ସେୟାର
 
Comments
The person at Railway Station was Narendra Modi, The person in the Royal Palace in London is the 'Sevak' of 125 crore Indians: PM #BharatKiBaat
India is increasingly getting aspirational; days of incremental change are over: PM Modi #BharatKiBaat
When policies are clearly laid out and intentions are fair then with the existing system one can get desired results: PM Modi #BharatKiBaat
Mahatma Gandhi turned the struggle for independence into a mass movement. In the same way, development should now become a 'Jan Andolan': PM #BharatKiBaat
Democracy is not any contract or agreement, it is about participative governance: PM Modi #BharatKiBaat
Through surgical strike, our Jawans gave befitting reply to those who export terror: PM Modi #BharatKiBaat
We believe in peace. But we will not tolerate those who like to export terror. We will give back strong answers and in the language they understand. Terrorism will never be accepted: PM #BharatKiBaat
I am like any common citizen. And, I also have drawbacks like normal people do: PM Modi #BharatKiBaat
Hard work, honesty and the affection of 125 crore Indians are my assets: PM Narendra Modi #BharatKiBaat
We have a million problems but we also have a billion people to solve them: PM Modi #BharatKiBaat
Bhagwaan Basaweshwar remains an inspiration for us even today. He spent his entire life in uniting the society: PM #BharatKiBaat
We have left no stone unturned to bring about a positive change in the country: PM Modi #BharatKiBaat
We are ensuring farmer welfare. We want to double their incomes by 2022: PM Modi #BharatKiBaat
The 125 crore Indians are my family: Prime Minister Narendra Modi #BharatKiBaat
We live in a technology driven society today. In the era of artificial intelligence, we cannot refrain from embracing technology: PM Modi #BharatKiBaat
“Bharat Aankh Jhukaakar Ya Aankh Uthaakar Nahi Balki Aankh Milaakar Baat Karne Mein Vishwaas Karta Hai”: PM Narendra Modi #BharatKiBaat
Constructive criticism strengthens democracy: PM Modi #BharatKiBaat
Always remember our country, not Modi... I have no aim to be in history books: PM #BharatKiBaat

ଗ୍ରେଟ ବ୍ରିଟେନର ଲଣ୍ଡନଠାରେ ଅନୁଷ୍ଠିତ ଭାରତ କି ବାତ୍ ସବ୍ କେ ସାଥ୍ କାର୍ଯ୍ୟକ୍ରମରେ ବିଶ୍ୱର ଭିନ୍ନ ଭିନ୍ନ ସ୍ଥାନରୁ ଯୋଗ ଦେଇଥିବା ଜନତାଙ୍କ ସହ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭାବ ବିନିମୟ କରିଥିଲେ ।

ଅଂଶଗ୍ରହଣକାରୀମାନେ ପଚାରିଥିବା ବିଭିନ୍ନ ପ୍ରଶ୍ନର ଉତ୍ତର ମଧ୍ୟ ସେ ଦେଇଥିଲେ । ଅଂଶଗ୍ରହଣକାରୀଙ୍କ ସହ ତାଙ୍କ ଭାବ ବିନିମୟର ପ୍ରମୁଖ ଅଂଶ ନିମ୍ନରେ ଦିଆଗଲା;

ରେଳ ଷ୍ଟେସନ ହେଉଛି ମୋ ଜୀବନର ସ୍ୱର୍ଣ୍ଣିମ ପୃଷ୍ଠା, ଯାହାକି ମୋତେ ବଞ୍ଚିବା ଏବଂ ସଂଗ୍ରାମ କରିବା ଶିଖାଇଥିଲା ।

ରେଳ ଷ୍ଟେସନରେ ଥିବା ବ୍ୟକ୍ତି ଥିଲା ନରେନ୍ଦ୍ର ମୋଦୀ । ଲଣ୍ଡନର ରାଜପ୍ରାସାଦରେ ଏବେ ଉପସ୍ଥିତ ଥିବା ବ୍ୟକ୍ତି 125 କୋଟି ଭାରତୀୟଙ୍କ ସେବକ ।

