ୍ରୀ “ପ୍ରଥମଥର ପାଇଁ ଦେଶ ଭଗବାନ ବିର୍ସା ମୁଣ୍ଡାଙ୍କ ଜନ୍ମବାର୍ଷିକୀକୁ ଜନଜାତୀୟ ଗୌରବ ଦିବସ ଭାବେ ପାଳନ କରିଛି” ବୋଲି କହିଥିଲେ । ରାଞ୍ଚôରେ ଭଗବାନ ବିର୍ସା ମୁଣ୍ଡାଙ୍କ ଉତ୍ସର୍ଗୀକୃତ ଆଦିବାସୀ ସ୍ୱାଧୀନତା ସଂଗ୍ରାମୀ ସଂଗ୍ରହାଳୟକୁ ସେ ଉଦଘାଟନ କରିବାର ସୁଯୋଗ ପାଇଥିଲି ଓ ଏପରି ସଂଗ୍ରହାଳୟ ଦେଶର ଅନ୍ୟାନ୍ୟ ସ୍ଥାନରେ ମଧ୍ୟ ନିର୍ମିତ ହେଉଛି ବୋଲି କହିଥିଲେ । ଏହା ପ୍ରଥମଥର ପାଇଁ ହେଉଥିଲେ ମଧ୍ୟ ଏହାର ପ୍ରଭାବ ଅନେକ ପିଢ଼ି ଧରି ରହିବ ଓ ଦେଶକୁ ଶହ ଶହ ବର୍ଷ ଧରି ପ୍ରେରଣା ଓ ଦିଗଦର୍ଶନ ଦେବ ।
ଆମକୁ ଆମର ଅତୀତକୁ ସୁରକ୍ଷା ଦେବାକୁ ହେବ । ବର୍ତ୍ତମାନ ଆମର କର୍ତ୍ତବ୍ୟନିଷ୍ଠାକୁ ଶିଖରରେ ପହଞ୍ଚାଇବାକୁ ପଡ଼ିବ ଓ ଆମର ସ୍ୱପ୍ନ ଭବିଷ୍ୟତରେ ଶକ୍ତିରେ ପରିଣତ ହେବ । ଆଦି ମହୋତ୍ସବ ଭଳି ସମାରୋହ ଆମର ସଂକଳ୍ପକୁ ସାକାର କରିବା ପାଇଁ ବଳିଷ୍ଠ ମାଧ୍ୟମ । ଏହି ଅଭିଯାନ ଜନ ଆଂଦୋଳନରେ ପରିଣତ କରିବା ଉପରେ ଗୁରୁତ୍ୱ ଆରୋପ କରି ବିଭିନ୍ନ ରାଜ୍ୟରେ ଏହା ଆୟୋଜନ କରିବାକୁ ସେ ଆହ୍ୱାନ ଦେଇଥିଲେ ।
ପ୍ରଧାନମନ୍ତ୍ରୀ ଏହି ବର୍ଷକୁ ଅନ୍ତର୍ଜାତୀୟ ମିଲେଟ ବର୍ଷ ଭାବେ ପାଳନ କରାଯାଉଥିବା ବେଳେ, ବଗଡ଼ା ଶସ୍ୟ ଶହ ଶହ ବର୍ଷ ଧରି ଜନଜାତିଙ୍କ ଖାଦ୍ୟ ହୋଇ ରହିଆସିଛି ବୋଲି କହିଥିଲେ । ଏଠାରେ ଚାଲିଥିବା ମହୋତ୍ସବରେ ଶ୍ରୀ ଅନ୍ନର ସୁବାସ ଓ ରୁଚି ଖାଦ୍ୟ ମଣ୍ଡପଗୁଡ଼ିକରେ ଥିବାରୁ ସେଥିରେ ସେ ଆନନ୍ଦ ପ୍ରକଟ କରିଥିଲେ । ଜନଜାତି ଅଞ୍ଚଳରେ ଖାଦ୍ୟ ସମ୍ପର୍କରେ ସଚେତନତା ବୃଦ୍ଧି କରି ପାରିଥିଲେ । ଏହା କେବଳ ସ୍ୱାସ୍ଥ୍ୟ ପ୍ରତି ହିତକାରକ ହେବ ନାହିଁ ବରଂ ଆଦିବାସୀ ଚାଷୀମାନଙ୍କ ଆୟ ବୃଦ୍ଧିରେ ମଧ୍ୟ ସହାୟକ ହେବ । ସମସ୍ତଙ୍କ ସହଯୋଗରେ ବିକଶିତ ଭାରତର ସ୍ୱପ୍ନ ବାସ୍ତବ ରୂପ ଦେବ ବୋଲି କହି ପ୍ରଧାନମନ୍ତ୍ରୀ ତାଙ୍କର ବକ୍ତବ୍ୟ ଶେଷ କରିଥିଲେ ।
