ଭାରତୀୟ ବାୟୁସେନାର ମାର୍ଶାଲ ଅର୍ଜନ ସିଂଙ୍କ ବିୟୋଗରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଗଭୀର ଶୋକ ବ୍ୟକ୍ତ କରିଛନ୍ତି ।
ନିଜ ଟ୍ୱିଟର ପୃଷ୍ଠାରେ ଏକାଧିକ ଟ୍ୱିଟ୍ କରି ପ୍ରଧାନମନ୍ତ୍ରୀ କହିଛନ୍ତି ଯେ ଭାରତୀୟ ବାୟୁ ସେନାର ଶକ୍ତି ବୃଦ୍ଧିରେ ମାର୍ଶାଲ ଅର୍ଜନ ସିଂହଙ୍କ ସମର୍ପିତ ପ୍ରୟାସ ଆମର ପ୍ରତିରକ୍ଷା ସାମର୍ଥ୍ୟକୁ ସୁଦୃଢ଼ କରିବାରେ ମହାନ ଯୋଗଦାନ ଦେଇଥିଲା । ତାଙ୍କୁ ଜଣେ ମହାନ ବାୟୁ ଯୋଦ୍ଧା ଏବଂ ଜଣେ ଭଲ ମଣିଷ ଭାବେ ଅଭିହିତ କରି ପ୍ରଧାନମନ୍ତ୍ରୀ ଅର୍ଜନ ସିଂହଙ୍କ ଶୋକସନ୍ତପ୍ତ ପରିବାରବର୍ଗ ଏବଂ ଏହି ଦୁଃଖଦ ଘଟଣାରେ ମର୍ମାହତ ଲୋକମାନଙ୍କ ପ୍ରତି ନିଜର ସମବେଦନା ପ୍ରକଟ କରିଛନ୍ତି ।
“ଭାରତୀୟ ବାୟୁସେନାର ମାର୍ଶାଲ ଅର୍ଜନ ସିଂହଙ୍କ ବିୟୋଗରେ ସାରା ଭାରତ ଶୋକାଭିଭୂତ ହୋଇପଡ଼ିଛି । ଦେଶ ପାଇଁ ତାଙ୍କର ଅସାଧାରଣ ସେବାକୁ ଆମେ ସ୍ମରଣ କରୁଛୁ ।
ଭାରତୀୟ ବାୟୁସେନାର ଶକ୍ତି ବୃଦ୍ଧିରେ ଆଇଏଏଫ୍ ର ମାର୍ଶାଲ୍ ଅର୍ଜନ ସିଂଙ୍କ ସମର୍ପିତ ପ୍ରୟାସ ଆମ ପ୍ରତିରକ୍ଷା ସାମର୍ଥ୍ୟକୁ ସୁଦୃଢ଼ କରିବାରେ ବହୁତ ବଡ ଯୋଗଦାନ ଦେଇଥିଲା ।
1965ରେ ଯେତେବେଳେ ଭାରତୀୟ ବାୟୁସେନା ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନ ଚାହୁଁଥିଲା, ଯେତେବେଳେ ଆଇଏଏଫ୍ ମାର୍ଶାଲ ଅର୍ଜନ ସିଂହଙ୍କ ଚମତ୍କାର ନେତୃତ୍ୱକୁ ସାରା ଭାରତ କେବେହେଲେ ଭୁଲିପାରିବ ନାହିଁ ।
କିଛି ଦିନ ପୂର୍ବେ ମୁଁ ତାଙ୍କୁ ଭେଟିଥିଲି । ଅସୁସ୍ଥତା ସତ୍ତ୍ୱେ, ମୁଁ ବାରଣ କରିଥିଲେ ମଧ୍ୟ ସେ ଉଠି ସାଲ୍ୟୁଟ କରିବା ପାଇଁ ପ୍ରୟାସ କରିଥିଲେ । ତାଙ୍କର ସୈନିକ ଶୃଙ୍ଖଳା ଏପରି ଥିଲା ।
ଏହି ମହାନ ବାୟୁ ଯୋଦ୍ଧା ଏବଂ ଉତ୍ତମ ମଣିଷ, ମାର୍ଶାଲ ଅର୍ଜନ ସିଂହଙ୍କ ଶୋକସନ୍ତପ୍ତ ପରିବାରବର୍ଗ ଏବଂ ତାଙ୍କ ବିୟୋଗରେ ମର୍ମାହତ ଲୋକମାନଙ୍କ ପ୍ରତି ମୁଁ ଗଭୀର ସମବେଦନା ପ୍ରକଟ କରୁଛି ।”, ବୋଲି ପ୍ରଧାନମନ୍ତ୍ରୀ କହିଛନ୍ତି ।
PM condoles the demise of Marshal of the Indian Air Force Arjan Singh