ରେଳ ଷ୍ଟେସନରେ ମୋ ଜୀବନ ମୋତେ ବହୁତ କିଛି ଶିଖାଇଛି । ଏହା ମୋର ବ୍ୟକ୍ତିଗତ ସଂଗ୍ରାମର କଥା । ଯେତେବେଳେ ତୁମେ ରାଜପ୍ରାସାଦର କଥା କହିଲ, ଏହା ମୋ କଥା ନୁହେଁ, 125 କୋଟି ଭାରତୀୟଙ୍କ ବିଷୟରେ ।

‘ବେସବରୀ’ (ଅଧୈର୍ଯ୍ୟ) କିଛି ଖରାପ କଥା ନୁହେଁ । ଯଦି ଜଣେ ବ୍ୟକ୍ତିର ସାଇକେଲ ଅଛି, ସେ ସ୍କୁଟର ଚାହୁଁଛି । ଯଦି ଜଣେ ବ୍ୟକ୍ତିର ସ୍କୁଟର ଅଛି, ସେ କାର୍ ଚାହୁଁଛି । ଉଚ୍ଚାକାଂକ୍ଷା ଏକ ପ୍ରକୃତି । ଭାରତ ଧୀରେ ଧୀରେ ଅଧିକ ଉଚ୍ଚାକାଂକ୍ଷୀ ହେବାରେ ଲାଗିଛି ।

ଜୀବନରେ ଯେତେବେଳେ ସନ୍ତୋଷର ଭାବନା ଆସିଯିବ, ଜୀବନ ଆଉ ଆଗକୁ ବଢ଼ି ପାରେ ନାହିଁ । ପ୍ରତି ଜୀବନ, ପ୍ରତି ଯୁଗରେ କିଛି ନା କିଛି ନୂତନ ପାଇବାର ଲକ୍ଷ୍ୟ ନେଇ ଗତି କରିଥାଏ ।

ଆକାଂକ୍ଷୀ ହେବା ଜରୁରି । ମୁଁ ଖୁସି ଯେ, ଆଜି 125 କୋଟି ଲୋକଙ୍କ ମନରେ ଏକ ଆଶା, ସଂକଳ୍ପର ଭାବ ଅଛି ଏବଂ ସେମାନେ ମୋ ଠାରୁ କିଛି ଆଶା କରୁଛନ୍ତି ।

ଇତିହାସ ପୁସ୍ତକରେ ସ୍ଥାନ ପାଇବା ଆଶା ନେଇ ମୁଁ ଜନ୍ମି ନଥିଲି । ମୁଁ ସମସ୍ତଙ୍କ ଅନୁରୋଧ କରୁଛି ଆମ ଦେଶକୁ ମନେ ରଖିବାକୁ, ମୋଦୀକୁ ନୁହେଁ । ମୁଁ ତୁମ ସମସ୍ତଙ୍କ ଭଳି ଜଣେ, ଭାରତର ଜଣେ ସାଧାରଣ ନାଗରିକ ।

ହଁ ଲୋକମାନେ ଆମଠାରୁ ବହୁତ ଅଧିକ ଆଶା ରଖିଛନ୍ତି, କାରଣ ସେମାନେ ଜାଣନ୍ତି ଆମେ ତାହା କରିପାରିବୁ । ଲୋକମାନେ ଜାଣନ୍ତି, ଯେତେବେଳେ ସେମାନେ କିଛି କହିବେ, ସରକାର ତାହା ଶୁଣିବେ ଏବଂ କରିବେ ।