କେନ୍ଦ୍ର ଆଦିବାସୀ ବ୍ୟପାର ମନ୍ତ୍ରୀ ଶ୍ରୀ ଅର୍ଜୁନ ମୁଣ୍ଡା, ରାଷ୍ଟ୍ରମନ୍ତ୍ରୀ ଶ୍ରୀମତୀ ରେଣୁକା ସିଂ ସୁରୁତ ଏବଂ ଶ୍ରୀ ବିଶେଶ୍ୱର ଟୁଡୁ, କେନ୍ଦ୍ର ଗ୍ରାମ ବିକାଶ ରାଷ୍ଟ୍ରମନ୍ତ୍ରୀ ଶ୍ରୀ ଫଗନ ସିଂ କୁଲାସ୍ତେ, କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ରାଷ୍ଟ୍ରମନ୍ତ୍ରୀ ଡକ୍ଟର ଭାରତୀ ପ୍ରବୀଣ ପାୱାର ଓ ଟ୍ରାଇଫେଡ ଅଧ୍ୟକ୍ଷ ରାମସିଂ ରାଥୱା ଏଥିରେ ଅନ୍ୟମାନଙ୍କ ମଧ୍ୟରେ ଉପସ୍ଥିତ ଥିଲେ ।
ପୃଷ୍ଠଭୂମି:
ପ୍ରଧାନମନ୍ତ୍ରୀ ଆଦିବାସୀମାନଙ୍କ କଲ୍ୟାଣ ପାଇଁ ପଦକ୍ଷେପ ନେବାରେ ଅଗ୍ରଣୀ ଭୂମିକା ଗ୍ରହଣ କରିବା ସହ ସେମାନଙ୍କ ଦେଶର ଅଭିବୃଦ୍ଧି ଓ ବିକାଶ ଦିଗରେ ଅବଦାନ ପ୍ରତି ମଧ୍ୟ ସମ୍ମାନ ପ୍ରଦର୍ଶନ କରାଯାଇଛି । ଜାତୀୟ ମଞ୍ଚରେ ଆଦିବାସୀ ସଂସ୍କୃତିକୁ ପରିଚିତ କରିବା ଉଦେଶ୍ୟରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦିଲ୍ଲୀର ମେଜର ଧ୍ୟାନଚାନ୍ଦ ଜାତୀୟ ଷ୍ଟାଡିୟମରେ ‘ଆଦି ମହୋତ୍ସବ’କୁ ଉଦଘାଟନ କରିଛନ୍ତି ।
ଆଦିବାସୀ ସଂସ୍କୃତି, ଚାରକୁଳା, ଖାଦ୍ୟ, ବାଣିଜ୍ୟ, ପାରମ୍ପରିକ କଳା ଇତ୍ୟାଦି ଆଦି ମହୋତ୍ସବ ଜରିଆରେ ଆଦିବାସୀ ମନ୍ତ୍ରଣାଳୟ ଅଧୀନସ୍ଥ ଆଦିବାସୀ ସମବାୟ ବିପଣନ ଉନ୍ନୟନ ମହାସଂଘ ଲିମିଟେଡ (ଟ୍ରାଇଫେଡ) ଏହାକୁ ଆୟୋଜନ କରୁଛି । ଦିଲ୍ଲୀର ମେଜର ଧ୍ୟାନଚାନ୍ଦ ଜାତୀୟ ଷ୍ଟାଡିୟମରେ ଏହା ଫେବ୍ରୁଆରୀ ୧୬ରୁ ୨୭ ମଧ୍ୟରେ ଆୟୋଜିତ ହେଉଛି ।
ଦେଶବ୍ୟାପୀ ଆଦିବାସୀ ସଂସ୍କୃତି ଓ ସମୃଦ୍ଧି, ଐତିହ୍ୟ ଓ ବିବିଧତା ଉପରେ ପ୍ରଦର୍ଶନ ସ୍ଥଳରେ ୨୦୦ରୁ ଅଧିକ ମଣ୍ଡପରେ କାର୍ଯ୍ୟକ୍ରମ ପ୍ରଦର୍ଶିତ ହେବ । ମହୋତ୍ସବରେ ପ୍ରାୟ ଏକ ହଜାର ଆଦିବାସୀ କଳାକାର ଅଂଶଗ୍ରହଣ କରିବେ । ୨୦୨୩ ମସିହା ଆନ୍ତର୍ଜାତିକ ମିଲେଟ ବର୍ଷ ଭାବେ ପାଳନ କରାଯାଇଥିବାରୁ ନିୟମିତ ହସ୍ତକଳା, ହସ୍ତତନ୍ତ, ମାଟିର ବାସନକୁସନ, ଅଳଙ୍କାର ଇତ୍ୟାଦି ସହ ଆଦିବାସୀମାନଙ୍କ ଦ୍ୱାରା ଉତ୍ପାଦିତ ଶ୍ରୀ ଅନ୍ନ ଉପରେ ମହୋତ୍ସବରେ ବିଶେଷ ଗୁରୁତ୍ୱ ଦିଆଯାଇଛି ।
आज़ादी के अमृत महोत्सव में आदि महोत्सव देश की आदि विरासत की भव्य प्रस्तुति कर रहा है। pic.twitter.com/s0iTaPkDxn
