ଭିଏତନାମର ପ୍ରତିରକ୍ଷାମନ୍ତ୍ରୀ ଜେନେରାଲ ଏନଗୋ ସୁଆଁ ଲିକ ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ।
ଆଲୋଚନା କାଳରେ ପ୍ରଧାନମନ୍ତ୍ରୀ ଗତ ସେପ୍ଟେମ୍ବର ୨୦୧୬ରେ ତାଙ୍କର ସଫଳ ଭିଏତନାମ ଗସ୍ତକୁ ସ୍ମରଣ କରିଥିଲେ । ଏହି ଗସ୍ତ ବେଳେ ଦ୍ଵିପାଖିକ ସମ୍ପର୍କ ସୁପରିକଳ୍ପିତ ରଣନୀତିକ ଭାଗିଦାରୀତାରେ ପରିଣତ ହୋଇଥିଲା । ପ୍ରଧାନମନ୍ତ୍ରୀ କହିଥିଲେ ଯେ, ଭାରତର “ଏକ୍ଟ ଇଷ୍ଟ” ନୀତିରେ ଭିଏତନାମ ଏକ ପ୍ରମୁଖ ସ୍ତମ୍ଭ ।
ଜେନେରାଲ ଏନଗୋ ସୁଆଁ ଲିକ ଦ୍ଵିପାଖିକ ପ୍ରତିରକ୍ଷା ସହଯୋଗ କ୍ଷେତ୍ରରେ ବର୍ତ୍ତମାନ ସୁଦ୍ଧା ଘଟିଥିବା ଅଗ୍ରଗତି ନେଇ ପ୍ରଧାନମନ୍ତ୍ରୀଙ୍କୁ ଅବଗତ କରାଇଥିଲେ । ପ୍ରଧାନମନ୍ତ୍ରୀ କହିଥିଲେ ଯେ, ପ୍ରତିରକ୍ଷା କ୍ଷେତ୍ରରେ ଭାରତ-ଭିଏତନାମ ମଧ୍ୟରେ ଦୀର୍ଘମିଆଦୀ ଓ ପାରସ୍ପରିକ ସ୍ଵାର୍ଥଜଡିତ ସମ୍ପର୍କ ରହିଛି ଏବଂ ଏହି ସଂପର୍କକୁ ଆହୁରି ସୁଦୃଢ କରିବାକୁ ଭାରତ ପ୍ରତିଶ୍ରୁତିବଦ୍ଧ ।
ଭାରତ ଓ ଭିଏତନାମ ମଧ୍ୟରେ ସବୁ କ୍ଷେତ୍ରରେ ନିବିଡ ସମ୍ପର୍କ ଓ ସହଯୋଗ ସମଗ୍ର ଅଞ୍ଚଳରେ ସ୍ଥିରତା, ସମୃଦ୍ଧି ଓ ନିରାପତ୍ତାକୁ ସୁନିଶ୍ଚିତ କରିବ ବୋଲି ପ୍ରଧାନମନ୍ତ୍ରୀ କହିଥିଲେ ।