ଲୋକମାନେ ମୋ ଠାରୁ ଆଶା କରୁଛନ୍ତି କାରଣ ସେମାନେ ଜାଣନ୍ତି ମୁଁ ତାହା କରି ଦେଖାଇବି ।

ଅଧୈର୍ଯ୍ୟ ହେବା ମୋ ପାଇଁ ଏକ ଶକ୍ତି । ଆପଣ ଯେତେବେଳେ ସର୍ବଜନ ହିତାୟସର୍ବଜନ ସୁଖାୟ’ ସଂକଳ୍ପରେ ଆଗେଇ ଚାଲିବେ ନିରାଶାର ପ୍ରଶ୍ନ ଉଠିବ ନାହିଁ ।

ସେ ସମୟ ଏବଂ ଏବେକାର ସମୟ ମଧ୍ୟରେ ଆକାଶ ପାତାଳ ଫରକ । କାରଣ ଯେତେବେଳେ ନୀତି, ଉଦ୍ଦେଶ୍ୟ ଏବଂ ଲକ୍ଷ୍ୟ ସ୍ପଷ୍ଟ ତେବେ ଆପଣମାନେ ସେହି ବ୍ୟବସ୍ଥା ମଧ୍ୟରେ ଆକାଂକ୍ଷିତ ସଫଳତା ପାଇପାରିବେ ।

ସ୍ୱାଧୀନତା ସଂଗ୍ରାମ ସମୟରେ ମହାତ୍ମା ଗାନ୍ଧୀ କିଛି ଭିନ୍ନ ଧରଣର କାର୍ଯ୍ୟ କରିଥିଲେ । ସେ ସ୍ୱାଧୀନତା ସଂଗ୍ରାମକୁ ଏକ ଗଣ ସଂଗ୍ରାମରେ ପରିଣତ କରିଥିଲେ । ସେ ସମସ୍ତଙ୍କୁ କହିଥିଲେ ଯେ, ତୁମେ ଯାହାବି କରୁଛ ତାହା ଭାରତର ସ୍ୱାଧୀନତା ଲଢ଼େଇର ଅଂଶ ହେବ ।

ଆଜି ବିକାଶକୁ ଗଣ ଆନ୍ଦୋଳନରେ ପରିଣତ କରିବାର ସମୟ ଆସିଛି ।

ଅଂଶଗ୍ରାହୀ(Participatory) ଗଣତନ୍ତ୍ର ଉତ୍ତମ ପ୍ରଶାସନକୁ ସମ୍ଭବ କରିଥାଏ ।

ଲୋକତନ୍ତ୍ର ଏକ ଚୁକ୍ତିନାମା କି ବୁଝାମଣା ନୁହେଁ, ଏହା ଅଂଶଗ୍ରହଣ ବା ସହଯୋଗର କାମ   । ଜନତା ଜନାର୍ଦ୍ଦନଙ୍କ ଶକ୍ତି ବହୁତ ଏବଂ ଏହା ଉପରେ ଯେତେ ଭରସା କରିବେ, ସେତେ ଉତ୍ତମ ଫଳ ମିଳିପାରିବ ।

ଭାରତର ଇତିହାସକୁ ଲକ୍ଷ୍ୟ କରନ୍ତୁ, ଭାରତ କେବେ ଅନ୍ୟର ଅଞ୍ଚଳ ଦଖଲ କରିବାକୁ ଇଚ୍ଛା କରିନାହିଁ । ପ୍ରଥମ ଓ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଆମର କୌଣସି ଭୂମିକା ନଥିଲେ ମଧ୍ୟ ଆମ ସୈନ୍ୟମାନେ ଯୁଦ୍ଧରେ ଅଂଶ ଗ୍ରହଣ କରିଥିଲେ । ଏହା ଥିଲା ଏକ ବୃହତ ବଳିଦାନ । ଜାତିସଂଘ ଶାନ୍ତିରକ୍ଷା ବାହିନୀରେ ଆମର ଭୂମିକାକୁ ଦେଖନ୍ତୁ ।