— PMO India (@PMOIndia) February 16, 2023
21वीं सदी का भारत, सबका साथ, सबका विकास के मंत्र पर चल रहा है। pic.twitter.com/LJYdDJmkwM
— PMO India (@PMOIndia) February 16, 2023
आदिवासी समाज को लेकर आज देश जिस गौरव के साथ आगे बढ़ रहा है, वैसा पहले कभी नहीं हुआ है। pic.twitter.com/Qho6BbDX4w
— PMO India (@PMOIndia) February 16, 2023
ट्राइबल प्रॉडक्ट्स ज्यादा से ज्यादा बाज़ार तक आयें, इनकी पहचान बढ़े, इनकी डिमांड बढ़े, सरकार इस दिशा में भी लगातार काम कर रही है। pic.twitter.com/pWhG6Jx8Pl
— PMO India (@PMOIndia) February 16, 2023
आज सरकार का जोर जनजातीय आर्ट्स को प्रमोट करने, जनजातीय युवाओं के स्किल को बढ़ाने पर भी है। pic.twitter.com/ZcwjX4tjC7
— PMO India (@PMOIndia) February 16, 2023
अब हमारे आदिवासी बच्चे, आदिवासी युवा अपनी भाषा में पढ़ सकेंगे, आगे बढ़ सकेंगे। pic.twitter.com/2eBQM6cUWP
— PMO India (@PMOIndia) February 16, 2023
देश जब आखिरी पायदान पर खड़े व्यक्ति को अपनी प्राथमिकता देता है, तो प्रगति के रास्ते अपने आप खुल जाते हैं। pic.twitter.com/VkNhTqFGXk
— PMO India (@PMOIndia) February 16, 2023
बीते 8-9 वर्षों में आदिवासी समाज की यात्रा इस बदलाव की साक्षी रही है कि, देश, कैसे समानता और समरसता को प्राथमिकता दे रहा है। pic.twitter.com/wMxSFtk4nt
— PMO India (@PMOIndia) February 16, 2023
पहली बार देश ने भगवान बिरसा मुंडा की जन्मजयंती पर जनजातीय गौरव दिवस मनाने की शुरुआत की है। pic.twitter.com/V8ytWMOuW2
— PMO India (@PMOIndia) February 16, 2023