ଆମେ ଶାନ୍ତିରେ ବିଶ୍ୱାସ କରୁ । ତେବେ ଆତଙ୍କବାଦ ରପ୍ତାନି କରୁଥିବା ଶକ୍ତିଙ୍କୁ ଆମେ କେବେ ବରଦାସ୍ତ କରିବୁ ନାହିଁ ।  ସେମାନେ ଯେଉଁ ଭାଷା ବୁଝନ୍ତି, ସେହି ଭାଷାରେ ଆମେ ଦୃଢ଼ ଉତ୍ତର ଦେବୁ । ଆତଙ୍କବାଦ କେବେ ବି ଗ୍ରହଣୀୟ ନୁହେଁ ।

ଯେଉଁମାନେ ଆତଙ୍କବାଦ ରପ୍ତାନି କରିବାକୁ ପସନ୍ଦ କରୁଛନ୍ତି, ମୁଁ ସେମାନଙ୍କୁ କହିବାକୁ ଚାହୁଁଛି ଯେ ଭାରତ ଏବେ ମତ ପରିବର୍ତ୍ତନ କରିଛି ଏବଂ ସେମାନଙ୍କ କାର୍ଯ୍ୟ ଗ୍ରହଣୀୟ ହୋଇପାରିବନି ।

ଦାରିଦ୍ୟ କ’ଣ ବୁଝିବାକୁ ମୋର ପୁସ୍ତକ ପଢ଼ିବା ଆବଶ୍ୟକ ନାହିଁ । ମୁଁ ଦାରିଦ୍ର୍ୟରେ ବଞ୍ଚିଛି, ଜାଣିଛି ଗରିବୀ କ’ଣ ଏବଂ ସମାଜର ପଛୁଆବର୍ଗରେ କେଉଁମାନେ ରହନ୍ତି । ମୁଁ ଗରିବ, ନିଷ୍ପେସିତ ଏବଂ ଅବହେଳିତଙ୍କ ପାଇଁ କାମ କରିବାକୁ ଇଚ୍ଛା କରୁଛି,

18 ହଜାର ଗ୍ରାମରେ ବିଜୁଳି ନାହିଁ । ଅନେକ ମହିଳାଙ୍କ ପାଇଁ ଶୌଚାଳୟ ଯିବାର ସୁବିଧା ନାହିଁ । ଆମ ଦେଶର ଏହି ବାସ୍ତବତା ମୋତେ ଶାନ୍ତିରେ ଶୁଆଇ ଦେଇନାହିଁ । ଭାରତର ଗରିବଙ୍କ ଜୀବନ ଧାରାରେ ଏକ ସକାରାତ୍ମକ ପରିବର୍ତ୍ତନ ପାଇଁ ମୁଁ ପ୍ରତିଜ୍ଞାବଦ୍ଧ ।

ମୁଁ ଯେ’କୌଣସି ସାଧାରଣ ନାଗରିକଙ୍କ ଭଳି ଜଣେ । ସାଧାରଣ ଲୋକଙ୍କ ଭଳି ମୋର ମଧ୍ୟ ତ୍ରୁଟି ରହିଛି ।

ମୋର ଶକ୍ତି- କଠୋର ପରିଶ୍ରମ, ପ୍ରାମାଣିକତା ଏବଂ 125 କୋଟି ଲୋକଙ୍କ ଭଲ ପାଇବା ।

ମୁଁ ଦେଶବାସୀଙ୍କ ଭରସା ଦେଇଥିଲି ଯେ, ଭୁଲ କରିପାରେ କିନ୍ତୁ ଖରାପ ଉଦ୍ଦେଶ୍ୟରେ କୌଣସି କାର୍ଯ୍ୟ କରିବି ନାହିଁ ।

ଆମର ଏକ ନିୟୁତ ସମସ୍ୟା ଥାଇପାରେ, କିନ୍ତୁ ଆମ ପାଖରେ ଏହାର ସମାଧାନ ପାଇଁ ଶହେ କୋଟି ଲୋକ ଅଛନ୍ତି ।

ଦେଶରେ କଲ୍ୟାଣ କେନ୍ଦ୍ର (ୱେଲନେସ୍ ସେଣ୍ଟର) ହେଉ କିମ୍ବା ପ୍ରତିଷେଧକ ସ୍ୱାସ୍ଥ୍ୟରକ୍ଷା (ପ୍ରିଭେଣ୍ଟିଭ୍ ହେଲଥକେର), ଆମେ ପ୍ରତ୍ୟେକ ଭାରତୀୟଙ୍କ ଉତ୍ତମ ସ୍ୱାସ୍ଥ୍ୟ ପାଇଁ କାର୍ଯ୍ୟ କରୁଛୁ ।

ଲଣ୍ଡନରେ ମୁଁ ଗୋଟିଏ କାମ କରିବାକୁ ଚାହୁଁଛି ତାହା ହେଲା – ଭଗବାନ ବାସବେଶ୍ୱରଙ୍କୁ ଶ୍ରଦ୍ଧାଞ୍ଜଳି ।

ଭଗବାନ ବାସବେଶ୍ୱର ଲୋକତନ୍ତ୍ର ପାଇଁ ନିଜର ପୁରା ଜୀବନ ବଳି ଦେଇଥିଲେ ଏବଂ ସମାଜକୁ ଯୋଡ଼ିବା ଦିଗରେ ଅଭୂତପୂର୍ବ କାମ କରିଥିଲେ ।

ଲୋକତନ୍ତ୍ର, ସାମାଜିକ ନ୍ୟାୟ ଏବଂ ନାରୀ ସଶକ୍ତିକରଣ ପାଇଁ ଭଗବାନ ବାସବେଶ୍ୱର କରିଥିବା ପ୍ରତ୍ୟେକ କାର୍ଯ୍ୟ ଆମ ପାଇଁ ପ୍ରେରଣାର ସ୍ରୋତ ।

ଆମେ ଏପରି ଏକ ଇକୋ-ସିଷ୍ଟମ ପ୍ରସ୍ତୁତ କରୁଛୁ ଯାହାକି ସମସ୍ତଙ୍କ ପାଇଁ ସୁବିଧା ଆଣିବ ।

ଆଜି ଆମେ କୃଷକ କଲ୍ୟାଣ ପାଇଁ ହେଉ କିମ୍ବା 2022 ସୁଦ୍ଧା କୃଷି ଆୟ ଦୁଇ ଗୁଣ କରିବା ଏବଂ ୟୁରିଆ ଉପଲବ୍ଧତା ସହଜ କରିବା କିମ୍ବା ୟୁରିଆର ନିମ କୋଟିଂ ହେଉ ପ୍ରତ୍ୟେକ ସ୍ତରରେ ନିଶ୍ଚିତ ଲକ୍ଷ୍ୟ ନେଇ ଆଗକୁ ବଢ଼ୁଛୁ ।

ଯେକୌଣସି ପରିମାପ(Parameter) ହେଉ, ଦେଶ ପାଇଁ ଭଲ କରିବା ଦିଗରେ ଆମେ କୌଣସି ହେଳା କରୁନାହୁଁ ।

ଭାରତର 125 କୋଟି ଲୋକ ମୋର ପରିବାର ।

ଆଜି ଆମେ କୃତ୍ରିମ ଧୀଶକ୍ତି (ଆର୍ଟିଫିସିଆଲ ଇଣ୍ଟେଲିଜେନ୍ସ) ଯୁଗରେ ଅଛୁ ଏବଂ ଟେକ୍ନୋଲଜିଠାରୁ ଆମେ ଅଲଗା ରହିପାରିବାନି ।

ଭାରତର ପ୍ରଧାନମନ୍ତ୍ରୀଙ୍କ ଇସ୍ରାଏଲ ଗସ୍ତରେ କ’ଣ ବାଧା ରହିଛି । ହଁ ମୁଁ ଇସ୍ରାଏଲ ଗସ୍ତରେ ଯିବି, ଏପରିକି ପାଲେଷ୍ଟାଇନ ଗସ୍ତରେ ମଧ୍ୟ । ସାଉଦିଆରବ ସହ ମୁଁ ସହଯୋଗ ବଢ଼ାଇବି ଏବଂ ଭାରତର ଶକ୍ତି କ୍ଷେତ୍ରର ଆବଶ୍ୟକତା ପାଇଁ ଇରାନ ସହ ସମ୍ପର୍କ ବୃଦ୍ଧି କରିବି ।

ଭାରତ ଆଖି ତଳକୁ କରି କିମ୍ବା ଆଖି ଉଠାଇ ନୁହେଁ ବରଂ ଆଖିକୁ ଆଖି ମିଳାଇ କଥା ହେବାରେ ବିଶ୍ୱାସ କରେ ।

ଗଠନମୂଳକ ସମାଲୋଚନା ବିନା ଗଣତନ୍ତ୍ର ସଫଳ ହୁଏ ନାହିଁ ।

ଏହି ସରକାରକୁ ସମାଲୋଚନା କରାଯାଉ ବୋଲି ମୁଁ ଚାହେଁ । ସମାଲୋଚନା ଗଣତନ୍ତ୍ରକୁ ଦୃଢ଼ କରିଥାଏ ।

ସମାଲୋଚନା ମୋର ସମସ୍ୟା ନୁହେଁ । କିନ୍ତୁ ସମାଲୋଚନା କରିବା ପାଇଁ ଜଣକୁ ପ୍ରସଙ୍ଗ ବୁଝିବାକୁ ଏବଂ ଠିକ୍ ତଥ୍ୟ ହାସଲ କରିବାକୁ ପଡ଼ିବ । କିନ୍ତୁ ଦୁଃଖର କଥା ଏବେ ତାହା ହେଉନାହିଁ । ବରଂ ଏବେ କେବଳ ଦୋଷାରୋପ କରାଯାଉଛି ।

ଇତିହାସରେ ନାମ ଲିପିବଦ୍ଧ କରିବା ମୋର ଲକ୍ଷ୍ୟ ନୁହେଁ । ମୋର 125 କୋଟି ଦେଶବାସୀ ଯାହା ମୁଁ ଠିକ୍ ସେମାନଙ୍କ ପରି ।

ଇତିହାସ ବହିରେ ସ୍ଥାନ ପାଇବା ଲକ୍ଷ୍ୟ ନେଇ ମୁଁ ଜନ୍ମିନାହିଁ । ମୁଁ ଆପଣ ସମସ୍ତଙ୍କୁ ଅନୁରୋଧ କରୁଛି- ଦେଶକୁ ମନେ ରଖିବାକୁ, ମୋଦୀକୁ ନୁହେଁ । ମୁଁ ଠିକ୍ ଆପଣମାନଙ୍କ ଭଳି ଏବଂ ଭାରତର ଜଣେ ସାଧାରଣ ନାଗରିକ ।

 

 

Click here to read full text speech

ଦାନ
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
Overjoyed by unanimous passage of Bill extending reservation for SCs, STs in legislatures: PM Modi

Media Coverage

Overjoyed by unanimous passage of Bill extending reservation for SCs, STs in legislatures: PM Modi
...

Nm on the go

Always be the first to hear from the PM. Get the App Now!
...
Citizenship (Amendment) Bill will alleviate the suffering of many who faced persecution for years: PM
December 11, 2019
ସେୟାର
 
Comments

Expressing happiness over passage of the Citizenship (Amendment) Bill, PM Narendra Modi said the Bill will alleviate the suffering of many who faced persecution for years.

Taking to Twitter, the PM said, "A landmark day for India and our nation’s ethos of compassion and brotherhood! Glad that the Citizenship (Amendment) Bill 2019 has been passed in the Rajya Sabha. Gratitude to all the MPs who voted in favour of the Bill."